حسبي الله ونعم الوكيل ... في توكيل ( تويوتا ) ابو رواش !!

[Y a r i s]

فلتذهب تويوتا الى الجحيم

بعد الزمن ده كلو. ... وعلى اخرة الزمن تبقى قطع غيار تويوتا صيني ... حسبي الله ونعم الوكيل ... تصورو. روحت توكيل ابو رواش. بتاع التويوتا



دخلت التوكيل جوا عند قسم. قطع الغيار. طبعاً موظفين جداد. شغالين وملهومش نفس للعمل



زي مانتو شايفين كل واحد مستخبيلي ورى شاشة الكمبيوتر ومش واخدين بالهم اساساً ان في عميل جيلهم. رميت السلام محدش رد السلام قلت معليش يمكن يهود ولا حاجة. .... رحت للموظف على اليمين بقولوا عاوز فلتر يارس قام مشاورلي على زميلو ... قمت رايح لزميلو. بقولوا عاوز فلتر زيت يارس. بصيت لقيتوا قام هز راسوا وقعد يلعب على الكمبيوتر ... طبعاً وقفت مستعجب !!! هو انا داخل توكيل تويوتا ولا داخل سيبر نيت. ... مال العيال دي مش عاوزة تشتغل. ليه. !! فيه ايه المهم فضلت واقف واقف واقف. فقلت للواد يا ابني يا حبيبي مش وقت شات دلوقتي وفيس بوك. وفيس توك مشيني هو انا هقف كتيرررر ولا ايه ... قالي. فيس بوك ايه يا استاذ انا بدورلك على رقم القطعه على الكمبيوتر. ... وانا في عقلي بالي ( أحيييييييييييييييييييه. قطعة ايه الي بتدور عليها على الكمبيوتر دي ده فلتر زيت ... فلتر زيت يا حبيبي ). اااااييييييه فينك يا عم شعبان فينك يا راجل يا طييييييييييييييب .... الراجل ده راح فين كنت تخش تسئلوا عن اي فسفوسة اي نملاية اي برغوته ولا بطوطة في اي موديل لتويوتا. يديك السريل نمبر بتعها على الطاير كده ... والابتسامة في وشو مش الاساتذة الي داخل عليهم ولا كانك داخل تسلم على ناس عندهم عزى. يا اخي ده انا في عزا ابويا كنت بسلم على الناس. بوش ... ده حتى المثل بيقولك. لاقيني ولا تغديني. المهم قام الافندي بعدين وبعد مرار راح طابلعلي. فاتورة قالي ادفع وتعاللي



بكام يا عم الحج الفاتورة ب ٦٦ جنية وحاجة طبعاً انا اتفاجئة. بالرقم طول عمروا الفلتر. بالضريبة بكلو بكلو ب ٥٥ جنية ايه الي غلاه كده هوو ... المهم بقولوا هو انتا متاكد انك هتديني فلتر. اليارس الشكل القديم مش الجديدة قالي اه ياباشا. هو غلي في زيادة ... المهم فرحت دفعت وقلت يالله الدولار والجنية. ... المهم رجعت للواد بديلوا الفاتورة لقيتوا بيقلي روح استلم الفلتر من المخازن ... !! قلتلوا مخازن ايه. طول عمرنا. بنستلم قطع الغيار من هنا وهروح المخازن علشان فلتر. ... المهم بقه اتنرفزت قلتلوا انتوا مالك مبقتوش على بعضكم كده ليه في حاجة متغيرة انتو غيرتوا النظام ولا ايه الحكاية ... لقيتوا بيقولي معليش ياباشا اصلي في ايدي شغل ومش هقدر اروح اجيبوا من المخزن !!
مع العلم انو قاعد يلعب على الكمبيوتر هو وزميلو. ولا في ورقة قداموا ولا دفتر ولا نيلة
ومش بعيد. قاعد بيحط ليكات لبوستات اسحابي اوبوسات الواد النونوا اعلن جنونوا
المهم
رحت المخزن طبعاً انا وفي الطريق شايف كراتين قطع غيار تويوتا مرميه يمين وشمال وحاجة. تقولش داخل عند الاسطى عبدو السمكري او ورشة السعادة وحمادة فتو وشركائه. ... اهو بالمنظر ده كنت عاوز اوريكم منظر قطع الغيار وهيا مترمية بس بلاش ان الله حليم ستار !



المهم بستلم الفلتر بصيت لقيت الواد راح مناولني فلتر في ايدي. ولا شنطة ولا كيس فبصيتلوا كده وعاوز اقولوا وده احطو في جيبي ولا ايه. يعني اي واحد شايفني طالع من المخازن وماسك علبه في ايدي مش هيقول اني شاري فلتر هيقول اني مديت ايدي في الكراتين الي مرمية هنا وهناك وشئطت علبه وواخد بعضي وماشي
المهم كل ده والمعملة الزبالة في توكيل تويوتا وقول ما عليناااااا ... لان المعاملة زبالة زبالة مفيش كلام ... يا راجل ده انا لو داخل محل جزم ولا حتى شباشب هتعامل احسن من كده. ... بلاش كده ده انا لو داخل محل. عصير قصب وجي اخود كوباية عصير اعتقد هيبقى في معاملة احسن من كده يعني الف باء خدمة العملاء. مش موجودة في تويوتا ابو رواش المهم كل ده وما علينا جي الاستاذ المحترم بيديني فلتر زيت ببص عليه لقيتوا مكتوب عليه
Made in china,!!
وده على اساس ايه انشاء الله هو انا راكب عربية جيلي. ولا راكب اسبيرنزاا
بصيت للراجل وبقوا ايه ده !!!! ده صيني ؟؟؟؟




المهم. الواد بتاع المخازن يقولي ايه. كل فلاتر زيوت التويوتا صيني ؟
قلتلوا معليش اصلي انا اول مره اركب تويوتا في حياتي واول مره اغير فلتر للتويوتا قلتلوا الي خلاني اركبها هيا كلمة ميد ان جباااااان ... مش ميد ان تشايناااا ... انتوا جايبين لنا فلاتر من الصين. ومغلينها. علينا كمان. ايش ضمني انها اصلي ! قالي يابيه ماهو الفلتر عليه علامة مائية ... قلتلوا علامة مائية ايه بس تحب اطبعلك مليون علامة مااااائية وبالشعار الي انتا عاوزوا كمان !!! وبيني وبين نفسي بقول (العلامة المائية دي تشيلها وتحطهاااااا فييييييي. في فييي ..... جييييبك ) قال علامة مائية قال لقيت الواد بيقلي معليش اصل اليابان مبتصنعشي فلاتر قلتلوا ماشي هتلي فلتر تركي. فلتر تيواني. او تايلاندي مش صيني ... قالي لا ماهو ساعتك الفلاتر دي مصنعة من افضل الخامات والخامات دي مش موجودة غير في الصين ... (( طبعاً انا عمال اهزلوا في راسي وهو عمال يفشر ... وعاوز اقولوا قصررر الفيل ابو زلومة رابطو بره على البوابة بتاعت التوكيل. وسايبوا واحدوا ... وخايف لايجي عيل ابن حرام يفك الفيل بتاعي وياخدوا ويمشي. أخلص ماهو انتا. بتكلم واحد هندي مهراجااااا .... بقه ياربي هونداي فلاترها كوري وتويوتااااا صانع السيارات رقم ١ في العاااااااااالم تبقى صيني .... ده ايه الوكيل الي ما يعلم بيه الا ربنااااا ده يا ربي .. معمله زيييفت واسعار نار. وكمان جيبلنا بضاعه من الصييييييييييييييييين ... الصين. هيا دي اخرتها ومحدش يقولي الصين تقدمت. وبتصنع كوتشيهات اديدس ونايك .
عليه العوض ومنو العوض لا معاملة لا اسلوب
وكمان جايبين لنا بضاعه صيني

[Deshahcoka]

عليه العوض و منه العوض يا باشا ! انتا فعلا تسلم ايديك على التقرير ده حيطيهم قفى حلو ابعت اللينك لصفحة تيويتا اليابان و اتفرج حيتكنسوا ازاي

[Y a r i s]

صدقني كان نفسي ادخل للمدير بس عارف اني مش هاخود منهم حق ولا باطل
يكفي اني غيرت عندهم اسطوانة وديسك بتاع الفتيس ومفيش تحس الدبرياج مش مريح وفيه حاجة غلط رجعت لمهندس الاستقبال بيقلي لا لسه ماهو الديسك بيطبع على الاسطوانة واهو بقالي سنتين ونص ولسه مطبعيتش وزي مانتو عارفين مفيش ضمان على الحجات المستهلكه !!

يكفي اني في أحد الصيانات بقول للمهندس المتور فيه رجه. قالي لا كل التويوتا كده قلتلوا طيب بعد ئزنك شغالي اي عربية اختها. وفعلاً شغلها ملقاش الرجه الي قلتلوا عليها قلتلوا شفت. لقيتوا بيحور عليا وقعد يحكيلي قصة عليا بابا والاميرة زموردة ... فقلت بس هذا فراقٌ بيني وبينكم لمن مهندس استقبال محترم بيحور على العميل ويشتغلوا ... ولمن يبقى الاستقبال. بهذا المنظر ... لا لا بجد مش هو ده مستوى تويوتا اطلاقااااااااً .

الناس لمن تنجح بتحاول تحافظ على نجاحها وتتقدم لقدام مش ترجع للخلف وتنتكس ... ده حتى شوف الموظف جيلي بتشيرت اخضر عليه دباديب. .... هما لغو. اليونوفورم. الموحد لشركة تويوتا ولا ايه !!!

[M I D O]

جي الاستاذ المحترم بيديني فلتر زيت ببص عليه لقيتوا مكتوب عليه
Made in china,!!
وده على اساس ايه إن شاء الله هو انا راكب عربية جيلي. ولا راكب اسبيرنزاا
بصيت للراجل وبقوا ايه ده !!!! ده صيني ؟؟؟؟

مالها الجيلي و الاسبرانزا يعني يا باشا انت كدة بتسئ لينا عشان احنا ملاك للماركات دي ...
علي العموم دة بقي حال التوكيلات كلها في مصر خدمة زبالة وقلة ادب وانت غلطان كنت زعقت و قلت هعمل شكوي و اديتهم بالجزمة وهما كنو هيحترمو نفسهم ومتروحش ابو رواش تاني روح اي مركز خدمة معتمد المعاملة هناك بتكون محترمة اكتر

[mk3]

هو من وجهه نظرى المتواضعه انت تزعل من سوء المعامله وبس
الفلتر لو متصنع فى مصر مش قضيه ده فلتر يا جدعان
انت اسال بره شوف الصينى بيتباع بكام عشان تعرف المره الجاية تقاطع التوكيل ولا ﻷ

[Ahmed_Adham]

على فكره مبيعات ستروين وفولفو نفس المعامله السيئه اللي بتحكي عنها دي والمبيعات كمان مش قطع الغيار يعني مش عايزين يبيعو العربيه نفسها.

بس دخلت مره قطع الغيار في كيا أبو رواش أسأل عن سعر المساحه الخلفيه للكارينز وكان فيه 3 موظفين موجودين واتنين منهم ردو في نفس واحد بالسعر شامل الضريبه ولا حد بص في كمبيوتر ولا حاجه.

هناك فرق في السرعات سيدي الرئيس.

[Y a r i s]

مالها الجيلي و الاسبرانزا يعني يا باشا انت كدة بتسئ لينا عشان احنا ملاك للماركات دي ...

لا ياباشا. هو انا اقدر ئسيء لهذه الماركات ده انا لسه كنت راكب عربية اسبيرانزا. الي هيا جيب. كان في صديق جي يزورني وكان شاريها وحلف عليا لا أسوقها بصراحة خامتها نضيفة من جوة. وحلوة مشاء الله ... بس هيا الفكرة. ان الفتر الياباني كان ب ٥٥ جنية. شامل الضريبة يباني ياباني ١٠٠٪ وبره التوكيل بيتباع ب ٤٥ جنية. بس ياباني. تقفيل امبابة / المنيرة وعليها العلامة المائية. و الكرتونة وكل حاجة :)

بس يعني انا لمن بجيب فلتر زيت للهونداي من ايام الماتريكس كنت بجيبوا ب ٢٥ جنية وكوري ١٠٠٪ فهل يعقل اني اشتري فلتر صيني ب ٦٦ جنية كتيررر وحرام ... وتحياتي لكل العربيات الصيني ومالكيها :)

[M I D O]

لا ياباشا. هو انا اقدر ئسيء لهذه الماركات ده انا لسه كنت راكب عربية اسبيرانزا. الي هيا جيب. كان في صديق جي يزورني وكان شاريها وحلف عليا لا أسوقها بصراحة خامتها نضيفة من جوة. وحلوة مشاء الله ... بس هيا الفكرة. ان الفتر الياباني كان ب ٥٥ جنية. شامل الضريبة يباني ياباني ١٠٠٪ وبره التوكيل بيتباع ب ٤٥ جنية. بس ياباني. تقفيل امبابة / المنيرة وعليها العلامة المائية. و الكرتونة وكل حاجة :)

بس يعني انا لمن بجيب فلتر زيت للهونداي من ايام الماتريكس كنت بجيبوا ب ٢٥ جنية وكوري ١٠٠٪ فهل يعقل اني اشتري فلتر صيني ب ٦٦ جنية كتيررر وحرام ... وتحياتي لكل العربيات الصيني ومالكيها :)

يا باشا حصل خير وانت راجل محترم و اظن تويوتا بيعملو كدة عشان يوفرو مش اكتر ومعلش هوة حضرتك معاك الياريس القديمة يعني المفروض ضمانك خلص بتعمل صيانات في التوكيل لية ؟؟

[mramzy]

انا داخل بسال على الريو امبارح فى التوكيل فى روكسى محدش كان عايز يرد ولما رد هو ده نظامنا
رحت قبل منه لمحمد زكى نفس المعامله بس قابلينى من على الباب وقالى بالحجز وبعد شهر ونص يعنى برضه رد بالعافيه
ناس زوق مش عايزه تبيع عربيات

[Mohamed.Hany]

المعاملة عندك حق تشتكي منهم.
بس حتة ان قطع الغيار صيني و نفس السعر او اغلي دي حاجة عادية، هديك مثال في شغلي انا بشتغل مهندس في شركة المانية و بتورد اجهزة و كان كل قطع الغيار الماني اما الان ف 80% من قطع الغيار صيني و بنفس السعر المرتفع و هذا للتوفير ليهم وزيادة الارباح ﻷن العمالة في الصين ارخص بس تأكد انها نفس الخامة و نفس ال qa بالضبط و ده حاجة انا ابصملك بيها بالعشرة.

[Y a r i s]

هو من وجهه نظرى المتواضعه انت تزعل من سوء المعامله وبس
الفلتر لو متصنع فى مصر مش قضيه ده فلتر يا جدعان
انت اسال بره شوف الصينى بيتباع بكام عشان تعرف المره الجاية تقاطع التوكيل ولا ﻷ

هو صحيح فلتر بس انا ايه الي وداني للتوكيل غير اني عاوز الحاجة اصلي مية في الميه ... طب ماهو البانزينات عندهم فلاتر. تويوتا كتيرررر. ... بس انا ببصلها. اني بقول اجيب الحاجة الاصلي. واشتري دماغي احسن ما اجيب حاجة مضروبة. وتفرول. ولا حاجة وتدخل تسدلي طرمبة الزيت او تبرجللي العربية. فاهمني ... وتحياتي

على فكره مبيعات ستروين وفولفو نفس المعامله السيئه اللي بتحكي عنها دي والمبيعات كمان مش قطع الغيار يعني مش عايزين يبيعو العربيه نفسها.

بس دخلت مره قطع الغيار في كيا أبو رواش أسأل عن سعر المساحه الخلفيه للكارينز وكان فيه 3 موظفين موجودين واتنين منهم ردو في نفس واحد بالسعر شامل الضريبه ولا حد بص في كمبيوتر ولا حاجه.

هناك فرق في السرعات سيدي الرئيس.

حتى فولوا واستروين ... يانهر ازرق
هو ايه الي حصل في البلد ... ياجماعه. ده حتى لو قلنا ان خدمة العملاء ده مش فن او حتى علم. ... كان زمان ايام جدك وجدي كنت تلاقي. اي بياع يقلك الزبون دايماً على حق ... ويعلموا الصنايعيه عندهم او البياعين عندهم والصبيان ويقولولهم قوم يواد قابل الزبون ولمع الحاجة. كده وقوم اتلح لح ... يا اخي ده حتى بياع الفاكهة الجاهل بتلاقي واقف. يرصص اليوستفندي على العربية بشكل. احترافي وكل ده (( خدمة عملاء )) عاوز يجذب الزبون ليه مش الافندية. يبعتوا الزبون على المخازن وسط الكراكيب. والكراتين ... وملهومش نفس يشتغلوا ... ده انا لو بشتري موز. من الشارع. واسئل البياع بكام الكيلو. بيقول. خلي خالص يا بيه. ... علشانك انتا ببلاش. ... من غير فلوس ... مش الافندية برمي عليهم والله السلام بتاع ربنا يا احمد بيه. ان ما في حد حتى نطق او حتى رد السلام .

وزي ما قلت حضرتك. فعلاً. كنت في توكيل عبداللطيف جميل. ديهاتسو. ابو رواش وبسئل. عن قطع الغيار في هناك شب. حليوة كده اسمو وليد. عارف اقولوا على فسفووسة في العربية يديني السعر على طوووول وهو مغمض ... وتلاقيه يقولك تحت امرك يا فندم. أأمرر ساعتك. ... حاضر يافندم... من عنيا يا باشا . .... يا اخي فرق. فرق بين واحد. عاوز يشتغل وبين واحد جي يا كل عيش والسلام .... والعيب مش على الموظفين العييييييييب على. المديرين. الي مأحسنوش الاختيار ومش عارفين يديروها .... وبدل الدعايه والاعلانات والمصاريف الي هنا وهناك. ... يعلموا موظفينهم. حتى ازاي يردوا السلام . او حتى يبص في عين العميل وهو بيكلمك ... وتحياتي ليك يا غالي

[Ahmed_Adham]

مشكله مصر ان مفيش معايير ثابته للمكان وتجربه العميل في نفس المكان بتختلف حسب اختلاف الشخص اللي بيستقبله ومستوى أخلاقه الشخصي وده غلط جدا وسببه عدم وجود تدريبات دوريه للموظفين على طريقه استقبال العميل وايه قواعد الاتيكيت في التعامل مع العميل وكمان مفيش تقييم لتعامل الموظفين مع العميل من ناحيه الاداره وبالتالي الموظف واخد راحته.

[amgomaa]

بص انا من خبرتى من التعامل مع تويوتا فى موضوع قطع الغيار ده فرع العباسية احسن فرع وبالفعل الناس اللى هناك كانوا حافظين السيريال بس المشكله كانت فى الاسعار كانت مولعه والكلام ده 2005 كان معايا ايكو 2000 كنت ساعات الاقى الحاجه اللى انا عايزها يعنى مرة متلا السمكرى سرق الصباع بتاع اللوك بتاع الباب لقيته وكان ب12 ج فى التوكيل ومره كنت محتاج ترومستات للمروحه ملقتوش وبعتونى للبرحسى لبست 180 ج فكنت ملاحظ انى بلاقى اى حاجه هايفه بمنتهى السهولة عندهم اما الاساسيات صعب وهنبعت نجيبها من الكويت لكن عمرى ما فكرت اشترى فلتر زيت من التوكيل و شايف انه عادى انه يبقى صينى مش اختراع يعنى المشكله لو كله بقى صينى ساعتها يبقى شئ عجيب

[Y a r i s]

انا داخل بسال على الريو امبارح فى التوكيل فى روكسى محدش كان عايز يرد ولما رد هو ده نظامنا
رحت قبل منه لمحمد زكى نفس المعامله بس قابلينى من على الباب وقالى بالحجز وبعد شهر ونص يعنى برضه رد بالعافيه
ناس زوق مش عايزه تبيع عربيات

لا واحنا الي كنا دايماً نقول. المصري ابو الزوق كلو. ابو المفهومية ابو الانسانية ...
حضرتك ده طول عمرنا اهالينا يعلمونا بروتكول. الحياة من اول الي يقلك. شكراً. ترد عليه وتقلوا عفواً ... النهارده. فعلاً. البياعين ملهومش نفس يقابلوا اي زبون وبيتعاملوا مع الزبون او العميل كأنوا تحصيل حاصل. اشترى مشتراش. مش مهم .... يا اخي فين اياااااام زمان فييييين. ده واللهي ثم واللهي ثم واللهي. لمن كنا بنخوش اي محل علشان نتفرج كان البياع يبعت يجيب قزازتين كازوزة. بيبسي كولا ولا حتى اسبورت ويقوم فاتحهم. طبعاً. كنا ننحرج. ونطر نشتري. ماهو الراجل بعت جاب وفتح قزازة سفن :) ياااااااااه. ياااااااااه فين. اخلاق مصرين زمان فين. ... كان الواحد. من كتر المعاملة الحلوة للبياعين كان بيتصاحب. عليهم وتبقى عشررررررررة بينك وبينهم ... ولو جيت تشتري من عندوا. يسئلك. اخبار الحج ايه. وايه اخبار الحجة .... ده وانا ماشي من عندوا كان البياع منهم يمسك في ايدي ويقولي امانه عليك يا شيخ. السلام امانه متنساش. تسلملي على الحج. وتخليه يدعيلي ده بركيتنااااا ... طب بلاش كده

وانا صغيرررررر كنت اروح اي محل اي محل. وكنت اشتري بكلمه مش بفلوس ... كنت اقول للبياع. بابا بيسلم عليك يا عمو وبيقولك اديني كزا كزا كزا .... ويقوم البياع بايسني ومديني بون بوناية ويقولي. من عنيااااا ويلفلي طلبي على النوته . فين الكلام ده دلووووقتي فين !!! فين ابتسامة ناس زمان !

كنت بتديهم ملاليم والله والابنسامه ما تفارقش وشهم النهرده داخل تدفعلهم ؤولوفات وملهمش نفس حتى يبصوا في وشك او حتى يكلموك كلمتين على بعض ... وان اتكلم تبص تلاقيه كرلك الكلام كده ورى بعض ورى بعض كانوا حافظ كلمتين بيسمعهم وميخلكش تفهم حاجة من الي بيقولوا ... وتحياتي

[saddam]

صديقي المواطن
والله كان نفسنا نعلق بس إنته موتت الكلام عاﻵخر وكممت أفواهنا ومنعتنا نشكر في الصين فحنظطر نقوللك الله المستعان وريح بالك بس أنا عارف إني في ناس مؤمنة بالتوكيلات بس متوصلش مرحلة أضرب مشوار ﻷي توكيل في مصر عشان بس أجيب فلتر زيت مهما كانت عبقريته
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال
ملحوظة حضرتك من اﻷعضاء اللي بحبهم في المنتدى لكن لغة الحوار داخل المنتدى ليس بالمستوى الخلقي العالي الذي تعودته منك يا مواطن يا صالح