لقد صابني الدور .............. عن تعديل ارتفاع كورولا ٢٠١٤ اتحدث

[Mohamed.Hany]

بسم الله الرحمن الرحيم


زملائي الاعزاء بقسم تويوتا ...... السلام عليكم

ري منتو عارفين ان العربيات اللي اتسلمت فترة ٨ الي ١٢ سنة ٢٠١٣ كانت نازلة بارتفاع ١٢.٥ سم و العربية كانت بتحك في المطبات العالية .

النهاردة وانا قاعد في امان الله جالي تليفون من تويوتا بيطلبو مني الحضور بكرة الصبح لعمل التعديل الخاص بارتفاع العربية لتصبح ١٥.٥ سم من اوطي نقطة في العربية مثل كل العربيات المسلمة بعد شهر يناير ٢٠١٤ .
التعديل يشمل تغيير ٤ مساعدين و ٤ سوست و كوبلن مجانا يتحملها التوكيل كاملا و اجمالي سعرهم ١٢٠٠٠ جنيه .
مدة التعديل يوم عمل كامل و احيانا يستلزم مبيت العربية حسب ضغط العمل ، و الاستدعاء بأولوية الاستلام .
تاريخ استلام عربيتي ٢٠١٣/١١/١٠
تاريخ تقديم الشكوي ٢٠١٣/١٢/٣
http://www.nilemotors.net/Nile/393010-2014.html
تاريخ الاستدعاء ٢٠١٣/٥/٢٤

بشرة خير يا شباب و للعلم الموضوع مفيهوش اي نوع من الواسطة كل اللي فيه ان العربيات التي تحتاج التعديل ما شاء الله ١٩٠٠ عربية و في انتظار وصول مزيد من قطع الغيار و بأولوية الاستلام .
الموضوع ده يقطع جميع الشكوك حول التعديل اذا كان هيتم من التوكيل و لا لأ و ده ابلغ رد علي المشككين في الموضوع و عقبالكم كلكم عشان يبقي معاكم اعلي سيدان في مصر .
مبروك لكل الناس مقدما التعديل و افضل توكيل في مصر او افضل الوحشين .
اشوفكم بعد المطب ، قصدي التعديل

[SYD]

الف مبروك يا بشمهندس محمد
لعلها ان شاء الله تحل مشكلتك
ولو اني اخشي علي ثبات العربية بعد التعديل
ربنا يستر طريقك ويوفقك

تحياتي

[Mohamed.Hany]

الف مبروك يا بشمهندس محمد
لعلها ان شاء الله تحل مشكلتك
ولو اني اخشي علي ثبات العربية بعد التعديل
ربنا يستر طريقك ويوفقك

تحياتي

تسلم يا هندسة

مفيش قلق من التعديل لانها بتنزل برة من زمان بالارتفاع المعدل ، غير كدة انا جربت النسخة المعدلة في الثبات مع باسم نجيب و ووائل و بعض الزملاء و الحمد لله مفيش اختلاف

[iUsef]

يوووووووووووووووووووووووووووووووو اوعا تعمل التعديل لحسن يا محمد العربيه الثبات هيقل و العربيه هتخف و تطير في السما و ساعتها ممكن باسم نجيب يبقي منسق بدالك :)))))

انا بهرج طبعا يا محمد باشا ان شاء الله علي خير وفعلا من غير ما الناس تطلب حقها التوكيل عملها لوحده بس عايزيين نعرف التفاصيل اول باول و 1000000 مبروك و مستنيين تقريرك الجامد

[mk3]

كل ده بيتغير ...لا شركه محترمه فعلا وتوكيل مش بيلاوع..الف مبروك

[ashouhdy]

3 سنتي حيفرقوا كتيير معاك في الثبات خلى بالك وانسي الجرى بتاع المواضيع اللى فاتت :)))

انا لو منك والله ماخلي حد يلمسها الا لو فعلا مضايق .. فك وربط عربيتي الزيرو وتغيير مساعدين و سوست وكبالن والله اعلم قطع الغيار اية جودتها

خلي بالك وفكر كويس ... و بقولك no way الثبات حيكون واحد بين العربيتين

لأن فرق الارتفاع حيبان معاك على سرعات عالية فوق ال 130 غالبا وياسلام بقي لو طريق رياح ذى طريق شرم الشيخ والهوا ينزل تحت العربية ويرفعها لفوق

[yasser100]

3 سنتي حيفرقوا كتيير معاك في الثبات خلى بالك وانسي الجرى بتاع المواضيع اللى فاتت :)))

انا لو منك والله ماخلي حد يلمسها الا لو فعلا مضايق .. فك وربط عربيتي الزيرو وتغيير مساعدين و سوست وكبالن والله اعلم قطع الغيار اية جودتها

خلي بالك وفكر كويس ... و بقولك no way الثبات حيكون واحد بين العربيتين

لأن فرق الارتفاع حيبان معاك على سرعات عالية فوق ال 130 غالبا وياسلام بقي لو طريق رياح ذى طريق شرم الشيخ والهوا ينزل تحت العربية ويرفعها لفوق

[Mohamed.Hany]

هههههههه

و الله انت مسخرة يا عم ياسر .

هتموت و تطلع عيب في الكورولا بس انا مش هيديك الفرصة ،
متقلقش محدش لسة غير موتور و لا دراع الباب اتخلع منه .

[yasser100]

هههههههه

و الله انت مسخرة يا عم ياسر .

هتموت و تطلع عيب في الكورولا بس انا مش هيديك الفرصة ،
متقلقش محدش لسة غير موتور و لا دراع الباب اتخلع منه .

يا راااااجل . انا مسخره ؟ تبقا انت ايه ؟ . ههههههههههه . ده انا حتى ما اتكلمتش فى تعليقى

[Mohamed.Hany]

3 سنتي حيفرقوا كتيير معاك في الثبات خلى بالك وانسي الجرى بتاع المواضيع اللى فاتت :)))

انا لو منك والله ماخلي حد يلمسها الا لو فعلا مضايق .. فك وربط عربيتي الزيرو وتغيير مساعدين و سوست وكبالن والله اعلم قطع الغيار اية جودتها

خلي بالك وفكر كويس ... و بقولك no way الثبات حيكون واحد بين العربيتين

لأن فرق الارتفاع حيبان معاك على سرعات عالية فوق ال 130 غالبا وياسلام بقي لو طريق رياح ذى طريق شرم الشيخ والهوا ينزل تحت العربية ويرفعها لفوق

شهدي باشا
انا راجل بسافر برة كتير و سقت كتيرو قليل و عارف معني الثبات ايه . غير كدة انا واحد موسوس جدا .
و عشان كدة انا جربت المعدلة علي سرعة عالية بأني تجيب الدركسيون يمين في شمال كأني عاوز اقلب العربية و في الملفات و العربية ولا الهوا .
الفكرة ان الناس فاكرة ان تويوتا ايجيبت اخترعت التعديل و ده غير صحيح ، ليه ؟
عشان العربية بتنزل بعفشتين بحسب المنطقة، واحدة سوفت ١٢.٥ سم وواحدة ريجيد ١٥ سم الاولي في اوروبا و التانية في روسيا و الخليج يعني العربية نازلة بيه برة و مجرب مخترعهوش جديد ,فكل اللي عملوه هو انهم حطو العفشة اللي في النسخة الروسية المجرية من سنة تقريبا ، تأكد اني مش هعمل التعديل من غير مجربه هو انا تلميذ يا باشا :-)
معني انه نازل برة انه مجرب و انا كمان مجربه و مستبش حاجة للصدفة ، و في النهاية الانخفاض في الثبات ليس كل شئ في عوامل كتيرة زي الانسيابية و سيتب العفشة و مكان الموتور ...و اللي حصل ان العربية ارتفاعها مكنش طبيعي عن اللي موجود في مصر و بقي طبيعي زي كل السيدان مبقاش اعلي وعندك مثلا الكروز ١٥ و الفلوانس ١٦.٥ سم السكودا ١٦.٥ سم السيفيك ١٦.٦ يبقي بنفس المنطق انهم اعلي من الكورولا فالثبات اقل بكتير ؟

انا كان معايا كروز ٢٠١١ غير معدلة و صديقي معاه المعدلة في الارتفاع و قارنت مبينهم تقريبا الثبات واحد متحسس بالفرق الا لوجريت جامد فوق ال ١٧٠ هنا ممكن تحس غير كدة انا جربت و متنساش يا باشا ان عربياتنا نضيفة و فيها esp يعني لو عومت هتلم نفسها غصب عنك اومال الناس اللي معندهاش و عربياتها اعلي من الكورولا ١٦.٦ سم يعملو ايه يا كبير

[Mohamed.Hany]

يا راااااجل . انا مسخره ؟ تبقا انت ايه ؟ . ههههههههههه . ده انا حتى ما اتكلمتش فى تعليقى

يا كبير انت حكاية من غير متتكلم

[yasser100]

يا كبير انت حكاية من غير متتكلم

متشكر على ذوقك . صوره مشرفه فعلا لما منسق يشتم عضو علشان رأيه مهما كان . احييك :)

[Mohamed.Hany]

متشكر على ذوقك . صوره مشرفه فعلا لما منسق يشتم عضو علشان رأيه مهما كان . احييك :)

شتمتك فين ؟

ياريت توضح لاني مش شايف اي شتيمة بصراحة

[yasser100]

شتمتك فين ؟

ياريت توضح لاني مش شايف اي شتيمة بصراحة

لما بتقول لواحد انت مسخره و ﻻ انت شوفته و ﻻ كلمته فى النليفون و ﻻ حتى رسايل خاصه . مش شايفه شتيمه ؟ احييك مره تانيه :)

[alaa keshk]

صلوا على النبى ياجماعة
الموضوع بسيط وانا متأكد ان محدش يقصد إساءة لأحد
وكل الاعضاء لهم كل التقدير ولاحترام
أدعو الله أن يديم المودة والاحتام