استلام تويوتا 2014

[Tameeem]

ازاى يعنى بتنزل بلمبة شبورة خلفية واحدة ؟؟ يعنى التانية مش شغالة ولا مش موجودة اصلا ؟؟ وازاى انا كل العربيات الكورولا الشوفتها فيها لمبتين ؟

[abofandy]

لا لمبة واحدة فقط
وهى موجودة فى نفس جهة السائق
وفى الجزء التانى مفيش مكان للمبة ف الفانوس
وكلمت مندوب المبيعات اكدلى الكلام

ولكن

فية بعض العربيات فيها اتنين زى الاميجراند 7

[Hany Saad]

لا لمبة واحدة فقط
وهى موجودة فى نفس جهة السائق
وفى الجزء التانى مفيش مكان للمبة ف الفانوس
وكلمت مندوب المبيعات اكدلى الكلام

ولكن

فية بعض العربيات فيها اتنين زى الاميجراند 7

الكلام ده مظبوط.....الميجان كانت بتنزل لمبة واحده ناحية السائق و دلوقتى الفلوانس بتنزل الناحيتين.....أوروبا متعودين على موضوع ناحية واحدة ده لأنه دايما بيفادى من الحارة الشمال يعنى ناحية نور الشبورة.... أما فى مصر أنا بفضل الناحيتين بصراحة لأن فى الشبورة و نتيجة أننا بنفادى من الشمال أو اليمين دون الإلتزام بأى قواعد...ممكن للأسف اللى خلفك يفتكرك موتوسيكل لذا وجب التحذير......

[abofandy]

كلامك صح ومقنع جدا
بس السوال دلوقتى
هل ممكن نقدر نركبها ولا صعب ؟؟؟؟؟؟

[Tameeem]

وحضرتك عربيتك فيها ناحية واحدة ولا اتنين ؟ اصل انا مصور الكورولا فى المعرض و فيها اتنين عادى

[Tameeem]

هو الفانوس غير اللمبة ؟؟

[abofandy]

ممممممممم
انت فاهم غلط
افهمك انا براحة ... العربية كاملة
فية اشارات ف الاكصدام الخلفى ف النحيتين ومفيش فيهم لمبات ودة مش الة نقصدة

الى نقصدة ف الفانوس الخلفى الرئيسى لو بصيت ف الفانوس الخلفى جنب لمبة الاستوب هتلاقى جزء احمر لف الجزء اليمين ف جهة السائق فيها لمبة للشبورة .. النحية التانيو مفهاش لمبة

[Tameeem]

مممممممم لسة بردو
ما علينا مش مهم دلوقتى

[Tameeem]

المهم بس نستلم على خير

[maxidizer]

يا جماعه بما ان مفيش معلومات جديده عن الاستلام قررت اروح بكرة انا و الاستاذ احمد رشدي فرع التجمع عشان نشوف ايه النظام لان محدش عارف يدي معلومات اكيده خصوصا اني كلمتهم امبارح وقولتلهم ان في ناس استلمت من فرع العباسيه وحكتلهم علي العربيات الكتير اللي الدكتور ابو فندي شافهم و برده بيقولو لا وبيستهبلو فياريت لو حد استلم تاني من اللي حاجزين من شهر 9 يقول كان حاجز في اي فرع واستلم امتي ولو اي حد عايزنا نسألو علي اي حاجه في الاستلام يكتبلنا اسمو وتاريخ الحجز ونبقي نشفلو بكره معانا

انا حاجز يوم 19-9 واستلمت من يومين ، الحمد لله.

حاجز فى توكيل " بركات " .. وكيل تويوتا فى المنوفية - شبين الكوم.

[abofandy]

انا حاجز يوم 19-9 واستلمت من يومين ، الحمد لله.

حاجز فى توكيل " بركات " .. وكيل تويوتا فى المنوفية - شبين الكوم.

الف مبروك
بركات موزع مش توكيل
يعنى متقدرش تعمل عنده صيانه

بس مقولتناش اية اخبار العربية معاك ؟
اية العيوب الى لحظتها او الماخد للعربية ؟ او المزايا ليها ؟

[abofandy]

هى البطارية بتاعة الموديل هذا العام 2014 جافة ولا سايله لانى ملحقتش اشوفها بصراحة واحد الزملاء بيسال فلو حد عندة معلومة دلوقتى يقولها ؟

[Hany Saad]

كلامك صح ومقنع جدا
بس السوال دلوقتى
هل ممكن نقدر نركبها ولا صعب ؟؟؟؟؟؟

لو مكان اللمبة موجود....يعنى الدويل اللى بتركب فيه موجود و الفراغ فى الفانوس موجود بحيث لما تركب اللمبة ميبقاش فى حاجة بتحوش...و ده كان الحال فى الميجان أن الفوانيس كانت متماثله و مكان اللمبة اليمين موجود و عند تركيب اللمبة مكنتش بتصد فى حاجة...كل المشكلة كانت التوصيلة الكهربائية مش وصله....هنا بيكون الموضوع سهل و بناخد وصلة من الفانوس الأخر و بيشتغل تمام....أما لو الفانوس مش مهىء انه ياخد لمبه فى المكان ده....هيبقى صعب للأسف.

[iUsef]

هى البطارية بتاعة الموديل هذا العام 2014 جافة ولا سايله لانى ملحقتش اشوفها بصراحة واحد الزملاء بيسال فلو حد عندة معلومة دلوقتى يقولها ؟

البطاريه سايله مش جافه بس المفروض انها بتبقي نوع كويس ومع الصيانه و المتباعه المفروض تعيش حوالي 3 سنين يعني زي الجافه او اعلي

[iUsef]

عندي ليكم يا رجالة التويوتا خبر جامد جداً خصوصاً لكل اللي بيشتكي من انخفاض العربيه الدفعات اللي جايه في خلال شهرين اتعدلت العفشه فيها والارتفاع هيزيد 2 سم يعني هيوصل 14.5سم وكل الناس اللي اشتروا التوكيل هيكلمهم عشان يعملو التعديل وبكده ان شاء الله العربيه هتبقي زي الفل:)