الكورولا 2011 فعلا يابانية

[seso100100]

عندى استفسار مهم ارجو من اللى يرد علية يكون واثق من معلومتة لانها حتفرق مع صديق ليا عايز يشترى العربية
هل الكورولا 2011 فعلا يابانى 100\100 و مستوردة من اليابان مباشرة الى مصر؟
الاستفسار سببة ان بعض التجار بيقولوا انها تايوانى لكن التوكيل مرضيش يعلن كدة علشان ما يأثرش على مبيعات العربية
و شكرا مقدما

انا اشتريتها من الوكيل فى داون تاون اسكندرية يابانية 100 فى 100 و متاكد من كده و مكتوب اسفل القايم انها يابانية بالعربى لانها مواصفات خليجية و مكتوب كمان بالانجليزى و عايز تتأكد افتح الباب بتاع السواق و اقرأ اللوحة اللى على القايم

[omaroof]

كورولا 2011 من اليابان 100% و التجار منذ 2008 بيبعوا العربيات على إنها من اليابان و هى من تايوان و كانت مصنوعة للتاكسى فى دول الخليخ

الكورولا تصنع فى اكثر من دوله منها اليابان طبعا فموضوع انه مابقاش منها ده افتكاسات تجار عشان يبيعو

كورولا بداية من 2088 لم تعد تصنع في اليابان. اليابان تصنع فقط طرازات محددة عالية المواصفات مثل كراون وليكزس وطرازات اخري لم تصل للمنطقة. كورولا وكامري مصنعه بالكامل في مصانع خارج اليابان (في مصانع استراليا وجنوب افريقيا وتايوان) لكن تحت اشراف وجودة يابانية. هذه المعلومات من عبداللطيف جميل وكيل تويوتا في المملكة. لأجل هذا حملت كورولا اسم (خليجي) لتطبيق المواصفات الخليجية عليها فقط وليست ياباني.

انا معايا 2010 يابانى ومثبوت على القائم وشهر تصنعها مارس ياترى جبتها من كوكب اخر ولا معموله عموله يعنى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بصراحة انا شايف انها مش هتفرق مع صاحبك فى حاجة و بينى و بينك الكورولا الجديدة ملهاش لازمة و الجنوب أفريقى كانت أفضل و فيها اوبشن أفضل و بنفس مستوى الجودة و سعرها اقل فنصيحة قول لصحبك مش هتفرق فى حاجة أذا كانت يابانى او تايلندى أو جنوب أفريقى لأنها من الأخر كورولا بمعايير جودة تويوتا
و ربنا يوفق للى فيه الخير

بتفرق فى اليابانى جوده اعلى فى الخامات والتقفيل احسن اكيد فى المصانع الاخرى مثل جنوب افريقيا وتايوان بتبقى الاوبشن اعلى

تويوتا كرولا 2011 100% يباني انا شوفتها في توكيل العباسيه وشوفت علي القايم بتاع الباب اللوحه مكتوب عليها صناعه اليابان وسعر الهاى لاين 162 الف والاقل منها 150 الف ال 2 اوتوماتيك عادي

فى الامارات من اول 2011 بقت بتيجى من تايوات ماعرفش بالنسبه لمصر من الوكيل اللى قلبه جامد ده وجابها من اليابان لانى حاتبقى اسعارها اعلى من الموجود فى السوق

[Samir Elshahawy]

بصراحة انا شايف انها مش هتفرق مع صاحبك فى حاجة و بينى و بينك الكورولا الجديدة ملهاش لازمة و الجنوب أفريقى كانت أفضل و فيها اوبشن أفضل و بنفس مستوى الجودة و سعرها اقل فنصيحة قول لصحبك مش هتفرق فى حاجة أذا كانت يابانى او تايلندى أو جنوب أفريقى لأنها من الأخر كورولا بمعايير جودة تويوتا
و ربنا يوفق للى فيه الخير

ده الكلام الصح .... أنت بتشتري تويوتا

[احمد فهمى]

مش هتفرق معاك اى حاجه ده موضوع زى نوكيا و اتش بى كله صينى بس كولتى كنترول عالى جدا