تفتكر الكورولا بتمسك سعر

[hany63]

الكلام ده بقالو سنيين و سنيين و مفيش حاجة حصلت ولا هتحصل في مصر. بالعكس الاوروبي ساااافر في الاسعار .
وحتي لو الكلام ده اتطبق و انا اشك فيه ، هتلاقي التوكيلات المصرية اتصرفت ، و احنا فيها ماهو بلد المنشأ للكورولا هو تركيا يعني في الجمارك اوروبي . ده كمثال.

هوا سافر في الاسعار بس مش بنسبة الياباني و الكوري
ولو تفتكر ياباشمهندس تحديدا من سنتين الكوري اول ما غير شكل سعره يعتبر زاد ٥٠ في الميه يعني العربيه ام ١٢٠ الف بقت ب ١٨٠ الف و ده للامانه منطقي برضه عشان سعر الصرف
تعال للالماني تحديدا العربيه اللي كانت ب ٢٣٠ الف سنة ٢٠٠٩ عند بداية تطبيق التخفيضات الجمركيه بتتباع النهارده ب ٢٤٠ الف يعني تقريبا بنفس تمنها و التخفيض اللي كان مفروض يكون ملموس راح و زياده عشان سعر الصرف
بالنسبه للكورولا مش عايز افتي بس حتة بلد المنشاء ملهاش دعوه بمكان التقفيل يعني بتتجمرك على انها ياباني و لو فرضنا بانها تركية المنشاء برضه تركيا مش داخله الاتفاقيه عشان ليست ضمن دول الاتحاد الاوربي

[Mohamed.Hany]

هوا سافر في الاسعار بس مش بنسبة الياباني و الكوري
ولو تفتكر ياباشمهندس تحديدا من سنتين الكوري اول ما غير شكل سعره يعتبر زاد ٥٠ في الميه يعني العربيه ام ١٢٠ الف بقت ب ١٨٠ الف و ده للامانه منطقي برضه عشان سعر الصرف
تعال للالماني تحديدا العربيه اللي كانت ب ٢٣٠ الف سنة ٢٠٠٩ عند بداية تطبيق التخفيضات الجمركيه بتتباع النهارده ب ٢٤٠ الف يعني تقريبا بنفس تمنها و التخفيض اللي كان مفروض يكون ملموس راح و زياده عشان سعر الصرف
بالنسبه للكورولا مش عايز افتي بس حتة بلد المنشاء ملهاش دعوه بمكان التقفيل يعني بتتجمرك على انها ياباني و لو فرضنا بانها تركية المنشاء برضه تركيا مش داخله الاتفاقيه عشان ليست ضمن دول الاتحاد الاوربي

ازاي يا استاذ هاني
انا في ٢٠٠٩ كنت بشوف الاسعار و فاكرها ، عندك مثلا الجولف و الجيتا كانو ب ١٨٠ و ١٧٥ شوفهم بكام دلوقتي ب ٢٢٥ الف.
يعني مفيش حاجة اتطبقت و معتقدش هتطبق ابدا في مصر

[hany63]

ازاي يا استاذ هاني
انا في ٢٠٠٩ كنت بشوف الاسعار و فاكرها ، عندك مثلا الجولف و الجيتا كانو ب ١٨٠ و ١٧٥ شوفهم بكام دلوقتي ب ٢٢٥ الف.
يعني مفيش حاجة اتطبقت و معتقدش هتطبق ابدا في مصر

الجيتا الهايلاين الشكل القديم كانت ب ٢٠٥ الف و الشكل الجديد ٢٠١٤ هايلاين عامله ٢٣٠ الف بس خلي بالك ياباشمهندس ان الموتور الجديد عشان التربو اغلى حوالي ٢٠ الف من القديم

[Mohamed.Hany]

الجيتا الهايلاين الشكل القديم كانت ب ٢٠٥ الف و الشكل الجديد ٢٠١٤ هايلاين عامله ٢٣٠ الف بس خلي بالك ياباشمهندس ان الموتور الجديد عشان التربو اغلى حوالي ٢٠ الف من القديم

انا متأكد من المعلومة دي زي ما متأكد من اسمي ، الجيتا سنة ٢٠١٠ كانت بالظبط ب ١٧٣ الف بيز لاين و انا كنت هشتريها لولا عرفت انها واطية و بتحك في المطبات و غيرت رأي و اشتريت كورولا ٢٠١١ ففاكر السعر قوي . و علي فكرة البيز لاين دلوقتي ب ٢٢٥ الف في الفرع اللي في شارع مراد.

[hossam_elwani]

مقارنه بمنافسيها من نفس الفئه العرييه ماسكه سعر وحتمسك سعر خصوصا امام تضخم العمله

[M R. Z E C O]

انا ممكن استشهد بالوكتافيا الهايلاين كمثال .. مختلفناش جمال العربية ( الكورولا ) بس معروف انها بنشمارك بالنسب للاسعار بس عشان القاعده تستمر لازم السعر يغلى ولو شطح زي الموديل ده هتخرج من ايد ناس كتير .. ممكن التوكيا يحلها بانو يدخل موديل التيس ويرخص العادية تاني .. فبتزع الكورولا 2014 متغرقش معاهم جامد على ما اظن بس لو محصلش يبقى السعر وقع وهيقل زي المنافسين .. انا عارف ان ده فكر غريب بس ده اول تحليل ليه بعد مشوفت الزياده العظيمة فسعر الكورولا

[Mustafa_Zain]

مبدئيا كل أسعار العربيات الموديلات الجديدة زادت بنسبة كبيرة (شوف أسعار الكيا مثلا وهي نزلت بالشكل الجديد قبل الكورولا بسنة).
وبالنسبة للزيادة اللي حصلت أول السنة فكانت متوقعة جدا لأن السعر السابق كان جس نبض للسوق.
في اعتقادي إن الزيادة الجاية مرهونة بسعر الصرف وبالتالي حتبقى على كل العربيات.
الأصل في التفكير دايما إنك تركب عربية مناسبة لاحتياجاتك وامكاناتك بغض النظر عن سعر إعادة البيع إلا لو كنت من هواة التغيير المستمر، يعني كل شوية حتدفع فلوس، يعني مرتاح من الآخر ومش همك الفلوس.
حكاية إن السعر حيقلل الشريحة اللي بتشتري العربية فأنا أختلف معاك، بدليل إن بيع العربيات الزيرو في ازدياد على الرغم من الأزمات اللي احنا عايشنها في البلد وبالرغم من زيادة الأسعار.
آخر حاجة، تخيل عربية كورولا 2014 فضي أول فئة ماشية 16ألف ومطلوب فيها 170

[M R. Z E C O]

الهيترتب عليه كل الكلام هو الموديل للجديد يا اما هوه هيقع والفات ينجح يا هو ينجح والفات يقع .. اتوقع دخول الالتيس بقوة

[abofandy]

الهيترتب عليه كل الكلام هو الموديل للجديد يا اما هوه هيقع والفات ينجح يا هو ينجح والفات يقع .. اتوقع دخول الالتيس بقوة

اختلف معاك اخى الكريم فى عدة نقاط تعال نحللهم سوا كدة :

* مبدئيا مفيش حاجة اسمها التيس ممكن تنزل مصر والدليل السنين الى فاتت كلها كانت العربية كورولا بنسخ متعددة منها الالتيس و مكنتش بتنزل مصر لان دة فيرشن بينزل لبعض الدول زى الفلبيين و الهند وغيرها فمشنهاش فى مصر وبتبقى زايدة شوية دلع مخلين شكل العربية ينطق وبيبقى تحفه بصراحة على العربية

* اللعربية فى الهند تقريبا فية معرض اليوم وغدا وهتنزل فية النسخة الالتيس وعاملين اعلانات عليها ومنزل العربية بالوان جديدة منزلتش مصر وانا شوفت اللون السماوى ودى عربية العرض الى فى المعرض عندهم والصور على الفيس بوك ولون جديد كمان فاتح شوفته فى الاسبورتاج

* النقطة التانيه عند تويوتا ايجيب بتتبع مبدا شوق ولا تدوق
وهو اية زى ما الاخوة الافاضل اتكلموا هو ان نزلت العربيه فى شهر 7 العام الماضى وعملت ليه اسعار تشوق الناس ومنهم ناس داقت واشترت العربية بالفعل ... لقت الدنيا ماشية وفية حجوزات كانت الاول شهر بدا الحجوزات توصل ل 4 اشهر ... قامت جاية على اول السنه وقامت رافعة السعر واستنى رد فعل الناس ... الناس اشترت والدنيا ماشيه ... الزيادة الجاية ممكن تكون علشان العمله والناس متوقعة زيادة مش كبيره يعنى ممكن الف او 3 الاف على كل فئة

* النقطة التالته
تويوتا ايجيب من الشركات الى بحترم فكرها وبردة نرجع للمبدا بتاع شوق ولا تدوق
انها نزلت سنه 2014 تويوتا كورولا هاى لاين بدون فتحه سقف
اية المشكله فى سنه 2015 اعمل اوردر بزيادة فتحه سقف فى الهاى لاين وساعتها خلى سعرها مثل 220 الف جنيه (( الناس هتشترى لان هيبقى فية قرق عن السنين الى فاتت ))
ودى بيغلى مبدا عن حضرتك وهو ان العربيات القديمه تموت ... لا طبعا مفيش حاجة بتموت بس كله بسعره


* تيجى على فئة الفول اوبشن الى هى دلوقتى 189 تقوم مثلا منزله الفاونيس فيها عدسات زى نسخة الالتيس ومتبقاش فوانيس عادية زى الى معانا دلوقتى يبقى كدة عملت تعديل وتزود على حسه سعر العربية وبردة كدة القديمه مش ماتت والجديدة موجود بسعرها بزيادتها

يعنى الخلاصه من النهاية

- اخدت اوبشن زودته كحجة تزود بيها السعر
- الكورورلا محتفظة باسمها ومنزلتش الالتيس يدوب اخدت منها بعض التعديلات
( زى طبق الكشرى لو اخدت منه معلق الطيق مش هيتاثر اوى يعنى )
- ادت فرصة للى راغب يشترى عربية موديل السنه انها هتفرق عن القديمه والا الكل هيجرى ورا القديم والتوكيل يقفل بقى
- وعلى حس الكلام دة واحد زى معاه القديمه ننزله شوية قطع غيار واكسسورات من النسخ الجديدة يشتريها ويعمل رواج ليا زى مثلا (((( فوانيس بعدسات --- فوانيس شبورة بعدسه --- اسبويلر اصلى --- بودى كيت )))



اتمنى تكون قدرت اوصلك وجهه نظرى

[M R. Z E C O]

تمام وشكرا على اهتمامك

يريت ال a7 هايلاين مشين عالنظام ده

[monamize4]

لو الكورولا ما مسكتش سعر ,, امال ايه اللى هيمسك سعر ؟!!!!!!!!!!!!!!!!!!!!!!!!!!

الكورولا دايما ماسكه سعر سواء كانت المسطرة او العيون او الجمل او الشكل قبل الاخير (ماعدا موديلات ال mmt)
و سهل نتوقع ان الموديل الجديد هيمسك سعر هو كمان خصوصا ان محدش اشتكى منه لحد الان

[amgomaa]

الكورولا افضل قيمة اعادة بيع فى العالم كله بس حوار انك تكسب فيها اعتقد ده يحصل لو سعر الدولار زاد لكن اكيد لو العربيه اتوفرت و معدش فيه اوفر برايس و سعر الصرف بقى ثابت لما تيجى تبيع أكيد هيبقى اقل من تمنها زيرو بس بنسبة اعتقد الافضل فى فئتها

Sent from my GT-S5282 using Forum Runner