مارايكم في Toyota 5A-FE engine

[S O P H O S]

حبيبي يا بوحميد موجودة ياريس اليارس هتش باك وفعلاً بتيجي تحفة بمعنى الكلمة بس مشكلتها في قطع غيارها. مبتلقهاش. زي. السيدان انا برضو في وحده من قريبنا جبتلها يارس سيدان. بس هتموت ووقعلها يارس هاتش باك لانها بتنزل فيها كل الموصفات ال abs و ebd وحبت افشخنات فيها كده. حتى عدد الاحصنة والثبات اعلى بكتيرررررررر

الكرولا القديمة او التيوتا القديمة معدتش تتعوض يا غالي والموديل ده بالذات اوسع من الجديد واثبت. وكانو الناس يقولولي ووووحشة دي متعرفش تشوف الكبوت هههههههههه متعودين على الادا والشاهين والبيجو قال عاوزين يشوفوا الكبوت والاكصدمات
ده حتى هات كورولا ٩٠ ولا ٩٢ دلوقتي وهات اي عربية في موديلها هتلاقي التويوتا ماسكه نفسها والعربيات التانيه يا عيني مفيصة ومشخلعة من كل حتة

حتى على مستوى الميكروباصات شوف ميكروباص تيوتا ازاي بيستحمل وشوف ميكروبصات المازدا ولا الهونداي ولا حتى الكيا. بيبقى حالتها عامله ازاي تلاقيها مفيصه ياعيني بعد تاني راكب ركب فيها بس التويوتا بسم الله مشاء الله والله اكبر عليها تلاقي السواق مقعد اربعه ورى وواحد رابع قاعد جمب الباب الي بينده وواحد ياعيني نايم فوق الركاب عند الباب وبالعافيه قفلو الباب على قفاه وماشية بسم الله مشاء الله وزي الفل التويوتا تويوتا ياباشا

عندك حق التويوتا دي مش هتكرر بجد
وعن تجربة
وفنفس الوقت مش عارف ليه مفيش فئة هتشباك لتويوتا فمصر زي باقي الدول العربية
امر عجيب ؟ بجد

[S O P H O S]

الله علي الشاعر الجميل ده ده شكله ايطالي !!!
مش كده ؟؟

[S O P H O S]

اية الحلاة دي والردود التمام التمام دة الناس بتوع التيوتا ممخمخين وزي الفل
شكرا شكر لاحلي منتدي وشكرا علي سعة الصدر وجزاكم الله خيرا

يا باشا انت تأمر مفيش شكر بينا
انت تنورنا فأي وقت
ولو علي المخمخه دي فدي علشان ميدو بس وسطنا

تقبل مروري

[aboslma]

يا احبائي الماكينةToyota 5A-FE engine مثبوتة في الرحصة 1991 سي سي
يعني في منها الفين سي سي ولا دي غلطة ولا اية وشكرا وستحملونا شوية

[me_medoo]

معليش يا بوسلامه احنا طلعناك خالص عن موضوعك. بس نعمل ايه دايماً انتا مجمع الحبايب عندك.
بص يا أبو سلامة اي مطور في الدنيا اذا كان ٢٠٠٠cc بيكتبو في الرخصة ١٩٩٠. او ١٩٩٥ او ١٩٩٩- مش فارقة قوي
وال ١٣٠٠cc بييكتبو. ١٢٩٩ سي سي كده يعني متدقش قوي على رخص مصر على حسب معلوماتي البسيطة وتحياتي

[aboslma]

يا جماعة السؤال Toyota 5A-FE engine الماكينة دي اللي زي الفل مثبوتة في الر خصة 1990 سي سي
هل في منها الفين سي سي ولا اية

[mahmoudselim]

يا جماعة السؤال toyota 5a-fe engine الماكينة دي اللي زي الفل مثبوتة في الر خصة 1990 سي سي
هل في منها الفين سي سي ولا اية

أيوا يا ابو سلمي في منها 2000سي سي بس ماتور ديزل. ومنزلش مصر تقريبا. وفي منها برضوا 1800 سي سي بنزين عادي ومانزلس مصر تقريبا برضوا. ال نزل مصر للعربية دي ومنتشر هو 1500 سي سي و 1600 سي سي دا غير ال 1300 طبعا. انت كدا بتدفع ضريبة زيادة عن ال المفروض تدفعها.