يارس وللا ماياريسشى

[callsdiab]

طيب اجيبها منيوال1300 وللا اوتوماتيك 1500 فى فرق فى قطع الغيار؟
بصراحه انا قدامى كمان عربيه بولو 2001 بس انا مستقدم الموضوع 11 سنه استعمال و لو خفيف برضو كل حاجه ليها عمر

[Ahmod]

طيب اجيبها منيوال1300 وللا اوتوماتيك 1500 فى فرق فى قطع الغيار؟
بصراحه انا قدامى كمان عربيه بولو 2001 بس انا مستقدم الموضوع 11 سنه استعمال و لو خفيف برضو كل حاجه ليها عمر

الاوتوماتيك في الياريس افضل من المانويل

وال 1.5 الاتوماتيك اقوى من ال 1.3 المانويل !

بس انا مافتكرش ان سعر 70 الف يجيب لحضرتك ياريس 1.5 اتوماتيك !

70 الف ممكن تجيب اتوماتيك 1.3 موديل 2007/2008 وممكن كمان تضطر انك تزودلك 3/4 الاف للحالات النضيفة

[charming]

عربية اعطالها قليلة وقطع غيارها متوفرة وبتعيش والاتوماتيك فى العربية دى هايل
بالنسبة للثبات عرض الكاوتش ومتابعة الضغط وتربيط العفشة بشكل منتظم بيفرق كثير
74 الف يجيبو عربية ياريس 2008 اتوماتيك عداد قليل
نصائح
متجبش قطع غيار غير اصلية بذات التويوتا
متستناش على اخر التانك ودائما 92 يفضل 95

[ramy01011]

انصحك باليارس بس هاتها اوتوماتك انا معايا 2007 1300 اوتوماتك سحبتها بسم الله ما شاء الله الماتور ده قوي جدا موش هتصدق انه 1300 و بشد بيها مع زمايلي هم معاهم عربيات اوتو 1600 بطلع منهم بمنتهي السلاسة العربية بقالها معايا 5 سنيين الحمد لله مرحتش بيها للميكانيكي ولا مرة غير بس مرتيين لتغير الفرامل و مرة منهم للبوجيهات العربية عاملة 150 الف كيلو مروحتش بيها التوكيل من بعد صيانة ال30 الف
بغير زيت و فلاتر فقط كل 3000 ك .
العربية بتشم بنزين التفويلة بتعمل معايا 500 كيلو سواقة مفترية سواقتي دايما بين سرعة 140 الي 160
حاجة كمان مهمة هاتها فل اوبشن بتنزل بجنوط و سبويلر بتفرق جامد في الثبات انا عربيتي شاريها من الامارات و فيها فل اوبشن موديل 2007 فيها غير السي دي ام بي 3 فيها وصلة aux بس طلعت مستخبية في العربية
العربية عزلها و تكيفها من اروع ما يكون.
عالية و مبتحكش في المطبات.
نصيحة لوجه الله هاتها و انت مطمن

[me_medoo]

طيب اجيبها
بصراحه انا قدامى كمان عربيه بولو 2001 بس انا مستقدم الموضوع 11 سنه استعمال و لو خفيف برضو كل حاجه ليها عمر

لا يبقى انتا كده بتهزر. باه هههههههههه بولو ؟ بولووووو !!!! اه روح هتلك بولو ، باه ياراجل ياطيب هتجيب. البولو لليارس ايش جاب لجاب البولو هتلاقيها في حدود الاربعين الف واليارس. هتلقيها في حدود السبعين او التمنين الف
واحمد باشا حمدالله. على سلامتك يا غالي بس يا حبيب قلبي اي عربية ابعدها صغيرة مينفعش تاخود بيها غرزة قطم. لكن الغرز. خودها براحة خالص ، وانتا بالذات متتكلمش عن الغرز لان يوم الماقابلة يالله يالله عرفت احصلك. بسم الله مشاء الله. تعابين بين العربيات وغرزة يمين وغرزة شمال لدرجة ان عربيات قسم نيسان الي مبيعرفوش الطريق بقو يتوهو مننا ههههههههه

[me_medoo]

عربية اعطالها قليلة وقطع غيارها متوفرة وبتعيش والاتوماتيك فى العربية دى هايل
بالنسبة للثبات عرض الكاوتش ومتابعة الضغط وتربيط العفشة بشكل منتظم بيفرق كثير
74 الف يجيبو عربية ياريس 2008 اتوماتيك عداد قليل
نصائح
متجبش قطع غيار غير اصلية بذات التويوتا
متستناش على اخر التانك ودائما 92 يفضل 95

+ ١١١١١١١
منور والله ياباشا القسم فينك من زمان سايب القسم هنا لوحود وعلى طول قاعد في القسم الاجتماعي وقسم احوال الشارع المصري ، مش كده برضو ياباشا. إن لقسمك عليك حق (قسم تويوتا ) فما تغبش علينا يا غالي مفتقدينك هنا واللهِ

[S O P H O S]

يا ميدو بولو ايه
لو جولف 2005 ماشي
انما بولو 2001 مع ياريس
يبقي لا تعليق
.....

[callsdiab]

يا ميدو بولو ايه
لو جولف 2005 ماشي
انما بولو 2001 مع ياريس
يبقي لا تعليق
.....

سبب تواجد البولو فى الحوار علشان موجوده وقدامى استعمال شخص اعرفه، اليومين دول العربيات النضيفة قلت قوى ده سبب تفكيرى فيها
اكيد طبعا الجولف حوار تانى خالص
شكرا جزيلا على ردود الجميع بجد انا استفدت جدا وعرفت حاجات عن الياريس، متهيئلى كده الدنيا بالنسبالى وضحت انا حشوف انشاء الله ياريس 1500سى سى اوتوماتيك كامله متهيئلى هى مناسبه جدا ربنا يكرم

الله المستعان

[me_medoo]

ماهو ياباشا لو هتلف السوق كلو وتغني التعلب فات فات وفي ديلو سبع لفات مش هتلاقي يارس 1500 سي سي مستعمل .

حد يكون عندو يارس 1500 سي سي ويفرط فيها ... ده لو أبوي بيموووت ومحتاج فلوس ضروري والله ما ابيعها ... وانزل اشحت في الشوارع ولا اني اعرضها للبيع دي يارس ياباشا عارف يعني ايه يارس ... يعني 1500 سي سي دي ممكن تسابق عربية بي ام دبليو الفئة التالته .

[me_medoo]

هو صحيح يا فندم. كان في سئال من امبارح بسئلو لنفسي حضرتك عنوان الموضوع يارس ولا مريسشي هيا المارسيشي دي كام حصان واذا في قدامك عربية مرسيشي نضيفة ومش راشة توكل على الله هيا اثبت من اليارس ههههههه وتحياتي

[S O P H O S]

هههههههههههههههههههه
حبيبي يا ميدو
وانا كمان واحدة
ههههههههههههه

[matrix_it]

ثبات الياريس زى الفيرنا يعنى ؟؟؟

[S O P H O S]

لا طبعا مش للدرجة دي
مفيش مقارنة بين الياريس وبين الفيرنا
هات للياريس جنط 16 وانسي موضوع الثبات ده
الا بقي لو انت حابب غرز علي 180 وكده

[S O P H O S]

عربية اعطالها قليلة وقطع غيارها متوفرة وبتعيش والاتوماتيك فى العربية دى هايل
بالنسبة للثبات عرض الكاوتش ومتابعة الضغط وتربيط العفشة بشكل منتظم بيفرق كثير
74 الف يجيبو عربية ياريس 2008 اتوماتيك عداد قليل
نصائح
متجبش قطع غيار غير اصلية بذات التويوتا
متستناش على اخر التانك ودائما 92 يفضل 95

+11111111111111

[matrix_it]

لا طبعا مش للدرجة دي
مفيش مقارنة بين الياريس وبين الفيرنا
هات للياريس جنط 16 وانسي موضوع الثبات ده
الا بقي لو انت حابب غرز علي 180 وكده

الفيرنا بتبتدى تخف بعد ال120 اليارس بتبدى تخف من كام من غير جنط