تقرير مفصل بالصور لأستلام كورولا 2014 الجزء الثانى

[Mohamed.Hany]

استكمالا للموضوع الاصلي

http://www.nilemotors.net/Nile/389468-2014.html

درج تخريني امامي حجمه مش بطال



اماكن تخزين في الابواب الامامية تسع لزجاجة و خلفة مكان اخر لاوراق مثلا



2 حامل اكواب مع امكانية تعديل حجم كل واحدة عن طريق تحريك البلاستكة اللي موضحة في الصورة. طفاية سجاير



مسند يد امامي بدرجين تخرين علوي و سفلي



مع امكانية تعديله للامام و الخلف لراحة اليد



مكان تخرين للموبايل مثلا امام الفيتيس و فوقه الولاعة و مدخل اليو اس بي و الاوكسزيلارى مع امكانية غلق درج التخزين



حامل اكواب خلفي



الابواب الخلفية بها تخزين علوي للموبايل مثلا مش موجود قدام و سفلي لزجاجة صغيره و خلفها بعض الاوراق



مكان تخزين خلفي في ضهر الكرسيين الاماميين و درج تخزين اخر في مسند اليد



خاصية ال ISO Fix مبينة بالكراسي



المساحة الداخلية الرهييييييييييييييييييبة جدا جدا تم القياس مبين الكنبة الخلفية و ضهر الكرسي الامامي في مع ارجاع الكرسي الامامي كاملا الي الخلف مش هتصدقو 26 سم ما شاء الله



العربيو فيها 6 سماعات منهم 2 تويتات و مش هقولكم علي نقاء و جودة الصوت تحفة فنية



الشماسات الداخلية بها امكانية التعديل و مراية يمكن غلقها مع نور يمكن التحكم بية بزرار للسائق



و نفس الامكانيات للراكب الامامي



تحكم المرايات الضم و الكهرباء , التحكم في ارتفاع الانوار الخارجية , الاوتو بارك ملوش حل جربته و العربية وهمتنى و ركنت لوحدها و زرار ال esp and TRC



التحكم في الزجاج و القفل المركزى



التارة و تحكم الكاسيت و البلوتوث و التلفون و العدادات



الكاسيت و التكييف و الهوايات و لون التابلوه الاسود في بيج
الكاسيت فيه كل حاجة و سهل الاستخدام و التكييف الديوال زوون و به سخانات للزجاج الامامي و الخلفي و المرايات



الفتيس و الستيب ترونيك و زرار في الفتيس لو عاوز تطلع المفتاح و انت مش علي ال P لو عاوز تركن صف تاني و زرار الباركنج سنسور و السبورت مود



الاشارات و الفوج



تحكم المساحات



مثبت السرعة



عدادات العربية و اول متدور ترحب بيك و بيعمل اختبار لكل الوظائف



التحكم في الكمبيوتر من التارة



الحرارة و نظام الايكو , طبعا استهلاك البنزين عالي عشان انا كنت مدور العربية فترة طويلة من غير متحرك فعمال يعلي جامد



بعض حسابات الكمبيوتر



و اخيرا لما بتبطل العربية بتودعك :)



طبعا انا لسة مجربتش العربية عشان لسة الورق مجاش فا مش عارف احكم علي اي حاجة تانية.
الحاجات اللي معجبتنيش:

1.تثبيت النيكل في الشبكة الاماميةو يمكن يكون عندى انا بس الله اعلم
2. مكان تخزين الموبايل في الباب مش موجودة في الامامي موجودة في الخلفي بس و انا كنت متعود عليها بس مش مشكلة ليه مكان قدام الفتيس هتعود عليه
3. مفيش تحكم في درجة قوة الاضاءة بتاعة التابلوه و العدادت بس هي مش مضيقانى لانها تعتبر قوية.
و لكن في المجمل انا شايفها ممتازة و بشجع اى حد فعلا محتار يتوكل علي الله اظن معندكش حجة بعد التقرير المفصل ده كأنك كنت جوة العربية.
يارب مكنش طولت عليكم و بطلب بس منكم تدعو ان ربنا يكفينا شر الطريق و يبعد الحسد عنا أمين يارب و في انتظار اي اسئلة.

[my3fox]

مشكور أخي الفاضل. .... لم تتأخر عن زملائك و كنت مبادر في الرد علي أي أسئلة إبتداءا من تجربتك السيارة عند أحد أصدقائك وعلي المطبات في الشوارع عمليا
و كذلك تقريرك المفصل عن إرتفاع السيارة بالتفصيل و بالقياس
و أخيرا التقرير المفصل لداخل السيارة
كفيت و وفيت و يا رب يبارك لك فيها و يكفيك شرها و شر الطريق و يتتم اك إستلام أوراق السيارة علي خير. ....... و يبعد هنك شر عيون الناس الحاقدة بإذن الله تعالى

Sent from my GT-I9300 using Forum Runner

[Mohamed Bander]

لف مبروك و الف شكر على الصور وربنا يديك خيرها و يكفيك شرها

[bassem.naguib]

ربنا يباركلك فيها ويكفيك شرها .. مع كل صورة كنت بقول بسم الله ما شاء الله ولا حول ولا قوة إلا بالله .. متنساش تطلع حاجة لله .. وعقبال ما تستلم الورق .. واللي لسه مستلمش يستلم .

كنت ناوي أسألك أن الأفرج بتاع استهلاك البنزين عالي جداً ... ولكنك جاوبت علشان هي دايرة ومببترحكش .. هل الإيريال بتاع الكاسيت مدمج في الزجاج الخلفي ولا أريال خارجي .. وإن شاء الله في انتظار تقييمات أخرى بعد ما ترخص وتمشي بالعربية

[Mohamed.Hany]

ربنا يباركلك فيها ويكفيك شرها .. مع كل صورة كنت بقول بسم الله ما شاء الله ولا حول ولا قوة إلا بالله .. متنساش تطلع حاجة لله .. وعقبال ما تستلم الورق .. واللي لسه مستلمش يستلم .

كنت ناوي أسألك أن الأفرج بتاع استهلاك البنزين عالي جداً ... ولكنك جاوبت علشان هي دايرة ومببترحكش .. هل الإيريال بتاع الكاسيت مدمج في الزجاج الخلفي ولا أريال خارجي .. وإن شاء الله في انتظار تقييمات أخرى بعد ما ترخص وتمشي بالعربية

اريال مدمج في الزجاج الخلفي زى الموديل اللي قبله

[abofandy]

ماشاء الله
بجد ربنا يباركلك
انت مخلتش لينا حاجة نقولها بعدك

[bassem.naguib]

معلش سؤال تاني .. بالنسبة لصوت الكاسيت لما تشغله من خلال usb أو ِaux بيكون كويس ونقي ولا عادي .. وهل بيتم التحكم في التراكات سواء من الفلاشة أو الموبايل أو أم بي ثري بلاير من خلال المالتي ولا لآ .

هي الفئة دي مش المفروض فرش نص جلد .. بس أنا شايف الكراسي فرش قماش بس .

[Mohamed.Hany]

معلش سؤال تاني .. بالنسبة لصوت الكاسيت لما تشغله من خلال usb أو ِaux بيكون كويس ونقي ولا عادي .. وهل بيتم التحكم في التراكات سواء من الفلاشة أو الموبايل أو أم بي ثري بلاير من خلال المالتي ولا لآ .

هي الفئة دي مش المفروض فرش نص جلد .. بس أنا شايف الكراسي فرش قماش بس .

الصوت نقي جدا في كل الوسائل .
بتقدر تتحكم في الاغاني سواء بلوتوث فلاشة ام بي ثري من المالتي و لكن سرعة الاستجابة لتغيير التراكات لو مشغله من بلوتوث الموبايل اقل جزء من الثانية عن السي دي و الفلاشة عشان سرعة البلوتوث و لكنها غير ملحوظة بالمرة.
الفرش النصف جلد في قماش في الهاي لاين فقط، و انا ناوي اركب فرش جلد من عند محل دوس اللي في مصر الجديدة

[bassem.naguib]

يعني أقدر أغير الأغنية (مش أعلي الصوت وأوطيه فقط) من أي أم بي ثري بلاير متوصل على aux .. معتقدتش في الجزئية دي !!!

أعتقد أنه ممكن أغير الأغنية لو مشغل من الموبايل من خلال البلوتوث .. أو أغير لو موصل الفلاشة

هل الفلاشة بيبقى ليها مواصفات معينة لتشتغل على الكاسيت ولا أي فلاشة ؟

هل بتيجي ملحقات مع الكاسيت زي وصلة لل aux مثلاً .. وطفاية السجاير اللي على شكل كوباية ؟

[Mohamed.Hany]

يعني أقدر أغير الأغنية (مش أعلي الصوت وأوطيه فقط) من أي أم بي ثري بلاير متوصل على aux .. معتقدتش في الجزئية دي !!!

أعتقد أنه ممكن أغير الأغنية لو مشغل من الموبايل من خلال البلوتوث .. أو أغير لو موصل الفلاشة

هل الفلاشة بيبقى ليها مواصفات معينة لتشتغل على الكاسيت ولا أي فلاشة ؟

هل بتيجي ملحقات مع الكاسيت زي وصلة لل aux مثلاً .. وطفاية السجاير اللي على شكل كوباية ؟

اقدر اغير الاغاني من التارة لو مشغل موبايل بلوتوث و فلاشة و سي دي ام بي ثري و ليس الاوكزيلاري .
انا جربت فلاشتين و اشتغلو عادي
طغاية السجاير بتيجي مع العربية في الاستلام و انا مصورهالكم
مفيش وصلة aux بتيجي مع العربية
و فييه علامة تويوتا معدنية بتتركب في نصف الجنط المعدني عند الاستلام

[bassem.naguib]

أخر سؤال علشان أنا عصبتك وتقلت عليك .. بالنسبة للبارك أسيست هل هو بيركن على الصف اليمين فقط .. ولا ممكن الصف اليمين والشمال .. ولو بيركن على اليمين والشمال هل بحدد ليه أنا عاوز أركن على أي صف من خلال دراع الأشارات زي بعض العربيات .

وهل هو في الركن الموازي للرصيف فقط .. ولا ممكن العمودي كمان .

وأسف على الأزعاج وكتر الأسئلة .

[Mohamed.Hany]

أخر سؤال علشان أنا عصبتك وتقلت عليك .. بالنسبة للبارك أسيست هل هو بيركن على الصف اليمين فقط .. ولا ممكن الصف اليمين والشمال .. ولو بيركن على اليمين والشمال هل بحدد ليه أنا عاوز أركن على أي صف من خلال دراع الأشارات زي بعض العربيات .

وهل هو في الركن الموازي للرصيف فقط .. ولا ممكن العمودي كمان .

وأسف على الأزعاج وكتر الأسئلة .

بالعكس انا مبسوط جدا من الاسئلة التفصيلية دي لانها بتجاوب علي تسائلات ناس كتيرة.
البارك اسيست بيركن علي اليمين فقط و مش متأكد اذا كان بيركن عمودى و لاﻷ

[Mohamed.Hany]

انا اسف فيه معلومة غلط انا قولتها .
يمكن التحكم في شدة الاضاءة لنور التابلوه.
و مكنتش اعرف ان فيه فوج خلفي بزرار منفصل
و جربت ال follow me home عجبني قوي بعد متيدبطل العربية شد دراع النور كأنك بترعش النور الامامي هينور لمجدة 30 ثانية و يقفل لوحده.
جربت الكاسيت فيه شوية حاجات ظريفة زي مثلا لو مشغل اغنية من البلوتوث و من ال usb و جيت قلبت مصدر مبينهم بيكمل من نفس الحتة اللي قلبت عندها مش من اول الاغنية.
ثانيا و دى اللي عجبتني جدا انك ممكن تظبط ال equlizer كا base treble fadr لكل حاجة منفصلة يعني ممكن تظبيط السي دى غير الusb غير البلوتوث غير الراديو

[Mohamed.Hany]

مشكور أخي الفاضل. .... لم تتأخر عن زملائك و كنت مبادر في الرد علي أي أسئلة إبتداءا من تجربتك السيارة عند أحد أصدقائك وعلي المطبات في الشوارع عمليا
و كذلك تقريرك المفصل عن إرتفاع السيارة بالتفصيل و بالقياس
و أخيرا التقرير المفصل لداخل السيارة
كفيت و وفيت و يا رب يبارك لك فيها و يكفيك شرها و شر الطريق و يتتم اك إستلام أوراق السيارة علي خير. ....... و يبعد هنك شر عيون الناس الحاقدة بإذن الله تعالى

sent from my gt-i9300 using forum runner

متشكر قةي لزوقك و دعوتك الجميلة

[ahmediqo]

انا عندي امتحان بكرة بس قعدت سهران علشان اشوف التقرير الروعة ده بجد لازم يتم تثبيته و ان شاء الله الورق يخلص علطول و بجد بحب اشوف تقريراتك و تساؤلاتك الكثيرة حلوةة فعلاً .انا مكنتش اعرف ان فيه خاصية ال follow m.
تسلم اديك و منتظر بفارغ الصبر تقريرك لما تمشي به أن شاء الله :) معلش بقى انت اللى طمعتنا في تقاريرك الجمدة دي :D