وداعا للياريس للابد!!

[mohamedkandel]

العربيات مش يالشكل ولا الحجم ولا الكماليات فيه ماهو اهم لكي تخنار بيه العربيه ( علي سبيل المثال لا الحصر :الديمومه (قوة الاحنمال) ,قطع غيارها معمره ولا لا , خدمة مابعد البيع )

[alisleman]

دى السيراتو تكسب

[Ahmed Galal]

ما فيش فايدة فى تسعير تويوتا مصر لعربياتها انا نفسى افهم جايبين مين يشتغلهم فى التسويق امال لو حبوا يبيعوا لكزس هانشوف النجوم فى عز الضهر و لا ايه

[m_mekkawy]

والله ياجماعة كنت فى تويوتا ايجبت 2007 وسألت عليها كانت 76000 لكن الدنيا دى صغيرة

[amrseba]

فرق السعر بين اليارس والكورولا في السعودية لا يتعدى 10000 ريال يعني تقريبا 15000 جنيه
يعني مثلا اليارس الفاضية 45000 والكورولا الفاضية 55000 وهكذا . فالطبيعي ان يكون سعرهم متقارب.

في مصر تويوتا سعرها مبالغ فيه بشكل كبير جدا. يعني ازاي تكون الكامري ب 650000 والأكورد ب 440000 والأكورد بره أصلا أغلى من الكامري بكتير ؟؟!!!!!!!!!!!!!!!!

يا باشا انت عارف الكامرى فى السعوديه بتمن السيراتو عندنا والكامرى ديه زى الفيرنا كده عندنا واحنا لو شوفنها فى الشارع بنتهبل عليها انا بفكر اروح السعوديه ديه الكورولا بتمن لانوس والفيرنا

[egypt0777]

العربيات مش يالشكل ولا الحجم ولا الكماليات فيه ماهو اهم لكي تخنار بيه العربيه ( علي سبيل المثال لا الحصر :الديمومه (قوة الاحنمال) ,قطع غيارها معمره ولا لا , خدمة مابعد البيع )

ديمومة ايه و سبوبة ايه بس

احنا فى مصر بنشترى العربية سعرهل فى 2

[Khalid_Mostafa]

ديمومة ايه و سبوبة ايه بس

احنا فى مصر بنشترى العربية سعرهل فى 2

مهي دي المشكله...اننا برضه بنشتري علي الرغم من اننا بنشتكي

[sa3dawy]

مفيش فايدة كلام وخلاص بدون ادلة ووقائع

يا جماعة قبل ما نقول دا غالى ودا رخيص ودا بيبالغ ودا بيسرق لازم نتحرى اولا كويس مدى صحة كلامنا

انا رديت بالتفصيل فى موضوع تانى


بس لاحظت هنا مبالغة فظيعة من صاحب الموضوع
وداعا ياريس !!!

انا افتكرت قصده ان انتاجها وقف !!!

اولا العربية سعرها طبيعى جدا جدا بالمقارنة بفئتها
وابسط حاجة السيتى كمثال .

وانا عندى الياريس تكسب السيتى
وفى ناس تانية بتفضل السيتى

بغض النظر العربية بره 1500 سيدان اوتوماتيك بسبويلر وعتب وجنوط 15 وفرش جلد وفوجات سعرها حوالى 17 الف دولار يعنى داخله فى 140 الف جنيه بعد اضافة الجمارك .

فا العربية سعرها طبيعى جدا ومنطقى وعادل وهى تستاهل صراحة والى مش عارف هى تستاهل ليه يجرب يسوقها ويشوف الموتور ال 1500 عليها عامل ازاى .


احنا طول عمرنا بنتعامل مع تويوتا من اول الكامرى 94 لحد 2003
بعد كده نقلنا للكورولا لان الموديل دا كان مميز ايامها وكان ال 1800 منه خرافة طبعا دا فى السعودية
وفى الاخر هنا لما حبيت اشترى عربية ليا
كانت حدودى من 100 ال 105 مثلا فلم اجد افضل من الياريس

والحقيقة العربية ابهرتنى با اداءها ونعومتها وقدرتها العالية جدا على المناورات فى اضيق الحدود وهو دا بالتحديد سبب عشقى للعربية دى دا غير الباور الخرافى بتاعها والسحب الممتاز جدا بالنسبة ل 1300 اوتو .

انا بعتبرها من افضل ما اقدمته تويوتا على مدار تاريخها
والعربية نجحت جدا فى العالم كله فى اوروبا واميركا واستراليا وخدت تقييمات ممتازة جدا رغم ارتفاع سعرها نسبيا وان كان يعتبر سعرها عادل مفقارنة بالمنافسين زى السويفت والفييستا والجراند بونتو والفيات 500 والبيجو 207 والسيتى والكورسا والبولو والابيزا الخ الخ .

الى بيلخبط المقارنة هو ان احنا ندخل عربيات كورى وماليزى وصينى فى الموضوع

طبيعى احنا عارفين من زمان ان الكورى والصينى بيديك كماليات واوبشنز وطول وعرض بسعر معقول دا يعنى مش جديد عليهم وانا مش بقول انهم وحشين بس كل حاجة وليها زبونها .

انا من الزباين الى بهتم جدا بدولة الصناعة يهمنى مصنوعة فين
وبحب العربية تكون صغيرة ومش بحب الاحجام الكبيرة طبعا لو عائلة دا يبقى وضع تانى .

120 الف انا لو على هكون محتار بين الياريس وبين الفيستا
بس لو البولو الجديدة نزلت وبالسعر دا تكسب واشتريها وانا مغمض

الفئة دى من العربيات قيادتها ممتعة جدا ومثالية حقيقى لطرق مصر المزدحمة .
والى بيحب الغرز ويحب يطلع من اضيق المواقف هيقدر كويس قيمة العربيات دى

عقبال لما تتحقق امنيتى واركب المينى كوبر ال 175 حصان او 210 حصان
دى بالنسبالى بجد عربية مثالية .

مشكلة المشترى المصرى (فى الغالب ) عاوز عربية تملى العين زى ما يكون بيشترى صاج .

عشان كده نلاقى اى عربية صغيرة او تصميمها غريب تلاقيها مغضوب عليها .

ولولا ان الياريس تويوتا وتعتبر مؤسسة على الكورولا الشكل الى فات مكنش اتكتب ليها النجاح دا كله فى مصر .


بس انا صراحة مع ان التوكيل ينزل ال 1.3 تانى بسعره المعتاد عشان ميخسرش مبيعات كتير
وكمان يبقى فى ال 1500 للى يفهمها

برده السيتى كان المفروض ينزلوا 1300 زى السيتى الى فاتت


بس عموما السيراتو كلت الجو خالص
والكروز كمان دخلت المعمعة

والعربيتين صراحة تحفة وممتازين خصوصا الكروز وسعرهم رخيص بالنسبة لحجمهم وللكماليات الى فيهم .

قال وداعا الى الابد !!!!

[sa3dawy]

فرق السعر بين اليارس والكورولا في السعودية لا يتعدى 10000 ريال يعني تقريبا 15000 جنيه
يعني مثلا اليارس الفاضية 45000 والكورولا الفاضية 55000 وهكذا . فالطبيعي ان يكون سعرهم متقارب.

في مصر تويوتا سعرها مبالغ فيه بشكل كبير جدا. يعني ازاي تكون الكامري ب 650000 والأكورد ب 440000 والأكورد بره أصلا أغلى من الكامري بكتير ؟؟!!!!!!!!!!!!!!!!

كلام منطقى وياريت الناس تفهم بقى ان المشكلة مش مشكلة تويوتا

الياريس فى العالم كله سعرها مش رخيص زى ما الناس متصورة

العربيات كلها غليت اساسا
والعربيات الصغيرة معدتش رخيصة لانها بجد اتطورت جدا

وسعر الياريس بره فى اوروبا وامريكا لما تحوله للمصرى وتضيف الجمارك بالنسبة ل 1500 تقدر تجيبها من اول 120 لحد 150 لو عاوز حسب الاوبشنز .

[sa3dawy]

العربيات مش يالشكل ولا الحجم ولا الكماليات فيه ماهو اهم لكي تخنار بيه العربيه ( علي سبيل المثال لا الحصر :الديمومه (قوة الاحنمال) ,قطع غيارها معمره ولا لا , خدمة مابعد البيع )

مظبوط ياباشا

الناس متصورين ان العربية لما تكون صغيرة تبقى وحشة .

عندك الفيات 500 جرب تركبها وتسوقها وشوف هتقول فيها ايه
كانك راكب مينى كوبر

عربية صغيرة جدا وكوبيه و 1400 سىسى وثمنها 144 الف .

وعموما بقول للمرة المليون ههههههه العربيات الصغيرة كلها سعرها ارتفع وغالى مش الياريس بس .
وتويوتا مش بتبالغ ولا حاجة لان هو دا سعر السيارة فى العالم كله
بالعكس تويوتا شالت كماليات عشان ترخصها .

لان الياريس لو فيها كماليات السيراتو مثلا هتبقى اغلى ب 10 الاف جنيه على الاقل

متستغربش لان الياريس بره بثمن السيراتو ال 2000 سىسى!!!.

[egypt0777]

يا جماعة

كل ما بتوع التوكيل يشوفوا كلامكم يفتكروا ان احنا مبسوطين و هما بيتسرقوا و متكيفين اوى

ارجو من المدافعين هن الاسعار --- يروح يبص فى لبيا على اسعار العربيات بلاش السعودية

و يجى يقلنا ايه الاخبار هناك

احنا بنتسرق عينى عينك ----

فوقوا بقه

[zakiali]

يعنى هى جت على الياريس ماهو تسعير كل فئات التويوتا فى مصر مبالغ فية جدا وشوف الكورولا ولا الافنسيس اللى سعرها يضحك

ولا توتوتا كامري !!!!!!!!!!! بجد توكيل حرامي

[د.محمود صلاح]

دي مصلحة كبيرة لللي ناويين يبيعوا ياريس مستعملة

[akmal_hamdi]

فى مفاجأه تانيه انها تجميع مصنع تيويوتا فى الصين و الخبر على مسؤليتى

[sa3dawy]

يا جماعة ارجوكم تفكروا بموضوعية مش بمشاعركم
انا مقدر ان الاسعار حقيقى خنقتنا كلنا
وكلنا نفسنا نركب العربيات بسعرها الحقيقى
بس نعمل ايه فى الجمارك وضريبة المبيعات !!!!

السعودية والا ليبيا مفيش جمارك
والمستعمل هناك اسعارة تجنن وانا كنت عايش هناك وعارف

التوكيلات مش هى سبب المشكلة

انا متابع من زمان اى سعر عربية بتنزل جديدة
وببحث عنها فى اوروبا واميركا وبحث سعرها

وحقيقى عربية تويوتا الياريس او الكورولا سعرها كده طبيعى بعد اضافة ال 60 فى المية جمارك

وعلى فكرة الياريس لو نزلوها كاملة يعنى بجنوط وسبويلر وكاست بيلت ان وفرش جلد هتعدى ال 130 الف
والكورولا بتوصل ل 160 واكثر دى الكاملة .

ايه الغريب فى دا !!!!!

الهوندا سيتى ب 127 الف وتجميع تايلندى مش يابانى .
والعربية فقيرة جدا .
بس هى كمتور فظيعة اجمد من السيفيك فى الشد والجرى .

اذا كانت الانسر بوما الى هى عربية انقرضت من زمان فى العالم كله وتكنولوجى قديمة
بتوصل ل 130 الف .


العيب الوحيد الى ممكن ناخده على التوكيلات انهم مش منزلين فئات مختلفة زى التوكيلات الكورى

يعنى كان ممكن يبقى فى ياريس من اول 90 الف لحد 130 الف والمشترى يختار
ونفس الكلام بالنسبة للهوندا سيتى وغيره وغيره .


انا ملاحظ ان سبب اعتراضكم الرئيسى هو انكم بتقارنوا العربيات اليابانى والاوروبى بالعربيات الكورى
والسيراتو والكروز هى سبب غضبكم الرئيسى من سعر الياريس

لو شفتم السوق فى العالم كله هتلاقوا ان الياريس ال 1500 بثمن السيراتو 2000 سى سى وكمان السيراتوا فيها اوبشنز وكماليات اكثر .

هى مسالة ازواق وكل واحد حسب دماغه

انا مثلا ادفع 120 الف فى ياريس او سيتى او كورسا او فيات 500
وصراحة مش هفكر خالص فى الكورى .

دا مش معناه ان الكورى سىء او ان الى بيشتريه مش بيفهم
دى حرية شخصية وفى النهاية العربيات الجديدة كلها تقريبا كويسة وكل واحد بقى حسب احتياجاته وطريقة واسلوب قيادته .

والياريس فى النهاية فى كل التقييمات واخدة تقييمات عالية جدا وناجحة جدا فى العالم كله رغم ان سعرها غالى ورغم ان بنفس سعرها تقدر تجيب عربيات كورى 2000 سىسى وكماليات اكثر . اسالوا نفسكم ليه ؟؟


يعنى بزمتكم السيفيك الى 189 الف دا سعر عادل ؟؟؟؟

بلاش نتجنى على موديل معين وخلاص .