تركيب زينون لتويوتا كورولا 2014

[magedtito]

حضرتك ركبت الزينون علي العالي و إلا الواطي؟ و هل التوكيل وصي بحاجة بهذا الخصوص.
و أيه رأيك في النور بتاعة بالليل.... هل فيه تشتت للضوء و بيضرب فوق و بيأذي اللي جاي قدامك و إلا فارش علي الأرض و ضارب تحت بس؟
معلش أخر سؤال.... بعد ما ركبت في التوكيل هل التوكيل عمل أي إختبار علشان يتأكد من توجيه نور الزينون علي الطريق بدون ما يكون ضارب لفوق؟

أنا بسأل كتير علشان ناوي عليه....حضرتك ركبت في أي فرع للتوكيل؟
شكراً....

انا ركبت في فرع التجمع و ركبت عالي وواطي و النور قوي الحمد لله مفيش اي تفصيلة امامك مش حتشوفها بالليل و مفيهوش تشتت و مغير شكل العربية جدا
لو استخدمت العالي ممكن يضايق اللي جاي قدامك بس هو ده المطلوب من استخدام العالي غير كده الواطي فارش الارض و مبينلك كل التفاصيل و مفيش اختبارات بعد التركيب طالما اتاكدت ان اللمبة ركبة و متوسطنة صح في الفانوس و بالتوفيق ان شاء الله في تركيبه مقدما و علي فكرة اللي خلاني اتوكل علي الله في تركيب زينون الكوبرا ان الريفيوز بتاعته بره و علي اليوتيوب ممتازة يعني صيني بجودة عالية و ان الاوسرام اللب ب2200 برضوه صيني

[my3fox]

انا ركبت في فرع التجمع و ركبت عالي وواطي و النور قوي الحمد لله مفيش اي تفصيلة امامك مش حتشوفها بالليل و مفيهوش تشتت و مغير شكل العربية جدا
لو استخدمت العالي ممكن يضايق اللي جاي قدامك بس هو ده المطلوب من استخدام العالي غير كده الواطي فارش الارض و مبينلك كل التفاصيل و مفيش اختبارات بعد التركيب طالما اتاكدت ان اللمبة ركبة و متوسطنة صح في الفانوس و بالتوفيق ان شاء الله في تركيبه مقدما و علي فكرة اللي خلاني اتوكل علي الله في تركيب زينون الكوبرا ان الريفيوز بتاعته بره و علي اليوتيوب ممتازة يعني صيني بجودة عالية و ان الاوسرام اللب ب2200 برضوه صيني

ألف مبروك و ربنا يبارك لك.....
التوكيل قالي إن اللي موجود ب 2200 أوسرام.... طب الكوبرا ده جابوه منين...
و مغير شكل العربية إزاي هو بيكون بعدسة و إلا مجرد بيغير اللمبة...
شكراً

[bassem.naguib]

لغاية دلوقتى نتبجة قرائاتى المسنمره فى صالح عدم تركيب الزينون و تركيب الاوسرام ديب بلو انتنس لان سطوعها نفس سطوع الانليمتد لكن بدرجة ٤٢٠٠ كلفن و ده الاقرب للزينون الاصلى و بدون تغيير اى شىء غير اللمبات

أنا برضه ميال للرأي ده .
سؤال مش هو الزينون ممنوع في المرور ؟ وبيتاخد عليه مخالفة أضواء مبهرة إذا لم تكون السيارة نازلة فابريكة بيه .

[Ahmed_Adham]

لغاية دلوقتى نتبجة قرائاتى المسنمره فى صالح عدم تركيب الزينون و تركيب الاوسرام ديب بلو انتنس لان سطوعها نفس سطوع الانليمتد لكن بدرجة ٤٢٠٠ كلفن و ده الاقرب للزينون الاصلى و بدون تغيير اى شىء غير اللمبات

Deep blue intense بتغير اللون بس تخليه أبيض لكن مش بتدي اضاءه زياده فقط 20% زياده وبكده تكون قريبه من الهالجين العادي في قوه الاضاءه ولكن بلون مختلف زي Diamond/Crystal فيجن من فيليبس.

Night breaker unlimited نورها 110% زياده عن الهالوجين العادي وبتدي 40 متر زياده في طول الاضاءه ودي طبعا أعلى قوه اضاءه في الهالوجين والمنافسه (والمتفوقه) لل Xtreme vision من فيليبس.

[Yousef.Kamel]

اهم حاجه بس نوع الزينون يكون نضيف ودي صور المديول الاصلي او Light control او Xenon ballast عشان ليه اسماء كتير وده احلي حاجة بيركب علي الفيشة علي طول من غير لعب وتعديل وكمان لو الفانوس مجهز بيبقي ليه تثبيت بمسامير من تحت

ودي من احلي اللمبات اللي ممكن تركب عليه ودي زي الفبريكة بتاعة ٢٠٠٨

بس السؤال هل الفانوس في ٢٠١٤ مجهز ولا لا؟؟؟

ا يوسف منين المديول اﻻصلى ده هو اللى كنا بنتكلم عليه فى المقابله الخميس denso

[S O P H O S]

أنا برضه ميال للرأي ده .
سؤال مش هو الزينون ممنوع في المرور ؟ وبيتاخد عليه مخالفة أضواء مبهرة إذا لم تكون السيارة نازلة فابريكة بيه .

والله يا باشا محدش حاليا بقي بيبص علي الموضوع ده
الا لو عند فقط
تحياتي ليك ..

[abofandy]

night breaker unlimited نورها 110% زياده عن الهالوجين العادي وبتدي 40 متر زياده في طول الاضاءه ودي طبعا أعلى قوه اضاءه في الهالوجين والمنافسه (والمتفوقه) لل xtreme vision من فيليبس.

طيب فين اللمبات دى لانها دورت عليها ومش لاقيها
اعتقد دى كان بيقولها انها تنزل فى شهر 3 فى المعرض
بس لحد دلوقتى انا مش عارف هى فين ونزلت ولا لا وسعرها كام
فلو تعرف معلومه عن الموضوع دة فلا تبخل بيها اخى الفاضل

[Ahmed_Adham]

طيب فين اللمبات دى لانها دورت عليها ومش لاقيها
اعتقد دى كان بيقولها انها تنزل فى شهر 3 فى المعرض
بس لحد دلوقتى انا مش عارف هى فين ونزلت ولا لا وسعرها كام
فلو تعرف معلومه عن الموضوع دة فلا تبخل بيها اخى الفاضل

هيه نزلت بره أول نوفمبر ولحد دلوقتي مش موجوده هنا تقريبا التوكيل عايز يخلص ستوك الموديل القديم الاول. بره سعرها 150-300 جنيه للطقم حسب نوع قاعده اللمبه.

H1 ب 150 جنيه بدون شحن وجمارك
h7 ب 195 بدون شحن وجمارك

للشحن والجمارك ضيف حوالي 50 جنيه للطقم تقريبا.

[abofandy]

التوكيل معندوش اصلا نايت بريكر بلاص
انا كنت محتاج طقم h11 لو تعرف مكان نزل فيه يبقى تمام اوى

[abofandy]

وقدرت اتوصل لصفحة التوكيل على الفيس بوك

https://www.facebook.com/pages/Osram-Automotive-Egypt/180151505357740

بس مفيش اى اخبار خالص على الصفحة
هحاول اتصل بيهم واشوف نزلت ولا لا

[abofandy]

تم التحدث للوكيل
وقال انها منزلتش لسة
وانا هتتوفر ف المعرض يوم الخميس القادم باذن الله
حد رايح يا جماعة يجيبلى معاه واحاسبة