العربية اتعدل ارتفاعها و استلمتها النهاردة الحمد لله

[Mohamed.Hany]

بسم الله الرحمن الرحيم

رجالة تويوتا ,,, السلام عليكم

استكمالا للموضوع السابق

http://www.nilemotors.net/Nile/423087-a.html

المهندس كلمني امبارح الساعة 5 بالليل و اكدلي ان العربية اتعدلت و تم تجربتها و انها جاهزة للاستلام في اليوم التالي .

الحمد لله رحت النهاردة و استلمت العربية واول ملاحظة ليا انا و مراتي وانا داخل اركب رجلي خبطت في العتبة بتاعتها لأني متعود ادخل علي طول عشان كانت واطية . هههههه

جربتها و اصريت اني اخد المطبات بقوة و الحمد لله محكتش ولا مرة في المطبات اللي كنت بحك فيها .

تم تجربة الثبات بأني اقفل ال ESP وال TRC و مشيت بيها علي سرعة 120 كم/س و قعدت اجيب الدركسيون يمين في شمال جامد محستش بفرق يذكر بالامانة .

مسكتش علي كدة و رحت طلعت الدائري من مطلع الاوتوستراد , اللي يعرف المطلع ده هيفهم اللي بتكلم فيه , مبدئيا المطلع عبارة عن لفة ضيقة قوي و فيها فواصل الكوبري واضحة جدا لما كنت باخده بسرعة بأي عربية كنت بحس انها بتعوم او بترقص من ورا , جربت بالعربية ولا الهوا مفيش اي شئ و الحمد لله زي قبل التعديل

اخر تجربة علي الدائري نفسه جبت 160 و الدنيا كانت فاضية بعكس المعتاد يمكن عشان الانتخابات و اخدت كام غرزة ضيقين و الحمد لله حاسس ان مفيش فرق حتي هذه السرعة .
و بأمانة الطريق مسمحليش اجري اكتر من كدة و انا كنت مشغل ال ESP وال TRC بصراحة عشان ابقي متطمن و انا ماشي

العفشة في النعومية و النشوفية مفرقتش حاجة نهائيا في المطبات و النقر و الطرق الطوالي و الغير ممهدة

سيتب العفشة زي ما هو متغيرش , يعني المساعدين موجودين في الاطراف بزاوية ميل , و السوست في الداخل و ده افضل سيتب في العفشة التورشم بيم زي اللي موجود في الشيفروليه كروز

القاعدة نفسها جوة العربية عليت حبيتين , وده بان اول مركبت لاني بحب انزل الكرسي لتحت و احتجت اني انزله لتحت درجتين عشان ارجع للوضع الاصلي وكمان احتجت تعديل المرايات الجانبية و الداخلية

الشكل الخارجي اكيد ارتفع , بس انا مش شايفه بالسوء اللي كنت متوقعه
صور العربية بعد التعديل و الحكم لكم

في النهاية انا حاسس اني مستريح نفسيا بعد التعديل خصوصا لما جربت الثبات , ومبقاش في خوف من المطبات نهائي و انصح اي حد كان متردد انه يعمل التعديل يتوكل علي الله و ميقلقش.

بعض المعلومات من الموضوع السابق

التعديل تم بتغيير ٤ مساعدين و ٤ سوست و كوبلن مجانا يتحملها التوكيل كاملا و اجمالي سعرهم ١٢٠٠٠ جنيه .
مدة التعديل يوم عمل كامل و احيانا يستلزم مبيت العربية حسب ضغط العمل ، و الاستدعاء بأولوية الاستلام .
تاريخ استلام عربيتي ٢٠١٣/١١/١٠
تاريخ تقديم الشكوي ٢٠١٣/١٢/٣
تاريخ الاستدعاء ٢٠١٣/٥/٢٤
تاريخ استلام العربية معدلة ٢٠١٣/٥/٢٦

[ahmad_82_03]

الف مبروك يا هندسة و ان شاء الله عن تجربة مش هتندم ابدا.. اهو انت كده كأنك جبت العربية ارخص من تمنها 12 ألف جنيه تمن التعديل ده .. لأنك لو كنت جبت عربية تانية من توكيل تانى كان يمكن مسألش فيك او حملك جزء من تمن التعديل

[my3fox]

مبروك يا م. محمد.... ربنا يبارك لك فيها
تحية حارة لتوكيل تويوتا اللي أثبت بالدليل القاطع إنه توكيل محترم و بيحافظ علي العملاء بتوعه

Sent from my GT-I9300 using Forum Runner

[omar101970]

الف مبروك يا باشمهندس محمد التعديل....................

[Mohamed.Hany]

الف مبروك يا هندسة و ان شاء الله عن تجربة مش هتندم ابدا.. اهو انت كده كأنك جبت العربية ارخص من تمنها 12 ألف جنيه تمن التعديل ده .. لأنك لو كنت جبت عربية تانية من توكيل تانى كان يمكن مسألش فيك او حملك جزء من تمن التعديل

مبروك يا م. محمد.... ربنا يبارك لك فيها
تحية حارة لتوكيل تويوتا اللي أثبت بالدليل القاطع إنه توكيل محترم و بيحافظ علي العملاء بتوعه

sent from my gt-i9300 using forum runner

الف مبروك يا باشمهندس محمد التعديل....................

الحمد لله الواحد بقي يدخل علي المطبات بقلب مش زي قبل كدة وربنا يبارك للكل و عقبال الكل لما يعدلو

[iUsef]

مبروك يا محمد
سيبك انت اهم حاجه انك مرتاح نفسياً و ان شاء الله متحكش تاني بالعربيه وتستمع بيها :)

[aymanshebl]

مبروك على التعديل بس للامانة الطرق فى مصر غير مطابقة لمواصفات اى طريق فى الدنيا و لا يصح مقارنة الثبات او كفاءة اى عربية فيها

[kar!m]

الف مبروك .. و انت عملت الصح.

[mk3]

لماذا تم تغير كوبلن واحد ؟ ولا حضرتك تقصد طقم كوبلين 2 يعنى

[ahmedelrayan]

الف مبروك على التعديل وربنا يسترها عليك من السرعة وانا هطلق على حضرتك لقب(عاشق السرعة ) تحياتى وتقبل مرورى

[bassem.naguib]

ألف مبروك يا أبو حميد على التعديل .. كدة أنت طمنتنا .. وربنا يكرمنا بالتعديل إن شاء الله .

[Mohamed.Hany]

مبروك يا محمد
سيبك انت اهم حاجه انك مرتاح نفسياً و ان شاء الله متحكش تاني بالعربيه وتستمع بيها :)

الحمد لله

مبروك على التعديل بس للامانة الطرق فى مصر غير مطابقة لمواصفات اى طريق فى الدنيا و لا يصح مقارنة الثبات او كفاءة اى عربية فيها

كلام سليم جدا

الف مبروك .. و انت عملت الصح.

اشكرك , وانا تأكدت من كدة بعد مجربت المطبات

لماذا تم تغير كوبلن واحد ؟ ولا حضرتك تقصد طقم كوبلين 2 يعنى

لأ هو كوبلن واحد فقط , معظم العربيات بتنزل بكوبلن اطول من التاني و ده حسب تصميمها , التعديل في العفشة بتاعة الكورولا تستدعي تغيير كوبلن واحد فقط , وشكرا علي الملاحظة الدقيقة .

الف مبروك على التعديل وربنا يسترها عليك من السرعة وانا هطلق على حضرتك لقب(عاشق السرعة ) تحياتى وتقبل مرورى

اشكرك يا فندم

انا والله مش بحب الجري بس كان لازم اجرب العربية في اسواء الظروف .

[Mohamed.Hany]

ألف مبروك يا أبو حميد على التعديل .. كدة أنت طمنتنا .. وربنا يكرمنا بالتعديل إن شاء الله .

عقبالك يا كبيرنا

[SYD]

الف مبروك يا هندسة
ربنا يباركلك فيها

ماتنساش الموضوع اللي اتكلمنا فيه
والله المستعان
،
،

[الغزالى]

مبروك يا بمشهندس .. كده العربيه اترفعت عن الارض كام سنتى ؟!
المفروض قبل كده من عند شجره الشكمان 14 سم
دلوقتى كام