سؤال بخصوص ياريس 1500 الجديدة

[أيمن كور]

السادة الافاضل
كل عام و حضراتكم بخير

الحمد لله أنا رخصت العربية إمبارح 2015 و كله تمام ...
قولت أعمل مشوار كده بالعربية علشان لحد ما رخصت ماكونتش مشيت بيها كانت عاملة 137 كم بس
المهم سؤالى هو ... لما مشيت بالعربية ماكنتش بزود عن 80كم بس و انا ماشى قولت أشغل التكييف
أجربه ..
شغلت التكييف على تانى درجة العربية كل لما أدوس بنزين مش بتسحب معايا زى ماكانت
مع انى من منتداكم الكريم اعرف ان التويوتا تكييفها كويس و مش بيأثر على السحب كمان العربية 1500 سى سى و انا اسمع ان ال1300 بتاعتها كانت ممتازة فى الموضوع ده !!
أرجو الافادة هوة كده علشان العربية جديدة و لا فى حاجة مش مظبوطة؟
ارجو من ملاك الياريس الجديد ال1500 و خبراء التويوتا يفيدونى علشان انا معلوماتى عن التيوتا غير كده و برضه ما جربتش تويوتا دى اول مرة

و شكرا مقدما و كل عام و حضراتكم بخير

[Omar2017]

الياريس لا تنتمي بأي صلة الا الوحوش اليابانية تويوتا و لكن ما هي الا الهلس بتاع تويوتا

[abdulkhaleq]

لأ ماتقلقش هو عشان انت بس لسه مالينتش
بعد أول صيانه مش هتلاقي الكلام ده ان شاء الله
عيش واستمتع وربنا يقيك شر الطريق

[hany63]

الياريس لا تنتمي بأي صلة الا الوحوش اليابانية تويوتا و لكن ما هي الا الهلس بتاع تويوتا

انا عرفت ليه خلاص سبب وقفك اسبوع
بالذمه ده رد
ده بدل ما تقول له الف مبروك على العربيه الجديده ؟!!!!

[ahmed.Elashy]

سيبك ياراجل انت بس ف الاول بتبقي ودنك حساسه زينا لما اول منشتري
العربيه لسه ملينتش متحكمش عليها دلوقتي
والف مبروك ع العربيه

[Ayman_Amer]

لا ينصح بالتكييف في اول ١٠٠٠ك بالرغم من اختلاف الاراء حول ذلك.
المهم استمتع ومتقلقشي

[أيمن كور]

أستاذ عمر ممكن أعرف إيه الوحوش اليابانية اللى حضرتك تقصدها ؟؟
و ممكن كمان أعرف الياريس تنتمى لأى جهة ؟؟
و حضرتك بتتكلم أكيد بحكم التجربة .. مش السمع طبعا .. و برضه ممكن تفيدنى فى المشكلة بحكم خبرتك
إيه رأيك فى المشكلة دى .. بغض النظر عن إنتماء العربية .. و الحلول المتاحة ؟؟

و حضرتك تنصحنى بأى عربية أفضل طالما الياريس بالسؤ ده

و سؤال صغير على الماشى هوة حضرتك راكب إيه دلوقتى .. و كان معاك تويوتا قبل كده و كانت تجربتك معاها سيئة ؟؟

و شكرا على الرد و متابع اجابة حضرتك

[Heladl]

ممكن اسال هيا اليريس ١٥٠٠ سيدان بكام و هتشباك بكام؟

[أيمن كور]

السيدان ال1500 الفئة الاولى أوتو ب 145 ألف و المواصفات ممكن حضرتك تعرفها بالتفصيل من مواضيع بالمنتدى
الهاتش باك مش فاكر بالضبط بس هية 1300 بس و تقريبا 136 الف او فى الحدود دى بس عيبها القاتل بالنسبة
لى ان الشنطة تكاد تكون صفر غير كده عربية كويسة

[darkdefender]

تكيف اليارس مباثرش علي سحب العربية بشكل ملحوظ خالص ... الموتر محتاج يلين بس...

اليارس ال 1500 سي سي التسارع بتعها من 0-100 كم في اقل من 10 سواني و دا تقريبا احسن من 90% من العربيات ال 1600 سي سي و اقوي من اي عربية جديدة في الفئة السعرية دي....


العربية 10/10 و مشكلها صفر و بتجري و بتقفل عادي و سبتها مش التوب بس كويس..
ميروك و متسمعش كلام اي حد يقولك عليها كلمة ,, انا جربت كتير و اليارس اكتر عربية سترت معايا حجاتها بعييييييييش الحمد لله

[أيمن كور]

الف شكر على الرد darkdefender يعنى المشكلة تليين بس و ربنا يكرم و نخلص من صيانىة الالف علشان انا
بسافر كتير فى شغل بس بعربية الشركة
سؤال تانى لحضرتك علشان دى أول عربية زيرو اجيبها .. و انا ماشى بحس ان العربية احيانا بتبقى مخنوقة يعنى بدوس بنزين بس مش بتستجيب بسرعة ايه السبب فى رأيكم ده و انا مش مشغل التكييف
و شكرا

[محمد سماحة]

يا باشا متقلقش كلها كام كيلو و هتظبط معاك ....انا فعلا نفسي اجرب ال 1500 بتاعها ..انا معايا 1300 و زى الفل الحمد لله ربنا يكفيك شرها

[WAEL .H]

اعتقد ان الموضوع متعلق بظبط هوا الموتور
والمفروض ان التوكيل في صيانة الالف هيظبطه
انما لو الوضع ملحوظ وزايد قوي ارجع للتوكيل
واعتقد ان حالة العربية المفروض تكون طبيعية حتى لو قبل الالف كيلو انما بعد الالف تاخد منها كل امكانياتها وزيادة

[darkdefender]

الف شكر على الرد darkdefender يعنى المشكلة تليين بس و ربنا يكرم و نخلص من صيانىة الالف علشان انا
بسافر كتير فى شغل بس بعربية الشركة
سؤال تانى لحضرتك علشان دى أول عربية زيرو اجيبها .. و انا ماشى بحس ان العربية احيانا بتبقى مخنوقة يعنى بدوس بنزين بس مش بتستجيب بسرعة ايه السبب فى رأيكم ده و انا مش مشغل التكييف
و شكرا

متحكومش علي عربية نهائي تحت ال 5000 كم...

كل حاجة بتختلف بعد اول تغير زيت ,,, العربية بتفوق جامد و صوتها بيقل و سحبها بيتحسن,,,
عمرك متقلك من عربية زيرو خصوصا لو تويوتا.

[hany63]

اي عربيه اوتو و هيا زيرو لما بتدوس بنزين ساعات بتحس بخنقه
ده راجع لسببين
السبب الاول ان العربيه لسه ما اتعودتش على سواقتك و ده قدامه ٥ الاف زي ما الاعضاء الاعزاء تفضلوا بالمشاركه
السبب التاني ان رجلك مش عارفه طريقة التعامل مع الدواسه امتى تدوس و امتى تستنى و امتى تنقل و هكذا
وده اللي حصل معايا لما جبت السيفيك زيرو و كنت راكب قبليها باسات تربو حسيت ان السيفيك في الضياع عشان الباسات تربو الفتيس في حكم الماتيوال
اول ما اتعودت و فهمت كمان ان الدواسه على سينسور بقيت اتحكم في قوة السحب زي ما انا عايز لدرجة اني في حالة التسارع بمسك الدركسيون لا اراديا باءيدي الاتنين