ممكن الاقى تويوتا ياريس بالسعر ده ؟؟؟

[darkdefender]

لقيت على موقع دوبيزيل ياريس موديل 2006 وطالب فيها 57000 جنيه اتصلت بيه قاللى ان العربية حالتها كويسة وراشة برة ومحتاجة سربنتتينة تكييف "condenser" و بلية عجلة خلفية....يكلفوا كتير؟؟؟ وبالنسبة لموضوع سربنتينة التكييف اللى محتاجة تتغير ممكن ده يبقى معناه ان العربية عملت حادثة جامدة لدرجة ان اللسربنتينة اتكسرت ومحتاجة تتغير؟؟؟

بص يا باشا العربية دي عملة حدثة جمدة !

سربنتينة اليارس مبتبوظش الا ازي اتخبطت و خبطة خدت معاها شنب , و رادياتير , و الاير باج طلع طبعا و اكيد مغيروش و اكيد جاب راديتر استيراد ال اوحش انه يكون لحمه...

العربية دي لو محتاجة سربنتينة و ظبط تكيف انت بتتكلم في حبة حلوين... 1500-2500 علي خسب حالة باقي المكونات دا لو الكباس سليم

معرفش حوار البلية بس هو موضوع سهل ,بس المقلق انه ليه هو معملوش و بيبعها معيوبة؟اكيد في انة...

نرجع للاساس العربية دي غالبا هتلاقي ملعوب فيها جامد بص بردو خد معاك حد بيفهم ولو عايز نمرة مكنيكي شغال فالتوكيل ينزل معاك ممكن ابعتلك نمرتوا خصوصا زي مقلتلك قبل كدا لو الاير باج فتح و متغيرش انت بتكلم ف 7,000جم او اكتر منصوب فيهم...

[darkdefender]

اضافة العربية سعرها بعد الحدثة فعلا يعمل 57 بس تكون كل حاجة سليمة 100% و كله الاتغير خصوصا فالموتور و التكيف اصلي..

[Yones]

شكراً جداً لرد حضرتك المفصل.....يبقى كده اصرف نظر عن العربية دى أحسن طالما فيها لعب كتير وحادثة جامدة وكمان هتكلفلها بتاع 10000 جنيه كمان (سربنتينة و ايرباج وبلية عجلة) شغلانة يعنى...كده ادور على واحدة تانية احسن......يارب بس الاقى واحدة حالة كويسة فى رينج 65000 جنيه

[S O P H O S]

ممكن ب 65 تلاقي

[shadyabdelhady]

معايا ياريس 2007 مانويل للبيع او البدل باتوماتيك

[Yones]

معايا ياريس 2007 مانويل للبيع او البدل باتوماتيك

اهلا بحضرتك انا فعلا محتاج ياريس مانيوال ممكن حضرتك تدينى تفاصيل عن العربية وويارب ان شاء الله يحصل نصيب وويوفقنا وتتم على خير

[Satan_satan]

بص ياباشا انا معايا ياريس 2006 مانيوال base line ودلوقتى ماشيه 150 الف ... فابريكه بالكامل ماعدا الاكصدامين والعتبه اليمين

فوجات شابوره -- كاسيت سونى اكسبلود دبل دين -- سماعات كينوود -- كل حاجه فى العربيه شغاله تمام 100 % زى التكيف والباور والسنتر وكله

هو بصراحه انا مش بفكر ابيع دلوقتى .. بس انا لو ببيع دلوقتى وبسعر بما يرضي الله ( حط تحتها خمسين خط ) هبيع على 67-69

[Yones]

بص ياباشا انا معايا ياريس 2006 مانيوال base line ودلوقتى ماشيه 150 الف ... فابريكه بالكامل ماعدا الاكصدامين والعتبه اليمين

فوجات شابوره -- كاسيت سونى اكسبلود دبل دين -- سماعات كينوود -- كل حاجه فى العربيه شغاله تمام 100 % زى التكيف والباور والسنتر وكله

هو بصراحه انا مش بفكر ابيع دلوقتى .. بس انا لو ببيع دلوقتى وبسعر بما يرضي الله ( حط تحتها خمسين خط ) هبيع على 67-69

شكرا لمشاركة حضرتك كلك ذوق بجد ....
بس للاسف ال Range اللى معايا أقصاه 65000 جنيه ده غير ان حضرتك من الاسكندرية وانا من القاهرة....للاسف....بس عامة ربنا يحسنلك بيعها ان شاء الله وقت ماتنوى البيع

[Yones]

ياترى فيه أمل ؟؟؟؟ ولا الموضوع مستحيل؟......البحث مازال مستمر !!!!

[Yones]

أنا لقيت يايريس 2007 مانيوال Base line مطلوب فيها 69000 جنيه فى ميدان الحجاز....للاسف صاحبها ماسك فى السعر قوى رغم انها محتاجة طقم ديسك واسطوانة وراشة برة والاكصدام الامامى عايز يتغير وعامة 113000 كيلو متر ده غير طبعا عمولة صاحب الجراج......طقم الديسك والاسطوانة للتويوتا ياريس موديل 2007 .....انا حاسس ان السعر مبالغ فيه شوية ولا ايه رأيكوا؟؟؟

[Yones]

طيب حالياً ال Range وصل أقصى حد إلى 67000 جنيه....................مفيش حد يقدر يساعدنى انى الاقى تويوتا ياريس موديل 2006-2007-2008 Base Line مانيوال بس تكون حالتها بيتى ونضيفة ؟؟؟؟؟؟
الموضوع ممهم قوى وعاجل ياشباب وضرورى