شكـــوى من فتيـــس Mmt فى الكــرولا الجنــوب أفريــقى

[ahmedfd]

سبحان الله انا لسه شايف واحدة شكل جديد ع الاوتوستراد بتجري و غرز و كل حاجة..بس يمكن كانت مانيوال..
هو يمكن حكاية ان الفتيس الاوتوماتك مبني على اساس فتيس مانوال قصدهم ان الاصل في الفتيس ده انك تمشي عليه مانوال مود معظم الوقت و تستخدم الاوتو عند توفر ظروف قيادة مناسبة زي عدم و جود مطبات او زحام ..اصل بصراحة حكاية فتيس اتوماتك مبني على فتيس مانوال مش فاهمها و اول مرة اسمع بيها وياريت حد يوضحلنا اكتر مقصود بيها ايه..و اي عربية ستب ترونيك بيقولك ستب ترونيك و خلاص..

أنا لي صديق معاه نفس العربية و بيعاني من نفس المشكلة بالمللي حتى حكاية بعد المطب العربية مترضاش تنقل و الـ RPM يعلى لحد 4 و 4.5 و هي لسه على الأول و يضطر يحولها مانيوال و ينقل و بعدين يرجعها على الـ E تاني و فعلاً قالولوا في التوكيل إن الفتيس أساساً مانيوال ... أعتقد أنا فاكر إنه قالي إن فيها إسطوانة و ديسك عادي زي المانيوال بالظبط بس بيتنق من غير دبرياج بالكهربا .. حتى هوا كان بيشتكي إنه بيسمع صوت لما ينقل و سمعهولي فعلاً من جنب العجلة الأمامية في مكان هادئ و هو صوت شبه نقل المانيوال بالظبط لما تنقل عصاية الفتيس و التروس تعشق في بعض.

بس كون ده بقى طريقة سواقة و الناس لازم تتعود عل الفتيس الجديد أو في عيب عام محتاج نظرة من تويوتا جنوب أفريقيا أو اليابان، هوده ده السؤال دلوقتي!!!!

[elkodsy]

هو دة الي حاصل معايا بالضبط واعتقد الحكاية دي مايتسكتش عليها وانا ناوي اعمل مشكلة كبيرة في الصيانة القادمة إن شاء الله.
يا ريت حد تاني من السادة الملاك يدينا رأية, عاوزين بس نتأكد ان المشكلة عامة علي كل العربيات وبعد كدة اعتقد ممكن ناخد موقف واحد

[mrgmm]

بصراحه انا هقول كلام مش هيعجب محبى الكورولا الجديده
انا معايا الكورولا الجديده الفل اوبشن و انقلبت بى على طريق شرم الشيخ و انا ماشى بسرعة 140 كم
بصراحه اتزان زفت فرامل زفت
لكن الحق يقال ان المقصوره حديد فولاز بدليل السياره كلها تدمرت تماما لكن اللى بداخلها فضوا احياء و منهم العبد الفقير قاد السياره

بصراحه ما انصح احد يشتريها

[Sharky]

على 140 و إتقلبت و فراملها وحشها دى مشكلة جديدة تنضم لمشاكل الكورولا الجديدة

ممكن حضرتك تحكى لنا أكتر عن الحادثة حصلت إزاى ؟؟

[أبو عبدالله]

بصراحه انا هقول كلام مش هيعجب محبى الكورولا الجديده
انا معايا الكورولا الجديده الفل اوبشن و انقلبت بى على طريق شرم الشيخ و انا ماشى بسرعة 140 كم
بصراحه اتزان زفت فرامل زفت
لكن الحق يقال ان المقصوره حديد فولاز بدليل السياره كلها تدمرت تماما لكن اللى بداخلها فضوا احياء و منهم العبد الفقير قاد السياره

بصراحه ما انصح احد يشتريها

قدر الله وماشاء فعل
ولكن انا لست مكذب لحضرتك

يعني عربيه تتقلب على 140 بسبب عيب فيها
أظن والله اعلم انها صعب قوي
يعني دي معملتهاش الياريس اللي هيا اخف واعلى
يبقى هتعملها الكورولا

متهيألي ان الموضوع ليس عيب فيها
واكيد في ظروف تانيه ممكن تحكيلنا عن الحادث

[mohameduoser]

واضح انا الكورولا الجنوب افريقى فيها مشاكل و شكاوى من اصحابها و لازم التوكيل يشوف حلول
مش بس زيادة اسعار و خلاص

[ahmedfd]

حضرتك في موضوع تاني قلت إن العربية اللي إتقلبت موديل 2007 ... يعني قصد حضرتك كورولا الشكل القديم لإن الجديد بدايته من 2008.

http://www.nilemotors.net/Nile/showthread.php?p=250485#post250485

هوا عامة 140 مش سرعة بسيطة خالص و أي عربية ممكن يحصل لها كدة حتى لو إدتك إحساس خادع بالثبات لإنه في النهاية إنت ماشي على 4 فرد كاوتش كل واحدة ملتصقة بالأرض في نقطة... يعني شوية زيت أو رمل في الطريق مع هوا جامد أو عيب في الزوايا أو الترصيص ممكن يعمل مشاكل كبيرة في أي عربية حتى لو مرسيدس على السرعات دي.
و ألف حمد لله على سلامتك و ربنا يعوضك خير و ياريت تحكيلنا ظروف الحادث علشان كلنا نستفيد.

[محمد ابراهيم 1]

بصراحه انا هقول كلام مش هيعجب محبى الكورولا الجديده
انا معايا الكورولا الجديده الفل اوبشن و انقلبت بى على طريق شرم الشيخ و انا ماشى بسرعة 140 كم
بصراحه اتزان زفت فرامل زفت
لكن الحق يقال ان المقصوره حديد فولاز بدليل السياره كلها تدمرت تماما لكن اللى بداخلها فضوا احياء و منهم العبد الفقير قاد السياره

بصراحه ما انصح احد يشتريها

على الرغم من أنى مش من مشجعى الكورولا الجديده
لكن 140 دى سرعه عاليه جدا جدا وكفيله بقلب أى عربيه فى مطب هوا
ومن ناحيه تانيه إحنا بنتكلم عن الكورولا 2008 مش 2007
فلازم حضرتك مشكورا تتحرى الدقه فى المعلومه حتى لا تأخذ إثما بغير مقتضى

[mohameduoser]

وا ومن ناحيه تانيه إحنا بنتكلم عن الكورولا 2008 مش 2007
فلازم حضرتك مشكورا تتحرى الدقه فى المعلومه حتى لا تأخذ إثما بغير مقتضى

ماهو كاتب كورولا الجديدة

[Sharky]

على فكرة يا جماعة انا النهاردة عديت بعد الشغل عالطول على واحد صاحبى مشارك فى مركز خدمة عرفة بتاع تويتا إللى فى المطار و قالى الاتى عن الكرولا الجديدة:

إن جالوا 4 عربيات من الكرولا الجنوب افريقى بيشتكوا من العربية إن سحبها ضعيف قى و الفتيس إستجابته بطئية و ساعات بيعلق و لازم ينقلوا على المنايوال علشان ينقل فى السرعات البطئية و قالوا إن التوكيل معرفش يعملهوم حاجة و هو كمان معرفش يعمل فيها حاجة طبعا.

المفاجاة بقى ان كان عنده النهادرة تويوتا اليابانى إللى فتيس الاتوماتيك بتاعها عادى و قالى الراجل كان عنده المشكلة دى و هى إنه لما ينقل على N و يجى يدوس على البنزين الـrpm بيعلى طبيعى يجى ينقل على D و يدوس بنزين يلاقى البدال فصل و العربية ما بتعملش حاجة و طلع العيب من حساس البنزين عايز يتغير و على فكرة العربية كانت عاملة 8 الاف كم !!

و قالى إن الكرولا الخليجى تايلاندى فعلا مش يابانى إن الياريس من 2009 حتتجمع فى الصين و ماليزيا و خلاص مش حيبقى فيه كرولا أو ياريس يابانى !!

المفاجاة الكبيرة بقى قالى إن تيل الفرامل بتاع الكرولا الجنوب أفريقى بكام بـ 1100 جم !!!!!
و هو بيعوا بـ 950 جم !!!

على فكرة عرفة دا موزع معتمد لقطع غيار تويوتا الاصلية

ياريت ملاك تويوتا الكرولا الجنوب أفريقى يأكدوا او بنفوا المعلومة دى

[elkodsy]

انا زي ما قلتلكم قبل كدة بعت ليتويوتا جنوب افريقيا علي الوب سيت بتاعهم وعلي الرغم انهم استلموا الشكوي الا ان مفيش حد رد عليا لغاية دلوقتي. وبردة بعت لتويوتا مصر وباردة مفيش حد رد علية. انا بصراحة مستني اعرف رائ اكبر عدد من ملاك العربية دة ولو كل الاراء اجتمعت انة في مشكلة اعتقد انة لازم يكون موقف والا اية رايكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[محمد ابراهيم 1]

ماهو كاتب كورولا الجديدة

ده صحيح
لكن فى اللينك ده قايل إنها 2007

http://www.nilemotors.net/Nile/showthread.php?p=250485#post250485

[SuMo]

لكن الحمدلله إن حضرتك سوقت الكرولا و سوقت الميجان و بتقول إن إللى بيحصل فى فتيس الكرولا و و العربية مكملتش 2200 كم لا يقارن بفتيس الميجان إللى واضح من كلامك إنه أفضل من الكرولا إللى موتورها 142 حصان و رغم كده توكيل رينو وفر سوفت وير لكن توكيل تويوتا شايف إن دا طبيعى .

3la fekra ya sharky ana dwrt fel-net w l2it en motor el-corolla 122 hp w el-civic 121 hp
y3ny klam el-tawkil kdb f kdb w kolo d3aya 3shan ysw2o el-3rbia

[hn_kamal]

انا النهاردة بعت نفس التقرير لموقع تويوتا جنوب افريقيا وتويوتا مصر ولسة مفيش حد رد عليا لغاية دلوقتي مشعارف لية علي الرغم اني لما بعت لتويوتا امريكا ردو علية في نفس اليوم بس هما قلولي لازم اخاطب تويوتا مصر لاني مواصفات الكرولا الامريكي بتختلف عن المصري ( دة حتي الموصفات الخليجي بتختلف عن المصري) والفرق واضح اهو طبعا
اكيد هقلوكم التطورات بس يا ريت حد من ملاك الكرولا يفدنا بردة عن الاداء

على فكرة انا تقريبا اول واحد فى المنتدي اشتكى من موضوع الفتيس ده لانى عندي نفس المشكلة بتاعة عدم استجابة العربية للنقل من الاول للثانى وخصوصا بعد النزول من المطب الصناعى وتلاقى صوت العربية عالى جدا والـ rpm وصل 4000 ولما اشتكيت فى التوكيل قالولى انهم حايراسلوا اليابان لمعرفة السبب
وانا بانضم معاك فى المشكلة دى وممكن نروح التوكيل مع بعض وده تليفونى 0106033055

[waleed24ag]

يا جماعه انا متهيئالي توكيل تويوتا بقا بيستهبل الايام دي غلو اسعار و ان كان عجبك خدها كده و تكبر غير طبيعي انا راي لما يكون في مشكله زي كده نقف كلنا مع صاحب المشكله و نشوف نقدر نعمل ايه