ميكروبصات تويوتا (عفاريت الاسفلت)@ hiace @

[me_medoo]

بسم الله الرحمن الرحيم

وبه نستعين على الصراط المستقيم ... أما بعد كلنا عارفين تويوتا الميكروباص ... بس ياترى تعرف ايه عنها ؟؟؟

تعرف ان العربيات دي فيها تيربوا تشارجر .. وتمنو 6500 جنية !!! علشان كده بتلاقي سواقين الميكروبصات بيسابقو عربيات الملاكي .

في منها نوعين باص عادي ... وباص سقف عالي .

الموصفات :
الطول الكلي 4690 -5380
العرض الكلي 1695 - 1880
الارتفاع الكلي 1980 - 2285
المسافة بين العجلات الامامية 1470-1655

الارتفاع عن الارض 183 - 195
يعني كول مطبات براحتك يا معلم وخلي الركاب تخبط راسهم
في السقف أو الحيط عادي هههههههه

الوزن الاجمالي من 2800 الى 3250

سعة المحرك في 2500 وفي 2700
نوع الوقود ... في بانزين وفي سولار ..
والغاز ده أفتكاسة مصرية .

عدد السلندرات 4
عدد الصمامات 16
عدد الاحصنة في عندك 149 فرس عند 4800 لفة
وفي عندك 101 فرس عربي أصيل عند 3600 لفة

سعة خزان الوقود 70 لتر يا صلاة النبي
حجم الجنوط 195R15C8PR
أقصى حملوة 1190 كيلو بسم الله مشاء الله

بس احنا كسرنا القاعده دي بتلاقي ميكروبصات جيه من ليبيا
ومحمله قد أرتفعها مرتين

أمورة يا خواتي واللهِ العظيم أمورة

بصو شوفوا الحلاوة والجمال

وتقبلو تحياتي وتحياة
أسرة البرنامج
كان معكم محدثكم من وراء الكمبيوتر
me_Medoo

[S O P H O S]

ايه يا معلم المواضيع الجامدة دي
بصراحة جميلة دي احلي
من عربيتي

[me_medoo]

ياباشا ده بعض ما عندكم ... وبفضل الله ثم بفضل تشجيعكم ليه ... وتنشيط حركة المواضيع في المنتدى حبيب قلبي يا أحمد ربنا يخليك ليا ياباشا ولا يحرمنيش منك قادر يا حق .

[BUNSH]

تسلم وجزاااك الله كل خير ,,
أنا بصراااحة ركبتها مرة وكنت راااايح بورتو مارينا كرهت نفسى واليوم اللى انا فكرت اسااافر فية ,, سواااق مردتااااش يشغل مكييف وكنا قاااعدين اكننا فى سونا تويوتا دوولى (ياعم الله يهديك شغل مكييف يقولك اقف نصف سااعة فى طريق اظبط مكييف عقباااال ماااظبطهاا) حسسنى انو هيغير حجرين ! بعتذر لخروجى عن موضوع .

[S O P H O S]

كانت نفس الموديل ده ؟؟؟

[feras_elngar]

بصراحة الماكنه بتاعت العربية دى بتذهلنى كل مره اركب فيها العربيه
سحبها جبااااااااار
وصوت التربو ملوش حل
بس المشكلة ان الامكانيات دى بيستخدمها شوية غجر

[Mzeid]

عربية جامد و من العربيات اللي بتمنا اني امتلكها
العربية -لو محترمة و مش متهانة - عاملة زي الملاكي بالضبط
سحبها جامد جدا
و بخصوص النقطة دي المحركات الديزل كلها دلوقتي تيربو

و العربية دي ممكن تتجاب و تسيب فيها صفين كراسي و باقي العربية معاك زي الفل تقعد على الكورنيش تلعب بلاي ستيشن مع اصحابك اي حاجة اي حاجة في المساحة الفاضية
و ممكن تركبلها نظام ستالايت لو رحلات طويلة علشان الاسرة او الاصحاب يتسلوا في الطريق

[S O P H O S]

بصراحة الماكنه بتاعت العربية دى بتذهلنى كل مره اركب فيها العربيه
سحبها جبااااااااار
وصوت التربو ملوش حل
بس المشكلة ان الامكانيات دى بيستخدمها شوية غجر

عندك حق المشكلة في الي بيركبوها

[S O P H O S]

عربية جامد و من العربيات اللي بتمنا اني امتلكها
العربية -لو محترمة و مش متهانة - عاملة زي الملاكي بالضبط
سحبها جامد جدا
و بخصوص النقطة دي المحركات الديزل كلها دلوقتي تيربو

و العربية دي ممكن تتجاب و تسيب فيها صفين كراسي و باقي العربية معاك زي الفل تقعد على الكورنيش تلعب بلاي ستيشن مع اصحابك اي حاجة اي حاجة في المساحة الفاضية
و ممكن تركبلها نظام ستالايت لو رحلات طويلة علشان الاسرة او الاصحاب يتسلوا في الطريق

فعلا ممتازة
ربنا يديهالك زي ما بتتمني
نورت

[OMAR61995]

طلعتها جامدة جداً
و صوت التيربو ناعم و جميل

[S O P H O S]

طلعتها جامدة جداً
و صوت التيربو ناعم و جميل

طبعا تويوتا مبتهزرش :b4_048:

[me_medoo]

ياعم الحج وانتا رايح مرينا ابقى قولنا. وانا جيلك باليارس واحمد يجيب الكورولا ونشغلك التكيف كمان هههههههههه ، هو فعلاً عيب الموديل الجديد ان شبابيكو ديقة جداً جداً

وتيوتا لمن صممتها صممتها علشان عاملة حساب السواق هيشغل التكيف على طول مايعرفوش ان السوقين عندنا بيحبو يوفرو بانزين ههههههههه

وفعلا ياباشا زي ماقلت عربية جبارة بس سايقنها شوية غجر تبص تلاقيهم يكبسو عليك من ورى ويلزقووو زفاتحين على الخامس. مش عاوز اقلكم السواقين بيمشو على المحور بيها وهما محششين على ١٦٠ وعلى ١٧٠ كيلو. لدرجة ان الركاب ابتدت تصرخ وتقول. ياسطى حرام عليك احنا مش مستعجلين عاوزين نروح سالمين يا سطة. ،. ياسطى معاك ارواح ياسطى مينفعش كده. وهو ولا على باله. ولا كان حد بيكلمو
وتسلم ايديكو على مشاركتكم الحلوة

[osama.m]

العربية دي سحبها جامد جدا
قبل كدا لقيت سواق مظبتها ليدات و زينون و اجمد حاجة كان مركب جنوط كبيرة و كاوتش low profile

[me_medoo]

خسارة بجد انها مبتترخصش ملاكي دي حتى تبقى عربية عائلية ممتازة. ، بس سؤال هنا هل ممكن. لو مفيش بانزين لمحرك البانزين. يملاها سولر عادي وتمشي. ولا البانزين بانزين والسولر سولر مينفعش يلخبط بينهم. ولا المتور يبوظ

[me_medoo]

عوزين نعمل سباق لسواقين الميكروباص المحششين زي السباق ده اتفرجو عليه وادعولي هههههههه

[youtube]http://www.youtube.com/watch?v=hMI5Gx3bP0Q&feature=youtube_gdata_player[/youtube]