يارس وللا ماياريسشى

[callsdiab]

السلام عليكم ورحمة الله وبركاته

عندى لانسر 2006 1300سى سى مانيوال
بفكر أغير و أجيب يارس، كل العيوب اللى سمعتها من ملاك اليارس مفيش سيره للعفشه او الموتور او تكييف، كل الكلام عن ثبات واكصدامات، لو كل الكلام على كده تبقى تحفه بجد
اشترى موديل ايه ومانيوال فى حدود 70000ج.م

شكرا واسف للاطاله

الله المستعان

[S O P H O S]

ياريس انا في راي طبعا افضل من اللانسر 1300
خد موديل 2008 معقول
بالتوفيق ان شاء الله

[callsdiab]

اخبار الصيانه وقطع الغيار ايه يا باشا

[S O P H O S]

اسعار قطع الغيار مناسبة ومش هتحس ان بعت عن الانسر بحبه كتير
اما الصيانة فالحمد الله اعطال الياريس قليلة جدا وفي مراكز صيانة موجودة ومعقولة جدا فالتكلفة
فالمجمل كعربية صدقني لو اشتريت منها عربية فابريكه برا وجوا وعداد كويس هتستمتع جدا بيها
وموضوع الثبات ده بيتحل بجنط 16 والحمد الله بتبقي جيدة كعربية مدينة
اما الطلاء فده شئ نسبي يعني الاكصدام مثلا ممكن يكون الطلاء بتاعه ضعيف شوية ولكنه منطقة
بتتغير ومعرضه لاي شئ فمش مشكلة اوي
غير كده مفيش مشاكل ان شاء الله شرط الحالة العربية
ولو عاوز تسئل علي سعر قطعة معينة او شئ فقطع الغيار محدد ميدو شوية وجي والاخوة هنا مش هيتأخروا عليك
نورتنا ويارب اكون جوبت علي سؤالك ...
تحياتي..

[BLOODY_STONE]

الياريس عربية حلوة
يعيبها فعلا بس الثبات و الاكصدامات
غير كده عربية ممتازة للمدينة و للناس اللي ملهاش في الشد و الجري
قطع غيارها ممكن تكون اغلى حبتين من الانسر بس بتعيش
توكل على الله عربية تستاهل بس اهم حاجة الحالة طبعا ...

[احمد فهمى]

افضل من الانسر بكتير وفيها abs وموفره فى البنزين اكتر بس نصيحه اشتريها اوتوماتيك

[me_medoo]

هو معليش بس يا بلدي ، انا معايه يارس من سنة ٢٠٠٨ وجربت عربيات كتير وانتقدت عربيات اكتر بسم الله مشاء الله بس لغايت دلوقتي مفهمتش ليه بعض الناس بتقول عليها مش ثابته. يعني بتحسو. بايه وانتو سايقين ؟
مثلاً حدفة ولا بتتنطط العربية على السرعات العالية ، ولا مثلاً انتو بتتكلمو عن اي سرعة بالزبط
[youtube]http://www.youtube.com/watch?v=7TP7P54ce1c&feature=youtube_gdata_player[/youtube]

[S O P H O S]

لو في الغرز مثلا مش بتحس انها زي الجولف
تحس انها هتعرض منك
وربنا يستر

[me_medoo]

اها في الغرز ، لاااااااااا مش هينفع الكلام. كده شوف لازم اركبكم معايه وتشوفو الغرز على الطبيعة وبالذات على السرعات العالية بسم الله مشاء الله

[S O P H O S]

اها في الغرز ، لاااااااااا مش هينفع الكلام. كده شوف لازم اركبكم معايه وتشوفو الغرز على الطبيعة وبالذات على السرعات العالية بسم الله مشاء الله

يا باشا ده شرف لينا
بس بلاش لعب احنا عاوزينك
ربنا يستر طريقك يارب
تحياتي
هههههههههههههههههههه

( قضي الامر الذي فيه تستفتيان )

[me_medoo]

هههههههههههههه واللهِ. ياعزيزي عندك حق الي يشوف خطورة الطرق بالذات مع الانفلات الامني والي داخلك عكس والي مشيلك بكرو والي بيعدي الشارع وهو سهيان. يقول بلاش سرعه فعلاً البلد دي مش بتاعت سرعة

ليه صديق ليا شغال في بنك وعندو عربية بيطير بيها بجنان ومتهور وكل مره اكلمو واقلو بلاش. السرعة بلاش السرعة وفي النهاية عمل حادثة ياعيني ودلوقتي مستني يعمل عملية في. عمودوا الفقري بسبب حادثة خطيرة
قال ايه وهو ماشي على الدائري على ١٦٠ وعلى غرز ويمين وشمال وطاير الاخ و اول ما وصل الشغل وبيركن العربية ونزل من العربية خلاص وقفلها يادوبك بيعدي الشارع جيت عربية عكس. وخبطيتو وطيرتوا هههههههههه يعني سبحانك ياربي كل شيء نصيب. وربنا يشفي كل مريض ويعافيه يارب

[S O P H O S]

ربنا يشفيه ياميدوو
تيجي نشرب قهوة فالكافيه ولا هتنام خفيف
هههههههههه

[me_medoo]

يالله بينا بس على حسابي

[BLOODY_STONE]

هو معليش بس يا بلدي ، انا معايه يارس من سنة ٢٠٠٨ وجربت عربيات كتير وانتقدت عربيات اكتر بسم الله مشاء الله بس لغايت دلوقتي مفهمتش ليه بعض الناس بتقول عليها مش ثابته. يعني بتحسو. بايه وانتو سايقين ؟
مثلاً حدفة ولا بتتنطط العربية على السرعات العالية ، ولا مثلاً انتو بتتكلمو عن اي سرعة بالزبط
[youtube]http://www.youtube.com/watch?v=7tp7p54ce1c&feature=youtube_gdata_player[/youtube]

بص ... اللي عاملها مشكلة الثبات انها عربية خفيفة و عالية اوي عن الارض

يعني لو ماشي على 100 مثلا و في هواء على الطريق حتحس انها بتلعب معاك على خفيف كده

لو كان الطريق حلو حتلاقيها حلوة معاك يعني انا جبت بيها لحد 180 عالصحراوي من اول القاهرة (الحتة الحلوة في اول الطريق) و كانت تمام ... بس طوالي لا غرز ولا اي حاجة ..

لكن مثلا ساعات ابقى ماشي عالبحر في اسكندرية على 90 مثلا و في هواء جامد من البحر ... تحس بشوية لعب

لكن سيبك من اللي يقولك مراجيح و الحوارات دي ... ابسط حاجة .. اقدر اقولك انها اثبت من اللانوس مع ان اللانوس اوطى منها ... و متوجعش دماغك و تفكر في جنوط و تعريض كاوتش و كلام من ده هي كده حلوة ... الا لو ليك في التعديل ...

و اللي حيعجبك فيها كمان انها بتشد بسرعة طول ما انت تحت ال100 .. حتفيدك كتير الحركة دي لو بتسوق جوة المدينة كتير زي حالاتي ... والفرامل طبعا ... اسأل اي حد عن فرامل الياريس مفيش عليها كلام ...

و خليك في الكاوتش اللي زي الفابريكا بتاعتها (البوتنزا) ده احسن كاوتش ليها في رأيي .. بيديها ثبات حلو ..

[Ahmod]

الياريس طبعا عربية جميلة جدا وان شاء الله هتتبسط منها

هي عربية عملية واعطالها قليلة جدا عمرها ماهتحطك في موقف بايخ او تعطل بيك لا سمح الله

بالنسبة للاكصدامات انا شايف انها عادية على قد ماهي سهل انها تتطبق بس بتترد بسهولة جدا وبترجع زي الاول ! وده حال اغلب العربيات الجديدة برضوا كله ورق x ورق !

من ناحية الثبات هي هتبقى معقولة معاك وكويسة طول مانت ماشي في طريق مستفلت كويس وطريق نوعا ما مستقيم ومافيش فيه منحنيات ! مهما كانت السرعة اللى انت ماشي عليها

انما لو هتسوق غرز ويمين في شمال وملفات على سرعات عالية ممكن تضايق منها ! لان استجابتها ضعيفة والعربية بتعوم بسهولة

بالنسبة لقطع الغيار هي غالية شوية بس متوفرة ومعمرة وهتلاقي الاصلي عند الموزعين المعتمدين كذلك التيواني والصيني برضوا موجود في التوفيقية بسهولة ومش هتتعب علما تلاقي اي قطة غيار

هو معليش بس يا بلدي ، انا معايه يارس من سنة ٢٠٠٨ وجربت عربيات كتير وانتقدت عربيات اكتر بسم الله مشاء الله بس لغايت دلوقتي مفهمتش ليه بعض الناس بتقول عليها مش ثابته. يعني بتحسو. بايه وانتو سايقين ؟
مثلاً حدفة ولا بتتنطط العربية على السرعات العالية ، ولا مثلاً انتو بتتكلمو عن اي سرعة بالزبط
[youtube]http://www.youtube.com/watch?v=7TP7P54ce1c&feature=youtube_gdata_player[/youtube]

ميدو باشا الكبير

بص يا باشا عمر السواقة على طريق مستقيم ومستفلت كويس "زي المحور مثلا او الصحراوي" بيدل على ثبات العربية !

لانك طبيعي ماشي في حارتك ومالكش دعوة بحد والطريق مستفلت كويس ! فمش هتحس باي نوع من انواع عدم الثبات !

انا كنت ماشي 180 على الصحراوي ومافيش اي مشكلة بالنسبة ليا ! كذلك بمشي على المحور 160/170 برضوا مش بحس بحاجة !

لكن تعالى بقى للسواقة الرياضية !

مش ثابتة بمعنى لما ابقى ماشي 120 واخطف غرزتين قطم ورا بعض ! يمين في شمال ! الاقي الشنطة جمبي ! والعربية ماشية بجمبها ! ولولا ستر ربنا ماتقلبتش

مش ثابتة يعني لما الطش غرزة قطم على 120/130 ويبقى الرصيف على شمال ومضطر اني ارد الغرزة في ساعتها ! الاقي العربية عمالة تحف يمين وشمال لدرجة ان ال Gps يتكسر ! ؟

مش ثابتة يعني لما يبقى ملف رخم حبتين وتاخده على سرعة عالية تحس انك بترتفع من على الارض !

وده طبعا مش عيب في العربية لانها مش مصممة لكدة !

والحمد لله الموضوع اتحسن كتيير عندي بعد ماركبت جنط 16 ! لحد دلوقتي ماحصلش معايا يا موقف بايخ في الثبات وربنا يسترها ان شاء الله