ما هو تقييمك لوكيل تويوتا و مراكز الخدمه

[رأفت]

شكرا جزيلا على هذا الطرح التفصيلى الوافى . أدامكم الله فى خير حال

[islamabady1980]

متابع

[islamabady1980]

متابع

[Essso1]

يا ريت الناس تكتب افضل مراكز الصيانة في الوقت الحالي واسعارهم و ذلك لان احدث مشاركة تفاعلية كانت في 2013

[اياد علاء]

توكيل تويوتا ممتاز جدا انا لسة عامل صيانة فى السنة اللى فاتت لعربيتى toyota avanza 2009

بقت زى الجديدة

[tarek zedan]

ايه رايكم فى التويوتا الجنوب افريقى هيا احلى والا اوبترا ٢٠١٠ حاجه كدة عامله ٨٠ الف كيلو وهجيبها علشان هركب فيها اسطوانه غاز وهشتغل بيها ؟؟؟؟؟؟

[صلاح المحترف]

انا رحت التوكيل فرع العباسية علشان اعمل صيانة 1000وانا فى الطريق سمعت حكة جامدة وقفت ونزلت لفيت حول العربية لقيت فبرة من الكارتيرة تحت الكصدام من ناحية الشمال صاقطة قلت ماشى اهو ملحوظة اقلهم عليها يعملوها وصلت التوكيل فالساعة 21.45 وكان المعاد الساعة وحدة وبلغت عن العربية قلو انتظر فضلت منتظر لغاية الساعة 1.25 لغاية مدخلونى سالت الصيانة بتاخد كام قالو ساعة قلت كويس خدو بيانات الرخصة وقالو المهندس هيجى يستلم انتظرت نص ساعة لعاية لما بسلامتو وصل بص على العربية وعلق ورقة وقلت الاستهلاك عندى عالى قالى مين قلك ببرود شديد قلتلو انا بافول التنك واحسب الاستهلاك 10 لتر ل 100 كيلو قالى ده طبيعى قلتلو ازاى عربيه بالمبلغ ده واستهلاكها 10 لتر الموصفات بتقول متوسط 7 قالى ده الطبيعة الى انا اعرفه قلتلو على الفبرة وشافها قالى قسم البودى هيعملها المهم سبت العربية وقعت انتظر ولما زهقت خرجت خارج التوكيل وقعت فى ساعتين وبعدها اتصل بيا وقال العربيه خلصت رحت علشان استلمها لقيت الفبرة زى ماهى قلتلو الفبرة متعملتش قالى انا مالى انت مبلغتش قسم البودى قلت هوانا الى هبلغ اما حضرتك استلمتها ازاى مبلغتش انت هو انا داخل شارع الورش قالى ماليش دعوة ادخل بلغ قسم البودى دخلت وسالت عن المسؤول عن البودى لقيتو قاعد وهاتك يارغى فى التليفون حكتلو على المشكله قالى الشاعة 4 تعالى بكرة قلت انا باجى من مشوار كبير ومش هاقدر اجى تانى قالى نكلم المهندسه مش عفاكر اسمها المهندسة قالها على المشكلة راحت طالعه فيا بصوت عالى وهات يا تزعيق قلتلها انتى بتزعقى ليه انا غلطان انى اشتريت العربيه من توكيل سىء واول مرة واخر مرة اجى عندكم ورحت واخد العربيه وماشى الصراحة انا نفسى طلعن من العربيه بسبب الاهمال واقلة الادب الى انا شفتها فى التوكيل وبفكر انى مرحش التوكيل تانى واغير زيت بنفسى على فكرة انا ركبت وحدة رفع الزجاج وخدو منى 770 جنيه شامل الضريبة وسالت على وحدة ضم الزجاج قالى مش موجودة وسالت على بعض الحجات بردو مش موجودة

[tarek.ezz]

للأسف أغلب التوكيلات في مصر بتواجه نفس المشكلة.
نقص العمالة المدربة و عدم وجود متابعة من الإدارة لمراكز الصيانة.
ده غير سلبيتنا احنا كعملاء لاننا مش بنصعد مشاكلنا و مش بننشرها.
توكيل تويوتا و من خبرتي معاهم من 2002، مهندسين كتير بيمشوا كل سنة و كتير بيروحوا الخليج.
ف النتيجة ان بيحصل مشاكل مالهاش لازمة.

هل احنا لينا صفحة عالفيسبوك نتجمع فيها و تكون وسيلة لحل مشاكلنا؟

[حازم احمد]

اسعار غالية للغايه بالتوكيل

[ganamalala1972]

كرولا 2013 خليجى

امامى تيوتا كرولا خليجى ماشية 50 الف كيلو اول فئة مطلوب 160 الف فابريكة برة وجوة اية رايكم والاهم حعمل صيانتها فين هل الخليجى بيدخل التوكيل زى ابو رواش ولا لازم اعملها فى مركز معتمد ولا اية

[اياد علاء]

الصراحة توكيل تويوتا محترم جدا

[egy_alone]

امبارح كانت اول زياره وصيانه لتوكيل تويوتا بالتجمع الخامس وده الساعه خمسه وللاسف احب اقول ده اسوء مركز صيانه اتعاملت معاه في مصر ، مفيش التزام بالمواعيد وحد يقعد معاك يقولك عملوا ايه ومطلوب ايه ويفضل ايه ولا اي حاجه .
معقوله دي تويوتا ايجبت

[Tamer Elkateb]

محترم ازاى وهو مظبط مع اصحاب المعارض

الصراحة توكيل تويوتا محترم جدا

يعنى صراحة انا مش فاهم هو محترم ازاى. الكورولا مرمية فى كل المعارض باوفر 30 الى 50 الف جنيه والوكيل المحترم بيقول الاستلام بعد 6 شهور. تفتكر حضرتك ان دى صدفة؟!

[Wael74]

تم كسر درج التابلوه فى صيانة 60000 للاسف ما اكتشفتش ده الى بعد 15 يوم فى فرع التجمع

[hawary2]

السلام عليكم انا عندى استفسار بخصوص فتيس ال CVT تويوتا كورولا 2019 بلاحظ لما بدخل بالسيارة فى شارع عادى او جراج واجى ازود بنزين وانا ماشى بالسيارة بسمع صوت خفيف مع صوت الماتور زى صوت تكتكة كدة مش عارف احدد الصوت دا بالظبط سالت عليها فى التوكيل قالولى ان الصوت دا طبيعى علشان ال CVT وبيسمو الصوت دا فى التوكيل operation noise ، والصوت دا بسمعة او بيظهر لما اجى اعمل مشوار بالعربية او لما العربية تسخن
فكنت عايز اعرف هل دا طبيعى ولا لا وحد لاحظ الصوت دا
شكراااا جزيلا