إعـــــــلان

Collapse

.

,
See more
See less

وجهات نظر في كورولا 2014

Collapse
X
 
  • Filter
  • الوقت
  • Show
Clear All
new posts

  • وجهات نظر في كورولا 2014

    حجزت الحمد لله النهاردة كورولا 2014 الفئه الثانية و الاستلام بعد شهرين ان شاء الله :)

    انا كرولاوي اديم من موديل 94 و 2007 و 2008 الجنوب افريقي و كل عربية فيهم كان ليها مزايا و عيوب و اخرهم كانت 2008 الجنوب افريقي و مشكلة الفتيس الشهيرة و سعر البيع اللي بقي ضعيف جداً مع انها كانت اقوي و احسن موديل في التلت موديلات بس السوق هنا لية معادلات تانية خالص ذي مثلاً بلد التقفيل و موصفات خليجي ولا لا...

    المهم دلوقتي مع اني حجزت بس لسة متردد لان بصراحة في ايجابيات و سلبيات

    الايجابيات
    1- الموديل الجديد شكلة حلو جداً
    2- العربية حجمها و مسحتها كبيرة جداً
    3- الكمليات كويسة مع اني كان معيا 2008 هاي لاين و كان فيها كل اوبشنز الهاي لاين في 2014 ما عدا الكاميرا الخلفية و الفرش الجلد قماش و الكاسيت التاتش و الاوتوبارك و البارك سنسورز
    4- السعر بالنسبة للسوق دلوقتي كويس جداً بالنسبة لعربية مكونات و تكنولوجيا ياباني
    5- التوكيل محترم جدا (فرع العباسية فقط) ودة عن خبرة 6 سنوات متتالية ابو رواش مش كويس و فية مشاكل و بالمقارنة بمشاكل التوكيلات التانية
    6- ان شاء الله سعر اعادة البيع من احسن العربيات اللي موجودة (لو اسبتت نفسها زي المودلات الياباني)
    7- توفير البنزين و التويوتا عموماً مشهورة في الموضوع دة
    8- قطع الغيار اسعرها معقولة (قطع الغيار اللي بتستهلك زي تيل الفرامل و الفلاتر)

    السلبيات
    1- العربية تقفيل تركي هيخلي الناس تخاف تكرر نفس تجربة الجنوب افريقي و انا اولهم و خصوصا اني بعتها بسعر عربية نوبيرا او افيو مع احترامي للعربيتين بس يلا الحمد لله
    2- لسة منزيلش الخليجي ملسه محديش عرف هتنزل الشكل الاوروبي ولا الامريكي و هتبقي تركي ولا ياباني ولا تايلاندي ودي من النقط المهمة في سعر اعادة البيع (موصفات خليجي ولا لا)
    3- الخلوص بتعها قليل شوية 12.5 سم و اقل من الموديل السابق ب 3 سم مع ان دة ارتفاع اقل منطقة و هي علبة الشكمان مش منتصف العربية اللي ممكن يخبط في المطبات بس ديماً اللي بيجي يشتري لازم يشوف العيوب و المشاكل و يفضل ماسك فيها مع ان في عربيات محترمة زي المرسيدس السي مثلا ارتفاعها 10 سم بس عشان الثبات بس نعمل اية المصريين كدة موصفات خاصة:)
    4- عدم استقرار سعر الدولار مع قرب السنة الجديدة واحتمال نزول الجمارك 4% حسب الاتفاقية الاوروبية ممكن ينزل السعر شوية ودة طبعاً مش مضمون!!!
    5- قطع الغيار الجنوب افريقي كانت مش متوفرة دايما عند الموزعين بس موجودة في التوكيل وطبعاً لازم ندفع طبعاً 10% ضريبة مبيعات وخايف يحصل كدة في التركي
    6- الفتيس الجديد CVT محدش جربة كتير بس عموماً التقيم المبدئي للي ركبها بيشكر فيه و في سحبه وده اهم شيئ لان ال CVT من مساوئه السحب خصوصا في الطلعه الاولي بس بعد كدة هو كويس جداً ويعتبر من احسن الفتيسات اللي تناسب السواقه عندنا في الزحمة و موفر جداً في البنزين اكتر من المانيول
    7- الموتور اللي نازل dual VVTI مش Valvematic زي ما نازلة في تركيا مثلا في الكورولا مع العلم ان الموتور ال Valvematic 131 حصان مش 122 زي ال Dual VVTi بس برضة هو كويس مش وحش بس انا خايف يغيروة السنة اللي جاية او اللي بعديها خصوصاً انه نازل في الأوريس و الأفينسيس من فطره يعني اكيد موصفاتة تنفع في مصر و بياخد 92 برضة

    اخيراً يا ريت كل واحد يقول وجهة نظرة في الموضوع و في الايجابيات و السلبيات وياريت كل اللي اشتري يقول تجربتة ويفيد التاني بخبرتة
    الحمد لله
    [SIGPIC][/SIGPIC]

  • #2
    وجهه نظرى انها سياره جيده و طبعا كل حاجه ليها مميزاتها و عيوبها المهم ان صاحب العربيه يتقبلها كده و يبىقى راضى و ربنا يباركله فيها

    Comment


    • #3
      تسلم يا باشا علي التقرير الجميل وكل عربية فيها مميزتها وعيوبها بس المهم العيوب ماتكونش جوهرية واللي يشتري عربية لازم يكون مقتنع بيها لانك لو جبت بي ام وانت بتكرها مش هتطيق تسوقها في ناس جايبة فيرنا ويتحبها جدة وسعيدة بيها لانهم متقبلين عيوب العربية

      Comment


      • #4
        انا احب اشتري عربية تعجبني واكون مقتنع بيها بالرغم من مشاكلها ووالله لو اشتريت عربية بمليون جنيه حتى بردو حتلاقي فيها اللي يزعلك والكمال لله وحده
        وانا شايف ان الكورولا الجديدة عربية تحفة بصراحة وتجهيزاتها جميلة جداً وفرق شاسع بينها وبين الكورولا اللي فاتت
        ومع خالص الاحترام انا كنت من اكتر الناس اللي بتكره الكورولا القديمة إنما العربية دي عكست وجهة نظري تماماً وعجبتني جداً والهايلاين فيها مميزات تحفة منها الـ7 ايرباج والـPark Assist
        بس الحلو مايكملش عشان المسافة بينها وبين الارض عايزة حظر تام من عندك يعني خد بالك من الحفر والمطبات
        ومبروك عليك العربية وانا شايف انها من نفس فئة الميجان هايلاين والفلوانس وقشقاي واسترا كوزمو وفوكاس وامبريزا
        ومع خالص الاحترام لعربيتك المحترمة والجميلة جداً إلا اني كنت حختار في الفئة دي يا إما ميجان هايلاين يا إما قشقاي يا إما استرا كوزمو عشان بس اتفادى مسافة العربية الكورولا بينها وبين الارض اللي دايماً حتكون في بالي وانا ماشي في الشارع وبكدا يبقى انا ماشي مش مستريح
        والف مبروك مقدماً يا برنس ولو خلاص نويت ع الكورولا الجديدة متنسناش بقى بتقرير جامد كدا اول ما تستلم إن شاء الله

        Comment


        • #5
          مدام العربية عجباك توكل علي الله
          كل شئ نصيب غلية او رخصت

          Comment


          • #6
            صديقي المواطن
            عربية.شكلها جميل وأنا متفائل بيها جدا أنا بس حاسس إن سعرها مبالغ فيه حبتين تلاتة أربعة ولا يمكن أتخيل نفسي أحط المبلغ ده في كورولا حتى لو كان دخلي يوميا ألفين جنيه وبالتوفيق ليك وإنت ركيب كورولا قديم
            ودمتم.للنضال

            Comment


            • #7
              المشاركة الأصلية كتبت بواسطة saddam مشاهدة المشاركة
              صديقي المواطن
              عربية.شكلها جميل وأنا متفائل بيها جدا أنا بس حاسس إن سعرها مبالغ فيه حبتين تلاتة أربعة ولا يمكن أتخيل نفسي أحط المبلغ ده في كورولا حتى لو كان دخلي يوميا ألفين جنيه وبالتوفيق ليك وإنت ركيب كورولا قديم
              ودمتم.للنضال
              لا هي الهايلاين سعرها حوالي 210 باين بس تجهيزاتها حلوة واعتقد والله اعلم انك لو عايز عربية فيها تجهيزات زي دي مفتكرش حتلاقيها في عربية ارخص من كدا شوف كدا سعر الريو هايلاين والنيو سيراتو وانت حتقدر سعر النيو كورولا

              Comment


              • #8
                المشاركة الأصلية كتبت بواسطة silent~dream مشاهدة المشاركة
                وجهه نظرى انها سياره جيده و طبعا كل حاجه ليها مميزاتها و عيوبها المهم ان صاحب العربيه يتقبلها كده و يبىقى راضى و ربنا يباركله فيها
                والله يابشا اصبت وجبت من الاخر
                الحمد لله
                [SIGPIC][/SIGPIC]

                Comment


                • #9
                  المشاركة الأصلية كتبت بواسطة janagabr مشاهدة المشاركة
                  تسلم يا باشا علي التقرير الجميل وكل عربية فيها مميزتها وعيوبها بس المهم العيوب ماتكونش جوهرية واللي يشتري عربية لازم يكون مقتنع بيها لانك لو جبت بي ام وانت بتكرها مش هتطيق تسوقها في ناس جايبة فيرنا ويتحبها جدة وسعيدة بيها لانهم متقبلين عيوب العربية
                  فعلاً انا عارف ناس كتير جايبن عربيات حلوه و معزبين نفسهم بحجات عبيطة
                  فعلاً الواحد لازم ينبسط:)
                  الحمد لله
                  [SIGPIC][/SIGPIC]

                  Comment


                  • #10
                    المشاركة الأصلية كتبت بواسطة برنس الليالي مشاهدة المشاركة
                    انا احب اشتري عربية تعجبني واكون مقتنع بيها بالرغم من مشاكلها ووالله لو اشتريت عربية بمليون جنيه حتى بردو حتلاقي فيها اللي يزعلك والكمال لله وحده
                    وانا شايف ان الكورولا الجديدة عربية تحفة بصراحة وتجهيزاتها جميلة جداً وفرق شاسع بينها وبين الكورولا اللي فاتت
                    ومع خالص الاحترام انا كنت من اكتر الناس اللي بتكره الكورولا القديمة إنما العربية دي عكست وجهة نظري تماماً وعجبتني جداً والهايلاين فيها مميزات تحفة منها الـ7 ايرباج والـPark Assist
                    بس الحلو مايكملش عشان المسافة بينها وبين الارض عايزة حظر تام من عندك يعني خد بالك من الحفر والمطبات
                    ومبروك عليك العربية وانا شايف انها من نفس فئة الميجان هايلاين والفلوانس وقشقاي واسترا كوزمو وفوكاس وامبريزا
                    ومع خالص الاحترام لعربيتك المحترمة والجميلة جداً إلا اني كنت حختار في الفئة دي يا إما ميجان هايلاين يا إما قشقاي يا إما استرا كوزمو عشان بس اتفادى مسافة العربية الكورولا بينها وبين الارض اللي دايماً حتكون في بالي وانا ماشي في الشارع وبكدا يبقى انا ماشي مش مستريح
                    والف مبروك مقدماً يا برنس ولو خلاص نويت ع الكورولا الجديدة متنسناش بقى بتقرير جامد كدا اول ما تستلم إن شاء الله
                    طبعاً كلام حضرتك صح هي في عربيات تانية نفس السعر و المقارنة بينهم مش سهله بس انا ركبت استرا كوزمو و سوقتها هي عربية سوقتها ما شاء الله تحفة و التبلوه فيها شيك جداً بس هي استهلاك البنزين بتعها عالي اويييييييي لدرجة محدش متخيلة غير ان العربية صغيرة اكتر من الكورولا بكتير و التوكيل محدش بيشكر فيه خالص
                    بالنسبة لمشكلة القشقاي معايه ان هينزل شكل جديد في خلال سنه غير ان خامتها من جوة مش اد كدة يعني لو ركبت هيونداي ix 35 هتلاقي العربية شكلاها و خماتها اعلي
                    و الميجان هاتش بالك فبصراحة مفكرتش فيها لاني بسافر كتير و محتاج عربية كبيرة
                    وطبعاً ان شاء الله هعملوكو تقرير اول ما استلم بس :)
                    الحمد لله
                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة s o p h o s مشاهدة المشاركة
                      مدام العربية عجباك توكل علي الله
                      كل شئ نصيب غلية او رخصت
                      كلام حضرتك صح... البلد دي مفيش حاجة فيها مضمونة
                      الحمد لله
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة saddam مشاهدة المشاركة
                        صديقي المواطن
                        عربية.شكلها جميل وأنا متفائل بيها جدا أنا بس حاسس إن سعرها مبالغ فيه حبتين تلاتة أربعة ولا يمكن أتخيل نفسي أحط المبلغ ده في كورولا حتى لو كان دخلي يوميا ألفين جنيه وبالتوفيق ليك وإنت ركيب كورولا قديم
                        ودمتم.للنضال
                        طبعا عندك حق بس المشكلة ان كله غالي دلوقتي حبتين تلاته و في حجات كمان عشر حبات :) زي الكيا و خصوصا الكارينز الجديدة اللي الهاي لاين توصل ٢٢٠٠٠٠ الف
                        الحمد لله
                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة برنس الليالي مشاهدة المشاركة
                          لا هي الهايلاين سعرها حوالي 210 باين بس تجهيزاتها حلوة واعتقد والله اعلم انك لو عايز عربية فيها تجهيزات زي دي مفتكرش حتلاقيها في عربية ارخص من كدا شوف كدا سعر الريو هايلاين والنيو سيراتو وانت حتقدر سعر النيو كورولا
                          كلامك ١٠٠٪ صح
                          الحمد لله
                          [SIGPIC][/SIGPIC]

                          Comment


                          • #14
                            بص مش هقولك غير انك هتستمتع بالقياده فوق الوصف
                            تحفه جديده من تويوتا
                            انا ركبت كل موديلات تويوتا من 2000
                            العربيه ده تحس انك راكب ع الارض وتحكم وعزل روعه
                            تديك ثقه غير عاديه
                            وفي نقطه مهمه
                            انها مش في نعومة موديل 2006 نهائي
                            عشان متبقاش واخد انطاع ان العفشه طريه خالص
                            ومع ذلك العفشه مش هتحس بيها غير في المدقات الجامده لو مشيت بسرعه
                            http://www.fx-arabia.com/vb/showthread.php?t=9654

                            Comment


                            • #15
                              انا بشوف عربيات في مصر زي كورفت وده في منها اتنين كنت دايما اقابلهم في مصر الجديدة والرحاب وفي بنتلي سوداء او كحلي في مصر الجديدة برده بس اعتقد انها عالية شوية وشوفت واحدة فايبر في المهندسين متفهمش بياخد المطبات ازاي بس عادي فرحانين بيها وغالبا نازلين بيها من بره اجازة وهيسافروا تاني فمش هنيجي نمسك في الكورولا واقول لا يا عم ده بتحك امال اللي كان معاهم السيفك القديمة كانوا بيعملوا ايه

                              Comment

                              Working...
                              X