مارايكم في Toyota 5A-FE engine

[aboslma]

Toyota 5A-FE engine الماكينة دي ادائها رائع متسقطة علي تويوتا كرولا 1994
اوتوماتك يا ريت حد يكون عندة معلومات عن قطع غيارها والسعة اللترية يعني كام سي سي
في الرخصة عندي 1990 cc
وشكرا ليكم يا احبائي

[aboslma]

وانا بستعمل زيت توتال 3000 كيلو النوع دة كويس ولا اية رايكم
والله دائما احنا تاعبنكم بكثرة الاسئلة برجاء محدش يزهق منا

[S O P H O S]

لا متقولش كده
انت تنور وتسئل في اي وقت
معرفش ميدو مجاش ليه ..

[aboslma]

شكرا للا خ الفاضل علي ر دة ونتمني الر د من الباشمهندسين

[mahmoudselim]

الماتور دا كان معايا في التويوتا (موديل 95) كانت نازلة بية من اليابان.
الماتور 1500 سي سي بيطلع 105 هورس بور كنت بقفل العداد عندي بسهولة جدا جدا (180)
نفس قطع غيار الماتور ال 1600 بالظبط الا في حاجات بسيطة جدا. وقطع غيار ال 1600 منتشرة جدا.
بالنسبة للزيت انت كدا تمام.

[me_medoo]

هههههههههههه. يا بوحميد. ، حبيب قلبي انتا بس قول جزر وتلاقيني عندك ياباشا ههههه او بلاش جزر انتا قول تويوتا هتلقيني جيت ، بس هو حقيقةً انا معرفش المطور الي بيقول عليه
انا كان معايا كورولا ٩٢ ال ا١٣٠٠

هو من حيث زيت توتال انا مبنصحش فيه في الياباني انا بنصح بموبيل ١ او زيت كاسترو و زيت تيوتا. او زيت لكزيس وممكن تديها لوكي مولي عامة تويوتا هتفضل تويوتا حتى لو حطيت ليها زيت عباد الشمس كريستال او عافية او زيت جنة. ولو مش عاوز تحطلها زيت خالص وحبيت تستخدم. حتت زبدة او شوية سمنة.، قشطة عادي شغال برضو هيا تويوتا ياباشا .... وتحياتي

[S O P H O S]

هههههههههههه. يا بوحميد. ، حبيب قلبي انتا بس قول جزر وتلاقيني عندك ياباشا ههههه او بلاش جزر انتا قول تويوتا هتلقيني جيت ، بس هو حقيقةً انا معرفش المطور الي بيقول عليه
انا كان معايا كورولا ٩٢ ال ا١٣٠٠

هو من حيث زيت توتال انا مبنصحش فيه في الياباني انا بنصح بموبيل ١ او زيت كاسترو و زيت تيوتا. او زيت لكزيس وممكن تديها لوكي مولي عامة تويوتا هتفضل تويوتا حتى لو حطيت ليها زيت عباد الشمس كريستال او عافية او زيت جنة. ولو مش عاوز تحطلها زيت خالص وحبيت تستخدم. حتت زبدة او شوية سمنة.، قشطة عادي شغال برضو هيا تويوتا ياباشا .... وتحياتي

حبيبي يا ميدو والله نورت
وعلي فكرة احنا كان معانا كورولا 94 بس كانت ايه يا ميدو طلقة
بصراحة كنت بحبها اكتر من الاحدث دلوقتي مش عارف ليه
بس كنا كل ما ناخد مطب نغمض عنينا انت فاهم بقي واطية موت وثبات تحفه بردوا
متعرفليش الياريس الهتشباك الاقيها فين
فالسعودية موجوة بس جديدة وحورات مفيش فمصر سكة نفسي فتويوتا هتشباك

ايه رايك ...

[me_medoo]

حبيبي يا بوحميد موجودة ياريس اليارس هتش باك وفعلاً بتيجي تحفة بمعنى الكلمة بس مشكلتها في قطع غيارها. مبتلقهاش. زي. السيدان انا برضو في وحده من قريبنا جبتلها يارس سيدان. بس هتموت ووقعلها يارس هاتش باك لانها بتنزل فيها كل الموصفات ال abs و ebd وحبت افشخنات فيها كده. حتى عدد الاحصنة والثبات اعلى بكتيرررررررر

الكرولا القديمة او التيوتا القديمة معدتش تتعوض يا غالي والموديل ده بالذات اوسع من الجديد واثبت. وكانو الناس يقولولي ووووحشة دي متعرفش تشوف الكبوت هههههههههه متعودين على الادا والشاهين والبيجو قال عاوزين يشوفوا الكبوت والاكصدمات
ده حتى هات كورولا ٩٠ ولا ٩٢ دلوقتي وهات اي عربية في موديلها هتلاقي التويوتا ماسكه نفسها والعربيات التانيه يا عيني مفيصة ومشخلعة من كل حتة

حتى على مستوى الميكروباصات شوف ميكروباص تيوتا ازاي بيستحمل وشوف ميكروبصات المازدا ولا الهونداي ولا حتى الكيا. بيبقى حالتها عامله ازاي تلاقيها مفيصه ياعيني بعد تاني راكب ركب فيها بس التويوتا بسم الله مشاء الله والله اكبر عليها تلاقي السواق مقعد اربعه ورى وواحد رابع قاعد جمب الباب الي بينده وواحد ياعيني نايم فوق الركاب عند الباب وبالعافيه قفلو الباب على قفاه وماشية بسم الله مشاء الله وزي الفل التويوتا تويوتا ياباشا

[me_medoo]

بصو: ادي قصيدة في حب تويوتا
هو صحيح اني مش فاهم حاجة لانها قصيدة ليبية
بس الراجل ده بيقول كلام زي الفلللللللللللل
شوفوا العالم كلو بيحلف بتويوتا وجمال تويوتا
انا عوزكم تترجمو الكلامات هتلاقي
الشاعر بيتغزل بقوة تويوتا في صحراء ليبيا

[youtube]http://www.youtube.com/watch?v=k23wam9NQjc&feature=youtube_gdata_player[/youtube]

[aboslma]

اية الحلاة دي والردود التمام التمام دة الناس بتوع التيوتا ممخمخين وزي الفل
شكرا شكر لاحلي منتدي وشكرا علي سعة الصدر وجزاكم الله خيرا

[aboslma]

شكرا شكرا لاعضاء المنتدي الاعزاء والكرماء
يا جماعي الماكينة مثبوتة في الرخصة 1990 cc
وهية الماكينة Toyota 5A-FE engineيعني 2000cc طيب هوة فية منها الفين ولا اية
وشكرا علي الردود وجزاكم الله خيرا

[mahmoudselim]

السوبارو أعلي من التويوتا كتيير. انا كان معايا كورولا 95 فول أوبشن أوتوماتيك ماتور "5A" 1500cc وارد اليابان. ماكنش فيها مسمار مش في مكانة.ربنا يبارك للاخدها. دلوقتي معايا امبريزا 98 1600 مفيش مقارنة في الثبات والاداء وقوة الماتور. مع ان ماتور الامبريزا 1600 بس بيطلع 95 هور باور اما الكورولا مع انها 1500 بتطل5 105 هورس باور. الثبات في الامبريزا أعلي بكتير جدا أداء العفشة في الامبريزا احسن . دا بالنسبة لموديلات ال تسعينات. والدي معة كورولا 2006 في الامارات وسوقتها كتير جدا وسوقت الامبريزا 2007 كتير جدا برضوا في الامارات. للاسف الكورولا في المقارنة دي كانت حالتها اسوء بكتير من التويوتا الملكة. في المجمل يعني احنا عندنا في العيلة كلة جايب تويوتا , وانا كمان اشتريت تويوتا. بس انا الوحيد ال غيرت لسوبارو والحمدلله انا مندمتش لحظة بالعكس انا بقول الحمدلله ان معايا السوبارو دلوقتي. التويوتا جميلة جدا بس في في اليابني ال احسن منها. في عربيتين فقط هما ال عاملين سمعة في الدول الصحراوية . اللاند كروزر طبعا بكل اجيالها بلا منازع والكرسيدا طبعا. اما الكامري فا بينافسها ماركات كتير في فئتها واقربهم الاكورد والليجاسي. غير كدا اي حاجة تانية من تويوتا في الاحسن منها كتير وخصوصا في الموديلات الحديثة. مفيش شك طبعا ان الكورولا الملكة كانت جبارة وقتها. بس زي ما بيتقال كانت فلتة هي و الكيرسيدا بس عامت كل الياباني في فترة التسيعنات كان وهم ودي افضل فترة بلا منازع عدت علي العملاق الياباني. بالنسبة بقي لاخت التويوتا الصغيرة وهي الليكزس دي حاجة تانية خالص وفعلا زا ما ناس كتير ملاحظة ان التكنولوجيا الاحدث في معامل تويوتا بتروح دلوقتي لليكزس والتصميمات الافضل برضوا بالمختصر التركيز دلوقتي في التويوتا علي اليكزس وهو دا الحصان الاسود للتويوتا في الفترة القادمة ال هترجع تنافس بية تاني علي عرش صناعة السيارات. الليكزس.

[me_medoo]

حبيبي يا محمد. انا بايدك في كل كلمة قلتها وانا سقت كمان السوبارو وسقت منها كمان سوبارو في اكس ار vxr تيربو بابين كانت بتاعت واد فلبيني استلفتها منو وفعلاً حلاوت السوبارو في نعومتها. والمنيول فيها متحسش بنقلاتو خالص. وعارف ده ليه يباشا. لأن شركة تويوتا ياسيدي الفاضل اشتريت اسهم من شركة سوبارو وبقت تساعدها في التصنيع والتطوير ههههههههه مفيش فايدة تويوتا ورانا ورانا. كينج الياباني وحوووووت السوق وتحياتي

[mahmoudselim]

حبيبي يا محمد. انا بايدك في كل كلمة قلتها وانا سقت كمان السوبارو وسقت منها كمان سوبارو في اكس ار vxr تيربو بابين كانت بتاعت واد فلبيني استلفتها منو وفعلاً حلاوت السوبارو في نعومتها. والمنيول فيها متحسش بنقلاتو خالص. وعارف ده ليه يباشا. لأن شركة تويوتا ياسيدي الفاضل اشتريت اسهم من شركة سوبارو وبقت تساعدها في التصنيع والتطوير ههههههههه مفيش فايدة تويوتا ورانا ورانا. كينج الياباني وحوووووت السوق وتحياتي

حبيب قلبي والله. مش عيب برضوا اكون راكب سوبارو وعيلتي كلها معاها تويوتا , ومعرفش المعلومة دي. بس انا كنت مستنيك ترد الرد ايااااااااة واقولك شيك مات ههههههههههههههههه.
وبلاش الفلبنيين دول الله يكرمك دول بقلاااااات يا عم. هههههههههههههههههههههه

[me_medoo]

ههههههههههههه حبيب قلبي يامحمد