تجربة تويوتا كورولا 2008 جنوب أفريقى

[hn_kamal]

الاخ أشرف راجع الرد بتاعى على الينك ده http://www.nilemotors.net/Nile/showthread.php?t=31105
وعلى فكرة توكيل تويوتا دلوقتى فيه عربية TEST لو بتفكر تشتريها روح لهم الاول وجرب العربية وشوف طريقة السواقة بتاعتها حا تناسبك ولا لأ

[salehgharib]

دى ليست شماتة فى العربية كما يقول البعض لكن لما تكون عربية غالية بالشكل ده ويظهر فيها العيوب الخطيرة دى يبقى لازم ننصح اللقادمين على شرائها

وعاوزين من لديهم السيارة يدخل ويبدى رأية بكل حيادية

[Ahmed.kamel]

اسمحولى أكرر نفس الكلام اللى لسه كتبه فى منتدى تويوتا أن العربية ديت حرام أصلا أدفع فيها كل ده .....عربية فيها نصف أمكانيات سيات التيا ولا رينو ميجان وفورد فوكاس لاء وكمان جيتا و A5 و فيكترا مع فارق الفخامة والالمانى و ب 165000 وكمان خليجى .......يجماعة بشرائنا ليها كده بنشجع التوكيل ده وغيره أن يسوقوا فيها وعندنا غبور اللى مشجعوا أن فى اللى بيشترى وكتييييييييييييييير......لازم وقفة.....

[dodo0o0]

انا كنت محتار ومش عارف اشترى ايه وقررت انى اريح دماغى واشترى حاجه مضمونه وقولت انى هشترى تويوتا لكن بعد الكلام ده غيرت رأى خالص......ربنا معاكو يا جماعه والمشكله تتحل ان شاء الله

[abo samra]

دودوووووو مفيش مشكله اصلا
looooooooooooooooooool
الناس بيسمعوا الكلام ويهولوا فيه براحتهم

[smartman]

والله بعد ما قريت كل المشاكل دى على الكورولا الجديدة بأحمد ربنا الف حمد و شكر انى حجزت الألنترا .....قبل ما اقرا الكلام ده كنت باردوا متردد و بأقول لنفسى ليه مقرصتش على نفسى شوية و كنت كملت و جبت التويوتا اليابانى و لكن الحمد لله انا كان قلبى حاسس ان الوكيل هنا مش محترم من حاجة غريبة حصلت معايا و انا بأسأل على العربية دى لما اتصلت على رقمهم 16550 و ردت عليا الحلوة الآمورة ام صوت ناعم و قالت لى ع المواصفات و ان السعر 129900 و قولت لها اوكيه طيب اعمل ايه عاوز احجزها قالت لى اتصل ع المبيعات و اتفق معاهم قمت متصل ع المبيعات قالولى المواصفات اللى ادوهالك فى 16550 غلط و مفيش حاجة بتنزل مصر بالسعر 129900 احنا اول سعر بنبتدى بيه 144000 و من ساعتها عرفت ان الوكيل مش محترم على الآقل غبور ارحم بكتيرررررررررر.

[smartman]

كنت ما واحد صاحبى راكب تويوتا كورولا 2008 جنوب أفريقى بسألوا على العربية قالى بالحرف الواحد

أول مرة فى حياتى أركب عربية بنفس السوء ده وهو كان معاه لانسر 2005 غيرها بس عشان 1300 لكن قالى والله عربية برقبتها

كذلك إرتفاع أسعار قطع غيارها بشكل غبى

وقالى أول مرة أركب تويوتا بهذا السوء وطبعا إشتراها على أنها تويوتا إلى كل الناس عرفاها


مش عارف أيه رأى الأخرين وايه البديل لو تويوتا بالشكل ده

والله بعد ما قريت كل المشاكل دى على الكورولا الجديدة بأحمد ربنا الف حمد و شكر انى حجزت الألنترا .....قبل ما اقرا الكلام ده كنت باردوا متردد و بأقول لنفسى ليه مقرصتش على نفسى شوية و كنت كملت و جبت التويوتا اليابانى و لكن الحمد لله انا كان قلبى حاسس ان الوكيل هنا مش محترم من حاجة غريبة حصلت معايا و انا بأسأل على العربية دى لما اتصلت على رقمهم 16550 و ردت عليا الحلوة الآمورة ام صوت ناعم و قالت لى ع المواصفات و ان السعر 129900 و قولت لها اوكيه طيب اعمل ايه عاوز احجزها قالت لى اتصل ع المبيعات و اتفق معاهم قمت متصل ع المبيعات قالولى المواصفات اللى ادوهالك فى 16550 غلط و مفيش حاجة بتنزل مصر بالسعر 129900 احنا اول سعر بنبتدى بيه 144000 و من ساعتها عرفت ان الوكيل مش محترم على الآقل غبور ارحم بكتيررر.

[thunder_are]

للأسف عمرنا ماحنبقى حياديين طول أما احنا بنسمع كل كلمة ونرد بدون تجربة.
أولا: تويوتا كورولا 2008 سيارة خارج المنافسة مع لانسر 2008 وطبعا كورولا الأفضل باكتساح وكلامي حيكون للأسباب الاتية :
1.الناس اللي بتقول (بدون علم) إن مصنع جنوب أفريقيا سيء وإننا أصبحنا ضحية تويوتا (سبحان الله احنا الدولة الوحيدة اللي تويوتا بتكرها ونزلتلها تكنولوجيا جديدة سيئة)

أحب أقولهم إننا مش الدولة الوحيدة اللي بتتعامل مع مصنع جنوب أفريقيا اللي هوا والله من أفضل مصانع تويوتا في العالم وللعلم فهو المصنع الوحيد لتويوتا اللي مفيهوش أي إنسان ( كل المصنع يعمل اليا بالروبوتس).

2.الوحيدة اللي نازلة بموتور dual vvti وده أفضل بكثير من الموتور السابق ولمعلوماتكم إ التويوتا الياباني مفيهاش الموتور ده والخليجيين بيشتكو من إن الكورولا عندهم مفيهاش فتيس MMt ولا موتور جديد ولا عدادات أوبتيترون الجديدة الموجودة لدى نسجة جنوب أفريقيا.

3.نيجي للمشكلة الأساسية واللي اشتكى منها الأعضاء وهو الفتيس الجديد ومشكلة النتش.
أولا: دي طريقة سواقة جديدة وطبيعي جدا إنها تاخد وقت لحد منتأقلم عليها.
ثانيا: مع مرور الوقت كل اللي معاهم العربية اعتادو التعامل مع الفتيس الجديد.

ثالثا: معظم الناس اللي بيذمو السيارة بيقولو : (أصل الناس اللي جابتها بتقول كذا.... أصل واحد صاحبي بيقول كذا...أصل شركة تويوتا معتبرانا فئران تجارب)
يعني كلام منقول عن كلام... وقصدي بكلامي بدون زعل اسألو الناس اللي معاهم السيارة فعلا مش الناس اللي سمعو من ناس أو سمعو في الموضوع الفلاني...

عيب السيارة الوحيد هو الغلاء النسبي لها..
ولكن والله هي لاتقل عن الكورولا السابقة بل هي أفضل منها بكثير ..
وأحب أقول لأي حد متردد والله مش حتندم لو جبت الكورولا لأنها السيارة الأكثر مبيعا في العالم لعدة أعوام...
وحتفتكروا لما ينزل موديل 2009 كلام الناس وحتلاقوهم بيشكروا في موديل 2008 لأنهم حيكونوا اعتادو عليه..
أتمنى محدش يزعل من كلامي أنا مش بدافع عن تويوتا وخلاص بس خبراء تويوتا عارفين إن كلامي صح

[Sharky]

موديل 2009 إحتمال كبير جدا ينزل أتوماتيك عادى بدون MMT بعد شكوى العديد من ملاكها فى مصر من الفتيس و على فكرة دى شكوى عالمية ممكن تلاقيها فى اللينك دا

و ما كتب عنه فى إنجلترا

http://www.toyotaownersclub.com/foru...hp/t33317.html

http://toyotaownersclub.com/forums/index.php?showtopic=33317&pid=748251&st=160&#entry748251

[أبوسيف]

أنا ليا ابن عمى عنده الكورولا 2008 ، سألته على موضوع الفتيس دة وقالى ان مفيش الكلام دة خالص فى العربية ، وخلانى أجرب العربية بنفسى علشان اتأكد ، وفعلا ما حستش بأى نتشة او اى مشاكل فى الفتيس والعربية ما شاء الله سحبها هايل وعفشتها فعلا مريحة جدا. لكن بأمانة مشاكل العربية فى التقفيل ، يعنى وانا معاه كان الكلاكس قاطع وكمان اللمبة اللى فى الكشاف اللى قدام اللى بتنور مع النور الصغير كانت محروقة

[limo]

لو شوفتوا تقفيل اليابانى وتقفيل الجنوب افريقى هتحسوا بالفرق
اليابانى تقفيل داخلى ودهان العربيه احسن كتير
لاكن الجنوب افريقى مش وحشه برضو بس اليابانى احسن والفرق باين جدا
الجنوب افريقى المتور شكله احلى علشان متغطى فبر من فوق
فى النهايه انا لو بشترى كورولا هجيب اليابانى لانى فعلا حسيت انها الكورولا الى احنا نعرفها

[abo samra]

كلا غير صحيح
ولا الدهان ولا التقفيل احسن بكتير العكس صحيح
اركب الاتنين وهتحس بالفرق
وشوف فرق الجوده بينهم هتلاقى الخليجى اى كلام جنب الجنوب افريقى
حتى الكاسيت اللى شكله داخل غلط فى التابلوه ولا تصمميات العدادات السيئه
فعلا الخليجى لا مقارنه مع الجنوب افريقى نهائيا

[abo samra]

وبعدين الخليجى ما فيهوش abs الا فى الفل اوبشن بقا بالزمه عربيه ب 145000الف ومفهياش abs ينفع؟

[limo]

كلا غير صحيح
ولا الدهان ولا التقفيل احسن بكتير العكس صحيح
اركب الاتنين وهتحس بالفرق
وشوف فرق الجوده بينهم هتلاقى الخليجى اى كلام جنب الجنوب افريقى
حتى الكاسيت اللى شكله داخل غلط فى التابلوه ولا تصمميات العدادات السيئه
فعلا الخليجى لا مقارنه مع الجنوب افريقى نهائيا

على فكره ده رأى وراى ده نسبى بيختلف من واحد للتانى فيمنفعش حضرتك تجى تقول كلام غير صحيح
وبعدين اركب الاثنين ايه ؟ ده انا ركبت الاثنين مليون مره و قارنت بينهم لانى كنت ناوى اجيب كورولا فى الاول
فرق الجوده فى راى لصالح اليابانى
الكاسيت فى الجنوب افريقى سى دى فقط اما اليابانى كاسيت +سى دى هوه اينعم شكل االكاسيت الجنوب افريقى احلى بس برضو اليابانى شكله حلو مش وحش وماشى مع العربيه
تصميمات العادات ملهاش حل فى الكورولا الافريقى الكامله الى بجنوط وزينون اما العاديه فعدادتها الى حد كبير شبه اليابانى ونفس التقسيمه
فى النهايه انا مبقلشش من شأن الجنوب افريقى بالعكس الجنوب افريقى فيه مزايه زى المتور الdual وتحكم الكاسيت الى فى الطاره وده موجود فى اعلى فئه يابانى -الفتيس كنت فى الاول معجب بيه جدا لغايه ما لقيت معارض كتير بتنبهنى منه بس انا الحقيقه مجربتش فمعرفش -الفوج لايت فرامل abs ebd bas
جنوط 16 -اكبر ميزه ضمان وصاينه الوكيل
بس لو بتكلم عن تقفيل يبقى تقفيل اليابانى
وبعدين فى فرق انى اركب عربيه تقفيبها نظيف جدا ووفيها كماليات قليله وانى اركب تقفيها نظيف الى حد كبير وكمالياتها كتيره بس
فى النهايه ده راى الشخصى يقبل الخطأ اوالصواب وناوى يشترى تنزل يتفترج ويحكم بنفسه ويتوكل على الله سواء فى ده او فى ده

وبعدين الخليجى ما فيهوش abs الا فى الفل اوبشن بقا بالزمه عربيه ب 145000الف ومفهياش abs ينفع؟

وده فعلا كان مضايقنى جدا
بالرغم من انى موضوع الabs مهم جدا بالنسبه ليه الا انى كنت مستعد اضحى بيه فى سبيل انى اركب عربيه مستريحلها نفسيا وتقفيلها احسن
بس انا كنت مستحرم ادفع 142 فى عربيه مفيهاش غير كماليات استاندر ومنغير ضمان الوكيل وكان عندى اركب سيفك احسن بس كنت خايف جدا من قطع غيارها

[meg16]

التيوتاوية قلبى معاكو بس معلش وانا فى نظرى اللى يدفع 160 او 140 فى تويوتا غلطان معندمكم المانى بنفس السعر