الكورولا 2011 فعلا يابانية

[bukla]

عندى استفسار مهم ارجو من اللى يرد علية يكون واثق من معلومتة لانها حتفرق مع صديق ليا عايز يشترى العربية
هل الكورولا 2011 فعلا يابانى 100\100 و مستوردة من اليابان مباشرة الى مصر؟
الاستفسار سببة ان بعض التجار بيقولوا انها تايوانى لكن التوكيل مرضيش يعلن كدة علشان ما يأثرش على مبيعات العربية
و شكرا مقدما

[mehoo77]

كورولا 2011 من اليابان 100% و التجار منذ 2008 بيبعوا العربيات على إنها من اليابان و هى من تايوان و كانت مصنوعة للتاكسى فى دول الخليخ

[ayehia]

كورولا بداية من 2088 لم تعد تصنع في اليابان. اليابان تصنع فقط طرازات محددة عالية المواصفات مثل كراون وليكزس وطرازات اخري لم تصل للمنطقة. كورولا وكامري مصنعه بالكامل في مصانع خارج اليابان (في مصانع استراليا وجنوب افريقيا وتايوان) لكن تحت اشراف وجودة يابانية. هذه المعلومات من عبداللطيف جميل وكيل تويوتا في المملكة. لأجل هذا حملت كورولا اسم (خليجي) لتطبيق المواصفات الخليجية عليها فقط وليست ياباني.

[bukla]

كدة فية معلومتين عكس بعض
يا ترى حد تانى عندة معلومة مؤكدة عن الموضوع دة

[smartchoice]

بصراحة انا شايف انها مش هتفرق مع صاحبك فى حاجة و بينى و بينك الكورولا الجديدة ملهاش لازمة و الجنوب أفريقى كانت أفضل و فيها اوبشن أفضل و بنفس مستوى الجودة و سعرها اقل فنصيحة قول لصحبك مش هتفرق فى حاجة أذا كانت يابانى او تايلندى أو جنوب أفريقى لأنها من الأخر كورولا بمعايير جودة تويوتا
و ربنا يوفق للى فيه الخير

[bukla]

بصراحة انا شايف انها مش هتفرق مع صاحبك فى حاجة و بينى و بينك الكورولا الجديدة ملهاش لازمة و الجنوب أفريقى كانت أفضل و فيها اوبشن أفضل و بنفس مستوى الجودة و سعرها اقل فنصيحة قول لصحبك مش هتفرق فى حاجة أذا كانت يابانى او تايلندى أو جنوب أفريقى لأنها من الأخر كورولا بمعايير جودة تويوتا
و ربنا يوفق للى فيه الخير

و الله دة برضة كان رأيى من الاول
اشكرك على النصيحة

[د.محمود صلاح]

في عمان عندي الكرولا المانيوال الفئة الاقل ياباني 100 % كما مكتوب في اللوحة التعريفية على قايم السيارة

اما الفئات الأعلى تايواني

والكامري استرالي

[hermoine]

بصراحة انا شايف انها مش هتفرق مع صاحبك فى حاجة و بينى و بينك الكورولا الجديدة ملهاش لازمة و الجنوب أفريقى كانت أفضل و فيها اوبشن أفضل و بنفس مستوى الجودة و سعرها اقل فنصيحة قول لصحبك مش هتفرق فى حاجة أذا كانت يابانى او تايلندى أو جنوب أفريقى لأنها من الأخر كورولا بمعايير جودة تويوتا
و ربنا يوفق للى فيه الخير

مثلا زي ما نوكيا دلوقتي بقت Made by NOKIA مش مثلا فينلاندي زي زمان
زمن إن العربية تجيلنا من بلد المنشأ ده على وشك الإنتهاء, الأوفر للشركة و للمستهلك إنه ياخدها من أقرب حتة له, يعني مش معقولة الأمريكان مثلا هيبعتوا يجيبوا تويوتا من اليابان, الأرخص إنه يصنعها عنده و يصدر كمان للجماعة اللي حواليه

[tito_1980]

الكورولا الجديدة ملهاش لازمة و الجنوب أفريقى كانت أفضل و فيها اوبشن أفضل و بنفس مستوى الجودة و سعرها اقل

مين اللي قال كده ؟ حضرتك سوقت او امتلك الجنوب افريقي قبل كده ؟ سوقت او اتفرجت علي الجديده ؟ الجديده برقبه الجنوب افريقي و انا واحد معاه الجنوب افريقي و كمان خليجي و طلع عين ابويا في التوكيل عشان اغير طقم الكلاتش بالياباني بتاعه و يا ريت تقول كلام عن تجربه و بلاش الكلام المرسل

[smartchoice]

مين اللي قال كده ؟ حضرتك سوقت او امتلك الجنوب افريقي قبل كده ؟ سوقت او اتفرجت علي الجديده ؟ الجديده برقبه الجنوب افريقي و انا واحد معاه الجنوب افريقي و كمان خليجي و طلع عين ابويا في التوكيل عشان اغير طقم الكلاتش بالياباني بتاعه و يا ريت تقول كلام عن تجربه و بلاش الكلام المرسل

جارى معاه واحده جنوب أفريقى و واحدة خليجى اللى قبل الفيس ليفت و مفيش أى فرق يذكر و الجنوب أفريقى أوبشن أعلى و بعدين أنا بتكلم فى الأتوماتيك سواء يابانى أو جنوب أفريقى مش ال mmt أو المانيوال
و بعدين حضرتك خليجى و رايح التوكيل أكيد طبعا هيقرفوك او هيدفعوك سعر أعلى

[smartchoice]

هو ازاى حضرتك معاك كورولا جنوب أفريقى و خليجى فى نفس الوقت المفروض الجنوب أفريقى لأوروبا و أفريقيا فقط و الخليجى كانت فى الأول يابانى و بعدين بقيت تايلندى على ما أتذكر

[wwaeel]

تويوتا كرولا 2011 100% يباني انا شوفتها في توكيل العباسيه وشوفت علي القايم بتاع الباب اللوحه مكتوب عليها صناعه اليابان وسعر الهاى لاين 162 الف والاقل منها 150 الف ال 2 اوتوماتيك عادي

[tito_1980]

هو ازاى حضرتك معاك كورولا جنوب أفريقى و خليجى فى نفس الوقت المفروض الجنوب أفريقى لأوروبا و أفريقيا فقط و الخليجى كانت فى الأول يابانى و بعدين بقيت تايلندى على ما أتذكر

لان فيها الفتيس ال mmt و الكلام ده من التوكيل هناك و بعدين العربيه بتاعت الوالد مش بتاعتي مباشره و في سنه 2009 الفتيس خرف و العربيه كانت هنا لما كان الوالد في اجازه و اضطرينا اسفين نتعامل فيها هنا في التوكيل

[smartchoice]

لان فيها الفتيس ال mmt و الكلام ده من التوكيل هناك و بعدين العربيه بتاعت الوالد مش بتاعتي مباشره و في سنه 2009 الفتيس خرف و العربيه كانت هنا لما كان الوالد في اجازه و اضطرينا اسفين نتعامل فيها هنا في التوكيل

ربنا يباركلك فيها
أنا كان كلامى على الجنوب افريقى اللى نازل بفتيس اتوماتيك عادى خالص مش mmt و دى مكنش فيها مشاكل خالص و كل الناس كانت بتشكر فيها و كان فيها اوبشن أعلى من الكورولا الجديدة و فى نفس الوقت كانت أرخص فى السعر لكن طبعا الكورولا اللى بالفتيس ال mmt كان فيها مشاكل كتير و كل الناس أشتكت منها

[OilMan]

2011 يابانيه 100% والعربية جميلة بس كماليات اقل وسعر اغلى
راى الشخصى اشترى 2010 اوتوماتيك وعليها عرض اقل خمس الاف جنيه بالاضافه لكماليات اكثر وافضل
عن تجربة انا معايا الجنوب افريقى اكثر من رائعه والحمد لله
ارجو ان اكون افدت من غير ما افت