ميكروبصات تويوتا (عفاريت الاسفلت)@ hiace @

[me_medoo]

شوفو التظبيط بتاع الميكروبصات. محدش عندو صور حلوة للميكروبصات دي. بجد بجد عربيات ولا في الخيال
[youtube]http://www.youtube.com/watch?v=6EX1zpb_w0k&feature=youtube_gdata_player[/youtube]


[youtube]http://www.youtube.com/watch?v=0vzergBu9rY&feature=youtube_gdata_player[/youtube]

[Mzeid]

خسارة بجد انها مبتترخصش ملاكي دي حتى تبقى عربية عائلية ممتازة. ، بس سؤال هنا هل ممكن. لو مفيش بانزين لمحرك البانزين. يملاها سولر عادي وتمشي. ولا البانزين بانزين والسولر سولر مينفعش يلخبط بينهم. ولا المتور يبوظ

لا مينفعش
دة حاجة و دة حاجة

[BUNSH]

كانت نفس الموديل ده ؟؟؟

نفس موديل والله واول ماااااشوفتها قولت قشطة هيكووون فيها دى فى دى وتكييييف بقى وطلع كلووا فى كلتش !

ياعم الحج وانتا رايح مرينا ابقى قولنا. وانا جيلك باليارس واحمد يجيب الكورولا ونشغلك التكيف كمان هههههههههه ، هو فعلاً عيب الموديل الجديد ان شبابيكو ديقة جداً جداً

وتيوتا لمن صممتها صممتها علشان عاملة حساب السواق هيشغل التكيف على طول مايعرفوش ان السوقين عندنا بيحبو يوفرو بانزين ههههههههه

وفعلا ياباشا زي ماقلت عربية جبارة بس سايقنها شوية غجر تبص تلاقيهم يكبسو عليك من ورى ويلزقووو زفاتحين على الخامس. مش عاوز اقلكم السواقين بيمشو على المحور بيها وهما محششين على ١٦٠ وعلى ١٧٠ كيلو. لدرجة ان الركاب ابتدت تصرخ وتقول. ياسطى حرام عليك احنا مش مستعجلين عاوزين نروح سالمين يا سطة. ،. ياسطى معاك ارواح ياسطى مينفعش كده. وهو ولا على باله. ولا كان حد بيكلمو
وتسلم ايديكو على مشاركتكم الحلوة

ربنا يخلييييييك ياااااااعمو ميدو ويباركلكواا فى عربياتكم ويحفظها من عيييييييييييين ..
فعلا والله شوية سرسجية اللى سااااااااقين ميكروبااااصات دى بوظواا سمعت عم تويوتا وتلاقى مااااااشى على دائرى وعكسى كماااااااااااااااااان (اشطة اسااااحبى)

[me_medoo]

بس المشكلة ان العربية هيا بتشجع السواق على الجري وعلى الغرز زي التريلات الهونداي نفسي اشوف سواق تريلة هونداي. ماشي اقل من ١٢٠ نفسي

[lanos2004]

والله مرة علشان اعدى ميكروباس كنت ماشى 170 ---يا خبر ابيض

[me_medoo]

على كده سعر الميكروباص كام في مصر يعني معقول. يكون سعروا اكتر من ربع مليون جنية انا اخر مرة سئلت عنو من سنتين كان ب ٢٣٠ الف جنيه اعتقد دلوقتي غلي.

[S O P H O S]

والله مرة علشان اعدى ميكروباس كنت ماشى 170 ---يا خبر ابيض

[S O P H O S]

على كده سعر الميكروباص كام في مصر يعني معقول. يكون سعروا اكتر من ربع مليون جنية انا اخر مرة سئلت عنو من سنتين كان ب ٢٣٠ الف جنيه اعتقد دلوقتي غلي.

يا حلاوة يعني من كام يوم نفتح قهوة
ودلوقتي عاوزنا نجيب ميكروباص
انا عارف اني دي هتبقي اخرتي
ههههههههه
ميدو احنا كده هنبقي البؤساء ....

[me_medoo]

ههههههههههههههه طب واللهِ فكرة يابوحميد بص ياريس انا ابيع عربيتي وانتا تبيع عربيتك ونشترك انا وانتا في ميكروباص هههههه. انتا عارف انو بيطلع. دهب كل شهر وبعدين نقسم. الميكروباص. على ورديتين انتا الصبح وانا بالليل ونجيب حد معانا من القسم يوقف على الباب ينده كيتكات عتبة عتبة ويلم الاجرة كمان بالك انتا يا بوحميد لو تشوف الناس ازاي واقف في الشوارع وتبص تلاقيهم بيفرمو بعض علشان يركبو والله بيصعبو عليا واحياناً ببقى نفسي اركبهم معايا في عربيتي ماهو كده ولا كده انا رايح في نفس طريقهم ، وبعدين. اقول لنفسي طيب افرض واحد طلع منهم بلطجي ويثبت مني العربية ، فبقيت اقول لنفسي طيب على الاقل اوصل البنات احسن من وقفتهم في الزحمة وسط الشباب وبهدلت الموصلات هههههه بس المشكلة بخاف حد يفهمني غلط ويقول عني مبصبصاتي وبعاكس البنات بدل مايقولوا عليا قلبي حنين وكتر خيرو هههههههه

[S O P H O S]

ههههههههههههههههههههههه
البنات بس عندك حق قلبك كبير يا ميدو يا حبيبي
ولو حد مفهمكش قوله ... اوعي تفهمني صح
هههههههههههههه
بس لو هنجيب يبقي نشغله سفر مش جوا القاهرة علشان نكسب بقي وتلعب

[me_medoo]

هههههههههههههه.

[windofchange]

انا مرة ركبته لمرسي مطروح وماشيين في ظلمة وطريق فيه تصليحات ونقر وهو ماشاء الله ماتحسش بالنقر دي خالص فيه جديد بقه وبعدين واحنا داخلين مطروح اول مرة في حياتي اتشاهد من خوفي من السرعة بتاعته فالظلمة دي كان ماشي 140 ل160 الحمدلله وصلت بالسلامة بس فعلا ياميدو عربية جميلة بس صوت التيربو مخدتش باللي منه اكيد بيبان وهو قارص ولا ايه,شكرا علي موضوع الحلو يا حلو )

[me_medoo]

ربنا يخليك ليا يا غالي. ومرسي قوي على مشاركتك الجميلة دي يا جميل. ، ههههههه ده وانتا. راكب الميكروباص بتستشهد وانا وبمجرد مابلمح ميكروباص بقول استر ياررررررب. ، يارب عدي اليوم ده على خير. بجد بجد مجانين سرعة ، حمدالله على سلامتك يابشا ، لا هو صوت التيربو بيبقى ليه صوت مميز كده لمن يدوس. بتسمع مع صوت المتور صوت فففسسسسسسسسسسس. بس بتبقى صوت فسة. مسموعة كده. وعزم عالي ، بس انتو وخدين بالكم من حاجة دي مصيبة في حد ذاتها انك تحط. عربية قوية بالشكل ده وفيها تيربو في ايد سواقين حشاشين. بيفطرو. بسيجارة حشيش على الصبح وبيسموها. اصطباحة ويسوقوا في وسط عربيات الملاكي وسط الناس الغلابة

[MaZaGAngeE]

مرة كده في ساعة تجلي , قاعد مع المدام بقولها عايز اجيب الميكروباص ده و اشيل الكنب اللي ورا و احط شاشة 40 بوصة و كمبيوتر و 4 فوتيه جلد و اعملها مكتب متحرك
مش عايز اقولك خدت تريقة و اشتغالات قد ايه

[me_medoo]

بالعكس يا مازة. ياعزيزي تفكيرك تفكير منطقي جداً ، عارف ليه. انتا بتفكر بتفكير انك عاوز عربية فان عائلية تشيل كل اسرتك وقت السفر وفيها جميع وسائل الراحة. وفي عربيات امريكي. جيه مخصصة كده بس زي ما انتا عارف الامريكي بيستهلك بانزين عالي لكن. الياباني موفر في البانزين وعملي وتحياتي