استلام تويوتا 2014

[Mohamed.Hany]

العربية ناعمة جدا
ماشاء الله تحفة
التكييف حلو اوى كعادة اليابانى
العربية حكت معايا ف مطبين من العباسية للمنصورة الطريق الصحراوى مرورا بالزقازيق وديرب نجم شرقية
بس المطبين كان وحشييين اوى لكن بقيت المطبات زى الفل

الكاست ملقتش فية خاصية ان بيعلى او يهدى لوحدة مع الضوضاء
حاسس ان نور الفوجات مش قد كدة او مكانة مش مدى اضاءة شديدة



دى حاجات مبدئية كدة
بس الى كان متردد يتوكل على الله
العربية رائعة بكل ما تحمل الكلمة من معنى

الف مليون مبروك .
الخاصية بتاعة الصوت اسمها ASL و يمكن الاختيار فيها بالدرجات High, Low, Med
الفوجات مش قوية زى الموديل اللي قبله فعلا.
الطريق ده انا عارفه و حكيت عليه بعربية شيفروليه كروز في اكتر من جبل من الجبال دى

[my3fox]

اخيرررررررا استلمت امبارح
يوم 26 / 11
الحجز كان يوم 19 /9

اللون فضى من العباسية

ألف ألف مبروك...... أخيرا......
ربنا يبارك لك فيها و يكفيك شر العين يا رب......

أول سؤال....بعد طول هذا اﻹنتظار ...يا تري نمت أول ليلة جوا أو مع العربية......هههههههه
هزار طبعا
مش عاوزين سكوت بقي.......عاوزين كلام كتير منك

Sent from my GT-I9300 using Forum Runner

[yassermahmmoud]

ألف مبروك ربنا يعطيك خيرها ويكفيك شرها، منتظرين بقى تفاصيل كاملة وانطباعك عن السيارة بالكامل، وخاصة ارتفاع السيارة.

[iUsef]

الف مبروك يا باشا وربنا يكفيك شرها.... طب إيه كان في عربيات تانيه بتتسلم معاك ولا لا وهل دي من الدفعه الجديده؟؟؟ وطبعاً متنسناش بتقراريك وملحوظاتك الجمده بعد ما ترخص ان شاء الله :)

[maxidizer]

العربية ناعمة جدا
ماشاء الله تحفة
التكييف حلو اوى كعادة اليابانى
العربية حكت معايا ف مطبين من العباسية للمنصورة الطريق الصحراوى مرورا بالزقازيق وديرب نجم شرقية
بس المطبين كان وحشييين اوى لكن بقيت المطبات زى الفل

الكاست ملقتش فية خاصية ان بيعلى او يهدى لوحدة مع الضوضاء
حاسس ان نور الفوجات مش قد كدة او مكانة مش مدى اضاءة شديدة



دى حاجات مبدئية كدة
بس الى كان متردد يتوكل على الله
العربية رائعة بكل ما تحمل الكلمة من معنى

سيبك انت ماهما حكيت ،، اللى يشوف ويسمع غير اللى يجرب......

وانا جربت النهاردة ،،،

الحمد لله استلمت يا رجالة :)


الفئة الثانية اتوماتيك - اللون الأسود -
حاجز من يوم 19-11

ربنا لك الحمد.

[Tameeem]

مبرووووووووووووووووووووووووك ليكم كلكم ويارب انا استلم كمان :(

[Tameeem]

انا حاجز الهايلاين مفيش اى اخبار ليا ؟؟

[abofandy]

الف مبروك للاستلم ويارب كل الناس تستلم ع خير
حبيبى وصديقى المهندس محمد هانى انا كلمتك ع الموبيل علشان نشوف موضوع الكاسيت والفوج لايت وان شاء الله هدور على اوبشن ASl واحاول اظبطه ان شاء الله بس قلة الوقت بس ونفسى امسج الكاتلوج اقرا بعناية وشوية بس يلة ربنا يحلها ع خير يارب


كان وانا بستلم فية عدد 2 عربية برونز فئة تانية
2 فضى فئة تانية انا اخدت واحدة منهم
كان فية واحدة كمان فئة تانية يا رمادى يااسود مركزتش لانى كنت في دوامه وكان الطريق من المنصورة للعباسية بالطريق الصحرواى نيلة والطريق متعطل كتير فكنت ع اخرى
كان فية 2 عربية فئة اولى اوتو فضى واسود



مفيش اى اكراميات غير 20 جنية للى غسل العربية وطوقها قبل اتمام محضر الاستلام
ومفيش سعر زيادة عليها 185 الف
وفعلا الى جرب غير الى شاف وسمع
العربية جميلة ومش واطية اوى زى ما الناس ظالمنها والمسافة بين قاعدة العجلات زايدة عن الموديلات السابقة


كلاكس العربية مش قد كدة مش زى الانواع السابقة
اظاهر بقت سياسة توفير باين .. دة الكلاكس للى كل الى بينزل في العربيات الجديدة نفس الى بينزل في الالنترا والسبوتاج والكيا سيراتو وغيرها ومفيش في التوكيل الكلاكسات تويوتا الاصلية
ويارب الاقى استيراد زى 2009 او غيرها كدة يارب

[Mohamed.Hany]

الف مبروك للاستلم ويلرب كل الناس تستلم ع خير
حبيبى وصديقى المهندس محمد هانى انا كلمتك ع الموبيل علشان نشوف موضوع الكاسيت والفوج لايت
كان وانا بستلم فية عدد 2 عربية برونز فئة تانية
2 فضى فئة تانية انا اخدت واحدة منهم
كان فية واحدة كمان فئة تانية يا رمادى يااسود مركزتش
كان فية 2 عربية فئة اولى اوتو فضى واسود



مفيش اى اكراميات غير 20 جنية للى غسل العربية
ومفيش سعر زيادة عليها 185 الف
وفعلا الى جرب غير الى شاف وسمع
العربية جميلة ومش واطية اوى زى ما الناس ظالمنها

و انا تشرفت بالمكالمة، و يارب تكون عرفت تضبط مستوى الصوت و استمتع بالعروسة الجديدة.
و فعلا اللي جرب غير اللي شاف و سمع الف مبروك و عقبال باقي الشباب

[abofandy]

الشرف ليا يا بش مهندس
وان شاء الله الناس كلها تستلم وتبقى اقوى رابطة ان شاء الله
ونعمل التعديلات كلنا سوا وان شاء الله يبقى فية تخفيضات عليها لو كانت جماعية ونجيب سعر كويس ليها
ويبقى نادى الكورولا 2014 والكل يستفيد من خبرات بعضة حتى تعم الفائدة للناس كلها

معلش مجربتش لان فية شوية مشاكل في الشغل عندى فمش قادر اروح للعروسة وانا زعلان او مضايق
لان عايز اشوفها وانا فرحان مش عايزها تشوفنى وانا مضايق لان هضايقها معايا .. فسيبها معززة مكرمه لما الدنيا تروق ونرخص كدة واروح ادلعا بدوسات وغطا وكلاكسات ورخصة .. هههههه

[Tameeem]

مبروك ومشوفتش اى هايلاين ؟

[abofandy]

كان اعتقد واحدة الى هى كانت يا سودا يا رمادى

[iUsef]

يا جماعه بما ان مفيش معلومات جديده عن الاستلام قررت اروح بكرة انا و الاستاذ احمد رشدي فرع التجمع عشان نشوف ايه النظام لان محدش عارف يدي معلومات اكيده خصوصا اني كلمتهم امبارح وقولتلهم ان في ناس استلمت من فرع العباسيه وحكتلهم علي العربيات الكتير اللي الدكتور ابو فندي شافهم و برده بيقولو لا وبيستهبلو فياريت لو حد استلم تاني من اللي حاجزين من شهر 9 يقول كان حاجز في اي فرع واستلم امتي ولو اي حد عايزنا نسألو علي اي حاجه في الاستلام يكتبلنا اسمو وتاريخ الحجز ونبقي نشفلو بكره معانا

[abofandy]

لا كان فية عربيات الفئة التانية واقفة
وانا شوفتها بعينى يوم الثلاثاء الى فات
وتاكيد على كلامى كان شافه اخونا م /محمد هانى برضة وعمل تقرير عن اليارس السيدان

والعربيات الى كانت واقفة في العباسية يوم 26 / 11

عدد 2 برونزى الفئة التانية
عدد 2 فضى الفئة التانية ( اخدت واحدة )
وكان فية واحدة سوداء كمان بس الغريب انها كانت بتفك اللزق الى علية وبتتغسل والغريب انها كانت مركبه نمر ازاى معرفش بس دة الى شوفته


دى العربيات الى انا شوفتها بعينى قدامى وانا بستلم
وعلى فكره برضة انا شوفت ان العربية النور الشبورة الخلفى مفيش فية الا لمبة واحدة فقط الى هى ناحية السواق انما الناحية التانية بدون لمبة ولما سالت قالوا بتنزل كدة

[dr.mohm]

[b[/b]

يا جماعه بما ان مفيش معلومات جديده عن الاستلام قررت اروح بكرة انا و الاستاذ احمد رشدي فرع التجمع عشان نشوف ايه النظام لان محدش عارف يدي معلومات اكيده خصوصا اني كلمتهم امبارح وقولتلهم ان في ناس استلمت من فرع العباسيه وحكتلهم علي العربيات الكتير اللي الدكتور ابو فندي شافهم و برده بيقولو لا وبيستهبلو فياريت لو حد استلم تاني من اللي حاجزين من شهر 9 يقول كان حاجز في اي فرع واستلم امتي ولو اي حد عايزنا نسألو علي اي حاجه في الاستلام يكتبلنا اسمو وتاريخ الحجز ونبقي نشفلو بكره معانا

آخر حاجه امبارح كلمت مدير المبيعات في ابو رواش قالي ان المفروض في 5 عربيات هايجولهم اول الاسبوع دا طبعا سمع مني كلام مش كويس على موضوع 5 عربيات دا..قواتلو يا ريت تعرفنا لاني معنديش استعداد استني 3 شهور كمان عشان انتوا بتدخلوا 5 عربيات كل شهرين قاللى كلمني علي يوم الاحد اقولك هانعمل ايه بالظبت..المهم انا هاروحلو يوم الاحد اشوف اشوف اخرتها مع الناس دي لأني فعلا بفكر الغى الحجز لو موصلتش معاهم لحاجه خلال اسبوع..فممكن بردو تقولولنا عملنوا ايه بكره و انا يوم الاحد هاعرفكم قاللولي ايه عشان نفهم الناس دي ناويه علي ايه