..:: تقرير عن تركيب اسبويلر اصلى خطوه بخطوه لتويوتا كورولا 2014 ::..

[abofandy]

بسم الله الرحمن الرحيم

تحيه طيبه لكل مرتادى ومحبى قسم

((( تويوتــــــــا )))

وبصفة خاصة لكل مالكى ومحبى الوحش اليابانى

((( كورولا 2014 )))

كالعادة وبكل سعاده كما عودناكم دائما على المفاجئات الحصريه

والتقارير المستمره بامر الله للكورولا الجميله 2014

اليوم فى تقرير خاص عن تركيب الاسبويلر الاصلى للكورولا واستباقا عن موعده

المقرر عمل التقرير له يوم الجمعه بس طلب الكثير من الاعضاء .

طبعا الاسبويلر الى مستورده هو دكتورنا الغالى

(( د.أحمد خليفه ))

فله منا كل الشكر والتقدير والاحترام لشخصه الغالى على امتاعنا

بكل ما هو جديد وومميز

((( نبدا الحكايه على بركه الله )))

الحكايه اليوم طويله وانا مش عايز اتكلم كتير انا هسيبكم مع الصور وبعدين نتكلم ونتاقش سويا فى كل صغيرة وكبيره

الصورة تانى بترتيب استلام الشحن وهى فى الكرتونه الى ظهر الكورولا الجميله

لحد كدة يا جماعة الصورة ماشية زى الفل

والى الصورة بالترتيب المنطقى من اول لما فتحتنا الشحنه وشوفنا الاسبويلر جاى مدهون بنفس لون العربية وجودة اللون ماشاء الله جميله

الاسبويلر يتم تثيبت بطريقتين : الاولى زى ما انتوا شوفتوا بلازق 3M وكمان 4 مسامير يعنى 4 اخرام فى الشنطه وكمان خرم زيادة علشان نعدى منه سلك الكهربا الى هيجى من لمبه الاستوب الى موجود فى الزجاج الخلفى .

((( نكمل الحكايه بس الصورة الى جايه ليست لضعاف القلوب )))

معلش هنا لازم اقف لان انا كمحمد قلبى اتوجع بجد من الصورة الى فاتت دى

انا مش عارف الراجل الى شغال بسمبك ليه اية الحكمه يعنى

لو شنيور كان هيبقى شكل الفتحه احلى بكتير من البهدله دى

ولازم فى الوضع دة يحط جلب او وردة جلد او سيلكون علشان الميه والتسريب والبارومه

((( نكمل الحكايه )))

السلك دة السلك الى ماشى من لمبه الاستوب الى فى الاسبويلر وماشى مع ضغيره الكهربه بدون اى قطع للمبه الاستوب الموجودة فى الزجاج الخلفى لتاخذ منها كهربا .

وفى النهاية بعد عناء التركيب نيجى بقى لاخر صورتين معانا فى التقرير وهو شكل الاسبويلر على الشنطه

الاولى :

الثانيه

ولمبه الاستوب شغاله مع الفرامل مع لمبه الاستوب فى الزجاج الخلفى

الثالثه

تابته ولازم بعد العناء دة كله نمسح على راس الكورولا الجميله ونروقها كدة

((( الاسعار والتكاليف )))

- سعر الاسبويلر مدهون بلون السياره

السعر : 185 دولار

مصاريف الشحن : 45 دولار

الجمارك : 102 جنيه مصر

انتهى التقرير وانتهت معه الحكايه

دمتم فى حفظ الله وتحت امركم فى اى استفسارات

[omaranes77]

ﻷ كدة اوفر كدة اوفر
الوو احجزلي السفيننة كلها
بس جالو قلب انا مش مصدق وهل واجة مشكلة مع الضمان او حاجة
استفسار صغير
هو حضرتك لية مخبي النمر في كام صورة
مع ان الصور كلها النمر باينة
واية الفكرة في تخبية النمر بغض النظر عن الموضوع دة استفسار

[MAHMOUD MOHAMD]

تحفه بسم الله ما شاء الله ربنا يباركلك فيها


بس جالك قلب يا راجل انك تخرم فيها كده بس بصراحه الاسبويلر اصلى ويستاهل

[abofandy]

ﻷ كدة اوفر كدة اوفر
الوو احجزلي السفيننة كلها
بس جالو قلب انا مش مصدق وهل واجة مشكلة مع الضمان او حاجة
استفسار صغير
هو حضرتك لية مخبي النمر في كام صورة
مع ان الصور كلها النمر باينة
واية الفكرة في تخبية النمر بغض النظر عن الموضوع دة استفسار

السفينه كلها هتبقى غالية عليك دى ههههه
والله عدت منى سهوا الصور الى اتوجد فيها النمر دى لانى يدوب لسة راجل من شوية من العيادة
ومش شايف وفية ناس كلمتنى عن تقرير الاسبويلر فعملت على السريع
بخصوص استفسارك دى كانت تفرق مع النمر العادية مش زى بتاعه مصر لان دى صعب تتعمل
لكن النمر العادية ممكن تتعمل ويعمل بيها مصيبه ولا حاجة وبعدين انت تلبسها اتمنى اكون قدرت اوصلك وجه نظرى

التوكيل مفيش فية مشاكل اصل انا ملعبتش فى ضفيرة كهربا او قطعت سلوك ولا حاجة دى خرم فى الصاج
يعنى لو العربية اتخبطت منك لقدر الله فى الصاج التوكيل هيبقولك لا معلش هنطلعك بره الضمان علشان انت وحش خبطت العربية هههه اكيد لا طبعا فبدال مفيش عيب فى الكهربا ولا قطع ضفيرة ولا حاجة متقلقش

[abofandy]

تحفه بسم الله ما شاء الله ربنا يباركلك فيها


بس جالك قلب يا راجل انك تخرم فيها كده بس بصراحه الاسبويلر اصلى ويستاهل

اماال تركبه ازاى يا صديقى
لو باللزق بس مش هيبقى ثابت

والى بينزل فى العربيات الفبريكه يبقى بردة مخروم ليه فى الشنطة بس طبعا بيكون معمول حساب الاخرام قبل ما العربية تترش وتكون معالجه بايونات وشحنات وطبقه علشان تبقى ضد الصدا وكدة

[eng.salama93]

الخرم وحش اوووي و شكله مش نضيف تماما .. كان يستحسن يتعمل بشنيور

[mostafa magdy]

والله أعلق و أصفق :d #الشويلي_ستايل
ربنا يبارك لك يا كبير .. و بسم الله ما شاء الله

أديني بس الموقع اللي بتجيب منه و هل فيه حاجات رينو اصلا ولا أيه .. و شكرا جزيلا

[mashaly]

حرام عليك ياعم التخريم دا كنت ركبته في التوكيل
هو شكله ماشاء الله حلو بس مش عارف جالك قلب ازاي كل مااجيب عربيه واقول اركبه بستحرم التخريم
معايا واحد كنت جايبه للنوبيرا ومركبتوش ومحتفظ بيه
ربنا يديك خيرها ويكفيك شرها

[Ahmed Khalifa]

كل الشكر و الامتنان للاخ الفاضل الدكتور محمد ابو فندى على المجهود الرائع فى صياغة الموضوه و المجهود المضنى ايضا فى رفع الصور فله منى كل التحيه و الاحترام و اشهد الله انى احبك فى الله

فيه بعض النقاظ احب اوضحها
التخريم بالسنبك كان لان ظهر الشنطه فيه عظم فمحبيتش اجازف انه يتخرم
بالنسبه للميه و البرمه فتم عزل الاخرام بسيليكون لمنع التسريب اما من الداخل فاجهتنا مشكله وهى ضيق المساحه اللازمه لربط المسامير فقمنا بتوسيع مكان للربط ايضا

المسمار اللى فى الصوره ده مسمار عشره بصاموله وورده تم قص الراس عند الخراط و تم تركيبه فى الاسبويلر لان السبويلر بييجى بمكان للربط و ليس رأس مسمار و ده سهل العمليه حدا و سهل احكام الربط ففى النهايه النتيجه ان السبويلر هو الشطنه حته واحده

مقاس السبويلر بالضبط على حدود الشنطه و لانه من مادة abs فهو خفيف يعنى الشنطه بتقفل و تفتح عادى مفيش تقل

انا فضلت انى اخذ كهربا من نور الستوب للفانوس الخارجى لان الخول للمبة الستوب الى فى الزجاج اصعب و فعلا الموضوع كان سهل جدا عند الكهربائى و اخد عشرين جنيه فقط و قفل الكلبسات كلها زى ما كانت بالضبط

[abofandy]

الخرم وحش اوووي و شكله مش نضيف تماما .. كان يستحسن يتعمل بشنيور

والله يا صديقى انا قولت الكلام دة فى الموضوع من فوق
بس يله نصيبه جه كدة بس يله بدال الدنيا قفلت كويس ومفيش تسريب ميه علشان البارومه وكدة يبقى تمام ان شاء االله وانا نصحت اى حد لو عمل يبقى يعمله بشنيور وكمان معمول قبل كدة بشنيور كان الشكل الطف واجمل من كدة علشان حتى لو اتخلع لاى سبب من الاسباب ميخليش المنظر مش حلو

اشكرك على المرور والرد الكريم

[abofandy]

والله أعلق و أصفق :d #الشويلي_ستايل
ربنا يبارك لك يا كبير .. و بسم الله ما شاء الله

أديني بس الموقع اللي بتجيب منه و هل فيه حاجات رينو اصلا ولا أيه .. و شكرا جزيلا

ههههههههههههه
لالا كورولا وبس مفيش رينو هههههههه
حبيبى انت يا صاصا لانك من الناس المحترمه ادبا وخلقا

دة مش موقع يا حبى دة المصنع الى بيورد لتويوتا فى تايون الخاصة بالنسخة الخليجيه قدرنا نعمل معاه لينك ونجيب الحاجة بس الحاجة زى ما انت شايف غاليه اوى بس علشان جودتها ولتويوتا بقى

وانت ممكن تشوف الرينو بنفس الطريقة تشوف المصنع الى بيورد ليه وتعمل معاك لينك او تبعت له ميل لو مش متوفره الاكسسورات دى وهتبقى اصلية ومية فل واربعتاشر

[abofandy]

حرام عليك ياعم التخريم دا كنت ركبته في التوكيل
هو شكله ماشاء الله حلو بس مش عارف جالك قلب ازاي كل مااجيب عربيه واقول اركبه بستحرم التخريم
معايا واحد كنت جايبه للنوبيرا ومركبتوش ومحتفظ بيه
ربنا يديك خيرها ويكفيك شرها

توكيل اية بس يا صديقى
التوكيل مبيرضاش يركب اى حاجة جاية من بره التوكيل

ياراجل دة انا قولتلهم هجيب لمبات من شركه اوسرام واهى شركه عالميه وهما التوكيل بيتعاملوا معاها وانت تركبوها ليا وانا ادفع تمن التركيب قالولى لا مفيش حاجة بنركبها من بره التوكيل .. واهى دى لمبات عادية انت ممكن تمد ايدك وتركبها وقالوا لا

انا اجى اقولهم انا جايب اسبويلر الى هو اصلا مش بينزل فى العربيات بتاعتكوا فى اى فئة حتى فى الهاى لاين وتعالوا ركبوه ليا .. اكيد الاجابة لا طبعا

يله خير يا صديقى كله محصل بعضه

[abofandy]

كل الشكر و الامتنان للاخ الفاضل الدكتور محمد ابو فندى على المجهود الرائع فى صياغة الموضوه و المجهود المضنى ايضا فى رفع الصور فله منى كل التحيه و الاحترام و اشهد الله انى احبك فى الله

الشكر ليك انت يا دكتورنا العزيز .. طبعا الفضل لله اولا ثم لحضرتك لانك بتمتعنا بكل جديد ومميز
ودايما بنشوف معاك الحاجات الجميلة والجديدة .. وربنا يديم عليك وافر الصحه والسعادة وربنا يديم المحبه والمعروف بينا يارب

والف مليون مبروك عليك العربية وعلى الاكسسورات الجميله
بجد شكل العربية بقى اخر وطنيه على رايك
بجد ربنا يبارك ليك فيها ويحفظهالك من شر العين لان العين هتبقى عليها كتير بقى بعد الدلع الى انت مدلعهوله دة لان عربيتنا كدة هتغيير وهتاخد على خاطرها لما تشوف دلع عربيتك دة

[hossam_elwani]

تقرير ولا اروع منه

الاسويلر اضاف للعربيه بجد وشكله حلو حتى فى الموديل القديم بيفرق مع العربيه لكن واه من لكن انا تقطعنى ومخرمش فى العربيه خرم حتى لو كان فى سبيل تحسين المظهر دى رؤيتى ويمكن اكون مكلكع او مزودها بس ده احساسى ومقدرش اخير يا لزق يا بلاش

تحياتى ومشكورين على المجهود متابعكم

[eng.salama93]

كل الشكر و الامتنان للاخ الفاضل الدكتور محمد ابو فندى على المجهود الرائع فى صياغة الموضوه و المجهود المضنى ايضا فى رفع الصور فله منى كل التحيه و الاحترام و اشهد الله انى احبك فى الله

فيه بعض النقاظ احب اوضحها
التخريم بالسنبك كان لان ظهر الشنطه فيه عظم فمحبيتش اجازف انه يتخرم
بالنسبه للميه و البرمه فتم عزل الاخرام بسيليكون لمنع التسريب اما من الداخل فاجهتنا مشكله وهى ضيق المساحه اللازمه لربط المسامير فقمنا بتوسيع مكان للربط ايضا

المسمار اللى فى الصوره ده مسمار عشره بصاموله وورده تم قص الراس عند الخراط و تم تركيبه فى الاسبويلر لان السبويلر بييجى بمكان للربط و ليس رأس مسمار و ده سهل العمليه حدا و سهل احكام الربط ففى النهايه النتيجه ان السبويلر هو الشطنه حته واحده

مقاس السبويلر بالضبط على حدود الشنطه و لانه من مادة abs فهو خفيف يعنى الشنطه بتقفل و تفتح عادى مفيش تقل

انا فضلت انى اخذ كهربا من نور الستوب للفانوس الخارجى لان الخول للمبة الستوب الى فى الزجاج اصعب و فعلا الموضوع كان سهل جدا عند الكهربائى و اخد عشرين جنيه فقط و قفل الكلبسات كلها زى ما كانت بالضبط

حتي لو العضم اتخرم مفيهاش حاجة بالعكس دا ممكن يكون ليه فايدة كمان
يلا النصيب بقي