تجربة تويوتا كورولا 2008 جنوب أفريقى

[mohameduoser]

انا مش فاهم لة الفتيس دة منزلش فى اليابانى حاجة غريبة برضوا

[hn_kamal]

يا جماعة انا شايف ان نفس الكلام بيتكرر فى اكثر من موضوع فى المنتدى وعلشان نبقى واقعيين شوية أنا شايف ان فيه ناس عندها مشاكل فى الفتيس وأنا من ضمنهم ولغاية دلوقتى اتجمع تقريبا 4 عندهم مشاكل
ممكن نعرف لو فيه ناس معندهاش مشاكل فى الفتيس أو العربية عموما
وعلى فكرة انا على اتصال بالتوكيل فى العباسية وانا حاسس ان انشاء الله سيتم حل المشكلة قريبا

[medo_cars]

ان شاء الله بسيطه وتتحل بالسوفت وير مع ان شا يف ان البعض بيبالغ قوى فى حكاية الفتيس دو
انا حاسس برضه بنفسك احساسك يا كاسبر اللى حسيته تجاه شاركى كانه مستنى عيوب تانيه تطلع فى العربيه والله اعلم

[Sharky]

ان شاء الله بسيطه وتتحل بالسوفت وير مع ان شا يف ان البعض بيبالغ قوى فى حكاية الفتيس دو
انا حاسس برضه بنفسك احساسك يا كاسبر اللى حسيته تجاه شاركى كانه مستنى عيوب تانيه تطلع فى العربيه والله اعلم

على فكرة أنا معايا ياريس يعنى تويوتا برضه
كل ما فى الأمر إنى مستغرب جدا من رد فعل التوكيل على مشكلة مش هينة فى عربية بـ 150 الف و كل إللى بقوله هل حيكون فيه عيوب أخرى و لا لإ ؟
هل دا معناه إنى مستنى عيوب فيها !!!!!!!!!
و حستنى ليه عيوب فيها إبه مصلحتى فى كده ؟؟؟؟؟؟؟

ياريت تراجعه ردود ملاكها نفسهم علشان تعرفه إنى مش أنا لوحدى إللى بقول الكلام دا

[Ramy.Gamal]

انا شايف ناس بتقول ان عيب الفيتيس دة موجود بردة فى السيارات اللى نازله اوروبا من مصنع جنوب افريقيا بس اوروبا مش سوق مستهدف للسيارات اليابانى فمش هتفرق معاهم اوى انما احنا والخليج وامريكا رقم 1 عندنا العربيات اليابانى وتفرق معانا اى عيب فيها علشان كدة منزلوش الجنوب افريقى فى الخليج ولا فى امريكا

[medo_cars]

والتاكسى اللى مالى اوروبا اللى اسمه تويوتا افينسيس ده يدل على ايه

[Ramy.Gamal]

التويوتا افنسيس صناعه انجليزى مش يابانى وعلشان كدة منتشرة فى اوروبا انما نادرا ما تجد سيارة يابانى فى اوروبا ومنتشرة

[medo_2060]

دي عربيه تعبانه والله ما تستاهل سعرها كفايه بقى الناس في مصر تجري ورا الاسم

ادي اخره جري الناس ورا تويوتا وبيشتروها بثقه عمياء واهم ندموا في الاخر

[mexmarine]

العربيه دى سيئه لابعد درجه رغم سعرها الغالى جداو رغم فخامتها و تقفيل الصالون الرائع ,أعتقد المشكله محصوره فقط فى ناقل الحركه من الاول للثانى و الثانى للثالث
والعربيه بتنتش و انا سوقتها و جربتها بعد ما حمايا اشتراها و استغربت لما رحنا بها التوكيل فى الاسكندريه و كانت الاجابه ان العربيه دى Easy Tronic و كده عادى لانها مش اتوماتيك اصلا ( رد غريب جدا)
و علمت ان السبب ده اللى خلى الميجان سعرها ينزل اول ما طلعت
وقالوا ان الموضوع ده مالوش حل, انا شايف ان الحل ان العربيه تتسحب من السوق و يرجعوا للناس فلوسهم . علشان ما يخسروش سمعة العربيه , واحلى حاجه الاستاذ خالد اباظه اللى وصف العربيه انها معجزه على ارض افريقيه "حسبى الله و نعم الوكيل فيه"

[dr_3eshoo]

و كنتم زعلانين ان النيسان مصري

[Ahmed Samy]

اللهم لا شماته في من اشترى العربية دي

بس فعلا أنا أول العربية دي مانزلت هيا و اللانسر قولت رأيي ان اللانسر تكسب

و قولت ان الفتيس جديد و المكنة جديدة و المصنع جديد و الموديل كله على بعضه أول مرة ينزل ....

و الغريب انه ماكانش فيه تست درايف و لا حتى عربية واحدة في المعارض

يعني اشتري عمياني و بالحجز و العربية تغلى كمان و انت حاجزها

و كل ده ليه ؟؟؟؟؟؟

يقوللك تويوتا

أدي تويوتا .....مش من آلهة السيارات يعني

[medo_cars]

اعتقد المشكله محصوره فى الفتيس فقط
انما ما فيش حد اتكلم على ثباتها وعزلها وراحتها ازاى اتطورت عن الشكل السابق

[elkodsy]

--------------------------------------------------------------------------------

لغاية دلوقتي مفيش حد رد عليا والا من تويوتا مصر والا تويوتا جنوب افريقيا انا رايح التوكيل خلاص لازم يلاقوا حل السادة المهتمين والمشاركين في المشكلة ارجوا التاكيد قبل ما نحدد الميعاد لازم حل جزري للمشكلة.
الرجاء سرعة الناكيد عاوزين نحدد مكان التوكبل والميعاد

[ashrafE51]

الكلام كله خطير ، ولقد غيرت اتجاهي لشراء هذه السيارة ولكن عندم اسال اي احد في اي معرض او وكيل للتويوتا يقول انه كلام مش صح ( ده عشان يبيع )
ارجو الرد هلي فعلا وقطعياً مشكل في الفيتسي وهل هي ممن المكن التعامل معها
وارجو النصيحه لجوة الله - رقم تليفوني 0118574458

[Ahmed Samy]

جربها بنفسك
دي احسن طريقة