ما هو تقييمك للسيارة كورولا 2008 الجنوب افريقى؟

[qwertyqwerty]

شكرا للاخ الفاضل احمد علوى

[Ahmad Allawy]

يا باشا لا شكر علي واجب.. انا تحت امرك..
واهي فرصه برضه اقرا و اعرف تكنولوجي جديدة.. :)

[MohabSaeed]

اعتقد التكنولوجيا " المفرطه " .... كانت نقمه على الكورولا الجديده... لانهم" شركة تويوتا " حاولو يقلدو الالمان فى استخدام و توظيف التكنولوجا فى الكورولا الجديده . فجت بنتيجه عكسيه .

كده الكورولا فقدت اهم ميزه وهى " الاعتماديه " .

ان شاء الله المشكله تتحل فى اقرب وقت بأذن الله . شركه تويوتا بتخاف على سمعتها جدا . واكيد مش حتسمح ان يكون فى عيوب فى سيارتها ... ومتلقيش ليها حل . ده مستحيل .
ولو التوكيل فى مصر محلش المشكله ..... ابعتو للشركه الام فى اليابان .

[Sharky]

اعتقد التكنولوجيا " المفرطه " .... كانت نقمه على الكورولا الجديده... لانهم" شركة تويوتا " حاولو يقلدو الالمان فى استخدام و توظيف التكنولوجا فى الكورولا الجديده . فجت بنتيجه عكسيه .

كده الكورولا فقدت اهم ميزه وهى " الاعتماديه " .

.

كلام مظبوط جدا
إللى كان مخللى الكرولا واخدة سمعة جامدة و محافظة على سعرها فى المستعمل هو الإعتمادية الناتجة عن عدم وجود تكنولوجى جديدة فيها و دا أدى إلى عدم وجود اعطال تذكر بها

[Ahmad Allawy]

بس ده برضه لا يمنع انهم هيتغلبوا علي المشكلة اللي تعتبر بسيطة دي قريب.
و هترجع تاني إعتماديتها السابقة..
بس مع فارق انهم ادخلوا تكنولوجي جديدة علي موديل من انجح موديلات تويوتا..
للعلم.. هما جربوا الفتيس ده في اكتر من موديل قبل كده و في منهم كان شغال زي الفل من غير اي مشاكل تذكر و في منهم اللي عمل قلق زي كده..
عادي يعني.. لازم الواحد ياخد خطوة و يتعلم من الاخطاء عشان يبقي في تطور..

[MohabSaeed]

بس تطوير على حساب السمعه + السعر !!!!!! اعتقد صفقه غير مقبوله انى ادفع 140 : 160 الف جنية و فى الاخر اجيب عربيه الفتيس فيها بيعلق !؟؟ وكمان التوكيل مش عارف يحل المشكله ؟؟؟؟ طيب سيبنا ايه للصين الى الناس كلها نازله فيها تريقه ؟ طيب ليه ماجيب اى بديل ...
الكلام دة لو حصل فى عربيه كورى ب 60 الف او 70 الف جنيه ..... كانت حتاخد سمعه زى الزفت ومش حتتباع .. مابالنا ب عربيه تمنها فوق ال130 الف جنيه !!!!!!

وبعدين طول عمر الكورولا بتتجاب علاشان اعتماديتها " ... لما يفقدو الاعتماديه + يغلو سعرها = فشل ذريع
ممكن اجيب اوكتافيا او ازود الميزانيه واجيب فيكترا " الى هية اساسا فى فئه اعلى من الكورولا " . , وفى الجيتا ممتازه .... جوده واعتماديه وتصميم انيق .

انا شايف ان تويوتا مش على الطريق الصح..... بيصرفو كتير على الابحاث والتطوير .... لكن صراع القمه مع GM خلاهم يفقدو عنصر الجوده .

[elkodsy]

اعتقد لازم وقفة ضروري لوقف الاستغلال دة , دة مش كفاية استغلال لا دة عيوب كمان, لما نشوف المشكلة هتنحل ازاي

[vortec]

دي تعتبر أول مشاركة ليا في المنتدي والسبب ان الموضوع شد انتباهي ...أنا أعتبر من أول ملاك كورولا 2008 ال mmt في مصر(الهاي لاين)...ومع احترامي لرأي بعض الأخوة الأعضاء انهم اتكلموا عن حاجات كتير في العربية بتدل انهم عمرهم ما ركبوها أبل كدة.وأنا هقول شوية نقط:
1-أكتر مالفت انتباهي العضو الفاضل اللي بيأول تيل الفرامل ب1000ج..ده طبعا كلام مش صحيح تيل الفرامل بيتباع سواء في التوكيل أو عند أي موزع تويوتا ب 335ج بيتغير في العربية كل 20.000كم (أنا ماشي بعربيتي 48.000كم ومغيروا مرتين).
2-مشكلة الفتيس...اذا ينفع نسميها مشكلة كان الكلام ده أول مانزلت خالص كان الغيار بيعلق علي وضعية ال E ونزل سوفت وير جديد للفتيس واتحلت المشكلة دي بالها سنة وكان أي عميل بيروح لأي فرع للتوكيل وبينزلولوا السوفت وير مجاني مع أحسن استقبال.والفتيس معايا شغال مالوش حل ومريح جدا .
3-الفكرة اللي عندي أغلب الناس عن تركيب الفتيس (الفتيس لو دخلت علي موقع الويكبيديا هتعرف ان تركيب الفتيس ده هو نفس تركيب المانيوال بس كل الفكرة ان اسطوانة الكالتش بتعمل بشكل الكتروني بواسطة كونترول يونيت زي ما أحد الأعضاء اتفضل وعرفنا.الحوض بتاع الموتور نفسه مختلفف تماما عن حوض موتور الأوتوماتيك.

المشكلة اللي وقع فيها ناس كتير انهم اتعاملوا مع العربية علي انها أوتوماتيك وان الفتيس ده زيه زي ال ستيب ترونيك بتاع المازدا ولا اليزي ترونيك بتاع الأوبل اللي بينقل الغيار وهو حاطط رجله علي دواسة البنزين

وأخيرا تقييمي للعربية انها ممتازة جدا بكل فئاتها سواء مانيوال أو أوتوماتيك أو mmt
أتمني أكون أضفت مشاركة ايجابية واسف للاطالة

[Sharky]

1-أكتر مالفت انتباهي العضو الفاضل اللي بيأول تيل الفرامل ب1000ج..ده طبعا كلام مش صحيح تيل الفرامل بيتباع سواء في التوكيل أو عند أي موزع تويوتا ب 335ج بيتغير في العربية كل 20.000كم (أنا ماشي بعربيتي 48.000كم ومغيروا مرتين).

حضرتك تيل الفرامل فيه زميل لينا فى المنتدى غيره فى التوكيل من شهر و نصف تقريبا بـ 475 جم

http://www.nilemotors.net/Nile/103224-45000-2008-a.html

و سعر 1000 جم كان قاله عرفه الموزع المعتمد لقطع غيار تويوتا

2-مشكلة الفتيس...اذا ينفع نسميها مشكلة كان الكلام ده أول مانزلت خالص كان الغيار بيعلق علي وضعية ال e ونزل سوفت وير جديد للفتيس واتحلت المشكلة دي بالها سنة وكان أي عميل بيروح لأي فرع للتوكيل وبينزلولوا السوفت وير مجاني مع أحسن استقبال.والفتيس معايا شغال مالوش حل ومريح جدا .

بالنسية للفتيس السوفت وير دا بيتغير تقريبا كل 20 الف

http://www.nilemotors.net/Nile/109062-mmt.html