إعـــــــلان

Collapse

.

,
See more
See less

جميع الفروق بالصور و المقياس مبين الكورولا 2014 المعدلة و الغير معدلة و تجربة الثبات

Collapse
X
 
  • Filter
  • الوقت
  • Show
Clear All
new posts

  • جميع الفروق بالصور و المقياس مبين الكورولا 2014 المعدلة و الغير معدلة و تجربة الثبات

    بسم الله الرحمن الرحيم



    زملائي الاعزاء بنايل موتورز ,,,

    سعدت جدا بلقائكم امبارح في مقابلة القسم :
    http://www.nilemotors.net/Nile/419149-1-5-2014-a.html

    و كانت فرصة جميلة للتعارف و تبادل المعلومات و الخبرات في جميع مجالات الحياة , فقلنا بالمرة متيجي نعمل تيست درايف للكورولا 2014 المعدلة و نقارنها بالغير معدلة بما اني من ملاكها مع عربية البشمهندس محمود اللي معاه اللون الابيض ما شاء الله المعدلة . (كامل الشكر ليك يا محمود بيك)

    طبعا كعادة الدكتور ابوفندي بتقارير يوم الجمعة (ربنا ميقطع له عادة) قولت بما نه ناسينا بقالو كام جمعة و نسينا كمان في المقابلة و مجاش للمرة التانية علي التوالي قولت اهديله التقرير ده عشان هو حبيبي والله


    1. مبدئيا لو هنتكلم علي العفشة هل هي ناعمة و لا ناشفة ؟

    بالتجربة العملية العربية ناعمة جدا , زيها زي اللي مش متعدلة .
    احنا محسناش بفرق و المقصود بأحنا ( باسم نجيب, وائل , والعبد لله ) يعني نفس النعومية نفس احساس المطبات و نفس احساس الطريق الغير ممهد سلسة بدون دب او ترزيع.

    2. الثبات و التحكم في القيادية ؟

    بمنتهي الامانة الحيادية و بعد تجربة العربية علي سرعة 100 كم/س بنجيب الدركسيون يمين في شمال بقوة حسينا الهاندلينج مختلفش ولكن الثبات حسيناه قل سنة بسيطة جدا جدا مش عارف ده احساس عشان احنا عارفين انها اعلي ولا دي حقيقة بس هو شئ لا يذكر و مش هيلاحظه اي حد الا لما يجرب العربيتين وممكن كمان ميخدش باله.
    في رأي العربية احتفظت بثباتها اللي بنتحاكي عليه و اللي كان بيميزها و الحمد لله .

    3.اختبار فاعلية نظام الثبات الالكتروني ESP

    طبعا وائل باشا مرحمش العربية بتاعة محمود و صمم انه ياخدها لفة و يجرب ال ESP و يشوف فاعلية النظام بعد التعلية ,مش هقدر اقولكم هو عمل ايه (كنوع من التشويق عشان تبقو تيجو المقابلات) بس ممكن تسألو وائل او محمود. و كانت النتيجة مرضية جدا و الاختبار عدي بنجاح و فاعلية نظام الثبات الالكتروني لم يتأثر بالتعلية نهائيا .

    4.الشكل الخارجي للعربيتين من الامام و الخلف

    الجدال الرهييب , و عشان كدة قلت اصورلكم العربيتين و هما جنب بعض .
    محمود كالعادة و انا برجع بعربيتي عشان اقرب العربيتين من بعض كان حاطت ايده علي قلبة لاخبط فيه بس مش عارف ليه مش واثقين فيا لاهو ولا باسم نجيب لما كنا بنجرب الاوتو بارك مع رجالة قسم رينو المقابلة اللي فاتت وانا عندي باركينج سنسور و شوهو سمعتي قدام الناس

    الصورة دي من قدام ,
    ها ؟ تقدر تقولي انهي المعدلة وانهي الغير معدلة ؟؟
    انا لو مش قايل لكم ان اللون الابيض هو المعدل كنتم قولتو ان البرونزري هي المعدلة , مش كدة ؟



    طيب من الخلف , ايه الاخبار ؟
    اترك لكم التعليق , هل فرق ال 3 سم في الارتفاع من الخلف مخليكم واخدين بالكم منه الا لو ركزتو ؟
    طيب لو العربيتين مش واقفين جنب بعض بالشكل ده , والعربية ماشية في الشارع هتعرف تفرقهم ؟



    وعشان اوضحلكم الصورة اكتر , صورتلكم المسافة مبين الكاوتش و بداية الرفرف عشان نشوف الفروق قد ايه و نقارن :

    **من قدام :

    المعدلة 9 سم
    الغير معدلة 7.5 سم
    يعني فرق 1.5 سم بس !!!




    **من الخلف :

    المعدلة 10.5 سم
    الغير معدلة 7.5 سم
    يعني فرق 3 سم بس !!!





    هل فرق ال 1.5 سم من الامام و ال 3 سم من الخلف فرق كافي انك تشوف العربية و هي ماشية و محملة و تعرف تفرقهم , انا عن نفسي مش هعرف افرق الا لما يكونو جنب بعض و ركزت فيهم قوي واكيد تكون العربية راكنة مش ماشية .

    5. الخلوص الارض من اماكن متفرقة في العربية

    طبعا كلكم عارفين ان الكورولا بعكس بقية العربيات فيها عدد 8 دلايات بلاستيك موزعين في كل كاوتشة دلاية امامية و دلاية خلفية .

    نبدأ بالدلاية الخلفية للكاوتش الخلفي :

    خلوص المعدلة 21 سم
    خلوص الغير معدلة 17.5 سم
    يعني فرق 3.5 سم




    الدلاية الامامية للكاوتش الخلفي :

    خلوص المعدلة 16 سم
    خلوص الغير معدلة 13.5 م
    يعني فرق 2.5 سم




    الدلاية الخلفية للكاوتش الامامي :

    خلوص المعدلة 15 سم
    خلوص الغير معدلة 13 سم
    يعني فرق 2 سم




    الدلاية الامامية للكاوتش الامامي :

    خلوص المعدلة 15 سم
    خلوص الغير معدلة 13 سم
    يعني فرق 2 سم




    المسافة مبين العتب في منتصف العربية الي الارض :

    المعدلة ما شاء الله 23 سم , ومعرفتش اصورها لأن المقياس مكفاش
    الغير معدلة 19.5 سم
    يعني فرق 3.5 سم



    المسافة مبين الاكصدام الامامي و الارض :

    المعدلة 21 سم ما شاء الله
    الغير معدلة 17 سم



    في نهاية التقري اتمني اكون جمعتلكم كل التفاصيل اللي محتاجينها من العربية , وكل الشكر لمن ساهم في الاختبار العملي للعربيتين (باسم , وائل , محمود) و من ساهم في المقياس و التصوير (وائل) و من ساهم و ضحي بعربيته البشمهندس محمود .
    psycholain سابقا

  • #2
    تقرير ممتاز يامحمد بك
    وفيت وكفيت
    وانا متاكد ان فرق الثبات بسيط جدااااااا
    ولو هيبان مش هيبان تحت ال 100 نهائي
    وعشان يبان لازم يكون 120 او 140 فما فوق
    اللي انا بشكره فعلااااا هو توكيل تويوتا
    إنه إلتمس مشكلة وسعى في حلها
    بالرغم ان الحل مكلف جدااااااااااااااا
    لكن تبقى سمعة المنتج أهم مايميز توكيل تويوتا
    ان شاء الله نفرح لما عربياتكو كلها تتعدل بإذن الله
    تحياتي
    [OVERLINE][B]miceg =Khaled Fouly[/B][/OVERLINE]

    [mshosh4]http://imageshack.com/a/img812/1576/pujz.jpg[/mshosh4]

    Comment


    • #3
      مجهود جباااااااااااار لكل وحوش التويوتا
      بجد التقرير دة يدرس طبعا
      لان فية تعب ناس كتير اوى وهم

      1 - البش مهندس محمود : كل الشكر والتقدير له ان سمح بالتيست درايف وان وائل يسوقها بحكم ان من الناس الى معاه العربية الغير معدله
      2 - وائل باشا : الجندى المجهول دائما وراء كل شى جميل وعظيم بيحصل ودايما وراء الكواليس يتحفنا بكل جديد
      3 - المهندس محمد هانى : مقاتل المنتدى الى دايما مشهيصنا معاه سواء بفديوهات والتسارع او تحت العربية بالقياسات الدقيقة والصور التى لا تدع مجال للشك بعدها
      4 - باسم باشا نجيب : دايما مشكك فى قدرات محمد هانى وبيرعبه فى تشغيل الاوتو بارك . وربنا يباركلك فى الفرش شكله تحفه بصراحه


      رجاله تويوتا دائما مفيش عندهم مستحيل ودائما الفيدوهات والريفوهات والصور خير دليل بالبرهان على شغلكم ربنا يوفقك ومن جديد لجديد ومن تقدم لتقدم



      فية نقطة انا عايز اتكلم فيه وانا شخصيا اتبسطت منها فى التقرير وهى الخلوص الارض للاكصدام الامامى ودى كانت من اهم النقاط بالنسبة ليا فى الاهميه وبعدها الخلوص الخلفى من ناحية الشكمان وموخره السياره والكارتيره الخلفية
      ولكن
      ولكن
      سعدت جدا لما عرفت ان خلوص الاكصدام الامامى هو 21 سم ودة بيزيد عن الغير معدله الى هو 17 سم بحوالى 4 سم ودى مسافه كبيره اوى اوى ماشاء الله تقدر تحمى العربية من ريبوند العربية من المطب Rebound ودة نتيجة اخدت بسرعة او مطب اهالى فية انحدار جامد فزى تاثير السوست او الياي العربية بتطلع وتنزل وعلى حسب سرعه رد الفعل بيحصل ارتطام بالسطح السفلى للاكصدام والمطب بيودى الى منظر باااااايخ وهو تجاريح فى الاكصدم من تحت وبيبقى شكله وحش اوى بيبوظ المنظر العام وتقريبا مفيش عربية سلمت من الخدوش دى بسبب انخفاض الاكصدام الامامى وفرحت اوى لما عرفت ان زاد بارتفاع 4 سم ودة فى حد ذاته شى جميل ومبشر اوى اوى
      [SIGPIC]http://www.nilemotors.net/Nile/signaturepics/sigpic60964_2.gif[/SIGPIC]

      Comment


      • #4
        تقرير اكتر من ممتاز و ان شاء الله ناوى على الكورولا قريبا بعد الريو
        بس المشكلة انى ميال للارتفاع القديم قبل التعديل .. العربيه و هى مش محمله بعد التعديل شكلها مش عاطفى عامل زى ما تكون مركب صددات و رافع العربيه ...
        [sor2]http://s24.postimg.org/48vqezkw5/1405119604784.jpg[/sor2]
        [SIZE="4"][FONT="Trebuchet MS"][COLOR="Blue"]
        Eng/Mohab Elnahas
        Aviation Engineer[/COLOR][/FONT][/SIZE]

        Comment


        • #5
          تقرير اكتر من ممتاز و ان شاء الله ناوى على الكورولا قريبا بعد الريو
          بس المشكلة انى ميال للارتفاع القديم قبل التعديل .. العربيه و هى مش محمله بعد التعديل شكلها مش عاطفى عامل زى ما تكون مركب صددات و رافع العربيه ...
          كل العربيات الى بتنزل دلوقتى والى بتتسلم لكل العملاء متعدله من المصنع
          ومفيش اى عربيات بدون تعديل موجودة فى التوكيل
          والعربيات الى بدون تعديل موجودة مع العملاء الى استلموا قبل يناير 2014 وفية حصر ليهم هذة الايام وهيتم عمل التعديل ليهم ان شاء الله بحسب اولويه الاستلام فى العام الماضى
          فلو حضرتك ناوى عليها بدون التعديل فتلحق تشوف حد بيبع عربيته قبل ما يتم التعديل لان لو تم التعديل مش هيبقى فية عربيات مش متعدله فى مصر

          واختيار الكورولا اختيار موفق طبعا
          [SIGPIC]http://www.nilemotors.net/Nile/signaturepics/sigpic60964_2.gif[/SIGPIC]

          Comment


          • #6
            تسلم أيدك يا هندسة .. تقرير ميخرش المية .. ومجهود تشكر عليه .

            وفعلاً أحساسي لما سقت العربية على سرعة 80 تقريباً وجبت الدركسيون يمين وشمال .. زي ما بتقول أن المتعدلة أقل سنة بسيطة جداً تكاد لا تذكر ويمكن يكون الاحساس ده جالي علشان عارف أنها عليت .. ولكن تبقى الحقيقة دائماً واضحة وصريحة أن العربية اللي أقرب للأرض أكثر ثباتاً .


            ومش معنى كلامي أن العربية المعدلة مش ثابتة .. بالعكس ثباتها كويس جداً .. ولكن اللي مش متعدلة أثبت سنة بسيطة .

            انطباعي أن العربية المعدلة بتبان بالعين المجردة أنها أعلى من الخلف أكثر من الأمام بالمقارنة مع العربية الغير معدلة .

            سؤال هنا بقى .. هو أنا كنت فين وأنتم بتصورا الصور بتاعة القياس دي .. بتعملوا الحاجة من ورايا ولا أيه ؟!!!!!:b4_237:
            [B][FONT=Comic Sans MS][SIZE=5][COLOR=Green]

            [SIGPIC][/SIGPIC]


            Life's too Short for the Wrong Job[/COLOR][/SIZE][/FONT][/B]
            ziabassem سابقا

            Comment


            • #7
              تقرير ممتاز

              Comment


              • #8
                المشاركة الأصلية كتبت بواسطة miceg مشاهدة المشاركة
                تقرير ممتاز يامحمد بك
                وفيت وكفيت
                وانا متاكد ان فرق الثبات بسيط جدااااااا
                ولو هيبان مش هيبان تحت ال 100 نهائي
                وعشان يبان لازم يكون 120 او 140 فما فوق
                اللي انا بشكره فعلااااا هو توكيل تويوتا
                إنه إلتمس مشكلة وسعى في حلها
                بالرغم ان الحل مكلف جدااااااااااااااا
                لكن تبقى سمعة المنتج أهم مايميز توكيل تويوتا
                ان شاء الله نفرح لما عربياتكو كلها تتعدل بإذن الله
                تحياتي
                تسلم يا كبير
                المشاركة الأصلية كتبت بواسطة abofandy مشاهدة المشاركة
                مجهود جباااااااااااار لكل وحوش التويوتا
                بجد التقرير دة يدرس طبعا
                لان فية تعب ناس كتير اوى وهم

                1 - البش مهندس محمود : كل الشكر والتقدير له ان سمح بالتيست درايف وان وائل يسوقها بحكم ان من الناس الى معاه العربية الغير معدله
                2 - وائل باشا : الجندى المجهول دائما وراء كل شى جميل وعظيم بيحصل ودايما وراء الكواليس يتحفنا بكل جديد
                3 - المهندس محمد هانى : مقاتل المنتدى الى دايما مشهيصنا معاه سواء بفديوهات والتسارع او تحت العربية بالقياسات الدقيقة والصور التى لا تدع مجال للشك بعدها
                4 - باسم باشا نجيب : دايما مشكك فى قدرات محمد هانى وبيرعبه فى تشغيل الاوتو بارك . وربنا يباركلك فى الفرش شكله تحفه بصراحه


                رجاله تويوتا دائما مفيش عندهم مستحيل ودائما الفيدوهات والريفوهات والصور خير دليل بالبرهان على شغلكم ربنا يوفقك ومن جديد لجديد ومن تقدم لتقدم



                فية نقطة انا عايز اتكلم فيه وانا شخصيا اتبسطت منها فى التقرير وهى الخلوص الارض للاكصدام الامامى ودى كانت من اهم النقاط بالنسبة ليا فى الاهميه وبعدها الخلوص الخلفى من ناحية الشكمان وموخره السياره والكارتيره الخلفية
                ولكن
                ولكن
                سعدت جدا لما عرفت ان خلوص الاكصدام الامامى هو 21 سم ودة بيزيد عن الغير معدله الى هو 17 سم بحوالى 4 سم ودى مسافه كبيره اوى اوى ماشاء الله تقدر تحمى العربية من ريبوند العربية من المطب rebound ودة نتيجة اخدت بسرعة او مطب اهالى فية انحدار جامد فزى تاثير السوست او الياي العربية بتطلع وتنزل وعلى حسب سرعه رد الفعل بيحصل ارتطام بالسطح السفلى للاكصدام والمطب بيودى الى منظر باااااايخ وهو تجاريح فى الاكصدم من تحت وبيبقى شكله وحش اوى بيبوظ المنظر العام وتقريبا مفيش عربية سلمت من الخدوش دى بسبب انخفاض الاكصدام الامامى وفرحت اوى لما عرفت ان زاد بارتفاع 4 سم ودة فى حد ذاته شى جميل ومبشر اوى اوى
                برضو ملكش حجة انك تيجي
                المشاركة الأصلية كتبت بواسطة mohab555 مشاهدة المشاركة
                تقرير اكتر من ممتاز و ان شاء الله ناوى على الكورولا قريبا بعد الريو
                بس المشكلة انى ميال للارتفاع القديم قبل التعديل .. العربيه و هى مش محمله بعد التعديل شكلها مش عاطفى عامل زى ما تكون مركب صددات و رافع العربيه ...
                متفق معاك
                المشاركة الأصلية كتبت بواسطة bassem.naguib مشاهدة المشاركة
                تسلم أيدك يا هندسة .. تقرير ميخرش المية .. ومجهود تشكر عليه .

                وفعلاً أحساسي لما سقت العربية على سرعة 80 تقريباً وجبت الدركسيون يمين وشمال .. زي ما بتقول أن المتعدلة أقل سنة بسيطة جداً تكاد لا تذكر ويمكن يكون الاحساس ده جالي علشان عارف أنها عليت .. ولكن تبقى الحقيقة دائماً واضحة وصريحة أن العربية اللي أقرب للأرض أكثر ثباتاً .


                ومش معنى كلامي أن العربية المعدلة مش ثابتة .. بالعكس ثباتها كويس جداً .. ولكن اللي مش متعدلة أثبت سنة بسيطة .

                انطباعي أن العربية المعدلة بتبان بالعين المجردة أنها أعلى من الخلف أكثر من الأمام بالمقارنة مع العربية الغير معدلة .

                سؤال هنا بقى .. هو أنا كنت فين وأنتم بتصورا الصور بتاعة القياس دي .. بتعملوا الحاجة من ورايا ولا أيه ؟!!!!!:b4_237:
                احنا بنستغل عدم وجودك و نصور ههههه
                المشاركة الأصلية كتبت بواسطة kokowasfy مشاهدة المشاركة
                تقرير ممتاز
                تسلم يا ريس
                psycholain سابقا

                Comment


                • #9
                  تقرير اكتر من ممتاز
                  شكراً جزيلاً بارك الله فيك
                  [CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
                  [/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]

                  Comment


                  • #10
                    تقرير رائع
                    [SIGPIC][/SIGPIC]
                    [SIZE="5"]البر لا يبلى والذنب لا ينسى والديان لا يموت فكن كما شئت فكما تدين تدان[/SIZE]

                    Comment


                    • #11
                      ما شاء الله تقرير فوق الممتاز ..
                      و شخصيا طمئننى كتير على موضوع التعديل .. و كنت عاوز استوضح العربية المعدلة اللى استعملتوها فى المقارنة متعدلة فى مصر و لا جاية متعدلة من الخارج ؟ دا سؤال اعتقد انه يهم كل اللى محصلوش التعديل ..

                      Comment


                      • #12
                        المشاركة الأصلية كتبت بواسطة ابوحميد مشاهدة المشاركة
                        ما شاء الله تقرير فوق الممتاز ..
                        و شخصيا طمئننى كتير على موضوع التعديل .. و كنت عاوز استوضح العربية المعدلة اللى استعملتوها فى المقارنة متعدلة فى مصر و لا جاية متعدلة من الخارج ؟ دا سؤال اعتقد انه يهم كل اللى محصلوش التعديل ..
                        دي معدلة في تركيا ، ولكن مفيش فرق لان في زميل لينا معاه واحدة معدلة هنا وواحدة من تركيا
                        psycholain سابقا

                        Comment


                        • #13
                          ازاى اعرف انى العربيه اللى هشتريها من الموزعين معدله ولا لا

                          المشاركة الأصلية كتبت بواسطة nazar muharram مشاهدة المشاركة
                          تقرير رائع
                          ازاى اعرف انى العربيه اللى هشتريها من الموزعين معدله ولا لا و خاصة ان الغش كتير اليومين دول

                          Comment


                          • #14
                            تقرير جميل ومليان بهاريز ما شاء الله .. وبعد اللى سمعنه حصل فى عربية بشمهندس محمود فى التست درايف ده بحمد ربنا انى مجتش بدرى عشان مشوفش الأغتصاب بعينى :d
                            اتشرفت بمعرفتكوا يا رجالة مع انى كنت شايفكوا كأنكوا خيالات بتتحرك قدامى :d ( عشان كنت جاى من الشغل وكان يوم تسليم و طحن)
                            اشوفكوا على خير قريب ان شاء الله

                            Comment


                            • #15
                              المشاركة الأصلية كتبت بواسطة washable مشاهدة المشاركة
                              ازاى اعرف انى العربيه اللى هشتريها من الموزعين معدله ولا لا و خاصة ان الغش كتير اليومين دول
                              متزعجش نفسك معتقدش الغش وصل للدرجادى ولو شاكك اوى

                              خد معاك متر وقيس من العتب الى الارض لقيتو 23 سم دى المتعدله لقيتو 19.5 دى الى مش متعدله

                              والله الموفق
                              [SIGPIC][/SIGPIC]
                              [SIZE="5"]البر لا يبلى والذنب لا ينسى والديان لا يموت فكن كما شئت فكما تدين تدان[/SIZE]

                              Comment

                              Working...
                              X