يانهار أسود ع اللى حصل من الياريس

[Nour_Peugeot]

يا جماعة الحكاية مش مستهله كل ده اكيد اكدي كل عربية بتزل الشركة المنزلها مظبطه العفشة علي قد الموتور

يعني العقل بيقول ايزاي عربية 1300 سي سي تعدي ال 140 و تبقي ثبته

يعني مثلا علي سبيل المثال

البيجو 405 1600 سي سي اقصي سرعة 190 و بتبقي ثابته ثبات رهيب
و في برده 405 2000 سي سي و توصل حتي 230 و ثبات رهيب برده و ده سببه ان الشركة

نزيلت في الموديل ال 1600 عفشه غير النزلت في ال 2000

و معني كده كل عربية ليها حد اقصي تستطيع العفشة تحملة

و علي سبيل المثال ثبات الفيرنا ال 1500 اعلي من ثبات ال 1600 ليه

علشان العفشة بتاعت ال 1600 ركبه علي ال 1500 فالثبات اكيد ازيد


بس يارب حد يكون فهم كلامي

[KHALED AYMAN]

لو عايز تجرى و انت مطمن اركب المااااااااااانى زى الاوبل مثلا او الفولكس انا والدى كان معاه فيكترا 2001 قمه فى الثبات باعها و جاب كورولا 2005 عجبته جدا و قال انه مش هيركب غير تويوتا بس الكلام ده قبل ميطلع بيها على الطريق لما طلع بيها على الطريق قال عمرى مهركب تويوتا تانى و مش راكب غير اوبل و المانى و من يومها و هو شغال فى الاوبل و الاسكودا

[sa3dawy]

واضح ان الياريس عربية فاشلة، و ده يثبت كلام الاخ اللي كان بيهاجم العربيات الياباني، واضح انه صح، الياريس مكتوب عليها حكاية انها مش ثابتة دي في مواقع كتير اجنبية و انها تحس انها هتطير لو عربية نقل سريعة معدية، مفيش عربية اوروبي يبقى فيها عيب قاتل كده، و مش معقول الواحد يدفع 100 الف في عربية و تكون ثباتها تعبان

خلاص ياجمااااعة ....
الياريس عربية فاشلة ومحدش يشتريها ... اى عربية نقل بتعدى جمبك بتتقلب خمس قلبات :ack2::ack2:
حتى تويوتا دى فاشلة اصلا والدليل على كدا ان محدش بيتريها وكل الناس بيشتكوا منها

[KHALED AYMAN]

يا جماعه انا عايز اعرف حاجه هى الكورولا مثلا ال2001 كانت بتنافس الاوبل و الاسكودا الاوكتافيا ليه هم ثابتين و هى لا مش تويوتا دى دلوقتى صانع السيارات رقم 1 فى العالم جايز مش معقول مش عارفين يثبتو العربيه لانهم عملو الافينسيس ثابته ولو قولنا عشان الكورولا ارخص من الافينسيس فالفيكترا برده ارخص و لحد دلوقتى الفيكترا 2008 اثبت من الكورولا بمراحل و كذلك الاوكتافيا.
انا نفسى اعرف ليه التويوتا مش ثابته؟؟؟؟؟؟ظ

[sa3dawy]

الناس الى بتتكلم عن ثباات الياريس وبيعتبرووه عيب محسسنى ان العربياات الى فى مستوااها او حتى اعلى حبتين ثااابته ..اسمحولى اقولكم حقيقى ان الظاهر اغلب النااس هنا مسقووش عربية ثابته بحق وحقيق والثبااات عندهم ليه معنى تااانى...المشكلة صدقوونى فى الموضوع كله ان كل وااحد فاهم الثباات بشكل شخصى...لكن اؤكد ليكم ان اى عربية اقل من 180 الف جنيه ثباااتها اخره متوسط ودا من تجاارب كل النااس الى بتتكلم بمنطقية عن عربيااتها.....واليااريس مفيش عربية بثمنها فى مصر ثاااابته بعد 150.....

[abo samra]

ممكن سؤال يا استاذ wheals
هو حضرتك جربت تطلع بالعربيتين الكورولا الجديده والفيكترا ولقيت الفيكترا اثبت بمراحل؟؟؟؟
انا ركبت الفيكترا .......بس ما سقتهاش وما حستش بفرق السما عن الارض يعنى
اعتقد لو فيه فرق ......ممكن لا يتعدى 10%
انما الاوبل استرا gtc الكوبيه انا واثق انها اثبت من الفيكترا والاسترا العاديه

الياريس ..مش مصممه للجرى والشد........لان دى من عربيات المدن الصغيره
ممكن لو عاوز ثبات اعلى شويه يبقى تدخل على الكورولا الجديده والسيفيك واللانسر الجديده........وبلاش لانسر بومه لانها حساسه بالطريق وهتقعد تقفز على الطريق وممكن تفقد السيطره على القياده

[KHALED AYMAN]

انا مسوقتش الفيكترا الجديده ولا الكورولا الجديده انا بقول اللى الناس قالته بس سوقت كورولا 2002 و الفيكترا من 1994 لحد 2001 و استرا 2006 اعتقد ان مفيش مقارنه بين ثبات الكورولا واى عربيه من العربيات دى و على فكره انا سوقت الاوكتافيا ال a5 اعتقد ان حضرتك سامع عن ثباتها وعلى فكره انا مش قصدى انى اجرح فى التويوتا بس ده كان شىء شاغلنى لانى عارف انها شركه محترمه و عارفه هى بتعمل ايه بس يا ريت تقولى ايه اللى مخليك و اثق انت الاسترا gtc اثبت من الفيكترا و الاسترا العاديه

[ZIMOFOX]

اخى الفاضل اولا
الف مبروك على عربيتك
بصراحة الياريس ممتازة
بس عيبها 3 اشياء من وجهه نظرى المتواضعة
1-الstability ضعيفة نظرا لان العربية كنزة بس فعلا زى ما اخى قال تتحل بتركيب جنوط 16
2-من الناحية النفسية العداد السينتر اللى فى النص مش برتاحلة نفسيا
3-ابعاد العربية صعبه شويه يعنى الكبوت مش ظاهر تماما بس بردوا محتاج تعود
العربية فى استهلاكها للبنزين ما شاء الله نرفعلها القبعة
-بالنسبة لقطع غيارة متميزة نسبيا
-اعتماديتها ماشاء الله فى الطالع
-الresale بتاعها كويس
-توكيل اكثر من رائع
عاوز ايه بقى؟؟؟؟؟
وكفايه اصلا ان معاك ياريساويه زى السكر ومنهم حازم خضر حبيبى اللى جاتله فترة اتخنق منى احلى سلام ليك يا حاززووم

[tutankhamoun]

الناس الى بتتكلم عن ثباات الياريس وبيعتبرووه عيب محسسنى ان العربياات الى فى مستوااها او حتى اعلى حبتين ثااابته ..اسمحولى اقولكم حقيقى ان الظاهر اغلب النااس هنا مسقووش عربية ثابته بحق وحقيق والثبااات عندهم ليه معنى تااانى...المشكلة صدقوونى فى الموضوع كله ان كل وااحد فاهم الثباات بشكل شخصى...لكن اؤكد ليكم ان اى عربية اقل من 180 الف جنيه ثباااتها اخره متوسط ودا من تجاارب كل النااس الى بتتكلم بمنطقية عن عربيااتها.....واليااريس مفيش عربية بثمنها فى مصر ثاااابته بعد 150.....

دعني أختلف معاك كليا و جزئيا في النقطة دي يا أستاذ سعداوي

حضرتك سوقت نيسان صني ؟؟؟
بروتون جين 2 ؟؟؟
بروتون واجا ؟؟؟؟
فيات جراند بونتو ؟؟؟؟

كيا سيراتو ؟؟؟؟

العربيات اللي فاتت دي اثبت من الياريس بمراحل
و اقل من 100 الف مش 150 الف كمان

هيونداي النترا ؟؟؟
هيونداي اي 30 ؟؟؟
و دي اعلى من 100 الف

[tamohsen]

بص m5m
اقرا المشاركتين دول كويس وشوف تعليقات اصحاب العربيه عن الثبات والسرعات القصوي
موضوع ان العربيه تترج لما عربيه تانيه سواء ملاكي او نقل تمر جنبها بسرعه كبيره " وانت واقف" طبيعي جدا
حتي لو راكب بي ام
لو لازلت غير راضي , انصحك تبيع العربيه فورا لأنك مش هاتبقي مستريح منها نفسيا

http://nilemotors.net/Nile/showthread.php?t=669

http://nilemotors.net/Nile/showthread.php?t=37999

[sa3dawy]

دعني أختلف معاك كليا و جزئيا في النقطة دي يا أستاذ سعداوي

حضرتك سوقت نيسان صني ؟؟؟
بروتون جين 2 ؟؟؟
بروتون واجا ؟؟؟؟
فيات جراند بونتو ؟؟؟؟

كيا سيراتو ؟؟؟؟

العربيات اللي فاتت دي اثبت من الياريس بمراحل
و اقل من 100 الف مش 150 الف كمان

هيونداي النترا ؟؟؟
هيونداي اي 30 ؟؟؟
و دي اعلى من 100 الف

انا سوقت لانسر ex ومازدا 2 وبروتون جين وتويتا كورولا

ومش شايف ان هما احسن من الياريس بمرااااحل فى الثبات
بس الصراحة العربية الى حسيت فيها بالتقل والثبات هيا الاوكتافيا a5

[omarmosalem]

كلام مبالغ فيه طبعا. أنا الياريس معايا أديلها سنتين ونص بالتمام والكمال. مشيت بيها لحد 160. بس بشكل عام أنا بمشي علطول على 120 وزي الفل. وبرده عشان نبقى منصفين هي العربية بالفعل خفيفة شوية فلحد 120 هتبقى زي الفل بعد كدة بتبدأ تبقى مش أد كدة في موضوع الثبات. أنا ليا واحد صاحبي أقسم لي انه جاب بيها 200 يعني قفل العداد! ومع ذلك ما تقلبتش. يبقى هتتقلب على 100 ازاي؟؟؟؟!!!!!

[tot]

ربنا سترها معاه يعني مش اكتر، و بعدين يعني ايه عربية مدن و عربية قرى، يعني المفروض لو مسافر مثلا اسكندرية تأجر عربية طرق؟ و لا تروح بالقطر مثلا

[salehgharib]

بص يا سيدى
العربية معروف إن ثباتها مش كويس وخاصة فى السرعات العالية

لكن فى حاجة بسيطة جدا مفيش حد بيأخد بالة منة هو
إرتفاع ضغط الهواء بعجل العربية خلى بالك لان مع الضغط العالى وعدم ثبات العربية أصلآ ووجود فروق بين ضغوط بعض العجلات بيزود الموضوع ده وجرب أنا فى الأنسر ضغط 28 وليس 30 ده بالنسبة للصيف لكن فى الشتاء ممكن 29 30 لكن متزيتش على كده راجع الكاتالوج وروح قيس الضغط بالفعل وشوف ورد عليا
شكرا

[salehgharib]

وعلى فكرة أنا ركبت كتير اليارس وأكتشفت إن عدم الثبات جاى من حاجتين
الأولى : إرتفاع العربية عن الأرض وده كل الناس عارفه ده
الثانى صغر عرض العربية بالنسبة لغيرها وبالتالى تقارب العجلات
كذلك صغر طول العربية وبالتالى تقارب العجلات الأمامية بالخلفية

كل دى عوامل تؤدى لعدم ثبات العربية

كنت راكب العربية مع واحد صحبى كان فية مطبات خفيفة على أحد جوانب العربية فى الطريق نتيجة إن العربية عرضها صغير فبتحس بعدم الثبات تماما ودى فى سرعة عادية 60 كم