تويوتا ٢٠١٤ غير صالحه للشوارع المصريه

[pepsi007]

مع احترامي الكامل للعربيه و كميه الاوبشن الكتير اوي الي في العربيه بس ارتفاع العربيع ١٢.٥ سم من الارض و ده غلطه كبيره اوي لان الهوندا الشكل القديم كانت اهم عيب فيها انها بتحك في المطبات قصدي الجبال الي في شوارعنا وكانت ارتفاعها ١٤.٥ لكن الهوندا الجديده تلافت هذا العيب لتصبح ١٦.٥ فما بالكم ب ١٢.٥ بتاعت التويوتا

[my3fox]

كلام حضرتك ده عن تجربة الكورولا الجديدة 2014 و إلا بمقارنة اﻷرقام...... برجاء التوضيح

[د.عماد صلاح]

هي لو 12.5 فعلا تبقي مشكله لان في مضر ينصح ان الارتفاه مايقلش عن 14

[abofandy]

ياجماعة هى 12.5 من علبة الشكمان بس
لكن العربية بوجه عام من تحت من اى نقطة فيها حوالاى 15 او 14.5
ومش هتقل عند كدة لان السوستة الى مستخدم او المساعد انشف من النوع مش هتنضفط لما حد يركب لدرجة ان تخلى العربية بطة من ورا

العنوان صعب اوى يااخى الفاضل انت صدمتنى بعنوان الموضوع بجد
لو مش صالحة مكنتش نزلت بس انت لازم تركب العربية وتعدى بيها مطب وانت لوحدك وركب معاك حد وعدى نفس المطب هى دى التجربة لكن منقولش كلام جزافا كدة او لمجرد كلام وخلاص

[OilMan]

http://www.nilemotors.net/Nile/377164-ground-clearance-corolla-2014-a.html

مع تحياتى

[tameraast]

و الدليل على انها غير صالحه للطرق المصريه انها بتتباع رز كل مبص الاقى كرولا :)

[pepsi007]

يا جماعه كلامي ده من اصل كتالوج السياره اقل ارتفاع في العربيه من العتبه الاماميه والخلفيه ١٢.٥ سم بالظبط ويوم السبت ارفعلكم الصور و اي حد ممكن ويروح المعرض و ينزل تحت العربيه يصدق كلامي و الناس مقبله عليها فعلا بس فعلا العدد الي اتسلم مش كتير العربيه عامله مبيعات كويسه في فئه ١٨٥٠٠٠ الفل ابشن بس كلامي ده مش هيتاكد للناس الي لما يجربوها في المناطق الي فيها مطبات قصير مش عريضه انا شخصيا كنت حاجز الهاي لاين الي ٢١٠٠٠٠ بس بدلتها ب الاورس الهاي لاين لانها فيها كل الابشن و فيها زياده ١٣١ حصان فاميه شخنات كراسي و كفايه ان تقفلها انجليزي مش تركي زي الكورولا و ده في الاول و في الاخر راي شخصي

[lidosasa]

و الدليل على انها غير صالحه للطرق المصريه انها بتتباع رز كل مبص الاقى كرولا :)

يمكن الناس هى اللى غاوية تحك .... شعب حكاك بطبعه

[amr011111]

العيب مش عيب عربيه ولا عيب الهوندا برضه العيب فى التخطيط السىء لشوارعنا وعدم تطبيق القانون وكل واحد عاوز يعمل حاجه بيعملها اى صاحب محل عاوز يعمل مطب بيعمل قدام محله وبعدين الدوله حتى كمان بتعمل مطبات غير مطابقة للمواصفات العالميه

[yassermahmmoud]

كلام خطير جداً ومقلق أنا كنت ناوي أشتريها .. يا جماعة يا أعضاء المنتدى الحبيب يا ريت حد يتأكد من الكلام هذا ، وهل فعلاً تصلح لمصر أم لا؟ ولكم الشكر

[medo99_pc]

خلاصة الكلام، العربيه واطيه من النصف الخلفي، عند علبه الشكمان اما تمون معاك واحد جنبك وواحد ورا، غير كده زي الفل، لا داعي للقلق

[dr.amr]

الموضوع مش مستاهل كل النقاشات والقلق ده
99 في الميه مننا بيركب العربيه دايما لوحده او معاه واحد او اتنين بالكتير
محدش بيجيب عمارته كلها معاه في العربيه
نادرا لما العيله بتركب كلها في العربيه في زياره او سفر او كده ساعتها تحاسب وتاخد مطباتك بالراحه
مع العلم ان العربيه مبتهبطش
لكن غير كده امشي عادي خالص مفيش مشكله
مهي الموديل بتاع 2002 الي 2007 كان عالي قوي بس مقابل ثبات ضايع ومقابل انك لما بيركب معاك 2 ورا العربيه بتبقي عامله زي الحصان وبتحك بطريقه وحشه
ياريت الناس تستمتع ومتكدرش نفسها
انا كنت في التوكيل انهارده وقولت اشوف الاوريس غاليه ليه بصراحه ركبتها اضيق كتير اوي من الكورولا والشنطه نص الحجم بتاع الكورولا
الخامات والانتيريور هو هو بالظبط

الكورولا في غاية الروعه الثبات رائع تسارع ممتاز تحكم فوق الوصف الحقيقه

[janagabr]

مع احترامي الكامل للعربيه و كميه الاوبشن الكتير اوي الي في العربيه بس ارتفاع العربيع ١٢.٥ سم من الارض و ده غلطه كبيره اوي لان الهوندا الشكل القديم كانت اهم عيب فيها انها بتحك في المطبات قصدي الجبال الي في شوارعنا وكانت ارتفاعها ١٤.٥ لكن الهوندا الجديده تلافت هذا العيب لتصبح ١٦.٥ فما بالكم ب ١٢.٥ بتاعت التويوتا

معلش ياباشا هو الكلام ده عن تجربة ولا نظري

[janagabr]

يا جماعه كلامي ده من اصل كتالوج السياره اقل ارتفاع في العربيه من العتبه الاماميه والخلفيه ١٢.٥ سم بالظبط ويوم السبت ارفعلكم الصور و اي حد ممكن ويروح المعرض و ينزل تحت العربيه يصدق كلامي و الناس مقبله عليها فعلا بس فعلا العدد الي اتسلم مش كتير العربيه عامله مبيعات كويسه في فئه ١٨٥٠٠٠ الفل ابشن بس كلامي ده مش هيتاكد للناس الي لما يجربوها في المناطق الي فيها مطبات قصير مش عريضه انا شخصيا كنت حاجز الهاي لاين الي ٢١٠٠٠٠ بس بدلتها ب الاورس الهاي لاين لانها فيها كل الابشن و فيها زياده ١٣١ حصان فاميه شخنات كراسي و كفايه ان تقفلها انجليزي مش تركي زي الكورولا و ده في الاول و في الاخر راي شخصي

واضح انه نظري

[akmm]

منعا للجدال ده ................ لو احد الاعضاء ربنا كرمه وجاب العربيه يقول لنا عن التجربه الفعليه .