الفرامل بقت في الضياع ! والعربية بتزحف مش بتقف !

[Ahmod]

السلام عليكم

يا جماعة انا عندي مشكلة في الفرامل ومش عارف سببها

الفرامل مابقتش تقفش خالص والعربية بتزحف مع اي فرملة وبقالها مدة على كدة بس الموضوع عمال يزيد والفرامل عمالة تضعف

يعني لو مثلا ماشي على 80 وحبيت اهدي الاقي العربية طلعت صوت الفرملة ده (اكيد عارفينه الصوت اللى بيطلع نتيجة زحف الكاوتش لما بتمسك فرامل جامدة ! )

بس طبعا الصوت ده بيطلع عندي لما بحب اهدي

العربية بتزحف جامد وبحس انها مش عايزة تقف واني خلاص هلبس في اللى قدامي

الى غير طبعا الصوت اللى بيخلي صاحب العربية اللى قدامي يحس ان فيه قطر جاي يدوسه يقوم شاتم بالكلاكس او نازل مزعق ! !

فانا عايز اعرف ايه سبب الزحف ده وليه الفرامل ضعيفة كدة ؟ اعتقد ان لو لاقدر الله حصل موقف مفاجأة قدامي مش هلحق اوقف العربية !

فهل ده بسبب تيل الفرامل ؟ ولا من الكاوتش ؟ لان فيه ناس قالتلي الكاوتش سعات بيبقى هو السبب في الزحف وبيخلي الفرامل ماتقفش ! !

+ ان المفروض العربية فيها Abs يعني الزحف ده مش منطقي انه يحصل !

[medo_sirion]

بس ياسيدى اولا منورنا
ثانيا عاوز تعرف لية ال abs مش بيشتغل لان كاوتشات حضرتك تعتبر انتهت تمان ولا توجد بها نقشة لكى تقوم بعملية الاحتكاك لتوقف السيارة وبالدليل انك بتسمع صوت اللى بتقول علية انة معروف والمعروف ان عمر مافى صوت بيطلع من الفرامل دة بيكون صوت الكاوتشات ودة بسبب انها اتكلت وبقت بدون نقشة

ثانيا لو حضرتك مش مقتنع بكلامى افتح كاتلوج السيارة واقراء فى قسم الفرامل
بيقولك ان نظام مانع الانزلاق لا يعمل عندما تكون الكوتشات فى حالة سيئة او يعنى تكون صلحيتها انتهت
فنصيحة منى انك تروح عند اى حد بتاع كوتشات محترم او مركز بريجيسدون ويكشفولك على الكوتشان ويطمنوك

تقبل تحياتى

[egyptiandiver]

الكاوتش

[Ahmod]

بس ياسيدى اولا منورنا
ثانيا عاوز تعرف لية ال abs مش بيشتغل لان كاوتشات حضرتك تعتبر انتهت تمان ولا توجد بها نقشة لكى تقوم بعملية الاحتكاك لتوقف السيارة وبالدليل انك بتسمع صوت اللى بتقول علية انة معروف والمعروف ان عمر مافى صوت بيطلع من الفرامل دة بيكون صوت الكاوتشات ودة بسبب انها اتكلت وبقت بدون نقشة

ثانيا لو حضرتك مش مقتنع بكلامى افتح كاتلوج السيارة واقراء فى قسم الفرامل
بيقولك ان نظام مانع الانزلاق لا يعمل عندما تكون الكوتشات فى حالة سيئة او يعنى تكون صلحيتها انتهت
فنصيحة منى انك تروح عند اى حد بتاع كوتشات محترم او مركز بريجيسدون ويكشفولك على الكوتشان ويطمنوك

تقبل تحياتى

مانا برضوا حسيت انه من الكاوتش بس اعتقد ان ال abs شغال لاني بحس باهتزاز في دواسة الفرامل بس الكلام ده لو بفرمل فوق رمل غير كدة بتزحف وبطلع صوت !

طيب هو مش المفروض ان العمر الافتراضي للكاوتش تقريبا في حدود ال 40 الف كيلو ؟ انا عامل حوالي 27 الف

اه العربية معايا بقالي اربع سنين بس مش بمشي كتير

وكدة الاربع فرد انتهت صلاحيتهم ؟ ولا ممكن يكون مثلا الاتنين اللى قدام ؟

عموما هروح اكشف وربنا يسهل

الكاوتش

الف شكر هروح اكشف وخير

[medo_sirion]

اه العربية معايا بقالي اربع سنين بس مش بمشي كتير

وكدة الاربع فرد انتهت صلاحيتهم ؟ ولا ممكن يكون مثلا الاتنين اللى قدام ؟

اهوة انت بتغنى وبترد على نفسك ههههههههههههههههههههه
اربع سنين ياراجل ياطيب طبعا انتهت صلحيتهم ودة السبب مش شرط انك تمشى بيهم فى عوامل جوية من الركن الكتير فى حاجة اسمها ان الفرد عندك اتشققت ودة خطر جدا
نصيحة من اخوك غير الاربع فرد دول امن حاجة ليك ولاسرتك دية امانة فى رقبتك

[Ahmod]

اه العربية معايا بقالي اربع سنين بس مش بمشي كتير

وكدة الاربع فرد انتهت صلاحيتهم ؟ ولا ممكن يكون مثلا الاتنين اللى قدام ؟

اهوة انت بتغنى وبترد على نفسك ههههههههههههههههههههه
اربع سنين ياراجل ياطيب طبعا انتهت صلحيتهم ودة السبب مش شرط انك تمشى بيهم فى عوامل جوية من الركن الكتير فى حاجة اسمها ان الفرد عندك اتشققت ودة خطر جدا
نصيحة من اخوك غير الاربع فرد دول امن حاجة ليك ولاسرتك دية امانة فى رقبتك

انا فعلا رحت مركز اشرف اسحق بتاع الكاوتشات الموجود في شارع احمد عرابي وسألته ولسه راجع دلوقتي

قلتله على اللى بيحصل قالي الكاوتش عمره الافتراضي 5 سنين او 40 الف كيلو ايهما اقرب والكاوتش بتاعك لسه فيه حرام تغيره دلوقتي

قلتله طب امال الصوت ده من ايه والعربية بتزحف ليه قالي اكشف على تيل الفرامل لان ممكن يكون الفرامل مش بتقفش مرة واحدة ومش بتقفش جامد فبتغلي العربية تزحف بالطريقة دي

! ! !

[asemx1]

السلام عليكم يا اخ احمد

عربيتك عامله 40 الف كيلو و 4 سنين دا حاجه عاديه للكاوتش دا

الكاوتش بتاعها الاصلى البردجستون اليابانى بوتنزا عامل معايا 52000 وحالته كويسه جدا كالجديد

ادامك كذا احتمال يا باشا بس هقولك على ابسطهم وارخصهم اولا

الابسط والارخص

1- تروح تعمل ظبط زوايا يكون عند حد بيفهم مش شرط كمبيوتر بس يكون بيفهم فعلا لان الفرامل بتقل كفائتها 50% لو الزوايا مش مظبوطه

2- تروح تكشف على التيل ودا مستبعد برضو انه يكون خلص

الاغلى بقى

1- تروح تكشف على دائره الفرامل ولا انصح بيها دلوقتى خالص انك تفتح فى العربيه الا لما تعمل الاتنين ظبط زوايا وكشف على التيل

بس عموما انا برجح ان دا ظبطه زوايا علشان العربيه فيها ebd ودا توزيع الفرامل الكترونيا ولما تكون الزوايا مش مظبوطه بتكون العجل بيختلف احتكاكه على الارض من عجله لعجله تانيه فبيحصل كدا

شوف كدا وقولى

[Ahmod]

السلام عليكم يا اخ احمد

عربيتك عامله 40 الف كيلو و 4 سنين دا حاجه عاديه للكاوتش دا

الكاوتش بتاعها الاصلى البردجستون اليابانى بوتنزا عامل معايا 52000 وحالته كويسه جدا كالجديد

ادامك كذا احتمال يا باشا بس هقولك على ابسطهم وارخصهم اولا

الابسط والارخص

1- تروح تعمل ظبط زوايا يكون عند حد بيفهم مش شرط كمبيوتر بس يكون بيفهم فعلا لان الفرامل بتقل كفائتها 50% لو الزوايا مش مظبوطه

2- تروح تكشف على التيل ودا مستبعد برضو انه يكون خلص

الاغلى بقى

1- تروح تكشف على دائره الفرامل ولا انصح بيها دلوقتى خالص انك تفتح فى العربيه الا لما تعمل الاتنين ظبط زوايا وكشف على التيل

بس عموما انا برجح ان دا ظبطه زوايا علشان العربيه فيها ebd ودا توزيع الفرامل الكترونيا ولما تكون الزوايا مش مظبوطه بتكون العجل بيختلف احتكاكه على الارض من عجله لعجله تانيه فبيحصل كدا

شوف كدا وقولى

والله هي العربية عاملة 27 الف لسه ماوصلتش لل 30 الف كيلو حتى

بالنسبة لموضوع الزوايا العربية كانت من حوالي شهر كدة بتحدف جامد رحت عملت زوايا والامور اتظبطت الحمد لله

بعدها للاسف خبطت وطلعت على الرصيف بعرض العربية والعربية من تحت حكت جامد قلت لازم اروح لعفشجي اشوف الخبطة سمعت في حاجة ولا لاء

المهم حط العربية على جهاز الزوايا قالي المقص الشمال لازم يتغير

قلت اروح عند عفشجي تاني لاني مش حاسس بتأثير في الاتجاهات يعني اقصد لو المقص الشمال فعلا جايب سنتي ونص زي ماقالي على الاقل كانت هتبقى بتحدف بس انا مش حاسس بحدفة او اي حاجة

رحت لعفشجي تاني حط العربية على جهاز الزوايا قالي سليمة مافيش حاجة وظبطتلك الزوايا

فانا كبرت دماغي

بس اعتقد ان الفرامل ضعيفة من قبل الموضوع ده يمكن ماكنتش بتزحف زي كدة بس كانت ضعيفة برضوا

----------

عموما ياريت حضرتك تقولي فين المراكز اللى اقدر اكشف فيها على الزوايا واخد كلمتهم وانا مطمن

وفي نفس الوقت لو الزوايا سليمة اكشف على التيل فين ؟

والف شكر يا باشا تعبك معايا

[MMamdouh]

الزحف مع الفرملة مشكلة كاوتش

MMamdouh

[asemx1]

والله هي العربية عاملة 27 الف لسه ماوصلتش لل 30 الف كيلو حتى

بالنسبة لموضوع الزوايا العربية كانت من حوالي شهر كدة بتحدف جامد رحت عملت زوايا والامور اتظبطت الحمد لله

بعدها للاسف خبطت وطلعت على الرصيف بعرض العربية والعربية من تحت حكت جامد قلت لازم اروح لعفشجي اشوف الخبطة سمعت في حاجة ولا لاء

المهم حط العربية على جهاز الزوايا قالي المقص الشمال لازم يتغير

قلت اروح عند عفشجي تاني لاني مش حاسس بتأثير في الاتجاهات يعني اقصد لو المقص الشمال فعلا جايب سنتي ونص زي ماقالي على الاقل كانت هتبقى بتحدف بس انا مش حاسس بحدفة او اي حاجة

رحت لعفشجي تاني حط العربية على جهاز الزوايا قالي سليمة مافيش حاجة وظبطتلك الزوايا

فانا كبرت دماغي

بس اعتقد ان الفرامل ضعيفة من قبل الموضوع ده يمكن ماكنتش بتزحف زي كدة بس كانت ضعيفة برضوا

----------

عموما ياريت حضرتك تقولي فين المراكز اللى اقدر اكشف فيها على الزوايا واخد كلمتهم وانا مطمن

وفي نفس الوقت لو الزوايا سليمة اكشف على التيل فين ؟

والف شكر يا باشا تعبك معايا

شوفت كما توقعت المشكله زوايا مش اكتر

وياباشا ممكن العربيه ما تحدفش وتبقى عايزه ظبط زوايا عادى

بس بالنسبه للزوايا يا باشا لو انتا غاوى سفر تعالى المنصوره وانا اوديك لواحد بيظبط زوايا انتا هتستنى دورك بتاع ساعتين كدا

بس وعد منى هتطلع الزوايا ميت فل وعشره والفرامل ميه ميه

الموضوع مجرب فى لانسر كانت بتزحف برضو مع الفرمله وقولتله زوايا مع ان العربيه مش كانت بتحدف واتحلت

عربيتك علشان اخدت خبطه ممكن الزوايا اتغيرت شويه ودا عادى لكن المقص مستبعد يكون اتنى او حصله حاجه غير الكاوتش بتاع المقص هوا الى ممكن يكون ريح شويه وعمل فرق بس الافضل الزوايا الى تكشف كل دا


وياباشا نصيحه منى وهتستغرب من كلامى لما اقولك ان مصر مافيهاش حد بيظبط زوايا ولا بيفهم فى تظبيط الزوايا مع احترامى لاى حد لان فى ييجى 3 زوايا موجودين فى العجله الواحده زاويه ميل وزاويه انفراج وزاويه لف

كل زاويه ليها قيمه وبصراحه محدش عارفها غير الى عندى لما سالته قالهوملى ولما دخلت على الورك شوب لقيتها فعلا

هوا قديم بيستخدم اجهزه ظبط قديمه بمقياس ميه وضوء بس رائع وانتا هتستنى دورك حابب تشرف وتكلمنى انزل معاك عادى يا باشا

بس خلاصه الحوار فى الزحف دا الزوايا وماتلفش وماتدورش كتير

[mohammadrashee]

اخواني الكرام
بعد اذنكم اعتقد الموضوع ابسط من كل ده استاذ احمد حضرتك عملت رجلاش للفرامل الخلفيه ولا لآ لأن انا كان عندي نفس الكلام ده و رجلشت الفرامل بنفسي وبقت ميه ميه
وعلى فكره في ناس في القاهره يتظبط زوايا كويس جدا وتقرير كمبيوتر كمان
شكرا

[asemx1]

اخواني الكرام
بعد اذنكم اعتقد الموضوع ابسط من كل ده استاذ احمد حضرتك عملت رجلاش للفرامل الخلفيه ولا لآ لأن انا كان عندي نفس الكلام ده و رجلشت الفرامل بنفسي وبقت ميه ميه
وعلى فكره في ناس في القاهره يتظبط زوايا كويس جدا وتقرير كمبيوتر كمان
شكرا

حبيبى السياره مجهزه بنظام ebd ورجلشه الفرامل الخلفيه رجلشه للهاند فقط وليس للفرامل

الزوايا الزوايا الزوايا فققققققققققط

[mohammadrashee]

يا عاصم باشا
الفرامل ممكن تترجلش من الهاند صح وممكن تترجلش من الطنبوره من عند العجله
وطالما ماشي 27000 بس يبقى عايز يرجلش من الهاند

[asemx1]

يا عاصم باشا
الفرامل ممكن تترجلش من الهاند صح وممكن تترجلش من الطنبوره من عند العجله
وطالما ماشي 27000 بس يبقى عايز يرجلش من الهاند

ياسيدى الفاضل رجلشه الهاند دى بتتم من الطنبوره الى ورا او من عند الهاند نفسه بس اسهله الطنبوره الى ورا دون فك الطنبوره

ودى رجلشه هاند فقط مش هتاثر معاه فى الفرامل العاديه بتاعت الرجل فبلاش يفتح فى فرامل اساسا ويظبط بس الزوايا وضغط العجل على 32 وهتبقى ميه ميه

[mohammadrashee]

مشكو لك حرصك يا باشا
اولا انا مقولتش يفتح رجلشه الفرامل من الهاند حاجه بسيطه يعملها بنفسه
لو مفيش نتيجه يشوف الزوايا زي ما انت بتقول
ثانيا ازاي ممكن يرجلش ورا من غير ما يفك الطنبوره المكان اللي بيترجلش منه جنب الماستر على كول يعني لازم نفك الطنبوره
صح كده ولا انا مش واخد بالي
وعلى فكره انا هاخد بنصيحتك في موضوع فلتر التكييف هجيب واحد ان شاء الله واروح لبتاع التكييفات ينظف السربنتينه من جوه
بس مينفعش اعملها انا