هو انا بخيل .... لاني مبشغلش التكيف بتاع اليارس !!!

[me_medoo]

انا بشوف ناس رايحة جيه من جمبي ومشغلة التكيف
تقلش قاعدين في بيتهم. والتكيف ده ببلاش
او كانهم مشغلين كتسيت العربية عادي كده
بس انا بجد بجد بتصعب عليا العربية اشغل فيها التكيف والدنيا حرررررر
وزحمة .... هبقى انا والزمن. والزحمة والحر عليها
مش كفاية كتر خيرها مستحمله قرفي ومشوايري

النهردة مثلاً
كانت الدنيا حر موووووت والجو خنقة
وفتحت الاربع شبابيك علشان يهووو. وقلت ياسلام لوفي فتحت سقف علشان افتحها كمان
هههههههههههههههههههههه
المهم لقيت مراتي خدت مجلة من الي معاها وقعدت تهوي فيها
وكل شووية تقول اووووووووووف. اووووووووف
فرحت انا كمان مادد اديا في الجيب الي ورى الكرسي بتاعي وجايب مجلة عربيات
هههههههه وقعدت اهوي بيها.
وهيا تبصلي وتقولي اللهم طوووولك ياروووح ، قلتلها هانت يا حبيبتي كلها ساعة زمن والاشارة تفتح
وقعدنا نهوي انا وهيا شوووية
المهم بقولها تحبي افتحلك التكيف '!!!!
فراحت بصالي كده بنظرة كلها غيظ وشرر من نار.
وقالت :
لأ لسه متشويتش استنى شوية لمن استوي شووية
ههههههههههههههههه.
فرحت خليت عند امي دم. ومشغل التكيف
بعد شوية الطريق مشي فرحت طفيتو. فقالت لي خير طفيتو ليه
قلتلها لا ابداً انا خايف عليكي لا تعيي
قالت لي خايف عليا لأعيا ولا خايف على الكتكوته بتاعتك لا تحرق بنزينها ومش مهم انا تحرق في دمي
وقولها وافهمها يا حبيبتي مصر بتمر في مرحلة مفصلية
ولازم نوفر بانزين للدولة .... دي مصر يا حبيبتي. مصر فاهمة يعني ايه مصر
بس بيني وبينكم انا بستحرم اشغل التكيف. اصل الدنيا زحمة
والجوووو حررررررررر نار
وكده ههلك العربية فهل كده انا ابقى بخيل !!!!
وهل انتو بتشغلو مكيفاتكم ياشباب طول ما انتم ماشين ولا احياناً

[ramy01011]

هو انت جايب العربية علشان تريحك ولا علشان انت اللي تريحها ؟
ثانيا انت راكب عربية ياباني و ماركة محترمة زي التويوتا و هي مصممة للخدمات الشاقة و للجو الحار و احب اطمنك ان تكيفها موش بيأثر عليها في حاجة يعني لو عربية اوربية كنت هقولك بياثر علشان العربية اساسا مصممة للجو البارد
نيجي لموضوع البنزين انت راكب عربية 1300 ة اكبر ميزة في اليارس هي انها اساسا بتشم بنزين و بعدين جو مصر مبقاش زي زمان و نسمة هوا ساعة عصاري و الكلام ده الجو فعلا بقي نار فيا سيدي الفرق موش كبيير للدرجة علشان كدة ارحم نفسك و ارحم المدام و شغل التكييف.

[haroun707]

يا راجل هو فى كده بردوا


القرش اللى مينزهش نفسه ... يبقى قلته احسن



.

[تامر.محمد]

بصراخة و من غير زعل ......... المدام معاها حق :)))))))

[Android]

يا راجل دنا اتشليت للمدام
ربنا يكون في عونها
اومال في البيت بتعمل فيهم ايه هههههههههههههههههه

متع نفسك وعيلتك وعيش حياتك محدش ضامن عمره فاستمتع بكل لحظة وحاول على اد ما تقدر افرح في الخير والصح
وربنا يرحمنا جميعا

[me_medoo]

هههههههههههههه
حبايب قلبي واللهِ .... بس المشكلة قلبي ما بيطاوعنيش اني اشغلو ياجماعة. اذا احنا كبني ادمين. وهنطلع من هدومنا من كتر الحررررر فما بالك بالعربية. الي هتطلع من الصاج بتاعها ....
ده انا بستغرب الناس الي جايبين عربيات لونها أسووود ومشغلين التكيف
غير كده وكده يا جماعه مصر بتمر في ازمة بانزين. عارفيين يعني ايه مصر دي مصر ياشباب مصر

[M!SHO]

ملكش حل والله :)))

أنا بشغله على طول صبح وليل وفى الشتاء كمان معظم الوقت

بس ده عشان عندى حساسيه من الشمس والحراره :(

غير كده لما تكون قافل ازازك ومشغل تكييفك وكاسيتك ومعزول عن البلطجيه اللى ماشيين حواليك بكون بارد أوى

[yoko]

انا لو مكان المدام كان زماني خنقتك من زمان
تاني حاجة على فكره الموتور بيبقى متصمم يستحمل وزن العربيه والتكيف شغال وتجيب 160 مستريح ويبقى الموتور مش جايب أخرة
عارف إن الموتور ال1300 الي معاك ده يمشي عربيه وزن الياريس مرتين عادي

[blazer]

انا ساعت برده بتصعب على العربيه :d
بس اوقات كتير برده بتصعب على نفسى وبشغل التكيف
هههههههههههه

[تامر.محمد]

هههههههههههههههههههههههههههه انا عربيتي سودة على فكرة


الموضوع بسيط , حران .. شغل التكييف
حضرتك جايب تكييف و دافع تمنه , و في الحالتين له عمر افتراضي هايبوظ بعده , مش لازم تبقى ماشي بالتكييف صيف شتا , بس لما تبقى حران شغله :)

اقول لك حاجة اكتر ؟ عدم تشغيل التكييف اسبوعيا على الاقل بيخليه يسرب الفريون و شحن الفريون ب150 جنيه :)))

[mody3on]

يا راجل حرام عليك مش كده ده انت معاك ياباني يعني وحش التكييف ,والتكييف مش بياثر عالاستهلاك بالطريقة اللي انت متخيلها , وبعدين انت بتشغل التكييف تظبط الجو ده هيساعدك في السواقة بدل ما تكون حران وقرفان , والجو النهاردة اصلا كان حر جدا ومقرف , حرام عليك يا جدع زعلان عالعربية ومش زعلان عالمدام :d

[zangry]

ههههههههه بخيل اية ياجدع ده انت جلدة :d

[me_medoo]

يانهرك ازرق ياباش مهندس تامر
جيبها سودة طيب بتعمل ايه في الحر اليومين دول .... ده انا البنطلوم القماش الي لابسو يالونو اسود
او كحلي وهبقى مولع وببقى نفسي افرش عليه منديل ابيض فما بالكو العربية
المكسينة الغلبانه
ويايوكو. ويا شباب المسئلة مش في يباني او تيواني انا عارف انو مبيئسرش
بس بحس انو التكيف بيهد صحتها. وبيقصر في عمر العربية
بالذات. ان الطريق واقف وانتا ماشي متر متر فباستحرم بصراحة
بحس اني بهلك العربية. وبدل ماتبقى العربية في عز شبابها وعز سحبها
الاقيها ودعت بدري بدري
طيب اقولوكوا على حاجة بس محدش يدحك عليا
انا بجد بجد بيصعب عليا رجلين العربية ( الكوتشات ) بتاعتها اكمن انها
ماشية حافية على الاسفلت والاسفلت مولع وملهلب. واحس انو كده هيتاكل بسرعه
وبقول ياسلام لو في كاففر او فريم او تلبيسه البسها على الكوتشات
علشان تقدر تستحمل الاسفلت المولع ده ههههههههه

بس عارفين لو الطريق مفتوح اشغل التكيف عادي.
مع اني بقول في هوى طيب اشغلو ليه ههههههههه
بس المشكلة في الزحمة والمشي متر متر بيهلك عمر العربية

[Evo]

إنت بتهزر ولا بتتكلم بجد ؟


ماهو بصراحة لو بتتكلم بجد يبقى بيعها وهات 504 أحسن ومشيها غاز علشان التوفير المتين بقى

[yoko]

إنت عارف التكيف بياخد كام حصان من العربيه؟
مش هقولك
دور وإنت تعرف إن أقل من 10% يعني العربيه يوم لما تكون حراته بنزين مش هتكمل زياده لتر في ال100 كم يعني التفويله هتزيد 4 لتر يعني أقل من 8 جنيه