وداعا للياريس للابد!!

[sa3dawy]

والله انا نفسي تنزل 1300 بالسعر القديم واجيبها.

متجيبها خليجى ياباشا .
والا مفيش والا ايه ؟؟؟

يا اما تشوف المستعمل
انا شايف ان سعرها مش عالى فى المستعمل

بتهيالى ب 80 الف تجيب ال 1300 كاملة اوتوماتيك فابريكة ومش اكثر من 50 او 60 الف كيلو .


فى ناس كتير بتبيع
ومتخفش الياريس مدام استعمالها حتى ولو متوسط مش بيحصلها حاجة ولا بتتغير عن الزيرو
العربية معايا بعد 40 الف لسه زى ماكانت طالعة من المعرض بالظبط مفيش ولا اى غلطة او تكة .

تخيل سافرت بيها من جوة المنصورة لحد مدينة نصر (130 او 140 كيلو) ب 5 لتر يعنى اقل من عشرة جنيه .

وكمان ايه العربية اوتو وكنت والله ماشى 120 و 140 طول السكة

وثبات العربية على فكرة ممتاز جدا مقارنة بالعربيات الى احنا بنشتريها عموما (بغض النظر عن الالمانى العالى )

وصاجها ياخد امتياز انا اكتشفت ان مرونة الصاج بتاعها طلع مش عيب بالعكس ميزة

اخر مرة دخلت فيا لادا وما ادراك ما الادا وعلى طريق سريع ونطرتنى على الحارة التانية انا قلت ضهر العربية ادمر فوجئت ان مفيش اى حاجة اتكسرت وركبنا كل حاجة مكانها ولا كان فى حادثة .

والله حاجة كده تتصور وتتحط فى ال سى فى بتاع العربية .

والعفشة رائعة فى المطبات كنت بشوف العربيات جمبى بتعانى فى المطبات لما بيكون فيها وزن
انا كان بيبقى راكب معايا اربع افراد من الوزن التقيل وعممرها ما حكت فى اى مطب

المهم تكون بتعمل الصيانة وواخد بالك من الاطارات والعفشة .

فى ناس بتهمل الصيانة ويقعدوا يقولوا العربية بتعوم العربية مش ثابته وغيرها وغيرها والحقيقة السبب سوء استعمال منهم .

[Samir Elshahawy]

المهم تكون بتعمل الصيانة وواخد بالك من الاطارات والعفشة .

فى ناس بتهمل الصيانة ويقعدوا يقولوا العربية بتعوم العربية مش ثابته وغيرها وغيرها والحقيقة السبب سوء استعمال منهم .

و الله مش بس في الياريس ..... لو في عربية صيني و بتأخد بالك من الحاجات دي العربية هاتفضل معاك كويسة
و لكن بشكل عام أتفق مع الاخ سعداوي في كل كلمة قالها .... الياريس فعلا تستحق أن تكون السيارة الاولي في مصر بديلا لكل من اللانوس و الفيرنا

مع خالص تحياتي
م/ سمير الشهاوي

[sa3dawy]

مظبوط اى عربية لو اهتميت بيها جدا هتعيش معاك
ولو ان طبعا الصينى مش زى اليابانى ابدا

الصينى لازم تحسس عليه عشان تبقى مطمن ليه
والكورى نفس النظام

انا فاكر الاوبترا والى عملته معايا فى السعودية
حقيقى تخيلوا لما عربية فى اول 20 الف كيلو تلافى كل شوية يطلعلك عفريت فيها
مع العلم انها كانت زيرو وكنت ناوى اجمركها بس من يومها كرهت صراحة الكورى كله

الانوس والفيرنا خلاص عربيات انتهت وخلصت من الدنيا كلها

الياريس تتقارن با نيو اكسنت مش بالفيرنا طبعا
وتتقارن بالنيو اكسنت فى الفئة الحجمية

اما فى الفئة السعرية

فالياريس دلوقتى بتنافس العربيات الى بين 100 وال 130 .


بس طبعا الاتجاه هيكون للسيراتو وولكروز لان المصريين بيحبوا الرسمه وبيحبوا العربية الى تملى العين .

رغم ان العربيات عمرها ماكانت بالحجم ولا بالكماليات
والا كانت الاسبيرانزا ال 2000 سى سى احسن عربية فى السعر دا با اكتساح .

[sa3dawy]

الغالى ثمنه فيه حقيقى
الياريس 1500 افترض انها بجنط التوكيل وبسبويلر وبعتب وكساحات وفوجات ومخدع خلفى والكنبة الخلفية يمكن طيها وكاسيت بيلت ان سعرها هيوصل ل 140 مستريح .

فا عربية صغيرة بالسعر دا لازم تبقى كفاءة ومميزة جدا .

وعموما العربيات الصغيرة زى ما انت شايف كلها بقت غالية
والمسالة مش بالحجم خالص

عندك ال 207 بتوصل 200 الف وباب واحد كمان
الجراند بونتو 120 حصان باب واحد 130 الف
فيات 500 14 الف و 1400 سى سى

وعلى فكرة الاتجاه فى اوروبا دلوقتى للعربيات الصغيرة دى لانها اصبحت تقريبا بتنافس العربيات الكبيرة فى الاداء مع وجود افضلية فى المناورات والملفات واستهلاك البنزين والركن مع مساحة داخلية معقولة جدا .

وسعرها ارتفع بالشكل دا بسبب التطوير الكبير الى حصل .

طيب ايه رايك فى موديل ياريس 1500 سىسى وجنوط 16 وتراكشن كنترول ومثبت سرعة وبرنامج الثبات الالكترونى وستارت ستوب انجين وبصمة وبلوتوث وتكييف تاتش وكاسيت 6 سى دى وطبعا اى بى اس واى بى دى سعرها وصل ل 22 الف دولار . يعنى احسبها بعد الجمارك هتلاقيها وصلت ل 170 الف .

احنا هنا فى مصر مش قادرين نستوعب النقطة دى .
وواخدين العملية بالحجم وبكمية الصاج !!!!

طيب شوف المينى كوبر ال وصلت 480 الف دا اسمه ايه ؟؟؟

اعتقد سعر الياريس المستعمل ممكن يرتفع كده من 5 الى 10 الاف جنيه
وانا رايى انها تستاهل تمسك فى المستعمل سعر زى الكورولا الى فاتت كده (رغم انها احسن من الكورولا )

دا مش تحيز لعربيتى
دا قراءة موضوعية للواقع وللسوق العالمى ومقارنة بالمنتجات الاخرى .

تحياتى للجميع .

[Samir Elshahawy]

أستاذ/ سعداوي

طبعا انا مش بأعترض علي كلامك بالعكس بأتفق معاك تماما في ان الياريس أفضل من عربيات كوري كتير خاصة في موضوع الامان و ده عن تجربة شخصية و كان في اعتقادي أن التوكيل هاينزل بيها علشان ينافس عربيات زي الاكسنت و السيراتو لأن الناس هنا في مصر بتشوف العربيات بوجهة نظر تانية ...
- الشكل و المنظر الخارجي
- اوتوماتيك
- كماليات (سي دي - بلوتوث - ريموت - سنترلوك - ألوان و ممكن نغمات كمان - و غيره من الحاجات دي )
- فتحة سقف (و دي اهم حاجة في الموضوع)
- طبعا جنوط (علشان المنظر مش الثبات)

طبعا الياريس 1500 في أعتقادي انا تكسب السيراتو و الاكسنت خاصة ان ال 1300 منها عملت أسم حلو و سمعة كويسة في مصر و أصبح لها محبيها و مريديها , لذا أنا كنت بأفكر ان التوكيل هاينظر للأعتبارات دي كلها و ينزل بالياريس 1500 كاملة متكاملة زي اللي برا و بسعر ينافس العربيات الكوري اللي الناس بتجري وراها علشان الحاجات اللي فيها و لكن للأسف ماعملش كده

هذا لايمنع أني بأحب الياريس جدا جدا و بأثق فيها جدا جدا جدا و بأطمن لها علي الطريق مش علشان هي عربيتي لأ لأنها تستحق و كل يوم بيمر بتثبت لي انها تستحق أن تكون السيارة الاولي في مصر بلامنازع

مع خالص تحياتي
م/ سمير الشهاوي

[sa3dawy]

أستاذ/ سعداوي

طبعا انا مش بأعترض علي كلامك بالعكس بأتفق معاك تماما في ان الياريس أفضل من عربيات كوري كتير خاصة في موضوع الامان و ده عن تجربة شخصية و كان في اعتقادي أن التوكيل هاينزل بيها علشان ينافس عربيات زي الاكسنت و السيراتو لأن الناس هنا في مصر بتشوف العربيات بوجهة نظر تانية ...
- الشكل و المنظر الخارجي
- اوتوماتيك
- كماليات (سي دي - بلوتوث - ريموت - سنترلوك - ألوان و ممكن نغمات كمان - و غيره من الحاجات دي )
- فتحة سقف (و دي اهم حاجة في الموضوع)
- طبعا جنوط (علشان المنظر مش الثبات)

طبعا الياريس 1500 في أعتقادي انا تكسب السيراتو و الاكسنت خاصة ان ال 1300 منها عملت أسم حلو و سمعة كويسة في مصر و أصبح لها محبيها و مريديها , لذا أنا كنت بأفكر ان التوكيل هاينظر للأعتبارات دي كلها و ينزل بالياريس 1500 كاملة متكاملة زي اللي برا و بسعر ينافس العربيات الكوري اللي الناس بتجري وراها علشان الحاجات اللي فيها و لكن للأسف ماعملش كده

هذا لايمنع أني بأحب الياريس جدا جدا و بأثق فيها جدا جدا جدا و بأطمن لها علي الطريق مش علشان هي عربيتي لأ لأنها تستحق و كل يوم بيمر بتثبت لي انها تستحق أن تكون السيارة الاولي في مصر بلامنازع

مع خالص تحياتي
م/ سمير الشهاوي

شكرا لاهتمامك يا دكتور .

اكيد اى حد اشترى الياريس هيعرف قيمة العربية كويس .

انا مكنتش بعترض على كلامك وانا فاهم حضرتك
بس بوجه الكلام للناس الى هنا الى كله متحامل على الياريس مش عارف ليه !!!

وكله بيتريق على سعر ال 1500 !!!

وكان ب 120 الف ممكن تشترى مرسيدس والا بى ام والا حتى فولكس او اوبل !!!


بالنسبة للياريس وانا لما بشكر فيها ببساطة لانى مهووس مقارنة بين العربيات واى واحد صاحبى يجيب عربية جديدة لازم اسوقها اكثر من مرة ولازم اقارنها بالياريس

الياريس افضل من العربيات التالية

كورولا 2006 ال 1300 وبشاهدة صاحبها لدرجة انه عاوز يبيع ويجيب ياريس بس للاسف عمل حادثة تقريبا توتال لوس والحمد لله لم يصاب بخدش واحد رغم انه مكنش لابس الحزام والايرباج الوحيدة الى كان مزودها كا اوبشن انقذته صراحة دا بعد عناية ربنا .

وطبعا مش افضل بكثير بس حقيقى لما تسوق العربيتين بدون تفكير هتختار الياريس .


الاوبترا ...................وهنا انا واثق 100 فى المية ان اى حد عارف العربيتين كويس هيفضل الياريس
والاوبترا الشىء الوحيد فيها التسارع بتاعها جامد بس خلاص مع نزول ال 1500 الياريس تكسب الفئة دى كلها فى التسارع هى والسيتى .

لانسر بومة 1300 مانوال وبشهادة صاحبها انا وهو بدلنا العربينين اكثر من مرة .

طبعا الفيرنا والانوس والعربيات دى انا سقتها ولا تقارن تماما بالياريس

الميجان وتخيلوا انى بعد ما سقت الميجان لما نزلت لعربيتى لقيت الياريس انعم واكثر سلاسة وان كانت الميجان تشكر انها صراحة بالتكنولوجيا دى كلها رغم انها كانت 2005 .
هنا مقدرش اقول الياريس افضل بس على الاقل لم اشعر ان انا ركبت عربية اعلى من الياريس مثلا .



العربية الى اتمنى اجربها الكروز .
خصوصا انها دلوقتى فى نفس الفئة السعرية للياريس والمقارنة تستحق .

كل دا بشهادة اصحاب السيارات
ليا صديق معاه جولف 5 2009 ولما ساق الياريس قالى انا مستمتع بقيادة العربية وقالى انها تستاهل كل مليم يدفع فيها وكان متوقع انها حاجة كده زى اللعبة بس لما ساقها اتغيرت فكرته 180 درجة .
لما جربت الجولف طبعا التقفيل والثبات والمتانة روعة وفارقة كتير حقيقى .
بس برده متحسش انك اتنقلت نقله كبيرة خالص .


مشكلتنا يا جماعة ان احنا هنا زى ما تقولوا متعقدين من العربيات وعندنا مشاكل نفسية مع ماركات معينة
والسبب طبيعة السوق المصرى .

تلاقى مثلا المصريين بيقدسوا المرسيدس لدرجة ان سعر اعادة البيع تكتشف انها مش بتقل ويمكن بتغلى ودا شىء مش موجود فى اى مكان فى العالم وفى الوقت نفسه تلاقى البى ام بتنزل النص اول ماتطلع بيها من المعرض رغم ان البى ام او المرسيدس نفس الشىء .

دا مثال لبعض العقائد الفاسدة بخصوص العربيات عند المصريين .


ايضا فى مشكلة كبيرة انا ملاحظها فى تقييم وتحديد الاسعار .

العربيات الكورى زى الكيا مثلا والالنترا
على فكرة بتتباع بره 2000 سىسى مش 1600 ومليانة اوبشنز وبثمن الياريس والسويفت واصغر فئة فى اليابانى .

ولو معملوش كده مش هيبيعوا والكل هيختار تويوتا او هوندا او فورد او غيرها من الشركات الى مش ممكن تطلع عربية اقل من حد ادنى معين .

دا ميمنعش ان الالنترا ب 88 الف دى صفقة رائع جدا .
والسيراتو ماهى الا النترا متظبطة نوعا ما ومتهشتكة .

لكن اوصل ل 120 و 130 و 140 طبعا يا اما اركب يابانى يا اما اجيب اوروبى حتى لو مستعمل .


وعموما دى وجهة نظرى لا ادعى انها الحق والصواب والكل غلط دا اجتهاد شخصى والله اعلم فى النهاية .

[sa3dawy]

أستاذ/ سعداوي

طبعا انا مش بأعترض علي كلامك بالعكس بأتفق معاك تماما في ان الياريس أفضل من عربيات كوري كتير خاصة في موضوع الامان و ده عن تجربة شخصية و كان في اعتقادي أن التوكيل هاينزل بيها علشان ينافس عربيات زي الاكسنت و السيراتو لأن الناس هنا في مصر بتشوف العربيات بوجهة نظر تانية ...
- الشكل و المنظر الخارجي
- اوتوماتيك
- كماليات (سي دي - بلوتوث - ريموت - سنترلوك - ألوان و ممكن نغمات كمان - و غيره من الحاجات دي )
- فتحة سقف (و دي اهم حاجة في الموضوع)
- طبعا جنوط (علشان المنظر مش الثبات)

طبعا الياريس 1500 في أعتقادي انا تكسب السيراتو و الاكسنت خاصة ان ال 1300 منها عملت أسم حلو و سمعة كويسة في مصر و أصبح لها محبيها و مريديها , لذا أنا كنت بأفكر ان التوكيل هاينظر للأعتبارات دي كلها و ينزل بالياريس 1500 كاملة متكاملة زي اللي برا و بسعر ينافس العربيات الكوري اللي الناس بتجري وراها علشان الحاجات اللي فيها و لكن للأسف ماعملش كده

هذا لايمنع أني بأحب الياريس جدا جدا و بأثق فيها جدا جدا جدا و بأطمن لها علي الطريق مش علشان هي عربيتي لأ لأنها تستحق و كل يوم بيمر بتثبت لي انها تستحق أن تكون السيارة الاولي في مصر بلامنازع

مع خالص تحياتي
م/ سمير الشهاوي

شكرا لاهتمامك يا دكتور .

اكيد اى حد اشترى الياريس هيعرف قيمة العربية كويس .

انا مكنتش بعترض على كلامك وانا فاهم حضرتك
بس بوجه الكلام للناس الى هنا الى كله متحامل على الياريس مش عارف ليه !!!

وكله بيتريق على سعر ال 1500 !!!

وكان ب 120 الف ممكن تشترى مرسيدس والا بى ام والا حتى فولكس او اوبل !!!


بالنسبة للياريس وانا لما بشكر فيها ببساطة لانى مهووس مقارنة بين العربيات واى واحد صاحبى يجيب عربية جديدة لازم اسوقها اكثر من مرة ولازم اقارنها بالياريس

الياريس افضل من العربيات التالية

كورولا 2006 ال 1300 وبشاهدة صاحبها لدرجة انه عاوز يبيع ويجيب ياريس بس للاسف عمل حادثة تقريبا توتال لوس والحمد لله لم يصاب بخدش واحد رغم انه مكنش لابس الحزام والايرباج الوحيدة الى كان مزودها كا اوبشن انقذته صراحة دا بعد عناية ربنا .

وطبعا مش افضل بكثير بس حقيقى لما تسوق العربيتين بدون تفكير هتختار الياريس .


الاوبترا ...................وهنا انا واثق 100 فى المية ان اى حد عارف العربيتين كويس هيفضل الياريس
والاوبترا الشىء الوحيد فيها التسارع بتاعها جامد بس خلاص مع نزول ال 1500 الياريس تكسب الفئة دى كلها فى التسارع هى والسيتى .

لانسر بومة 1300 مانوال وبشهادة صاحبها انا وهو بدلنا العربينين اكثر من مرة .

طبعا الفيرنا والانوس والعربيات دى انا سقتها ولا تقارن تماما بالياريس

الميجان وتخيلوا انى بعد ما سقت الميجان لما نزلت لعربيتى لقيت الياريس انعم واكثر سلاسة وان كانت الميجان تشكر انها صراحة بالتكنولوجيا دى كلها رغم انها كانت 2005 .
هنا مقدرش اقول الياريس افضل بس على الاقل لم اشعر ان انا ركبت عربية اعلى من الياريس مثلا .



العربية الى اتمنى اجربها الكروز .
خصوصا انها دلوقتى فى نفس الفئة السعرية للياريس والمقارنة تستحق .

كل دا بشهادة اصحاب السيارات
ليا صديق معاه جولف 5 2009 ولما ساق الياريس قالى انا مستمتع بقيادة العربية وقالى انها تستاهل كل مليم يدفع فيها وكان متوقع انها حاجة كده زى اللعبة بس لما ساقها اتغيرت فكرته 180 درجة .
لما جربت الجولف طبعا التقفيل والثبات والمتانة روعة وفارقة كتير حقيقى .
بس برده متحسش انك اتنقلت نقله كبيرة خالص .


مشكلتنا يا جماعة ان احنا هنا زى ما تقولوا متعقدين من العربيات وعندنا مشاكل نفسية مع ماركات معينة
والسبب طبيعة السوق المصرى .

تلاقى مثلا المصريين بيقدسوا المرسيدس لدرجة ان سعر اعادة البيع تكتشف انها مش بتقل ويمكن بتغلى ودا شىء مش موجود فى اى مكان فى العالم وفى الوقت نفسه تلاقى البى ام بتنزل النص اول ماتطلع بيها من المعرض رغم ان البى ام او المرسيدس نفس الشىء .

دا مثال لبعض العقائد الفاسدة بخصوص العربيات عند المصريين .


ايضا فى مشكلة كبيرة انا ملاحظها فى تقييم وتحديد الاسعار .

العربيات الكورى زى الكيا مثلا والالنترا
على فكرة بتتباع بره 2000 سىسى مش 1600 ومليانة اوبشنز وبثمن الياريس والسويفت واصغر فئة فى اليابانى .

ولو معملوش كده مش هيبيعوا والكل هيختار تويوتا او هوندا او فورد او غيرها من الشركات الى مش ممكن تطلع عربية اقل من حد ادنى معين .

دا ميمنعش ان الالنترا ب 88 الف دى صفقة رائع جدا .
والسيراتو ماهى الا النترا متظبطة نوعا ما ومتهشتكة .

لكن اوصل ل 120 و 130 و 140 طبعا يا اما اركب يابانى يا اما اجيب اوروبى حتى لو مستعمل .


وعموما دى وجهة نظرى لا ادعى انها الحق والصواب والكل غلط دا اجتهاد شخصى والله اعلم فى النهاية .

[mohamedkandel]

يا جماعة ارجوكم تفكروا بموضوعية مش بمشاعركم
انا مقدر ان الاسعار حقيقى خنقتنا كلنا
وكلنا نفسنا نركب العربيات بسعرها الحقيقى
بس نعمل ايه فى الجمارك وضريبة المبيعات !!!!

السعودية والا ليبيا مفيش جمارك
والمستعمل هناك اسعارة تجنن وانا كنت عايش هناك وعارف

التوكيلات مش هى سبب المشكلة

انا متابع من زمان اى سعر عربية بتنزل جديدة
وببحث عنها فى اوروبا واميركا وبحث سعرها

وحقيقى عربية تويوتا الياريس او الكورولا سعرها كده طبيعى بعد اضافة ال 60 فى المية جمارك

وعلى فكرة الياريس لو نزلوها كاملة يعنى بجنوط وسبويلر وكاست بيلت ان وفرش جلد هتعدى ال 130 الف
والكورولا بتوصل ل 160 واكثر دى الكاملة .

ايه الغريب فى دا !!!!!

الهوندا سيتى ب 127 الف وتجميع تايلندى مش يابانى .
والعربية فقيرة جدا .
بس هى كمتور فظيعة اجمد من السيفيك فى الشد والجرى .

اذا كانت الانسر بوما الى هى عربية انقرضت من زمان فى العالم كله وتكنولوجى قديمة
بتوصل ل 130 الف .


العيب الوحيد الى ممكن ناخده على التوكيلات انهم مش منزلين فئات مختلفة زى التوكيلات الكورى

يعنى كان ممكن يبقى فى ياريس من اول 90 الف لحد 130 الف والمشترى يختار
ونفس الكلام بالنسبة للهوندا سيتى وغيره وغيره .


انا ملاحظ ان سبب اعتراضكم الرئيسى هو انكم بتقارنوا العربيات اليابانى والاوروبى بالعربيات الكورى
والسيراتو والكروز هى سبب غضبكم الرئيسى من سعر الياريس

لو شفتم السوق فى العالم كله هتلاقوا ان الياريس ال 1500 بثمن السيراتو 2000 سى سى وكمان السيراتوا فيها اوبشنز وكماليات اكثر .

هى مسالة ازواق وكل واحد حسب دماغه

انا مثلا ادفع 120 الف فى ياريس او سيتى او كورسا او فيات 500
وصراحة مش هفكر خالص فى الكورى .

دا مش معناه ان الكورى سىء او ان الى بيشتريه مش بيفهم
دى حرية شخصية وفى النهاية العربيات الجديدة كلها تقريبا كويسة وكل واحد بقى حسب احتياجاته وطريقة واسلوب قيادته .

والياريس فى النهاية فى كل التقييمات واخدة تقييمات عالية جدا وناجحة جدا فى العالم كله رغم ان سعرها غالى ورغم ان بنفس سعرها تقدر تجيب عربيات كورى 2000 سىسى وكماليات اكثر . اسالوا نفسكم ليه ؟؟


يعنى بزمتكم السيفيك الى 189 الف دا سعر عادل ؟؟؟؟

بلاش نتجنى على موديل معين وخلاص .

كلام مضبوط جدا جدا

[Doush_csf]

فى مفاجأه تانيه انها تجميع مصنع تيويوتا فى الصين و الخبر على مسؤليتى

واقفة في تويوتا التجمع ومكتوب عليها made in japan

[skoda1996]

انا عايز اعرف هي التوكيلات دي بتجيب ناس تسويف منين؟؟؟؟؟؟؟
نفسي اتخيل تويوتا او اسكودا او فولكس مع وكيل زي نصير بتاع كيا
و الله لا هيونداي و لا كيا و لا شيفروليه الكوري هيلاقو اللي يبصلهم
و كده اليارس اتحكم عليها بالاعدام

[myself112]

مش عارف والله يا جماعة اقول ايه غير ان العربيات كلها غليت , يعنى مش الياريس لوحدها ...
بس انا الى مضايقنى حاجة واحدة , ان ليا واحد صاحبى كان هيشترى الياريس خليجى , المهم راح لمعرض بيشتغل فى الخليجى الراجل قاله هجبلك ياريس 1500 كاملة كل حاجة بما فيهم فتحة سقف , كل ده ب 115 الف ......!!! الكلام ده كان فى 2007 . بس هو استغلاها ساعتها وراح جاب لانسر بومة .....
سبحان الله ......
دلوقتى بقت ب 120 الف ....

هى الميزة الوحيدة فى الحوار ده هابقى للناس الى عندها ياريس فعلا , لان كده المستعمل هيمسك سعر جااااااامد عن الاول .

و بصراحة هى عربية تستاهل من حيث اداءها , لكن ما يعيبهاش غير تصميمها الغريب حبتين , الى كان ممكن يبقى احسن من كده مليون مرة, بشوية حاجات بسيطة مش هتكلفهم حاجة , العربية دى فعلا لو شكلها مميز شوية هتتباع و لو كانت اغلى من كده , لانها فعلا تستاهل .

[sa3dawy]

مش عارف والله يا جماعة اقول ايه غير ان العربيات كلها غليت , يعنى مش الياريس لوحدها ...
بس انا الى مضايقنى حاجة واحدة , ان ليا واحد صاحبى كان هيشترى الياريس خليجى , المهم راح لمعرض بيشتغل فى الخليجى الراجل قاله هجبلك ياريس 1500 كاملة كل حاجة بما فيهم فتحة سقف , كل ده ب 115 الف ......!!! الكلام ده كان فى 2007 . بس هو استغلاها ساعتها وراح جاب لانسر بومة .....
سبحان الله ......
دلوقتى بقت ب 120 الف ....

هى الميزة الوحيدة فى الحوار ده هابقى للناس الى عندها ياريس فعلا , لان كده المستعمل هيمسك سعر جااااااامد عن الاول .

و بصراحة هى عربية تستاهل من حيث اداءها , لكن ما يعيبهاش غير تصميمها الغريب حبتين , الى كان ممكن يبقى احسن من كده مليون مرة, بشوية حاجات بسيطة مش هتكلفهم حاجة , العربية دى فعلا لو شكلها مميز شوية هتتباع و لو كانت اغلى من كده , لانها فعلا تستاهل .

اتفق معاك
هو دا الكلام الموضوعى والمنطقى

والله انا عمال ادافع عن سعر الياريس عشان يعنى معايا
كل مافى الامر ان انا عاوز اصحح كلام شايف ان فى مبالغة وتحامل على العربية

لان كل العربيات حقيقى غليت

يعنى الهوندا السيتى هى المنافس الشرعى للياريس فى الدنيا كلها وثمنها 126 الف
غير عربيات تانية كتير

انا جبت حوالى 20 عربية فى نفس فئة الياريس فى احد الموضوعات وكلهم بنفس الثمن ويمكن اغلى

يبقى ليه نتحامل على تويوتا
وعلى عربية حققت نجاح كبير والكل بيشكر فيها

ولولا شكلها بس صدقنى كانت هنجح اكثر من موديل الكورولا الى فات
ولو ان شكلها لاعتب والكساحات والجنط جميل
وشكلها من جوه تحس انه فضائى كده وعصرى وحديث

العربية على فكرة سعر اعادة بيعها فى العالم كله مرتفع وانا لقيتهم مديينها خمسة من خمسة او عشرة من عشرة فى سعر اعادة البيع وفى الاستهلاك والمصاريف مابعد البيع طبعا .

120 الف على الياريس ال 1500 معقول جدا
امال لو نزلوها بجنوط وعتب وكراسى طى كانت هتدخل فى 130 وبرده كان هيبقى سعر معقول جدا .

فئة السيارات الصغيرة بشكل عام اتغيرت تماما عن زمان واصبح عليها الطلب
والعربيات دى ممتعة حقيقى فى الزحمة وفى المدينة وبتخرجك من مواقف صعب جدا انك تتعامل معاها بعربية كبيرة ودا بشهادة الجميع .

اجمل ما فى هذه الفئة قيادتها الممتعة والانسيابية والتعامل فى اضيق الحدود والركن والسيطرة على كل جسم العربية .

لكن طبعا عيبها السرعات العالية بعد 140 بتبقى طبعا مش تمام.

حتى الياريس صراحة حببتنى فى الفئة دى
حتى ان سيارة احلامى دلوقتى المينى كوبر وال 207 ال 175 واى سب كومباكت قيها محرك سوبر وتجهيزات رياضية .

تفتكر حقيقى سعر المستعمل للياريس دلوقتى عالى
يعنى مثلا ابيع بكام ياريس 2008 قول اوبشن ههههه فابريكة بره وجوه و 36 الف كيلو استعمال طبيب هههههه ...؟؟

لو فوق ال 85 الواحد يستغل الفرصة ويبيع قبل ما العربيات اسعارها تنزل .

واخبار الكورولا الجنوب افريقى ايه الفتيس ال ام ام تى
اسعارها فى المستعمل ايه ؟؟؟

الواحد زهق برده ونفسه يغير بجد

[myself112]

يعنى الهوندا السيتى هى المنافس الشرعى للياريس فى الدنيا كلها وثمنها 126 الف
غير عربيات تانية كتير

انا جبت حوالى 20 عربية فى نفس فئة الياريس فى احد الموضوعات وكلهم بنفس الثمن ويمكن اغلى

يبقى ليه نتحامل على تويوتا
وعلى عربية حققت نجاح كبير والكل بيشكر فيها

120 الف على الياريس ال 1500 معقول جدا
امال لو نزلوها بجنوط وعتب وكراسى طى كانت هتدخل فى 130 وبرده كان هيبقى سعر معقول جدا .

تفتكر حقيقى سعر المستعمل للياريس دلوقتى عالى
يعنى مثلا ابيع بكام ياريس 2008 قول اوبشن ههههه فابريكة بره وجوه و 36 الف كيلو استعمال طبيب هههههه ...؟؟

لو فوق ال 85 الواحد يستغل الفرصة ويبيع قبل ما العربيات اسعارها تنزل .

حضرتك تعرف الناس مش معترضه على سعر السيتى ليه ؟ لأن شكلها مميز .....!! ودى اول حاجة المستهلك المصرى بيدور عليها وبعد كده الكماليات , و بعدهم يجى اى حاجة تانية ...

يعنى لو قدامه عربيتين متقاربتين فى السعر , بيجيب الى شكلها احلى ., حتى لو كانت الوحشة شكلا اعلى فى الاداء او ليها مميزات تانية ... احنا كلنا كده , او على الاقل 90% مننا .....

بالنسبة لموضوع ان المستعمل بتاع الياريس هيمسك سعر او هيزيد , انا شايف ان ده الطبيعى , لان العربية كانت اعلى فئة منها تقريبا على ما اتذكر ب 103 ... دلوقتى بقت ب 120 ومفيش اى تغير غير فى الموتور بقى 1500 , ودى زى ما قلت فى الاول مش اهم حاجة بالنسبة للمستهلك المصرى ... يعنى دى لو كانت نزلت بجنوط وعتب وفتحة سقف , وشوية اكسسوارات وتعديل خفيف فى شكل العربية وشوية حاجات مش هتكلف الشركة مبلغ يذكر , و نزلت بنفس الموتور ال 1300 كانت هتبيع بالهبل حتى لو كانت اغلى من 120 الف , وعمرنا ما كنا هنفتح الموضوع ده من الاول ......

[banboty]

[QUOTE=sa3dawy;3872751550]العربية الى اتمنى اجربها الكروز .
خصوصا انها دلوقتى فى نفس الفئة السعرية للياريس والمقارنة تستحق .
QUOTE]

ادي حضرتك جبت الفايدة مع احترامى لكل كلامك !!

يعنى اركب كروز ب 130 كاملة اتوماتيك و لا ياريس بـ 120

[sam_zen_elden]

مع احترامى لجميع الأراء ولشكل الكروز الهائل لكن اعتقد ان مشاكلها مازالت اكتر من الياريس