..:: مناقشة واقتراحات حول سرقة اللوجو الخاص بسيارات تويوتا ::..

[abomazenelgen]

حلجه تحرق الدم طبعاً يا دكتور
فيه برضه لصق انبوبتين ايبوكسي شفافة اللون الانبوبتين متلاصقتين واستخدامهم زي استخدام السرنجة
متواجدين انواع وباسعار مختلفه بتبدأمن ٢٠ جم بهايبر وكارفور وبرضه النتيجه رائعة لصق قوي للغاية

[abofandy]

فعلا والله ياابو مازن حاجة تخنق بجد
وانا فعلا اشتريت اللوجو من التوكيل
بس بيدخل ضغط 3 كلبسات فية 3 هوس ف قلب الشبكة
فهحاول اشوف لازق كويس بس بشرط مبيحصلش ان اللزق يسيل ويبوظ المنظر العام

[bayoumisoft]

فعلا والله ياابو مازن حاجة تخنق بجد
وانا فعلا اشتريت اللوجو من التوكيل
بس بيدخل ضغط 3 كلبسات فية 3 هوس ف قلب الشبكة
فهحاول اشوف لازق كويس بس بشرط مبيحصلش ان اللزق يسيل ويبوظ المنظر العام

ياريت لما تلزق اللوجو الجديد تنقلنا تجربتك , لانى ها ستلم الاسبوع الجاى ان شاء الله وسرقة اللوجو دى منتشرة جدا فى منطقتنا

[abofandy]

ان شاء الله بس احصل على اللزق المناسب واعملك تقرير محترم
بس مستنى لازق مخصوص للوجو من شركة 3m بس مش لاقية ف معظم المحلات
لو لقيتة هتلاقى التقرير المتين بامر المولى

[darkdefender]

انا جربت كل امواع اللزق للعلامة و عن تجربة ال uho الالماني احسن 10000 من الابوكسي و بهدلته اقل و موجود في كل حتة.

حطه الصبح فالشمس عشان ينشف بسرعة و بيمسك العلامة زي الحديد...

و طبعا مابيفرقش لو الحرامي قرر انه يكسر الشبكة معاها ,,, ريح دماغك و ركب وحدة مضروبة وابقي غيرها فالمناسبات المهمة!

[abofandy]

انت حضرتك تقصد uhu دة انا سمعت عنه بس مسالتش عن حد جربه بصراحة
بالنسبة ان الحرامى ممكن لو لزق جامد ممكن يكسر الشبكه .. احنا بنامل انها يلاقى صعوبة فى خلعها فيتوكل على الله ويشوف ضحيه تانيه تكون سهله معاه خصوصا ان الموضوع مع الحرامى مش عايز ياخد معاه اى وقت لان العربية بتتقى فى الشارع وعايزة حاجة سريعة

النقطة التانيه : انا سالت كتير اوى على العلامه للتويوتا 2014 التقليد او الصينى او كدة ملقتش خالص لانها حجمها السنه دى مختلف عن اى سنه فاتت فعلشان كدة مفيش منها تقليد دى حاجة .... الحاجة التانيه التقليد دى بتبقى وحشه اوى ومع او غسلة بميه او حتى الشمس بتقشر على طول والنيكل الى فيها بيبقى قشره بتتشال عكس الاصلية النيكل بيبقى اكتر من طبقة ومعالج للميه والحراره وكدة

[darkdefender]

ايوا هو دا .. هتلقيه عند اي مكتبة محترمة بس هات اللي زي اللي فالصورة دة بيبقي في امبوبة (مش مشكلة انوا ميبقاش مكتوب عليه power( مش اللعامل زي قلم الروج..

انا معاك انوا وحش و بس انا جتلي فترة كنت مسوس كنت بفكوا و اشيلوا فالعربية لو هركنها في الشارع!!
بعد كدا شلته خالص و مركب واحد صيني معفن بغيروا لو رايح حته محترمة و خلاص..

[abofandy]

طبعا الى اقوى من uhu هو بتاع 3m ودة مخصص اصلا للزق اللوجو حتى مكتوب على العلبة زى ما حضرتك شايف ف الصورة بس للاسف انا تعبت اوى فى البحث عليه فى مصر ومش لاقية فى اى مكان

فهبحث كدة عن uhu لو لقيت هجربه واتمنى الاقى 3m هتفرق كتير اوى لو لقيته

[Mohamed.Hany]

الحل بسيط و سهل جدا

كل اللي عليك هتنزل تشتري من اي سوبر ماركت كبير او من اي واحد بتاع حدايد وبويات الاختراع ده :


ده اسمه ايبوكسي و هو عبارة عن ماديتين بيطلعو مع بعض من الشكل اللي شبه الحقنة بنفس المقدار .
كل اللي عليك انك هتخلط المادتين دول ببعض كويس جدا و بعدين تحطه في المكان اللي عاوز تلزق فيه و ابقي قابلني لو الجن الازرق عرف يفكها .

ملحوظة :

هتلاقي انواع كتيرة جدا مكتوب عليها Metal , Plastic , Universal يفضل تجيب البلاستيك او ال Universal ولو ملاقتش غير ال Metal هاتو متقلقش هيلزق كويس جدا و عن تجربة انا بستخدمه كتير جدا و مفعوله رهيب لدرجة اني لحمت بيه جزء من خزان بنزين لموتوسيكل و ماشاء الله مستحمل .
غالبا مش هتلاقي البلاستيك واليونيفرسال و هتلاقي ال Metal :



اهم شئ انك تسيبه ينشف براحته 12 ساعة .
مميزاته انه بيستحمل اوزان تقيلة وده معناه القوة والصلابة
وانه بيستحمل درجات حرارة عالية و مش بيفك .

المادة اسمها Epoxy او بيقولوها بالبلدي مادتين ,و النوع اسمة Bison

[abomazenelgen]

صباح الخير
عن تجربة انا استعملت الايبوكسي وكانت النتيجة رائعة
Plastic , Universal موجودين في هايبر وان انا اشتريته من هناك

[abofandy]

ان شاء هدور علية او اسئل علية واجيبة بامر الله

[darkdefender]

الايبوكي فعلا كويس و فعلا بيستحمل الحرارة....

عيبه انه بيبهدل جامد و لو حطيت زيادة هيسيل علي الاركان و تظيفه صعب اوي...

تاني عيب مافيش اي مادة بتشيله يعني في حالة ان لحرامي عرف يسرقه بردو بيسيب مكانه طبقة سميكة صعبة التظيف ,,, يعني مش هتسمح لاي لزق يلزق عليها فالازم تتقشر و تقشرها رخم جداا..

ال uho سهل التنظيف جدا و لحد اما ينشف بيتفرك بيطلع علي طول,,, عيبه الحرارة بتضعفه بس مش لدرجة انه يفك بردو....

[Mohamed.Hany]

الايبوكي فعلا كويس و فعلا بيستحمل الحرارة....

عيبه انه بيبهدل جامد و لو حطيت زيادة هيسيل علي الاركان و تظيفه صعب اوي...

تاني عيب مافيش اي مادة بتشيله يعني في حالة ان لحرامي عرف يسرقه بردو بيسيب مكانه طبقة سميكة صعبة التظيف ,,, يعني مش هتسمح لاي لزق يلزق عليها فالازم تتقشر و تقشرها رخم جداا..

ال uho سهل التنظيف جدا و لحد اما ينشف بيتفرك بيطلع علي طول,,, عيبه الحرارة بتضعفه بس مش لدرجة انه يفك بردو....

الايبوكسي بيقعد علي الاقل من ساعة الي ساعتين عشان يبدأ يمسك و ينشف ، في الفترة دي سهل جدا التنظيف بفوطة قماش هيتشال في ثانية .
و لو نشف ليه حل برضو بسيط بس بياخد وقت انك بمبرد ديل فار او صنفرة درجة واحد او صفر .

[abomazenelgen]

الايبوكسي بيقعد علي الاقل من ساعة الي ساعتين عشان يبدأ يمسك و ينشف ، في الفترة دي سهل جدا التنظيف بفوطة قماش هيتشال في ثانية .
و لو نشف ليه حل برضو بسيط بس بياخد وقت انك بمبرد ديل فار او صنفرة درجة واحد او صفر .

معلش علشان اذا حد حب يجرب الايبوكسي Plastic , Universal انا استعملته امبارح في لصق اللوجو .. الفتره اللي اخدها علشان ينشف كانت دقائق وكنت ايدي معاه اول باول بعد ما حطيت اللصق وركبت اللوجو بالفوطه والمفكات الرفيعه علشان انضف الفراغات قبل ما يمسك نفسه
غالبا metal هو اللي بياخد وقت طويل نسبيا عقبال ما ينشف
بس بأمانة النتيجة حديد .. اللوجو والشبكة أصبحوا قطعة واحدة .. واللي ناوي على الشر معندوش غير انه يطلع بالشبكة

[my3fox]

الله ينور يا رجالة. ....
السؤال..... الواحد يطلع اللوجو إزاي علشان يلزقة باﻹيبوكسي.....
و يحط اﻹيبوكسي مكان الكلبسات بس و إلا علي كل خلفية اللوجو....
يا ريت لو حبة صور أو فيديو صغنن.....
شكراً يا وحوش الكورولا

Sent from my GT-I9300 using Forum Runner