احبائى منتدى تويوتا وحشتونى كتييير يلا اى حد عنده استفسار يقول

[asemx1]

السلام عليكم اخواني انا معايا ياريس باسيك مانيوال 2010 خليجي ومش عارف انزل بيها مصر ولا ابيعها واشتري من هنا يعني لو نزلتها هتكون صفقة مقابل المال ولا اكون خسران هيا عملة 50000 كيلو

الخليجى مش فارق عن المصرى حاجه

انزل بيها لو انتا المالك الاول ليك شوف جمركها كام واعتقد انها هتكون جمركها حلو مش عالى فهتقف عليك بمبلغ كويس بالنسبه لو جبتها من مصر

والياريس عربيه مناسبه جدا لمصر وطرق مصر علشان كدا ما افضلش انك تبيعها

تحياتى لك

م/عاصم جاد

[modyyy200]

انا اشتريت تويوتا ايكو 2001 مانيول الاسبوع الماضى
حصلت مشكله من يوم ما اشترتها
مشيت مشوار حسبت ساعتين فى عز الظهر و انا مشغل التكيف
لاقت لمبة الحراره نورت و فتحت الكبوت لاقيت المياه اللى فى القربه بتغلي
وكل ما اجى احط مياه القربه تطردها
المهم سبتها تبرد و كمات المشوار بدون تكيف العربيه كملت عادى بس المياه بتنقص علشان بتنزل من خرم الفايز بالقربه
والمهم رطنتها و بعدها بكام يوم جالى مشوار سفر
مشيت بها و انا مشغل التكيف و بعد تقريبا ساعتين لمبة الحراره نورت برضه وبرضه وقفت لما الحرارة هديت و كمات كملت و انا راجع من السفر مشغلتش التكيف رجعت بالسلامة بس برضو المياه نقصت جامد
عرضت المشكله على اصحابى واحد قالى الرداتير واخد هواء
والتانى قالى ممكن يكون عايز تغير جوان وش السلندر
المهم رحت لميكانيى قالى العيب دا من الترمستات سالت صاحب العربيه اللى انا واخده منه قالى ان من فتره طويلها راح للكهرباء قاله الترمستات دى ملهاش لازمة علشان دى معمله للبلاد الاوربية
وبد كده الميكانيكى قالى بعد تغير الترمستات لازمن تروح لحد فى الحرفين يحط العربية على جهاز يقولك فيها مشاكل و لا لا
برجاء النصيحة و لو حد يعرف ميكانيكى عنده الجهاز فى الحرفين يكون عنده ضمير
برجاء المساعده يا باشمهندس

[asemx1]

معرفش الحرفيين فيها مين

بس عموما الثرموستات بيبقى العيب رقم 1

ثانيا اى عربيه بيكون فيها ثرموستات حكايه اوروبى او مش اوروبى مش هتفرق

بس شوف الثموستات فيها عيب او مصديه او عايزه تتغير

انما نقصان القربه دى ليها احتمالات كتير وكله تبع تسريب فى دائره المياه

علشان كدا لازم تشيك على دائره المياه بتنظيفها بمنظف قوى ومزيل للصدا فهتخرم عندك المناطق الضعيفه هتلحمها او هتصلحها او هتعالجها

ممكن يكون وش السلندر فيه مشكله ودا هتلاقيه لو فى دخان ابيض بيطلع فى الشكمان

كون ان المياه تغلى يبقى الدائره فيها هواء او الثرموستات مش بتشتغل كويس علشان كدا الميه بتوصل لدرجه الغليان ومش بتتبرد كويس فى الرادياتير

مقدرش افيدك عندك لو فى المنصوره ممكن افيدك واقولك على ناس هيظبطهوهالك

تحياتى ...

[gomangy]

تسقيف اثناء التكيف دا طبيعى نظرا لجوده البنزين جايز يكون مغشوش او مش 92

انما لو البنزين مظبوط

ففكر انك تكشف على الرشاشات ممكن تكون فيها عفره او وساخه وعايزه تتنضف

ونصيحه هات منظف انجيكشن كل 5000 كيلو مرتين ويكون نوعه امريكى او المانى وشوف هيتحسن ولا لا

شاكرين جدا لاهتمامك وانا هجرب واقول لحضرتك النتيجه وان شاء الله يكون خير باذن الله

[mashaly]

بعد التحية
يااستاذي الفاضل غيرت تيل الفرامل الامامي لقيت الجزء الخارجي اللي من بره زي ماهوا او ممسوح منه حاجه بسيطه اما الجزء الداخلي التيل اللي من جوا خلصان انا مغيرتش الزيت قبل كدا ومشيت بالعربيه تقريبا من ساعة ماجبتها 35الف الطنابير فيها ريقه بس من فوق شفه بسيطه مش عارف السبب محتار بين تغير زيت الفرامل خصوصا اني زوته قبل كدا بنوع كان عندي من فتره ولا من الطنابير
التيل اللي كان راكب تويوتا والعربيه كورولا جنوب 2010
برضه لما كشفت على التيل اللي ورا لقيت نفس الموضوع بس متقاربين مش فارق قوي زي اللي قدام
ولك جزيل الشكر

[asemx1]

كلامك دا يدل ان التيل بيمسك من جهه واحده
ودى قمه الخطوره دا ممكن الدسك يكسر معاك او يتنى ودا الارجح الى حاصل دلوقتى

اولا انتا محتاج تفك الطنابير وتمشيهم على مخرطه علشان تمسحهم ودى حاجه انا مش بحبها بس علشان التكلفه
ثانيا الزيت ممكن يكون واخد هواء لو حاسس ان الدواسه تحت رجلك بتنطر رجلك مع كل ضغطه

ثالثا التيل الى تجيبه يكون اصلى
رابعا فى مسامير معايره فى المكان الى بيركب فيه التيل لو اتلعب فيها يبقى انتا محتاج عفشجى شاطر يظبطهم ويشوف الخلوص متساويه لما يضغط ويفك الضغط

[modyyy200]

معرفش الحرفيين فيها مين

بس عموما الثرموستات بيبقى العيب رقم 1

ثانيا اى عربيه بيكون فيها ثرموستات حكايه اوروبى او مش اوروبى مش هتفرق

بس شوف الثموستات فيها عيب او مصديه او عايزه تتغير

انما نقصان القربه دى ليها احتمالات كتير وكله تبع تسريب فى دائره المياه

علشان كدا لازم تشيك على دائره المياه بتنظيفها بمنظف قوى ومزيل للصدا فهتخرم عندك المناطق الضعيفه هتلحمها او هتصلحها او هتعالجها

ممكن يكون وش السلندر فيه مشكله ودا هتلاقيه لو فى دخان ابيض بيطلع فى الشكمان

كون ان المياه تغلى يبقى الدائره فيها هواء او الثرموستات مش بتشتغل كويس علشان كدا الميه بتوصل لدرجه الغليان ومش بتتبرد كويس فى الرادياتير

مقدرش افيدك عندك لو فى المنصوره ممكن افيدك واقولك على ناس هيظبطهوهالك

تحياتى ...

روحت لميكانيكى قالى ان ترموستات الكوع مش موجوده اصلا
رجعت لصاب العربية اللى انا شاريه منه قاله ان الكهربائى هو اللة قاله شلها
انا كمان جربت العربيه فى بوم هلك من الصبح الى بالليل من غير تكيف كانت مشيه كويس جدا و مش سخنت
و يوم تالنى شغلت التكيف برده سخنت تانى مش عالرف اعمل اه
يعنى العربية مش بتسخن الا عند تشغيل التكيف بس
ممكن يكون اه العيب
و ياريت فشرح فائده ترموستات الكوع و هل صح ازالتها لانها معموله للبلاد الاوربية

[asemx1]

لا طبعا الثرموستات لازمه فى اى عربيه ان شالله لو خليجى
وبعدين بلد تلج هيعملوا فيها تكيف ساقع ليه بقى

مافيش حاجه اسمها مواصفات اوروبيه او خليجيه
الاختلاف الوحيد بيبقى فى نوعيه الزيت المستخدم غير كدا كل شىء زى بعضه تمام
وكلمه مواصفات معناها وسائل الامان والامكانيات فقط الشركه مش هتطلع عربيه وتعمل مصنع للشرق الاوسط ومصنع تانى لأوروبا

الثرموستات واجبه ركبها وظبطها فى مركز خدمه معتمد وان شاء الله العيب يتحل

[Lifz_Good]

باشمهندس عاصم
أنا خريج باور السنادي ع فكرة
وكنت عايز من حضرتك خدمة
...........
عايز أي كتاب حتى لو الكتروني لصيانة عربيتي
service manual

العربية:

Toyota Corolla 2006 1600cc

رقم الشاسيه:
ZZE121L-AEPDK





الموتور:

3ZZFE

أوتوماتيك


..............
XLI GEN SED LHD 3ZZFE ATM



وشكراً مقدماً لسيادتك

[BLOODY_STONE]

مشكلتي في الحياة

عايز اجيب جنوط للياريس زي ما حضرتك عارف

حجيبهم ١٥ عشان انا الراحة عندي اهم

دلوقتي المشكلة ان الet بتاع الجنط الحديد ٤٥ و كل اللي في السوق ال et بتاعه ٣٥ او ٣٨

كده الفرق كبير صح؟ ً و انا مسموحلي اغير في ال et لغاية كام ؟

و كمان مش لاقي جنط وزنه اقل من ٦.٩ .. و ده تقريبا نفس الوزن بتاع الحديد .. يبقى انا معملتش حاجة ..

ايه رأيك ؟

[Lifz_Good]

باشمهندس عاصم
أنا خريج باور السنادي ع فكرة
وكنت عايز من حضرتك خدمة
...........
عايز أي كتاب حتى لو الكتروني لصيانة عربيتي
service manual

العربية:

Toyota corolla 2006 1600cc

رقم الشاسيه:
zze121l-aepdk



الموتور:

3zzfe

أوتوماتيك


..............
Xli gen sed lhd 3zzfe atm



وشكراً مقدماً لسيادتك

للرفع

مشكلتي في الحياة

عايز اجيب جنوط للياريس زي ما حضرتك عارف

حجيبهم ١٥ عشان انا الراحة عندي اهم

دلوقتي المشكلة ان الet بتاع الجنط الحديد ٤٥ و كل اللي في السوق ال et بتاعه ٣٥ او ٣٨

كده الفرق كبير صح؟ ً و انا مسموحلي اغير في ال et لغاية كام ؟

و كمان مش لاقي جنط وزنه اقل من ٦.٩ .. و ده تقريبا نفس الوزن بتاع الحديد .. يبقى انا معملتش حاجة ..

ايه رأيك ؟

ركب أوفست لحد 25 عادي جدا

بس مداس الكاوتش ميزيدش عن 195
وإلا لو زاد لحد 205 هتضطر تتني شفف الرفرفين ورا بس

أي استفسارات بخصوص الموضوع دا
ابقى كلمني
01119783338

[mada]

هل التويوتا ٢٠١٤ تقفيل تركي؟

[modyyy200]

[IMG]file:///C:/Users/mado/Pictures/IMG_20130916_000035.jpg[/IMG]

[amfareed]

تنظيف السربنتينه الداخلية

التكييف عندي ضعيف آوي و حاسس ان السربتينه الدخلية محتاجة تتنضف (عربيتي ٢٠٠٨ من غير فلتر هوا داخلي)
ازاي انضفه من غير ما افك التابلوه؟
شوف تفي كذا سايت اجنبي بيحقن فوم من فتحة المروحة بس مش مقتنع الصراحة
آيه رأيك؟
شكرًا مقدما

[Waleed_zayan]

ايه تقييمكم الشخصى لباريس ١٥٠٠ اول فئه ، انا حجزت بس متردد بينها وبيجو هاى لاين ٣٠١ ، اخبار قطع الغيار والعربية بوجه عام