سؤال بخصوص ياريس 1500 الجديدة

[magedlotfy]

انا استلمت نفس العربية من اسبوعين بالضبط و كل اللي انت بتقولة انا بيحصل معايا بس مش قلقان عشان كل عربية زيرو ركبتها كانت كدة في الاول بعد الخمس اعتقد كلة بيبقى تمام

[S O P H O S]

بعد الالف هتلاقي الوضع بقي افضل
متقلقش من العربية

[abdulkhaleq]

ممكن حد يقولنا الفرق بين ال 1.3 وال 1.5 في الموتور بس ؟؟
الباقي هو هو ؟؟ تكييف, عفشه, كماليات... الخ

[mahmed212]

معايا الياريس 1300 cc اوتوماتيك من5شهور والموضوع اللى بتكلم عليه ا/ايمن كور ده حصل معايا بالظبط
اول لما اشتريت العربية وبعد التليين السحب اتحسن شوية
وسافرت بالعربية بعد5000ك وبعد الصيانة وتغيير الزيت والعربية مع التكييف و الركاب سحبها بيقل وصوت الموتور عالى والعربية فعلا بتحس مخنوقة ومبتسحبش كويس واستخدام المانول بيحسن السحب بس معقول 1500cc نفس الاداء .

[skoda1996]

لا تقلق ... الطبيعي بتاع عربية زيرو
بس هو الفتيس 6 سرعات و لا 4 سرعات ؟

[أيمن كور]

الفتيس 4 سرعات
و دى أول عربية زيرو لى .. يمكن مش واخد على الكلام ده اخر عربية كانت ميجان 2006
بصراحة كانت عربية جميلة - عارف ان فى ناس كتيييييييير هاتعترض - ده رأى انا مقتنع بيه تماما
علشان فهمت العربية كويس و عرفت اتعامل معاها و اصونها كويس فا خدت منها الاداء الافضل

موضوع المانوال اللى فى الفتيس لسه مقلق منه - العربية زيرو يا باشا - مش عايز اعمل حاجة تبوظها مش حمل تكاليف هههههههههه

ربنا يسهل و تظبط بعد صيانة الالف
بس و الله انا خايف على العفشة المنطقة اللى ساكن فيها كانت من افضل المناطق فى اسكندرية شوارع و نضافة حاليا مش عارف اطلع بالعربية بسبب مياه الصرف الصحى و الشوارع المكسرة و الحفر الغريبة اللى ظهرت
و الله كل ما اطلع و اسمع صوت العربية و هى بتعوم فى الميه او ماشى فى الحفر دى لحد ما اطلع على الشارع الرئيسى قلبى بيتقطع و اقول ربنا يستر على العفشة و العربية من تحت بسبب المجارى
ربنا يحلها من عنده و شكرا للجميع على المعلومات و المشاركات