مشكله في كورولا 2014 الجديده :(

[dr.amr]

دلوقتي عندي حاجه مضايقاني

العفشه طريه جدا والعربيه مفيهاش مشكله

لكن لما ادخل في عين قطه او حتت مكسره صغيره بحس بترزيع قدام بس

ورا لا

هل ده يكون محتاج تربيط عفشه ولا ايه المشكله :(

العربيه مكملتش 150 كيلو وده مكدرني جدا

[تويوتا افريقي]

شوف ياباشا اول حاجه تعملها تجيب الكتالوج وتضبط الهوا على اقل درجه عندك واعتقد 32 بس عبيه نيتروجين وماتكنش الكوتش سخن تاني حاجه عفشة ال2014 هي هي بتاعت الجنوب افريقي اللي معايا حصلت معايا المشكله دي بس كانت العربيه ماشيه 80 الف والعيب طلع من الاسكترا عبيتها عند واحد في شمبليون من سنتين ومفيش مشاكل اما في حالتك دلوقتي تضبط الهوا بتاع الكاوتش لحد ماتروح صيانة الالف وتحكيلهم على المشكله وان شاء الله خير والف مبروك على الكوكو ويكفيك عين الناس وشرها

[dr.amr]

شوف ياباشا اول حاجه تعملها تجيب الكتالوج وتضبط الهوا على اقل درجه عندك واعتقد 32 بس عبيه نيتروجين وماتكنش الكوتش سخن تاني حاجه عفشة ال2014 هي هي بتاعت الجنوب افريقي اللي معايا حصلت معايا المشكله دي بس كانت العربيه ماشيه 80 الف والعيب طلع من الاسكترا عبيتها عند واحد في شمبليون من سنتين ومفيش مشاكل اما في حالتك دلوقتي تضبط الهوا بتاع الكاوتش لحد ماتروح صيانة الالف وتحكيلهم على المشكله وان شاء الله خير والف مبروك على الكوكو ويكفيك عين الناس وشرها

الله يبارك فيك ياريس

انا ظبطت الهوا علي 33 زي مامكتوب عندي

ونيتروجين اول ماجبتها

المهم انت قلقتني من موضوع الاسكترا ده

انا مفيش اي حاجه عندي في الدركسيون او اي حاجه خالص غير الترزيع ده :(

[أبو عبدالله]

هو نوع الكاوتش ايه ؟؟؟ ومقاسه كام ؟؟؟

[dr.amr]

بريدجستون تورانزا جنط 16 بس معرفش كام بالظبط باقي المقاسات

[madman2002]

كل ده بيتظبط فى صيانه الالف .. لا تقلق

[ahmedyaris]

على حسب ما اعرف انك لازم تريط على العفشه اول ماتجيب العربيه . انا معايا يارس واول ماجبتها لاقيت نفس الترزيع وانا مكملتش 200 كيلو , واحد صاحبى قالى لازم تربط على العفشه وانت طالع بيها من الصاله لانك مش هتروح التوكيل غير عند الالف ..... خلاصة الكلام ربط بره التوكيل وروح لهم التوكيل على الالف كيلو وقولوهم على الكومنت اللى انت ملاحظه برده زيادة تأكيد وربنا يبارك لك فيها ويكفيك شر الناس المنفسنييييييييييييين , تحياتى

[dr.amr]

على حسب ما اعرف انك لازم تريط على العفشه اول ماتجيب العربيه . انا معايا يارس واول ماجبتها لاقيت نفس الترزيع وانا مكملتش 200 كيلو , واحد صاحبى قالى لازم تربط على العفشه وانت طالع بيها من الصاله لانك مش هتروح التوكيل غير عند الالف ..... خلاصة الكلام ربط بره التوكيل وروح لهم التوكيل على الالف كيلو وقولوهم على الكومنت اللى انت ملاحظه برده زيادة تأكيد وربنا يبارك لك فيها ويكفيك شر الناس المنفسنييييييييييييين , تحياتى

اه والله اخدت خبطه من ورا اول ماعلقت النمر

[hamaka]

متابع عشان عندى الأعراض دى بس أنا عامل 92000 !!

[Silent~Dream]

لما تروح التوكيل فى صيانه ال 1000 قولهم على الملاحظات دى و هيربطوا العفشه و تبقى كل حاجه تمام ان شاء الله

[abofandy]

خير ان شاء الله وباذن الله هتروح بعد ربط العفشة ودى وراد
والحمد لله ان العين جت على قد الخبطةو


بس مش تقولنا انت جبت نوع اية وبكام واخترت لون اية لانى محتار اجيب منين واختار لون اية

[Ahmed Amin]

أنا كنت هقلك برضه تظبط ضغط الكاوتش وتفضيه وتملاة نيتروجين من عند بريدجستون مش عند أي بتاع كاوتش,
عشان في ناس كتير عندها الجهاز أونطة وبيملأ هواء عادي,, عشان ياخد 20 جنية في الأربع فرد منك.!

فالو عملته بره, روح لأي فرع بريدجستون كبير وأعمله عندهم تاني لأنهم أضمن وأأمن,
وبالنسبة لتربيط العفشة أستني عليها لصيانة الألف, عشان لو في حاجة تانية تبان,
لأنك لو ربطت وفيه مشكلت تانية في أسكاتره أو غيره ممكن تختفي مؤقتاً مع التربيط بره, والله أعلم

فخلي الفترة دي تجربة لحد ما تروح للتوكيل وقول ملاحظاتك مرة واحدة, ومتعملش حاجة بره من دلوقتي..

[M I D O]

معلش يا باشا يتظبط ان شاء الله في صيانة الالف ومبروك العربية وربنا يحفظهالك

[Y a r i s]

اولاً بسم الله مشاء الله
ربنا يباركلك فيها ويكفيك شرها وشر الطريق ً...

ثانياً: كل التوكيلات بيقلك لازم تزبط الهوى على ٣٣ او ٣٢. لكن المشكلة ان المصنعين. بيقولوا الكلام ده للدول الي عندها اسفلت وعندها شوارع. خالية من المطبات والحفر والتكسير والبلاعات. ... لذلك سيستم بلدنا تضبط الهوى ٢٨ في الصيف و ٣٠ في الشتا بالنسبة للنيرتوجين خليه يزبطو على ٢٩ صيف شتا. يريحلك العبشة ... طبعاً انتا لو قلت كده لاي مهندس في التوكيل هيقولك مين الاهبل الي قلك كده ومش مزبوط الخ الخ الخ. لكن ده سيستم البلد والمقسات المناسبة لشوارع مصر .... وبالتوفيق انشاء الله

[2CODE]

طيب يا جماعة ايه اللي يخليه يستني لصيانة الالف ؟؟؟؟؟؟؟؟

انا مثلاً عندي مشكلة في العربية هو دخول التوكيل حرام قبل ميعاد الصيانة !!!!!!!!!!

يا استاذي الفاضل اذهب للتوكيل في اسرع وقت لان كل اجزاء السيارة تعتبر من "المستهلكات" فلا تهلكها !!!!!!!!!!!!!!!