تقرير مفصل بالصور لأستلام كورولا 2014 الجزء الثانى

[maxidizer]

الف مليون مبروك،، ربنا يكرمك ويحفظهالك من العين يارب ...

انا حاجز بقالى كتير من التوكيل الفئة الثانية ولسه ماستلمتش الى الان ،، حاجز اللون الاسود.

بس انا لسه جديد واول عربية زيرو ليه،، ياريت تقول لى اخلى بالى من ايه وانا باستلم العربية،، والمفروض باستلم معاها ايه بالظبط ؟ علشان مش عايز يتضحك علىّ فى حاجة.

- بالنسبة للعربية بقى متلينة وجاهزة للمشى والتكييف ولا زى ما الناس قالت لى مامشيش اكتر من ال 70 كم/س وماشغلش التكييف اول 1000 كم ؟؟ انت خبرة وكلامك ثقة :)

- وبعدين طمنى ، فيه كتالوج للعربية ممكن اقرأه علشان اعرف استخدم كل الاوبشنز ولا مافيش ؟ علشان لو مافيش هاتعبكم اوى فى المنتدى هنا لحد ماتعلمونى ^_^

- مطلوب من حضرتك بقى فيديو للاوتو باركينج، وارفعه على اليوتيوب ،، وهايبقى اول فيديو عربى لتويوتا كورولا 2014 اوتو باركينج لانى بحثت ومالاقتش خالص فيديو عربى.

ياريت ماكنش طولت ولا اثقلت على حضرتك ، ربنا يجعل تعبك فى ميزان حسناتك ان شاء الله.

منتظرك

[iUsef]

يا باشا 100000000000000 مليون مبروك وربنا يباركلك فيها ويكفيك شرها ان شاء الله وهقلك زي كل مرة انت فعلا تستهال الايزو وانت بسم الله ما شاء الله جاوبت علي كل الاسئله اللي كنا محتارين فيها خصوصاً موضوع التراكشن كنترول اللي لمبة بانت في الطبلوه واشارات الباركيج في الشاشة بس انا زعلان انك معملتش الموضوع علي جزئين لان الموضوع تحفه ولازم يتثبت وياريت ادارة المنتدي تجمع الموضوعين ويتم التثبيت لانه مفيد جدا وناس كتير هتستفيد منه ان شاء الله

[Mohamed.Hany]

انا عندي امتحان بكرة بس قعدت سهران علشان اشوف التقرير الروعة ده بجد لازم يتم تثبيته و ان شاء الله الورق يخلص علطول و بجد بحب اشوف تقريراتك و تساؤلاتك الكثيرة حلوةة فعلاً .انا مكنتش اعرف ان فيه خاصية ال follow m.
تسلم اديك و منتظر بفارغ الصبر تقريرك لما تمشي به أن شاء الله :) معلش بقى انت اللى طمعتنا في تقاريرك الجمدة دي :d

ربنا يوفقك في امتحانك ان شاء الله.
بصراحة العربية مليانة خبايا كتيرة يأما هتكتشف بالصدفة او بقراية الكتالوج.
ارخص بس العربية و ههريكو تقارير متقلقش ههههه

[Mohamed.Hany]

الف مليون مبروك،، ربنا يكرمك ويحفظهالك من العين يارب ...

انا حاجز بقالى كتير من التوكيل الفئة الثانية ولسه ماستلمتش الى الان ،، حاجز اللون الاسود.

بس انا لسه جديد واول عربية زيرو ليه،، ياريت تقول لى اخلى بالى من ايه وانا باستلم العربية،، والمفروض باستلم معاها ايه بالظبط ؟ علشان مش عايز يتضحك علىّ فى حاجة.

- بالنسبة للعربية بقى متلينة وجاهزة للمشى والتكييف ولا زى ما الناس قالت لى مامشيش اكتر من ال 70 كم/س وماشغلش التكييف اول 1000 كم ؟؟ انت خبرة وكلامك ثقة :)

- وبعدين طمنى ، فيه كتالوج للعربية ممكن اقرأه علشان اعرف استخدم كل الاوبشنز ولا مافيش ؟ علشان لو مافيش هاتعبكم اوى فى المنتدى هنا لحد ماتعلمونى ^_^

- مطلوب من حضرتك بقى فيديو للاوتو باركينج، وارفعه على اليوتيوب ،، وهايبقى اول فيديو عربى لتويوتا كورولا 2014 اوتو باركينج لانى بحثت ومالاقتش خالص فيديو عربى.

ياريت ماكنش طولت ولا اثقلت على حضرتك ، ربنا يجعل تعبك فى ميزان حسناتك ان شاء الله.

منتظرك

الف مبروك مقدما و تستلم علي خير ان شاء الله.
انا كنت حاجز و متأخر و زعلان بس اصبر و بجد العربية ليها طعم تاني لما تيجي بعد انتظار طويل كده و احمد ربنا ده فيه عربيات تانية حجز 4 و 5 شهور.
بالنسبة لاستلام العربية فا بتفرق من التوكيل و لاموزع ، الموزع ممكن ترخم عليه تقولهعاوز دواسات او معطر او اي حاجة و انت و شطارتك.
اما التوكيل فأنساا كل اللي هتستلمو جنط سبور نفس المقاس، شنطة عدة جلد و مبينة في الصور ، كوريك سمبوسة ،كتالوج، كتيب الضمان، ولاعة ، طفاية سجاير و 4 علامات تويوتا معدنية بتتركب في منتصف الجنط.
العربية معمول لها pdi يعني pre delivery inspection يعني اختبار كامل لجميع الوظائف و منها التليين و لكن يفضل ميبقاش فيه قرص علي العربية عشان زيت الفبريكة فقط و التكييف شغله عادي
فيه كتالوج ضخم جدا 1200 صفحة نصفهم عربي و النصف التاني انجليزى.
بلانسبة للاسئلة فأسأل براحتك و لا يهمك.

الاوتوبارك انا جربته مرة واحدة و كان بليل و معرفتش اصوره.
هحاول بعد مرخص اصورة و اعمل بيه موضوع منفصل علي كيفية استخدامه ان شاء الله
انصحك تأمن علي العربية قبل متمشي بيها مدام هي اول عربية زيرو

[Mohamed.Hany]

يا باشا 100000000000000 مليون مبروك وربنا يباركلك فيها ويكفيك شرها ان شاء الله وهقلك زي كل مرة انت فعلا تستهال الايزو وانت بسم الله ما شاء الله جاوبت علي كل الاسئله اللي كنا محتارين فيها خصوصاً موضوع التراكشن كنترول اللي لمبة بانت في الطبلوه واشارات الباركيج في الشاشة بس انا زعلان انك معملتش الموضوع علي جزئين لان الموضوع تحفه ولازم يتثبت وياريت ادارة المنتدي تجمع الموضوعين ويتم التثبيت لانه مفيد جدا وناس كتير هتستفيد منه ان شاء الله

للاسف المنتدي يسمح ب 30 صورة فقط في الموضوع الواحد و انا كنت مصور 55 صورة و مينفعش واحدة منهم الغيها يبقي معملتش حاجة انا كل هدفي اصور كل حاجة و بجودة عالية عشان لما تشوف الصور تحس انك راكب جواها.
يا ريت والله يجمعوهم و يخلوه موضوع واحد و يتم تثبيته مع موضوع ارتفاع الكوروﻻ بالصور لتعم المنفعة، بس انا مش عارف ايه خطوات او الشروط لتثبيت اى موضوع

[Optiplex]

ربنا يباركللك فى العربية و يبعد عنها كل شر و سوء يجازيك خير و متنساشى تبقى تفعل خاصية الكاسيت و تخلية يوطى و يعلى اوتو مع الدوشة و الزحمة على فكرة لو جربت تستخدم مثبت السرعة مرة واحدة بس مش هاتمشى من غيرة حتى لو مش طرق مفتوحة لان فكرة جامدة جدااا بس استخدمة صح ترخص على خيرررررررررر

[Mohamed.Hany]

ربنا يباركللك فى العربية و يبعد عنها كل شر و سوء يجازيك خير و متنساشى تبقى تفعل خاصية الكاسيت و تخلية يوطى و يعلى اوتو مع الدوشة و الزحمة على فكرة لو جربت تستخدم مثبت السرعة مرة واحدة بس مش هاتمشى من غيرة حتى لو مش طرق مفتوحة لان فكرة جامدة جدااا بس استخدمة صح ترخص على خيرررررررررر

متشكر يا باشا علي الكلام الجميل. بالفعل شغلتها لانها كانت عندي في الموديل اللي قبله.
متقلقش انا ناوى استخدم كل الاوبشنز اللي في العربية، و ربنا يكرم انا كلمت المعرض و قالي الورق ممكن يوصل بكرة ان شاء الله، علي الله يكون صادق و ادعولي في الترخيص بقي عشان انا برخص في اجمل مرور في مصر مرور فيصل الرهيييب

[Mustafa_Zain]

ألف شكر على التقرير الأكثر من رائع... وربنا يحفظكم من كل سوء...

أتمنى بس تصورلنا إضاءة التابلوه بالليل...

[Dr.M_baz]

ألف مبروك ... وربنا يبارك لك فيها.

[maxidizer]

الف مبروك مقدما و تستلم علي خير ان شاء الله.
انا كنت حاجز و متأخر و زعلان بس اصبر و بجد العربية ليها طعم تاني لما تيجي بعد انتظار طويل كده و احمد ربنا ده فيه عربيات تانية حجز 4 و 5 شهور.

الله المستعان،، الله يبارك فيك يارب وكل شئ له ميعاد.

بالنسبة لاستلام العربية فا بتفرق من التوكيل و لاموزع ، الموزع ممكن ترخم عليه تقولهعاوز دواسات او معطر او اي حاجة و انت و شطارتك.

لا من التوكيل،، اسمه " توكيل بركات " فى المنوفية وتابع لتويوتا ايجيبت.

اما التوكيل فأنساا كل اللي هتستلمو جنط سبور نفس المقاس، شنطة عدة جلد و مبينة في الصور ، كوريك سمبوسة ،كتالوج، كتيب الضمان، ولاعة ، طفاية سجاير و 4 علامات تويوتا معدنية بتتركب في منتصف الجنط.

طيب معلش شنطة العدة تحتوى على ايه؟
وبالنسبة للاربع علامات المعدنية.... مش المفروض خمسة علشان الاستبن ؟؟ ... طيب ومين هايركبهم لى على الجنوط ؟؟ فى التوكيل نفسه اللى هاستلم منه ولا هاروح توكيل الصيانة ؟

العربية معمول لها pdi يعني pre delivery inspection يعني اختبار كامل لجميع الوظائف و منها التليين و لكن يفضل ميبقاش فيه قرص علي العربية عشان زيت الفبريكة فقط و التكييف شغله عادي
فيه كتالوج ضخم جدا 1200 صفحة نصفهم عربي و النصف التاني انجليزى.
بلانسبة للاسئلة فأسأل براحتك و لا يهمك.

اشكرك ياباشا زعلى كل الاحوال الشتاء دخل ومش هانحتاج التكييف.

الاوتوبارك انا جربته مرة واحدة و كان بليل و معرفتش اصوره.
هحاول بعد مرخص اصورة و اعمل بيه موضوع منفصل علي كيفية استخدامه ان شاء الله

تمام ، الله يبارك لك وانا بالفعل تابعت موضوعك عن الاوتو باركينج ومنابع كل جديد منك.

انصحك تأمن علي العربية قبل متمشي بيها مدام هي اول عربية زيرو

انا بسوق بقالى سنين، لكن كنت باركب مستعمل ،، ودى اول زيرو هابقى اول راكب ليها ان شاء الله،، موضوع التأمين ده بخاف منه لا يكون فى شبهة حرمانية،،

فالله خير حافظ وهو ارحم الراحمين.

[Mohamed.Hany]

طيب معلش شنطة العدة تحتوى على ايه؟
وبالنسبة للاربع علامات المعدنية.... مش المفروض خمسة علشان الاستبن ؟؟ ... طيب ومين هايركبهم لى على الجنوط ؟؟ فى التوكيل نفسه اللى هاستلم منه ولا هاروح توكيل الصيانة ؟

علي ما اتذكر مفتاح صغير و مفتاح كبير للعجل ز مفكو حاجات عبيطة يعني.
اما بالنسبة للعلامة فهما 4 عشان الاستبن مثبت في شاسيه العربية بمسمار طويل يمر من المكان اللي بيركب فيه العلامة .
اللي هتستلم منه هيركبهم دي سهلة جدا بتتركب بالضغط

[Batman372]

الف مبروك يا باشا :)

مستنيين التقرير العملى المتين :)
خصوصا اخبار الفتيس الجديد ال cvt ... ايه انطباعاتك و ملاحظاتك على اداءه ؟؟؟؟ خصوصا فى الزحمه و المش و الوقوف المتكرر ؟؟؟
تحياتى ...

[Mohamed.Hany]

انا جربت العربية النهار ده في مشوار من الجيزة للشيخ زايد الي اكتوبر و رجوعا للجيزة و عديت علي مطبات كتيرة و فيهم مطبات ماللي قلبك يحبهم و زى الفل الحمد لله محكتش .
معدتش ال 100 كم /س و لكن حاسس بالعربية ما شاء الله مكلبشة في الارض، الستيرينج بتاع الدركسيون اكتر من رائع ، العزل ولا الهوا ، الابعاد لسه بالنسبة لى مش متعود عليها.
بس في اامجمل حاسسها ملمومة عن 2011 اللي كانت معايا .
احساس النقل في الفتيس يكاد يكون معدوم و العربية بتجمع بسهولة و سرعة.
التكيف كنت عامله علي 23 و كان ثلج.
العفشة للي بيسألو ناعمة جدا مش زى مالناس مبتقول بس هي مش في نعومة 2011 .
الكرسي مريح و العربية مملوكة كويس.
اللي مضايقني ان صوت الكلاكس ضعيف اصلي بطبعي مزعج و في 2011 كان الكلاكس تيريلا .
و الحاجة التانية اللي مضيقاني الاشارات اللي في المرايات بارزة شوية فا عرضة للخبط .
و النور الليد عاملى ازمة كل ممشي في مكان الناس بتركز قوى معاه لانه ملفت و ربنا يستر من العنين.
بصراحة انا كنت حاسس بفرق الثبات عن موجيل 2011 بجد بجد حاجة تانية العربية تديك ثقة كدة و طمأنينة الحمد لله.

[Abdulrahman M]

تسلم بجد ربنا يحفظك ويحفظها :)

[Mohamed.Hany]

علي سبيل الرفاهية اكتشفت انك ممكن تدي اشارة يمين او شمال لمدة 3 ثواني و تقفل لوحدها عن طريق انك تحرك دراع الاشارة في الاتجله المرغوب بس براحة و مش للاخر بدلع يعني و دمتم