..:: تقرير عن تركيب اسبويلر اصلى خطوه بخطوه لتويوتا كورولا 2014 ::..

[abofandy]

جميله جدا ما شاء الله
بس فعلا التخريم وحش جدا خصوصا الفتحه اللى اتعملت علشان السلك كان المفروض يبعدها عن حرف الشنطه

هو فعلا شكله وحش لانه وسع شويتين تلاته وكمان مش بشنيور بسنبك فدة الى خلى الدنيا تبوهق كدة
بالنسبة للخرم للسك هو جابه جنبك حافة الشنطه لانه مكنش عايز يمشى السلك على الشنطة علشان ميعملش اى فراغ او يبقى الاسبويلر ضاغك على السلك يعمل مشاكل فى الحر او السخونيه بعد كدة فحب ينزله مباشر من الاسبويلر للخرم على طول ..

[Ahmed Khalifa]

الشكر ليك انت يا دكتورنا العزيز .. طبعا الفضل لله اولا ثم لحضرتك لانك بتمتعنا بكل جديد ومميز
ودايما بنشوف معاك الحاجات الجميلة والجديدة .. وربنا يديم عليك وافر الصحه والسعادة وربنا يديم المحبه والمعروف بينا يارب

والف مليون مبروك عليك العربية وعلى الاكسسورات الجميله
بجد شكل العربية بقى اخر وطنيه على رايك
بجد ربنا يبارك ليك فيها ويحفظهالك من شر العين لان العين هتبقى عليها كتير بقى بعد الدلع الى انت مدلعهوله دة لان عربيتنا كدة هتغيير وهتاخد على خاطرها لما تشوف دلع عربيتك دة

طيب تخيل انا كان عندى نقره صغيره فى الزجاج الامامى رحت اول امبارح لد خالد بتاع اصلاح شروخ الزجاج عملتها وتمام بارفع الغطا بتاع العربيه امبارح لقيت الزجاج الامامى مشروخ بالعرض مش هاغيره دلوقتى طبعا بس العين فعلا تفلق الحجر مش الزجاج بس ياللا قدر الله وما شاء فعل

[abofandy]

الحمد لله انها جت ع قد كدة
العين وحشه ابقى شغل قران فى العربية واذكار وكدة
وربنا يكفيك شرها وشر العين يارب

[shiko85]

طيب تخيل انا كان عندى نقره صغيره فى الزجاج الامامى رحت اول امبارح لد خالد بتاع اصلاح شروخ الزجاج عملتها وتمام بارفع الغطا بتاع العربيه امبارح لقيت الزجاج الامامى مشروخ بالعرض مش هاغيره دلوقتى طبعا بس العين فعلا تفلق الحجر مش الزجاج بس ياللا قدر الله وما شاء فعل

قدر الله وما شاء فعل
بس خلى بالك الشرخ هيزيد مع الوقت من ضغط الهواء على الزجاج و ممكن يتكسر اثناء القياده و يسبب مشاكل لحضرتك و اللى راكب جنبك دا طبعا غير المخالفه
نصيحه غير الزجاج و ربنا يخلف عليك و يعوضك عن اللى هتدفعه بس مهما كان اللى هتدفعه مش هيساوى ابدا سلامتك و سلامتك من معك

[amirz]

انت جالك قلب ازاى تعمل كده والاخرام بتبقى بشنيور بنطة رفيعة مش بأجنة وشاكوش

[eng.salama93]

اية الفايده لو العظم اتخرم ..؟

هي مش مسألة فايدة اوي زي ما حضرتك متخيل بس دي حاجة بتمنع تركيز الإجهادات .. بتتراعي ف تصميم بعض الأشياء
بس اكيد طالما المهندس اللي صممها مخرمهاش تبقي مش محتاجة تخريم او مش واقع عليها اجهادات اكبر من قدره تحملها
هو موضوع معقد جدا و شرحة طويل اوي و صعب عليا شرحة
بس ممكن تاخد الصورة دي كامثال للموضوع دا

[mzowail]

الف مبروك العربيه شكلها اكثر من رائع, و شكرا علي مشاركتم لنا في كل ما هو جديد بالنسبه للكورولا مجهود رائع فعلا. فعلا انتو من اهم الاسباب في اختياري و ان انا اشتري العربيه ديه.
انا كنت راكب رينو ميجان هاي هاي لاين :) و كنت رايح للفلوانس لحد لمل دخلت علي قسم تيوتا في نايل موتورز.
لحد دلوقتي انا بستمتع بكل لحظه و انا سايق الكورولا (شكل - اوبشنز - موتور - نعومه - كاسيت رهيب - عائليه من الدرجه الاولي)

[Mohamed.Hany]

الف مبروك العربيه شكلها اكثر من رائع, و شكرا علي مشاركتم لنا في كل ما هو جديد بالنسبه للكورولا مجهود رائع فعلا. فعلا انتو من اهم الاسباب في اختياري و ان انا اشتري العربيه ديه.
انا كنت راكب رينو ميجان هاي هاي لاين :) و كنت رايح للفلوانس لحد لمل دخلت علي قسم تيوتا في نايل موتورز.
لحد دلوقتي انا بستمتع بكل لحظه و انا سايق الكورولا (شكل - اوبشنز - موتور - نعومه - كاسيت رهيب - عائليه من الدرجه الاولي)

وانا سعيد جدا ان حضرتك مبسوط بأختيارك.
بما ان حضرتك ميجاناوي قديم كنت متوقعك هتميل للفلوانس.
ياريت حضرتك تقولنا فضلت الكورولا ليه عن الفلوانس و احساسك ايه بعد من اوروبي لياباني

[mzowail]

انا بطبعي محسوك اوي مع عربياتي (يمكن زيكو بالظبط). الميجان عربيه هايلة جدا بس مش مريحه زي الكورولا بالذات في الزحمه. في مصر هنا انت عايز عربيه مشاكلها قليله (اعتماديه) يعني دور و امشي من غير متفاكر ولا تاخد بالك من كل حاجه و انت سايق. و انا عرفت قيمة و معني الاعتماديه بعد ما سوقت الياريس :)
الكورولا 2014 عربيه شامله في الشكل الهجومي، الخامات المستخدمه في الداخل و التابلوه ده غير الاوبشينز و الدلع الي انتو عارفينو
انا موضوع الاوروبي و الياباني مش بيفرق معايا كتير. المهم انت عايز ايه.
اكاد اجزم ان دي احسن كؤرولا من ساعت ما مستر تويوتا قرر يعملها.

[Mohamed Elnagar]

ماشاء الله شكل الاسبويلر تحفه فنيه مبروك علي كورولتك الجميله ربنا يحفظها لك..

[Yousef.Kamel]

طيب تخيل انا كان عندى نقره صغيره فى الزجاج الامامى رحت اول امبارح لد خالد بتاع اصلاح شروخ الزجاج عملتها وتمام بارفع الغطا بتاع العربيه امبارح لقيت الزجاج الامامى مشروخ بالعرض مش هاغيره دلوقتى طبعا بس العين فعلا تفلق الحجر مش الزجاج بس ياللا قدر الله وما شاء فعل

قدر الله وماشاء فعل الحمد لله على كده

[aboomar77]

مبروك عليك شكله جامد جدا

[mamado56]

الف مبروك العربيه شكلها اكثر من رائع, و شكرا علي مشاركتم لنا في كل ما هو جديد بالنسبه للكورولا مجهود رائع فعلا. فعلا انتو من اهم الاسباب في اختياري و ان انا اشتري العربيه ديه.
انا كنت راكب رينو ميجان هاي هاي لاين :) و كنت رايح للفلوانس لحد لمل دخلت علي قسم تيوتا في نايل موتورز.
لحد دلوقتي انا بستمتع بكل لحظه و انا سايق الكورولا (شكل - اوبشنز - موتور - نعومه - كاسيت رهيب - عائليه من الدرجه الاولي)

بانسبة للكاسيت ..ال sound settings مظبتها على ايه bass,treble و كده ؟؟ و احسن جودة صوت لمل بتكون مشغل cd ولا usb ولا aux ؟؟

[heeshooheeshoo]

دكتور تويوتا المحترم أبوفندى ..
أنا أول ماشفت عنوان موضوعك فى المواضيع الجديدة إعتقدت لأول وهله أنه فاتنى صلاة الجمعة النهاردة ههههههههه
الحق عليك .. عودتنا على مواضيعك الجميلة كل يوم جمعة
بس موضوعك النهاردة محتاج كرتونة "ماونتن ديو" علشان الواحد يقوى قلبه
بس معايا ولا خط الإنتاج كله يخلينى أعمل كده
ولكن بغض النظر عن عملية التخريم .. ماشاء الله لاقوة إلا بالله .. النتيجة ولا أروع
ربنا يبارك لصاحب السيارة وميحرمناش من تقاريرك يوم الجمعة

وتقبل تحياتى ،،،

[وائل محمد نبيل]

اولا انا باعتذر عن النقد بس بصراحه الاسبويلير لو مش نازل من الفابريكة واحنا اللى بنخرم ليه كدة دة بيعمل بارومه بعد وقت فى العربيه بس عموما انت قلبك حديد والله متهايلى لو واحد مد ايديه على الشنطه بسنمبك كدة كنت علقته على الشجرة عموما الف مبروك وربنا يحفظهالك ان شاء الله