If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
هو انا بخيل .... لاني مبشغلش التكيف بتاع اليارس !!!
[SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
[SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
[SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]
نفسي أعرف مين أقنعك إنه بيهلك العربيه دي!!!!
الحمل بتاع التكيف يكاد لا يذكر جمب لما تكون على المحور وبتعدي من واحد من سرعة 80 ل100 الي بتهلكه في الموتور في الكام ثانيه دول هيبقوا أكتر من تأثير تكيف لمده ساعة
طيب اقولوكوا على حاجة بس محدش يدحك عليا
انا بجد بجد بيصعب عليا رجلين العربية ( الكوتشات ) بتاعتها اكمن انها
ماشية حافية على الاسفلت والاسفلت مولع وملهلب. واحس انو كده هيتاكل بسرعه
وبقول ياسلام لو في كاففر او فريم او تلبيسه البسها على الكوتشات
علشان تقدر تستحمل الاسفلت المولع ده ههههههههه
والكفر هيصعب عليك وتجبله كفر والكفر التاني يصعب عليك تجبله كفر
إنت كده هتركن العربيه وتقضيها كعابي
والجزمة تصعب عليك وتحطلها نعل إضافي
ده مش بخل بس هو وسوسه في رأي
هههههههههههههه.
مش بخل واللهِ ولكن حرص على حياة وعمر العربية
وبقول معليش استحمل انا زي مالعربية مستحملة وشايلة في نفسها وساكته
زمان كان لمن الطريق يوقف. كنا بنطفي العربيات النهرده بنفضل نخليها شغالة لان كل
مانطفيها نلاقي الطريق اتحرك متر. لقدام و الي وراك مش صابر يقعد يزمرلك وشوية شوية هينزل يتخانق معايا عاوزني اقدم العربية متر هههههههههههههه تقلش خلاص الطريق الي مشي وانا الي راكن في نص الشارع او كان المتر ده هو الي هيفرق معاه .....
هو صحيح كان زمان في نسمة هوى كده حلوة تشمها في عز الظهر
النهرده كلو صهد في صهد طالع من العربيات. ان نسمه هوى او حتى عبير تعدي
ابداً لا عبير ولا منى بقو يعدو خالص ههههههههههه
والمشكلة ان العربيات بيزنقو على بعض بحيث يمنعو اي نفس يخش في الشبابيك .... ده حتى وانا بتكلم مع مراتي
عن مصر لقيت السواق الي في العربية الي جمبنا رامي ودنو معانا وعمال بيبصلي قوووي
وشوية شوية. هلاقيه يقولي متشغلها التكيف ياجدع حرام عليك ههههههههه
والعربية التانية الي جمبك مشغل صوت الكاسيت على الاخر ببقى عاوز امد ايدي. جوا شباكو واوطي الصوت شوية ههههه وبحس اني مش قاعد في عربيتي خالص
ده انا حاطط انا والمدام كرسيين في الشارع والناس قاعده حولينا ولا اجدعها قوهة
ده انا مرة كنت مشغل شريط وائل جسار الجديد وموطي الصوت واقف في الشاراة وعمال بكلم المدام
لقيت واحد بيكلمني من ورى راس المدام وبيقولي هو حضرتك ده البوم وائل جسار الجديد
هههههههههههههههههههه.
حاجة غريبة ياجدع بجد الناس دي
مفيش تأثير للتكييف علي أداء العربية أو موتورها...امال في الخليج بقي يعملوا ايه
كمان الياريس التكييف بتاعها راكب عليه ثيرموستات حرارة...لما التكييف بيبرد كويس الكمبريسور بيفصل ويرجع يشتغل تاني...كمان عربيتك 1300 والكمبريسور صغير فاستهلاكه للبنزين خفيف
أنا بقي هقولك...سيبك من الحر...شوارع القاهرة كلها تراب وزبالة...ترضي انك والمدام والاولاد تشممهم الزبال والعوادم طول الطريق
[B]قوم يا مصرى مصر دايما بتناديك...خد بنصرى نصرى دين واجب عليك
يوم ما سعدى راح هدر قدام عينيك...عد لى مجدى اللى ضيعته بأيديك
شوف جدودك فى قبورهم ليل نهار...من جمودك كل عضمة بتستجار
[/B]
انا صيف شتاء ليل نهار مشغل التكييف
بس طبعا مش دايما على اسقع حاجه
الشتاء كله بشغله على 21
الصيف الصبح 19 و باليل 20 او 21
بس الفكره بقى مش اسراف
اولا مبحسش بفرق كبير فى استهلاك البنزين او جايز انا اتعودت على استهلاك البنزين بالتكييف :)
ثانيا بحافظ على العربيه من جوا ...من التراب وبدل ما اغسلها من جوا كل يوم وواحد يبوظلى حاجه او يدخلي مياه في زرار
انت بتتعب نفسك من غير داعى
لان فيه شباب معاهم عربيات مفيهاش تكييف وتلقيهم يشوفو عريتك ويقوله ياسلام يبقى معايا حته ياريس زى دى واشغل التكييف فى الحر ده واشغل الكاست واروق نفسى ... ويقول اوعدنا يارب
انا معاك الواحد لازم يخاف على عربيته بس مش لدرجه دى هى الشركه اللى مصنعه العربيه حطت تكييف واوبشن وكماليات فيها ليه علشان حضرتك تقعد فى العربيه وانت مرتاح وتحس بالترفيه فيها سواء شتاء او حر
نصيحه استغل كل وقت يمر عليك فى اسعاد نفس واسرتك واتمتع بعربيتك محدش عارف واخد منها حاجه
[SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
[SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
[SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]
والكفر هيصعب عليك وتجبله كفر والكفر التاني يصعب عليك تجبله كفر
إنت كده هتركن العربيه وتقضيها كعابي
والجزمة تصعب عليك وتحطلها نعل إضافي
ده مش بخل بس هو وسوسه في رأي
من غير حضرتك ما تزعل منى ...هى بتبقى حاجة غصب عن الواحد هو وسواس قهرى ويمكن علاجه على فكرة بالعقاقير ومضادات الوسواس
[CENTER][COLOR=navy][SIZE=4]السرعة داخل القاهرة 50 كم/س[/SIZE][/COLOR][/CENTER]
[CENTER][COLOR=navy][SIZE=4]لا إله إلا أنت سبحانك انى كنت من الظالمين[/SIZE][/COLOR][/CENTER]
[CENTER][SIZE=4][COLOR=#000080][SIGPIC][/SIGPIC][/COLOR][/SIZE][/CENTER]
Comment