الفرامل ... و كيفية التعامل معاها ...

[BLOODY_STONE]

السلام عليكم
عندي طلب صغير من كل الوحوش ... شوية اسئلة ... و ياريت اللي يعرف ميبخلش ...
1) فرامل اليد : الاحسن لما تقف ... تقفلها على قد ما تقدر ولا تكة او تكتين بس؟؟(مين الاحسن للتيل علما بأن العربية حتكون واقفة على ارض مستوية و مفيش ميلان)
2) في الفرملة العادية ... مين الاحسن (للتيل و الطنابير برضه) : الفرملة براحتك اوي ي ي ي و على مهلك ولا الفرملة السريعة ( يعني تهدي العربية اسرع ما يمكن بس بالراحة مش جامد يعني) على اساس ان الواحد مثلا يحاول يقلل مدة الاحتكاك بين التيل و الطنابير ؟ بس طبعا حتكون ضاغط اكتر علي الفرامل
3) يعني ايه رجلاش ؟ (التوكيل بيعمله و بتلاخظ ان الفرامل بقت اقوى و الهاند بريك تقيلة) ... وده يتعمل كل اد ايه؟
و شكرا

[BLOODY_STONE]

فين ال 16 مشاهدة؟

[mohamedkandel]

متابع باهتمام

[Ahmed Galal]

فرامل اليد بتستخدم لاخر مشوارها لان تكة او اتنين مش هايدوك تاثير قوى و هيا بتبقا احسن دايما بالذات فى المناطق المايلة عشان ما تحملش على الفتيس خصوصا المانيول
و رجلاشها بيتم بتحريك بكرة مشرشرة بسن مفك الطنبورة الخلفية بتحرك القباقيب بتاعت الفرامل عشان تقرب من الطنبورة و ده كل ما يحصل تاكل دورى فى القباقيب لغاية ما تقرب من نهاية عمرها و تتغير و بيخلى الفرامل احسن
الفرامل العادية الصح فيها العقل و عدم الهبد على الاقل عشان الناس ما تلبسش فيك لو هاتفرمل و ما تقفش مرة واحدة و لو عربية مانيوال يفضل الفرملة دايما و العربية على نقلة يعنى بدون دبرياج و ده عشان تحافظ على التيل و كمان تاخد قوة فرملة احسن عشان المكنة بتساعدك و هيا على الجير انك تقف و الاوتو بردك الفرامل تكون بالعقل و شوية بتاخد سنس الفرملة بتاعتك

[BLOODY_STONE]

طيب في حاجة ... انا في عادة اني دايما افصل التروس و اعمل العربية عالمور و انا بفرمل .. مش كده احسن للموتور؟

[Ahmed Galal]

طيب في حاجة ... انا في عادة اني دايما افصل التروس و اعمل العربية عالمور و انا بفرمل .. مش كده احسن للموتور؟

انت كده هاتاخد مسافة توقف اطول يعنى اللى بتعمله مش كويس و بالذات على السرعات و ان شاء الله على حد علمى مالهاش دعوة الفرملة على النقلة بالتاثير على الموتور يعنى ما تقلقش

[BLOODY_STONE]

لا على السرعات من اول 60 بفرمل و انا موصل الجير بس القصد عالتالت او التاني ؟

[BLOODY_STONE]

و بالنسبة للهاند .. في ناس تقولك لما تقفل عالاخر احسن للتيل و ناس تقولك لا اقفل تكة او اتنين
مين بقى احسن لأن التيل اللي ورة بيكون حدوة و طنبورة مش زي اللي قدام؟.

[Ahmed Galal]

لا على السرعات من اول 60 بفرمل و انا موصل الجير بس القصد عالتالت او التاني ؟

انا دلوقتى بالممارسة باقدر اعملها على كل النقلات و حتى لو انا داخل اشارة بدنى ماسك فرامل بون تموير لحد ما يبقا بينى و بين اللى قدامى مسافة عربية كاملة تقريبا بامور و الطريقة ديه لا اثرت معايا فى المكنة فى اى شىء بالعكس الفرامل عمرها بيطول و بتقعد بكفاءة عالية مدة كويسة لانك كده بتخفف الحمل عليها غير بقا ان توقفك بيكون احسن بكتير من الدبريج مع الفرامل

[Ahmed Galal]

و بالنسبة للهاند .. في ناس تقولك لما تقفل عالاخر احسن للتيل و ناس تقولك لا اقفل تكة او اتنين
مين بقى احسن لأن التيل اللي ورة بيكون حدوة و طنبورة مش زي اللي قدام؟.

بردك استخدمها على الاخر و ما تخافش لان باى حال العربية واقفة و عمر ما التيل هايتاكل و هيا واقفة التيل بيتاكل بالاحتكاك مع الطنبورة و على سرعة فخد احسن اداء من فرامل اليد بسحبها للاخر و ما تسمعش كلام تكة و تكتين ده و الله اعلم

[atef_sh]

[gdwl]3) يعني ايه رجلاش ؟ (التوكيل بيعمله و بتلاخظ ان الفرامل بقت اقوى و الهاند بريك تقيلة) ... وده يتعمل كل اد ايه؟[/gdwl]

التيل الخلفي يمكن ضبط المسافة بينه و بين الطنبوره ( و هذا يسمى الريجلاش ) بحيث يتحكم في مقدار القوه المطلوبه لإيقاف العجل الخلفي
بمعنى أنه كلما كانت المسافة بين التيل و الطنبورة أقل كلما كانت قوة الفرامل على العجلة الخلفية أشد و بالتالي فإن قوة فرامل اليد تكون أشد و تحتاج لعدد أقل من التكات لإيقاف السيارة (في حالة الثبات) على أي منحدر
و يكون التيل الخلفي له موضعين تثبيت ( لكل نصف تيل ) موضع ثابت و موضع متحرك و هذا الموضع المتحرك يتحرك على جزء مسنن مثل الترس و تغيير موضع الجزء المتحرك قرباً او بعداً عن الطنبوره يسمى " ريجلاش "
و يتم ضبط هذا الريجلاش كلما قلت قوة الفرامل و ذلك بسبب تأكل التيل و تشعر بذلك بأن عدد التكتات المطلوبة (لثبات السيارة في موضع السكون ) في فرامل اليد زادت .
و يتم ضبط المسافة بين التيل و الطنبورة بحيث أنه لا يحدث إحتكاك بينهم في حالة عدم الضغط على الفرامل و ذلك حتى لا يحدث تأكل للتيل و بط السيارة قي السحب و زيادة سخونة العجل الخلفي
بالإضافة إلى أنه يمكن ضبط شدة سلك فرامل اليد (مثل ضبط فرامل الدراجة).
و يكنك إيجاد تفاصيل أكثر في هذا الموضوع

http://rb-kwin.bosch.com/us/pool/usa/pdfs/Park_Brake_Service_Manual.pdf

[dode2002]

انا بسوق من عشرين سنه وبسوق وبس ومبخدش بالي من الكلام ده زي متكون القياده اصبحت شئ مرتبط بعقلي من غير تفكيير في التفاصيل يعني هل لو الواحد عاوز يهرش في ظهره هيقول ارفع ذراعي الايمن واقوم بتوجيه اليد الي المكان المطلوب ومن ثم تحريك الاصابع ذهابا وايابا علي المكان المطلوب
ولا بتهرش علي طول ---------- اهو القياده معايه زي كده بهرش علطول

[Mahmoud Mosaad]

انا بسوق من عشرين سنه وبسوق وبس ومبخدش بالي من الكلام ده زي متكون القياده اصبحت شئ مرتبط بعقلي من غير تفكيير في التفاصيل يعني هل لو الواحد عاوز يهرش في ظهره هيقول ارفع ذراعي الايمن واقوم بتوجيه اليد الي المكان المطلوب ومن ثم تحريك الاصابع ذهابا وايابا علي المكان المطلوب
ولا بتهرش علي طول ---------- اهو القياده معايه زي كده بهرش علطول

LOOOOOOOOOOOOOOOOOOOOOOOOOOOOL

[kehso]

انا بسوق من عشرين سنه وبسوق وبس ومبخدش بالي من الكلام ده زي متكون القياده اصبحت شئ مرتبط بعقلي من غير تفكيير في التفاصيل يعني هل لو الواحد عاوز يهرش في ظهره هيقول ارفع ذراعي الايمن واقوم بتوجيه اليد الي المكان المطلوب ومن ثم تحريك الاصابع ذهابا وايابا علي المكان المطلوب
ولا بتهرش علي طول ---------- اهو القياده معايه زي كده بهرش علطول

looooooooooooooooooooooooooooooooooooooooooolll

[charming]

انا دلوقتى بالممارسة باقدر اعملها على كل النقلات و حتى لو انا داخل اشارة بدنى ماسك فرامل بون تموير لحد ما يبقا بينى و بين اللى قدامى مسافة عربية كاملة تقريبا بامور و الطريقة ديه لا اثرت معايا فى المكنة فى اى شىء بالعكس الفرامل عمرها بيطول و بتقعد بكفاءة عالية مدة كويسة لانك كده بتخفف الحمل عليها غير بقا ان توقفك بيكون احسن بكتير من الدبريج مع الفرامل

كلام تمام