الحاج خيش بالكورولا و التوكيل بيتكلم في رقم خوزعبلي

[Screenplays]

الوالد مصمم علي تصليح الايرباج كمان

الحمد لله الحادثه موصلتش لنص قدماني و لا حاجه

بس المشكله في الرقم ده في تابلوه و ايرباج و رفرف و ريدياتير

حراااااااام

[eng.ghost]

نفذ كلام الوالد و هو اللى هيدفع ;)

[khalid_adel]

مفيش حاجة اسمها مش بتشتغل تاني, لو جاب ال parts و ركبها و كمبيوتر العربية اتعرف على وجودهم و مش مدي error يبقى خلاص تم المطلوب.
هو المفروض بيصلح ال airbags لسلامته و سلامة اولاده/مراته/أي حد راكب معاه, انما لو احنا مستخسرين الفلوس في مقابل سلامة الناس دي على أساس إن ساعات كتير بتبقى العربية دي تحويشة العمر انما إيه يعني لو البني آدم اتكسر اكييييد هيبقى الجبس أرخص من ال airbag يبقى منزعلش من التوكيلات لما تستخسر فينا وسائل الأمان.

و اللي جي يقولك بره زعلوا من ال airbags في الأول أنا مش عارف يعني إيه دخل حاجة فات عليها 20 سنة و أكتر بزمننا الحالي ؟ ولا احنا عشان متخلفين عنهم يبقى دلوقتي نبدأ بقى نخش في مرحلة القفش من وسائل الأمان لغاية أما هما يركبوا طيارات نكون احنا بدأنا نتقبل ال airbags !!!

اهدي بس كده علي نفسك وخد الكلام براحه
على فكره ردك ده كله رد على كلامي وانا مسمحش باي تجاوز بعد اذنك وانا معروف هنا في المنتدي عمري ما بغلط ولا بتريق علي حد ولو حصل بدون قصد بعتذر فورا وبوضح قصدي كويس
اقري ردي رقم 11 مره تانيه من غير قفش وانت تفهم انا اقصد ايه وبلاش الردود العصبيه المتعجرفه (زي انتو ومتخلفين) اهدا بس واقري تاني حتلاقي ان كلامي مفيهوش اي حاجه غلط او مختلفه عن كلامك في شئ (مفيش اختلاف اساسا انت قولت حاجه وانا بوضحلك ) وعلى فكره انا جربت قبل كده موضوع الايرباج ده وربنا مايوريك ولا تتحسر لما عربيتك تفتح ايرباجين بسبب مطب صناعي ويقولك 50 الف جنيه وانت عربيتك مباقلهاش شهر ولسه بكياسها ومفيهاش خربوش

[Ahmed Selim]

أستهدوا بالله يا رجالة

سكرين أعمل كل حاجة فى التوكيل علشان تريح الحاج...............بس التابلوه غيره بالكامل إستيراد سليم من برة التوكيل.

و ألف سلامة للحاج.

[احمد فهمى]

بمنتهى البساطه ايرباج الطركسيون جديد ب٣.٥٠٠ فى شارع دمشق واستيراد اقل من كده وانت بتشترى قشرة طابلو بس مش طابلو كامل وتشتريه بالاير باج بتاعتو من الحرفيين والريداتير والسربنتينه يا تجيبهم جداد يا استيراد هم والكرتيره بس من بره التوكيل وتاخد كل ده وتروح تركبو فى التوكيل هم يعملو السمكره والرش ومصناعية تركيب الكلام ده كلو هتصرفلك حوالى ٢٥ الف بس فعلاً كل حاجه هترجع تمام وده حصل مع واحد قريبى عمل نفس اللى انا وضحتو وبالنسبه لموضوع انك تبيعها حوادث هتسمع ارقام خايبه متعرفش تكمل عليهم اى حاجه فخليك فى التصليح بالطريقه دى ومش هتخسر حاجه انزل اتمشى فى الحرفيين واسمع اسعار قطع الغيار اللى انت محتاجها والله المستعان

[khaled_sabry]

على فكره اول ما الايرباج طلع كان بره بيشتكو منه لانه كان بيتفتح عمال على بطال ومن اتفه الاسباب وكانو مش عايزينه لانه ابتدي يأذي الناس على الفاضي طبعا بعد كده اتطور وعملو ال srs airbag وده معناه انه متعدد الفتح وحسب شدة الخبطه وكده
المهم في الاخر الايرباج لو في حادثه جامده لاقدر الله فعلا قد ينقذ حياة راكب لكن لو فتح في حاجه بسيطه ممكن ينوبك منه كسر في الانفر او اليد او كدمه قويه في الوجه والصدر فهمت قصدي
وعامه الايرباج بيفتح مره واحده بس مش مرتين عشان كده بنفكر للراجل يلم الموضوع ازاي عشان طبعا حرام يدفع 50 الف بره الايرباج ب 800 يورو او 1000 دولار لكن هنا ب 50 الف نعمل ايه نقول حسبي الله ونعم الوكيل طبعا

انا اول مره اعرف ان تصليح الاير باجز غالى اوى كده - و على طول افتكرت قصه قديمه
فاكر واحد صاحبى لما كنا فى المدرسه فى بدايات التسعينيات و كان حكايه الايراجز اختراع و كتير مايعرفوش معناه اصلا
و كان والد صاحبى ده لسه شارى مرسيدس على الزيرو و الولد كان خد المفاتيح من ورا ابوه علشان يلعب فى العربيه (يلعب بس مش يسوقها علشان كنا ساعتها صغيرين و مش بنعرف نسوق)
المهم الولد قرى فى الكتالوج عن الايرباج دى و قرر انه يفتحها
فضل يخبط على العربيه لغايه لما اتفتحت ... بعد كده يبص ازاى يلما يلاقى مكتوب "اذهب الى التوكيل "
طبعا توكيل مين ياعم - بسكينه قطعها خالص و لم الدور فى الخباثه على كده
طبعا ماكناش نعرف ان تصليح الايرباج غالى كده يعنى ماكناش مقدرين حجم الخساره الكارثيه

[midnightman_74]

مش فكرة عايزين نلغيها !! بس حرام لما الراجل يدفع 50 الاف جنيه عشان يصلح ال airbags !!

ال ِairbags

حياة الراجل تساوى مليون 50 ألف جنية

[midnightman_74]

الوالد مصمم علي تصليح الايرباج كمان

دة دليل أنة حس بأهمية الايرباج فى الحادثة