تجربه زياده عزل الصوت فى تويوتا ياريس

[asemx1]

جزاك الله خير على المعلومة بس بالنسبة لعازل ماسورة التكييف ده انا عندى فى بعض الاجزاء منها فيه زى خرطوم كوتش كده ملفوف عليها هل ده يعتبر العازل اللى حضرتك قصدك عليه

دى خلاص معزوله كدا بتاعت المصنع انا بتكلم على المواسير العريانه

[A.Saad]

شكرا .......

[jojooo]

اللة ينور ياباشا من اجمل ما قرات عن العزل بس لو كان فى صور للعلبة و الفوم بعد ما اترش كان يبفى لوز اللوز

[Ahmed Galal]

دى خلاص معزوله كدا بتاعت المصنع انا بتكلم على المواسير العريانه

انا رحت شارع نجيب الريحانى فى وسط البلد و جبت العازل بتاع مواسير التكييف من بتوع التلاجات و التكييفات هناك هوا عبارة عن بكرة ب 15 جنيه لونها فضى و اللزق زى ما يكون جواه خيوط تقوية و جيت على كل ما سورة البارد من اول ما هيا طالعة من الكمبرسور لحد دخلتها للعربية و لفيت عليها كذا طبقة و اللزق جودته حلوة و بيلزق جامد و بعد تجربة العربية فعلا التبريد اتجسن بنسبة كويسة و الاحلى من كده بقا و اللى لاحظته فورا ان الكمبرسور بقا بيفصل على طول و ما بيدنوش شغال كتير بص ما عرفتش اوصل لعلبة الفوم و الصوف الزجاجى موجود هناك بس انا باخاف منه عشان مؤذى للجلد و العين فقلقت منه الصراحة و من التعامل معاه و مسكه

[asemx1]

انا رحت شارع نجيب الريحانى فى وسط البلد و جبت العازل بتاع مواسير التكييف من بتوع التلاجات و التكييفات هناك هوا عبارة عن بكرة ب 15 جنيه لونها فضى و اللزق زى ما يكون جواه خيوط تقوية و جيت على كل ما سورة البارد من اول ما هيا طالعة من الكمبرسور لحد دخلتها للعربية و لفيت عليها كذا طبقة و اللزق جودته حلوة و بيلزق جامد و بعد تجربة العربية فعلا التبريد اتجسن بنسبة كويسة و الاحلى من كده بقا و اللى لاحظته فورا ان الكمبرسور بقا بيفصل على طول و ما بيدنوش شغال كتير بص ما عرفتش اوصل لعلبة الفوم و الصوف الزجاجى موجود هناك بس انا باخاف منه عشان مؤذى للجلد و العين فقلقت منه الصراحة و من التعامل معاه و مسكه

ايوه كدا انا بحىى الناس الصاحيه الى بتنفز على طووووووووووووول انتا راجل ميه ميه على فكره وهوا دا فعلا العازل الحرارى الى بيتلزق بس خلى بالك ممكن يفك مع الزمن علشان كدا هات الافزان بسرعه واربطها ولو عايز تزود العزل اعمل طبقه كمان واعمل افزان فوقيها
وبالنسبه للصوف الزجاجى ماتقلقش الزجاجى مش بيزى العين ولا الجلد انا استخدمه وقطعته بدون اى وقايه بس هتحس بشويه قرص كدا فى ايدك خدلك دش بعد ما تخلص وخلاص هتلاقى كله راح
وبيتجاب من عند بتوع التلاجات برضو او من عند بتوع العوازل الحراريه والصوتيه

[BLOODY_STONE]

مية مية يا جدعان الله ينور بس لازم حد يكون بيفهم عشان الكلبسات متكسر في ايده .. ده اللي انا خايف منه

[asemx1]

مية مية يا جدعان الله ينور بس لازم حد يكون بيفهم عشان الكلبسات متكسر في ايده .. ده اللي انا خايف منه

خلى قلبك جااااامد يا معلم واديها ماتخليهاش تقول لا دى حديد يا عم وفبر ماهواش حته من جسمنا ومعموله علشان تريحنا فلازم تديها علشان تريحنا اكتر
فك يا عم كدا بالهداوه وماتتعافاش على حاجه وهتلاقى كله تمام

[BLOODY_STONE]

طب معلش انا الحتة بتاعة مواسير التكييف دي مش فاهمها .. (معلش دماغي على قدي) انت لما تعزلها ده حيفيد بايه ؟؟
قصدك ان المواسير تفضل ساقعة و عشان كده الكومبريسور يفصل و ميشتغلش كتير و الهواء اللي جواها يفضل ساقع؟

انا كان لي ملاحظة برضك : انا شفت في منتديات اجنبية ناس كانت بتزود العزل برضه بس كانوا بعملوا فكرة صعبة شوية : بيفكوا الابواب و السقف و يرشوا الفوم الحراري من جوه عالصاج و بعدين يقفلوا تاني ! ايه رأيك في الموضوع ده؟

[asemx1]

طب معلش انا الحتة بتاعة مواسير التكييف دي مش فاهمها .. (معلش دماغي على قدي) انت لما تعزلها ده حيفيد بايه ؟؟
قصدك ان المواسير تفضل ساقعة و عشان كده الكومبريسور يفصل و ميشتغلش كتير و الهواء اللي جواها يفضل ساقع؟

انا كان لي ملاحظة برضك : انا شفت في منتديات اجنبية ناس كانت بتزود العزل برضه بس كانوا بعملوا فكرة صعبة شوية : بيفكوا الابواب و السقف و يرشوا الفوم الحراري من جوه عالصاج و بعدين يقفلوا تاني ! ايه رأيك في الموضوع ده؟

بص دا اسمه اييييييييييه ؟؟ عازل حرارى يعنى اي حاجه انتا هتعملها هتترجم لعزل حرارى وتوفير فلوس تكيف
ماتستخسرش فى الموضوع دا
وبالنسبه لعزل خط التكيف الساقع دا علشان المواسير ماتاخدش حراراه وبالتالى يقل التبريد عند السربنتينه وبالتالى الثرموستات هتفصل الكمبروسور بعد فتره طويله انما لما تعزلها ساعتها السربنتينه هتسقع اكتر واسرع وبالتالى الكمبروسور يفصل بسرعه ومايشتغلش كتير
انما عزل جسم العربيه بالفوم دا يخلى الهوا جوا الكابينه يفضل ساقع مايتسربش الحراره الى جوا
زى ماتكون فاتح الازاز كدا وانتا مشغل التاكيف او فاتح باب الاوضه مثلا هتلاقى الكمبروسور يشتغل كتير

[wildgenga]

ربنا يباركلنا فى افكااار سيادتك

يا سيدى الفاضل بجد برفعلك الشابوووو .. على افكارك الرائعه ..

و يا ريت حضرتك توضحلنا بشويه صور للمواسير و هى عليها العزل و يا ريت توضيح اكتر عن 3 حاجات :

1 - اماكن شراء الفوم و العزل و اسعرها
2 - طريقه لتظبيط اكصدام الياريس الفرافبرى ده
3 - فكره لزياده اتزان الياريس عالطريق .. مثلا عجل 205 .

و لك من كل احترام و تقدير .. اخوك احمد حسين مدير اداره فى بنك فرنسى

[asorour]

معلش يا شباب هو ايه العتب اللي تحت الطابلوه ده لحسن معرفوش؟

وياريت لو فيه صور يبقي فل الفل
انا عندي مازدا 3 ورينو كليو و عايز اعمل الموضوع ده ياريت تساعدونا

[casper_Dj30]

بجد اللة ينور عليك
و انا بضم صوتي لصوت صاحب الكريستالة
انا كمان هندي كريستالة بس احنا معندناش علب عتب
انا نفسي اعزل الابواب انها مدخلش صوت دة يحصل ازاي؟؟؟

[asemx1]

يا سيدى الفاضل بجد برفعلك الشابوووو .. على افكارك الرائعه ..

و يا ريت حضرتك توضحلنا بشويه صور للمواسير و هى عليها العزل و يا ريت توضيح اكتر عن 3 حاجات :

1 - اماكن شراء الفوم و العزل و اسعرها
2 - طريقه لتظبيط اكصدام الياريس الفرافبرى ده
3 - فكره لزياده اتزان الياريس عالطريق .. مثلا عجل 205 .

و لك من كل احترام و تقدير .. اخوك احمد حسين مدير اداره فى بنك فرنسى

استازنا العزيز اجابات السؤال الاول فى اول فى الموضوع اقراه كويس
اما بالنسبه للسؤال التانى انا مش فاهمه بس انا ممكن اقولك روح لبتاع اكصدامات وخليه يعملك وراه شبكه سلك هتقويه جدا
وبالنسبه للسؤال التالت اكيد الكاوتش العريض احسن فى الثبات بس دا على حساب العفشه

[BLOODY_STONE]

طب اخر طلب غلس معلش ... ايه ي العلب اللي بتتفك و الكلام ده ؟ عشانا انا معرفش حاجة؟

[asemx1]

بجد اللة ينور عليك
و انا بضم صوتي لصوت صاحب الكريستالة
انا كمان هندي كريستالة بس احنا معندناش علب عتب
انا نفسي اعزل الابواب انها مدخلش صوت دة يحصل ازاي؟؟؟

هوا فى طريقه بتتعمل بس عايزه انك تكون بتجرب ودا بالعازل الزجاجى بتحشره جوا الباب وتقعد تشوف الازاز هيخبط فيه ولا لا وهكذا لحد ما تملى الباب كله وكدا يبقى تمام