احبائى منتدى تويوتا وحشتونى كتييير يلا اى حد عنده استفسار يقول

[asemx1]

اى حد عنده استفسار فى عربيته مشكله او حاجه شاكك فيها

سواء تويوتا او غير التويوتا

يسال هنا

وبازن الله هجاوبه فى اسرع وقت

تحياتى لكم جميعا

م/عاصم جاد

[HaMaKyy]

حمدلله على السلامة
انا معايا كورولا جنوب افريقى 2008 mmt
وكنت سألت على زيت الفتيس قالولى موبيل 75w
فهل اسم الزيت كدة صح ؟
وممكن القية برة ؟؟ ولو لقيتة برة هيعمل كام ؟
وشكرا

[S O P H O S]

تحياتي علي الموضوع
الي بالطبع قد ينعش القسم من جديد
واتمني تكون بخير يا باشا ..

[M.FOUAD]

اية رايك بما انك بتشتغل في التكييف بنفسك معايا عربية كورولا 2003 معملتش اي حاجة في التكييف من الزيرو الصيف دة التكييف بيسقع لما العربية تتحرك بس و مش قد كدة في النهار بالليل التكييف ثلاجة فعلا زية زي اي عربية زيرو
شحن الفريون تمام و الثلاجة غسلتها هي و السربنتينة
شاكك ان الكمبريسور يا اما ضعيف يا اماالغي سربنتينة السخن و لا فية حل تاني

[O.M.S]

السلام عليكم
انا عندي مشكله عويصه التكيف بيخلي العربيه تفصل على السلانسيه و ما بيبردش الا في السرعات العربيه كورولا 97 1600 انجكشن 20v

[asemx1]

حمدلله على السلامة
انا معايا كورولا جنوب افريقى 2008 mmt
وكنت سألت على زيت الفتيس قالولى موبيل 75w
فهل اسم الزيت كدة صح ؟
وممكن القية برة ؟؟ ولو لقيتة برة هيعمل كام ؟
وشكرا

بالزيت الى هتستخدمه هوا زيت الفتيس المانيوال ودا موجود منه ماركه تويوتا وتصنيع اليابان فى موزعين قطع غيار تويوتا ومنتشر جدا

بس عموما نصيحه ماتغيرش زيت الفتيس دلوقتى خالص لحد ال 200 الف كيلو عمرك ما هتعوض الزيت الاصلى
كمل عليه بس وزد لو حسيت انه نقص
وهيعمله عبوه 4 لتر 200 جنيه
ويمكنك انك تعدى على التوكيل تشوفه هناك بكام وتشوف نوعه وتدور عليه بره فى اى موزع ممكن يكون ارخص
تحياتى يا فندم

تحياتي علي الموضوع
الي بالطبع قد ينعش القسم من جديد
واتمني تكون بخير يا باشا ..

ربنا يخليك دا من زوق حضرتك
وتحياتى لك

اية رايك بما انك بتشتغل في التكييف بنفسك معايا عربية كورولا 2003 معملتش اي حاجة في التكييف من الزيرو الصيف دة التكييف بيسقع لما العربية تتحرك بس و مش قد كدة في النهار بالليل التكييف ثلاجة فعلا زية زي اي عربية زيرو
شحن الفريون تمام و الثلاجة غسلتها هي و السربنتينة
شاكك ان الكمبريسور يا اما ضعيف يا اماالغي سربنتينة السخن و لا فية حل تاني

بص يا سيدى اكيد التكيف بالليل احسن من الصبح ان شالله لو فى الفيات هتلاقيها كدا
الفكره انك ممكن تكون متعود على التكيف من عربيه تانيه وماتعرفش التكيف دا عامل ازاى

وممكن المكان عندك فيه رطوبه فبتحس بحراره الجو الصبح دائما

انما عندك حل بسيط اوى علشان تعرف التكيف مشحون كويس ولا لا هتلاقى عندك عين او زجاجه على خط التكيف بص عليها وخلى حد يشغل المحرك ويشغلك الكمبروسور
بص عليها لو لقيت عملت حبه فقاقيع فى الاول وبعدين اختفت يبقى الشحن تمام
لو لقيت الفقاقيع لسه موجوده يبقى الشحن وحش وعندك هواء فى الدائره

لو مش عندك العين الزجاجيه دى حط ايدك على خرج التكيف بيكون عباره عن الخط بيكون بالع فار زى مايكون تعبان كدا بالع فار والفار فى نص جسمه هتلاقى قبقيبه كدا
حط ايدك عليها وشغل التكيف سقعت معاك بسرعه وبقت شكلها متلج يبقى التكيف مافيهوش مشكله

عندك برضو اختبار تالت
شغل التكيف الصبح واعمل المروحه على السرعه الاولى واقف ادام المحرك
لقيت التكيف بيفصل وبيشتغل بمعدل مره فى الدقيقه يبقى تمام بس
لقيته بيفصل فى اكتر من ربع ساعه يبقى شحنه مش كويس
واصبر على التكيف حبه فى الاختبار التالت لحد ما تحس ان الصالون بقى ساقع وشوف بيفصل وبيشتغل كتير ولا لا

تحياتى لك وارجو قراءه الموضوع بتانى وكتابته فى ورقه خارحيه علشان ما تتوهش

السلام عليكم
انا عندي مشكله عويصه التكيف بيخلي العربيه تفصل على السلانسيه و ما بيبردش الا في السرعات العربيه كورولا 97 1600 انجكشن 20v

المشكله دى فى الانجكشن بتكون من سنسور الايدل اسبيد عايز يتنضف او يتغير

مكانه فيه السنسور دا
عند البوابه بتاعت دواسه البنزين

شوف الدواسه السلك بتاعها واصل لفين فى الماتور هتلاقى بوابه بتفتح وبتقفل على حسب ضغطه رجلك
عند البوابه دى هتلاقى سنسور نظفه

وبعدين اعمل ايدل ليرن بعد ما تخلص بانك تفتح وتقفل الكونتاكت 3 مرات

ازاى تعمل كدا اعمل سيرش فى منتدى الدايو على تنظيف الايدل ليرن وهتلاقى الامور زيها بالظبط فى تويوتا

وانا كنت عامل موضوع بس مش عارف راح فيه بس خير بقى

تحياتى لك

[O.M.S]

المشكله دى فى الانجكشن بتكون من سنسور الايدل اسبيد عايز يتنضف او يتغير

مكانه فيه السنسور دا
عند البوابه بتاعت دواسه البنزين

شوف الدواسه السلك بتاعها واصل لفين فى الماتور هتلاقى بوابه بتفتح وبتقفل على حسب ضغطه رجلك
عند البوابه دى هتلاقى سنسور نظفه

وبعدين اعمل ايدل ليرن بعد ما تخلص بانك تفتح وتقفل الكونتاكت 3 مرات

ازاى تعمل كدا اعمل سيرش فى منتدى الدايو على تنظيف الايدل ليرن وهتلاقى الامور زيها بالظبط فى تويوتا

وانا كنت عامل موضوع بس مش عارف راح فيه بس خير بقى

تحياتى لك[/quote]


السلام عليكم

شكرا يا باشا على الرد السريع وعلى الاهتمام ربنا يباركلك ويجزيك خير انا هجرب وابلغك عن النتائج

[amrelsaqqa]

كورولا 2001 اوتوماتيك 1300 سي سي (نفس شكل 2003)
عندى مشكلة في استهلاك البنزين ومش عارف سببها
مش عارف هي بتعمل كام بالظبط ، بس ممكن اقل من 170 في الصفيحة جوة البلد وعلى الطرق كتير برضه (ممكن مثلا 200 بكتيره ) ، مش بسافر بيها كتير ، ومشاويري كلها متقطعة جوة البلد وبسيطة ، ولما بسافر بتبقى طرق ارياف يعنى مثلا من شبين الكوم لطنطا

في مرة مشيت 50 كيلو رايح و 50 كيلو جاي على طريق كله مطبات وفولت قبل ما اطلع ، وبعد ما رجعت المؤشر نزل شرطتين كاملين او اكتر

مش عارف اعمل ايه ، المفروض ان الـ 1300 عموما والتويوتا خصوصا يكون موفر في الاستهلاك عن كدة

بالنسبة لحالة العربية والصيانة
العربية عاملة 120 الف كيلو ، حالة الموتور كويسة وبتسحب كويس خصوصا بعد سرعة 40 وبتجري بعد 60 كويس

فلتر الهوا كان جديد تماما من فترة وكانت المشكلة موجودة برضه
البوجيهات متغيرة
حساس الشكمان اعتقد سليم ، ومفيش اي ايرور على الكمبيوتر
زمن حقن الرشاشات مثالى جدا كالزيرو

كل الموضوع انى بشم ريحة عادم مش حلوة ( زي العربيات القديمة ) خصوصا وانا واقف في الجراج مش زي الجديد اللى نادرا ما تشم له ريحة للعادم ، ومش عارف السبب ايه لان زي ما ذكرت الكمبيوتر مش مسجل اي ايرور ، والبوجيهات جديدة وزمن الحقن تمام

ده حتى في مرة كشفت على العادم ، وطلعت نسبة ثانى اكسيد الكربون مظبوطة والميكانيكى قاللى العربية 10 على 10
تفتكر ده عيب ايه ، انا مبحبش اصرف في موضوع استهلاك البنزين ده لان ليا تجارب سيئة قبل كدة في عربيات تانية بصرف كتير بدون نتيجة


نمط السواقة مش بيفرق في الاستهلاك يعنى بحاول امشى بالراحة و بدون حرق وبرضه الاستهلاك زيادة

معلش للاطالة ..

[asemx1]

المشكله دى فى الانجكشن بتكون من سنسور الايدل اسبيد عايز يتنضف او يتغير

مكانه فيه السنسور دا
عند البوابه بتاعت دواسه البنزين

شوف الدواسه السلك بتاعها واصل لفين فى الماتور هتلاقى بوابه بتفتح وبتقفل على حسب ضغطه رجلك
عند البوابه دى هتلاقى سنسور نظفه

وبعدين اعمل ايدل ليرن بعد ما تخلص بانك تفتح وتقفل الكونتاكت 3 مرات

ازاى تعمل كدا اعمل سيرش فى منتدى الدايو على تنظيف الايدل ليرن وهتلاقى الامور زيها بالظبط فى تويوتا

وانا كنت عامل موضوع بس مش عارف راح فيه بس خير بقى

تحياتى لك

السلام عليكم

شكرا يا باشا على الرد السريع وعلى الاهتمام ربنا يباركلك ويجزيك خير انا هجرب وابلغك عن النتائج[/QUOTE]

بازن الله الموضوع يتحل وتحياتى لك وبالتوفيق

كورولا 2001 اوتوماتيك 1300 سي سي (نفس شكل 2003)
عندى مشكلة في استهلاك البنزين ومش عارف سببها
مش عارف هي بتعمل كام بالظبط ، بس ممكن اقل من 170 في الصفيحة جوة البلد وعلى الطرق كتير برضه (ممكن مثلا 200 بكتيره ) ، مش بسافر بيها كتير ، ومشاويري كلها متقطعة جوة البلد وبسيطة ، ولما بسافر بتبقى طرق ارياف يعنى مثلا من شبين الكوم لطنطا

في مرة مشيت 50 كيلو رايح و 50 كيلو جاي على طريق كله مطبات وفولت قبل ما اطلع ، وبعد ما رجعت المؤشر نزل شرطتين كاملين او اكتر

مش عارف اعمل ايه ، المفروض ان الـ 1300 عموما والتويوتا خصوصا يكون موفر في الاستهلاك عن كدة

بالنسبة لحالة العربية والصيانة
العربية عاملة 120 الف كيلو ، حالة الموتور كويسة وبتسحب كويس خصوصا بعد سرعة 40 وبتجري بعد 60 كويس

فلتر الهوا كان جديد تماما من فترة وكانت المشكلة موجودة برضه
البوجيهات متغيرة
حساس الشكمان اعتقد سليم ، ومفيش اي ايرور على الكمبيوتر
زمن حقن الرشاشات مثالى جدا كالزيرو

كل الموضوع انى بشم ريحة عادم مش حلوة ( زي العربيات القديمة ) خصوصا وانا واقف في الجراج مش زي الجديد اللى نادرا ما تشم له ريحة للعادم ، ومش عارف السبب ايه لان زي ما ذكرت الكمبيوتر مش مسجل اي ايرور ، والبوجيهات جديدة وزمن الحقن تمام

ده حتى في مرة كشفت على العادم ، وطلعت نسبة ثانى اكسيد الكربون مظبوطة والميكانيكى قاللى العربية 10 على 10
تفتكر ده عيب ايه ، انا مبحبش اصرف في موضوع استهلاك البنزين ده لان ليا تجارب سيئة قبل كدة في عربيات تانية بصرف كتير بدون نتيجة


نمط السواقة مش بيفرق في الاستهلاك يعنى بحاول امشى بالراحة و بدون حرق وبرضه الاستهلاك زيادة

معلش للاطالة ..

بسم الله
بص يا استاذى العزيز

موضوع استهلاك البنزين بيبقى ليه اسباب كتير اتمنى انك تكتبها فى ورقه وتنزل تشيك عليها واى اهمال فيها هينزود استهلاك البنزين

1- ضبط ضغط الكاوتش على 32 psi
2- ظبط زوايا العجل والاتزان دوريا مره كل 10 الاف كيلو متر
3-تنظيف العفشه بالماء دوريا بعد كل فصل شتاء
4- التخلص من اى اوزان زائده ليس حاجه لها بالسياره دائما
5-التاكد من عدم تركيب اي زوائد بالسياره غير اصلى ( اسبويلر - زوائد وتنفيخات - جنوط رياضيه كبيره - كاوتش عريض )
6- عدم تشغيل الاضاءه ليلا ونهارا دون سبب ( الاضاءه والكاسيت واى ادوات كهربيه بتاكل بنزين بنسبه انتا هتفاجا بيها )
7-الصيانه الدوريه والتغيير بالقطع الاصليه ( بوجيهات - سيور - فلتر هواء - فلتر زيت )
8- التاكد ان زيت الماتور لا يزيد عن المنسوب الموصى به ماتزيدش عن ال max يعنى ( لان الزياده بتسبب فى اهتراء الماتور وتدميره داخليا وتسبب فى زياده استهلاك الوقود )
9- تنظيف البوابه والحساسات باستمرار
10- التاكد من شحن البطاريه وحالتها الجيده لان البطاريه الغير جيده بتاكل بتزين كتير جدا
11- لو العربيه مانيوال اتاكد من سلامه الدسك والاسطوانه
12- لو العربيه اوتوماتيك اتاكد من سلامه زيت الفتيس وغيره ان لزم الامر
13- رجلك على دواسه البنزين اهم حاجه طبعا مفروض تبقى خفيفه ماتدوسش اوى
14- تشغيل التكيف فى الضروره ولو حابب تشغله شغله على السرعه العاليه لحد ما العربيه تبرد وبعدين خليه على السرعه الاولى علشان يفصل ويشتغل
15- واخيرا اختار دائما الطرق الى مافيش عليها مطبات او حفر او تخليك ماشى على سرعه منخفضه لان العربيه السرعه المقننه ليها الى تخليك تستهلك اقل بنزين هيا سرعه 90 كيلو متر فى الساعه فلو زودت عنها او قللت عنها الاستهلاك هيزيد
ومن كلامك الطريق الى بتسافر عليه كله مطبات حاول تختار طريق تانى مافيهوش مطبات حتى لو اطول 50 كيلو او 100 كيلو بس هيوفر معاك فى الاستهلاك وهيحافظ على العفشه والعربيه عاما


واهم نصيحه الاول اخره 20 كيلو والتانى اخره 40 كيلو والتالت اخره 60 كيلو والرابع 90 والخامس 100 او 120 ونصيحه امشى على الخامس على 90

ولو عندك rpm لا تتعدى 2500 لفه فى الدقيقه يعنى 2.5 على العداد فى اى نقله

بعد ما تتاكد من الحااجات دى ولسه البنزين بيتاكل
هيبقى عندك بعض الاختبارات من كلامك بيوحى ان الرشاشات فيها مشكله انها بتسرب
ودا من قولك ان العربيه ليها ريحه عادم نىء او بنزين
يبقى لزم انك تفك الرشاشات وتكشف عليها على اى جهاز وتغيرهم ان لزم الامر

اتمنى ما اكونش دوختك بس دى الحاجات الى لازم تكون حاضره فى دماغك على طول اثناء القياده

تحياتى لك
م/ عاصم جاد

[asemx1]

اى اساله يا جماعه انا تحت امركم عسى ان افيد قوم فيدعوا لى بدعوه صالحه لى ولعائلتى

[Y a r i s]

وانا بقوول المنتدى منور ليه ... حمد الله على السلامة يا باشمهندس عاصم

[asemx1]

وانا بقوول المنتدى منور ليه ... حمد الله على السلامة يا باشمهندس عاصم

حبيبى يا ريس يلا نحرك بقى المنتدى النائم هذاااااا

[asemx1]

للرفع

[Y a r i s]

حبيبى يا ريس يلا نحرك بقى المنتدى النائم هذاااااا

:c_laugh[1]:

هههههههههه. ده انا عاوزلي حد يحركني
كنت بلاقي في القسم هنا موضايع تقعد بالايام محدش يرد عليها ... فانا اقول لنفسي عيب خليني اجبر بخاطر صاحب الموضوع واشارك واخمن حل لمشكلتوا او اقول حسب معلوماتي ماهو العربية مش واقفه قدامي مثلاً وصاحب الموضوع متوقع اول ما يقول يا جماعه في صوت فسه جي من المتور هنقول على طول. اااااه الصوت ده من كزا كزا ولا قايل موديل العربية ولا العربية منيول ولا اتوماتيك ولا حالة ولا يحزنون ومتوقع اننا نشم من على ظهر ايدينا صوت الفسه ده جي منين ههههههه

المهم اول ما اشارك واقول مثلاً شيك على الشكمان حضرتك ابص الاقي مليوون واحد طلعلي لا لا لا لا غلط ... العربية دي شكمانها فلازي والصوت ده نابع عن احتراق العمليه الهيدروكلورية. من الصبابات التفاضليه ... ببقى عاوز اقول يا سلالالالام طب مجاويبتش ليه حضرتك من الاول هههههه . فالواحد جالوا كشاشان نفسي. :) وانيمية مشاركات .

[asemx1]

يااااااااه الموضوع كبير اوى يا صديقى معاك

هنحاول نحل المشكله دى الله يعيننا