إعـــــــلان

Collapse

.

,
See more
See less

[فيديو] تسارع ياريستي من 0-100 = 12 ثانية !

Collapse
X
 
  • Filter
  • الوقت
  • Show
Clear All
new posts

  • [فيديو] تسارع ياريستي من 0-100 = 12 ثانية !

    السلام عليكم ورحمة الله وبركاته

    حبيت اصور فيديو تسارع ياريستي من 0-100 واشوف هتجبهم في كام ثانية

    نظرا لان ناس كتير اوي بتشكك في قوة ماتور الياريس ال 1300 اتوماتيك و بتقول ان الياريس بطه وانها على قدها في السحب

    فحبيت انزل فيديو التسارع

    العربية جابت من 0-100 بالظبط بالاستوب وتش (من اول مادوست على البنزين لحد مالعداد لمس رقم 100 ) في 12.34 ثانية التوقيت في الفيديو مابيبقاش مظبوط اوي

    عشان كدة صورت فيديو وكان معانا استوب وتش عشان نقدر نجبها بالظبط

    انا شايف انه تسارع كويس جدا خاصا كاول تجربة للتسارع من 0-100 وانا متاكد ان العربية ممكن تجبهم في احسن من كدة وتكسر حاجز ال 12 ثانية

    الفكرة في التجميع من 80-100 على الغيار التاني بتاخد وقت اكتر من لو جمعت من 80-100 على الغيار التالت

    لان عند 80 بيكون ال Rpm عند 5200 لفة وده اقصى قوة للماتور بتطلع عنده المفروض بعدها تنقل مباشرة

    بس لان العربية اتوماتيك (مافيهاش استيتبرونيك) فعشان تخليها تنقل عند عدد اللفات ده بالظبط بدون حرق زيادة على الفاضي عايزة حساسية جامدة اوي في دواسة البنزين

    مرة قدرت اظبطها بس للاسف ماكنتش بصور فيديو

    في الفيديو ده للاسف ماقدرتش وده اخرني شوية في التجميع من 80-100 على الغيار التاني

    ان شاء الله هقدر اظبطها وانزلكم فيديو تسارع تاني ويكون افضل من ده عشان نرفع راس ياريستنا حبيبة قلبنا كلنا

    وده الفيديو

    The Best acceleration for toyota Yaris 1.3 L 0-100 - YouTube
    ..

  • #2
    ونسيت اضيف حاجة ان الفيديو متصور والعربية راكب فيها جنوط 16 مع كاوتش عريض 195 (اعرض من الاستوك بتاعها 185)

    وطبعا جنط كبير مع كاوتش اعرض المفروض انها عوامل بتقلل سحب العربية ولو بالبسيط

    وبالنسبة لقراية العداد فالكاوتش اللى مركبه 195/50/16 يكاد يكون نفس الكاوتش الافتراضي بتاعها 185/60/15 فقراية العداد ماتغيرتش ابدا ومظبوطة 100%
    ..

    Comment


    • #3
      احلى حاجه ان العربيه دى ماتورها صغير لكن لما بتشد بيها تلاقى ماتورها يبقى صوته فيه نعره الوحووش

      Comment


      • #4
        انا كنت امبارح فى المطار وجبت على الوصله بتاعت المطار الى على الدائرى 160 كيلو وكنت مفول التانك 80 هههههههههه وكانت عايزه تجيب اكتر بس لقيت ميه على الطريق خفت انها تتزحلق

        Comment


        • #5
          ألف مبروك عليك العربية يا أحمد باشا ..
          و الياريس عربية جراية والله أنا عارف كده كويس ..
          و الفيديو جميل .. و ممكن تعمل أحسن من كده كمان ربنا يباركلك فيها و يكفيك شرها و شر الطريق ..
          و بصراحه عربيتك نضيفه جدا ، يمكن من أفضل العربيات الياريس اللي أنا شوفتها ..
          مبروك ، و منتظرين إبداعاتك يا كبير ..

          Comment


          • #6
            على فكره يا أحمد باشا ..
            أنا نزلت لينك موضوعك ده على منتدى ميتسوبيشي في الموضوع بتاعي للمقارنة بين تسارع العربيات الياباني و الكوري ..
            و كتبت عنه مشاركه مخصوص :

            و يشرفني أن حضرتك و باقي الأعضاء تتشاركوا معانا في الموضوع ده ..

            Comment


            • #7
              بسم الله مشاء الله ربنا يحفظهالك

              Comment


              • #8
                ححاول اكسر حاجز ال 12 ثانية ده و انزل الفيديو ....
                بس اكيد النقلة تبقى عند 5200؟
                [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]

                Comment


                • #9
                  سؤال بس
                  انت عملت كيك داون ؟؟؟
                  ازاي على 80 يبقى الأر بي ام على 5200
                  هو التاني عندك بيفصل على كام في الكيك داون ؟؟؟
                  [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                  [COLOR="Olive"]قال رسول الله صلى الله عليه وسلم :[/COLOR]
                  [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                  Comment


                  • #10
                    المشاركة الأصلية كتبت بواسطة asemx1 مشاهدة المشاركة
                    احلى حاجه ان العربيه دى ماتورها صغير لكن لما بتشد بيها تلاقى ماتورها يبقى صوته فيه نعره الوحووش
                    اه فعلا الماتور صوته بيبقى جميل اوي مع الشد

                    المشاركة الأصلية كتبت بواسطة asemx1 مشاهدة المشاركة
                    انا كنت امبارح فى المطار وجبت على الوصله بتاعت المطار الى على الدائرى 160 كيلو وكنت مفول التانك 80 هههههههههه وكانت عايزه تجيب اكتر بس لقيت ميه على الطريق خفت انها تتزحلق
                    ياراجل حرام عليك وطاوعك قلبك تحط بنزين 80

                    ده انا لما مش بلاقي 92 ومش بيبقى موجود الا 90 بركن العربية لحد ماتصرف في بنزين 92 والحمدلله من يوم ماجت لحد النهارده التنك بتاعها مادخلهوش اي حاجة غير بنزين 92

                    المشاركة الأصلية كتبت بواسطة dawns_mist مشاهدة المشاركة
                    ألف مبروك عليك العربية يا أحمد باشا ..
                    و الياريس عربية جراية والله أنا عارف كده كويس ..
                    و الفيديو جميل .. و ممكن تعمل أحسن من كده كمان ربنا يباركلك فيها و يكفيك شرها و شر الطريق ..
                    و بصراحه عربيتك نضيفه جدا ، يمكن من أفضل العربيات الياريس اللي أنا شوفتها ..
                    مبروك ، و منتظرين إبداعاتك يا كبير ..
                    الله يبارك فيك وان شاء الله هنكسر ال 12 ثانية وهنزل الفيديو

                    المشاركة الأصلية كتبت بواسطة dawns_mist مشاهدة المشاركة
                    على فكره يا أحمد باشا ..
                    أنا نزلت لينك موضوعك ده على منتدى ميتسوبيشي في الموضوع بتاعي للمقارنة بين تسارع العربيات الياباني و الكوري ..
                    و كتبت عنه مشاركه مخصوص :

                    و يشرفني أن حضرتك و باقي الأعضاء تتشاركوا معانا في الموضوع ده ..
                    الشرف ليا يا باشا وتسلم على المرور يا معلم
                    ..

                    Comment


                    • #11
                      المشاركة الأصلية كتبت بواسطة apoadel_vip مشاهدة المشاركة
                      بسم الله مشاء الله ربنا يحفظهالك
                      ربنا يخليك

                      المشاركة الأصلية كتبت بواسطة bloody_stone مشاهدة المشاركة
                      ححاول اكسر حاجز ال 12 ثانية ده و انزل الفيديو ....
                      بس اكيد النقلة تبقى عند 5200؟
                      حاول يا باشا ونزل الفيديو وفرجنا اهم حاجة طريق فاضي عشان مايبقاش فيه اي خسائر لاسمح الله لان عينك هتبقى مركزة بشكل كبير على العداد اكتر من الطريق

                      واكيد النقلة عند 5200 بس ده بالنسبة لل 1300 الاوتوماتيك (اقصد بيها نقلة من الغيار التاني للتالت عشان تجمع من 80-100 على التالت) اما الغيار الاول احرق عليه لحد الريد زون عادي العربية بتجمهم بصورة ممتازة لو طالع طلعة صح

                      مش عارف بقى المانويل ايه النظام فيه

                      بس لو انت مانويل هتبدا تعلي في ال rpm وتسيب الدبرياش وانت عند 3200 لفة

                      تنقل التاني عند 5800

                      وبعدين التالت عند 5200 وده هيديلك اقوى تسارع ان شاء الله

                      المشاركة الأصلية كتبت بواسطة أبو عبدالله مشاهدة المشاركة
                      سؤال بس
                      انت عملت كيك داون ؟؟؟
                      ازاي على 80 يبقى الأر بي ام على 5200
                      هو التاني عندك بيفصل على كام في الكيك داون ؟؟؟
                      اكيد يا باشا كيك داون

                      التاني عندي في الكيك داون بيفصل عند 100 بالظبط وده بيكون ال rpm عند 6000 لفة في الدقيقة

                      والفيديو موضح الكلام ده اني وصلت ل 100 على الغيار التاني

                      وده طبعا اخرني في التسارع حوالي ثانية او ثانية ونص بعكس لو كنت وصلت من 80-100 على الغيار التالت
                      ..

                      Comment


                      • #12
                        حط 80 عادى بس المهم العربيه ما تكركرش بس السحب بيبقى وحش جدا بس اهو احيانا مش بلاقى البنزين 92

                        Comment


                        • #13
                          المشاركة الأصلية كتبت بواسطة asemx1 مشاهدة المشاركة
                          حط 80 عادى بس المهم العربيه ما تكركرش بس السحب بيبقى وحش جدا بس اهو احيانا مش بلاقى البنزين 92
                          ياراجل قلبي مايطاوعنيش بصراحة

                          ده انا ايام الازمة بتاعة بنزين 92 وكتير ماكنتش بلاقي الا بنزين 90

                          فضلت راكن العربية ومرضتش احط فيها 90 لحد مالقيت بنزينة ورحت مفول 92

                          تيجي تقولي حط 80 حرام عليك
                          ..

                          Comment

                          Working...
                          X