مصيبة في كورولا الشكل الجديد ٢٠١٤ ، ٢٠١٥

[abomazenelgen]

مصيبة في كورولا الشكل الجديد ٢٠١٤ ، ٢٠١٥
انا العربيه معايا من شهر مايو عامله ٣٠٠٠كم
اول مره احتاج افك فردة من الاربع فرد كاوتش
وانا بركب وبعد ما ربط المسامير ونزلت العربية
وانا بحرق على صاموله من الصواميل .. لقيت نفسي بلف على الفاضى .. اتاري المسمار مقطوم .. المسمار اللي راكب اساسا في الطنبوره .. المسمار اللي المفروض انه صلب اتقطم .. المسمار طلع حديد زهر .. مسماير الطنابير اللي بتركب عليها فرد الكاوتش يا ساده حديد زهر مش صلب
انا ركبت c180 وجيتا وصني وكورولا ٢٠٠٨ وتيرسيل وفيات ١٢٨ محصلش اني شفت المسخره دي
حد يقول لي اعمل ايه ؟!!!!

[abdel samie]

التوكيل مفيش غيره

[abomazenelgen]

التوكيل مفيش غيره

التوكيل بعد اللي عرفناه ده انهم بيركبوا مسمامير زهر في الطنابير متوقع ح يعمل ايه
ح يغير المسمار باخر زهر
ح يغير الطنبوره بالكامل بطنبوره جديده مساميرها زهر !!

[mostafa3000]

التوكيل بعد اللي عرفناه ده انهم بيركبوا مسمامير زهر في الطنابير متوقع ح يعمل ايه
ح يغير المسمار باخر زهر
ح يغير الطنبوره بالكامل بطنبوره جديده مساميرها زهر !!

اعتقد حضرتك لازم تروح التوكيل وتعرفهم الموضوع

[ARKOON]

عللا فكرة كل العربيات او معظمها ( بلاش التعميم ) بيحصل فيها كدا الموضوع دا مش اول مرة اسمعه او يحصل لحضرتك وعادي جدا هتركب غيره بس هيا فعلا مسخرة
ربنا معاك .

[mahmoud_ali]

حاجه غريبه فعلا وفى انتظار رد من احد ملاكها

[hugan]

طريقه ربط المسمار مره اخري
كتير بيتربط غلط
بيكون مايل شويه
او الجنط مش مقابس في مكانه صح
بالتالي لما تيجي تحرق علي المسمار يتقطم

[abomazenelgen]

طريقه ربط المسمار مره اخري
كتير بيتربط غلط
بيكون مايل شويه
او الجنط مش مقابس في مكانه صح
بالتالي لما تيجي تحرق علي المسمار يتقطم

الكلام ده لما يبقى فيه بوش في باقي المسامير والچنط مش كابي على الطنبوره
لكن المسامير كلها متربطه ومتحرق عليها
صوره المسمار في اللينك ده

http://im77.gulfup.com/N7676c.jpg

علشان تشوفوا القطم ده
غير ان سن المسمار مش متسق مع بعضه في تعرج في سن المسمار في منتصفه بالضبط

http://im77.gulfup.com/VvniuR.jpg

[skoda1996]

متااااااااااابع

[mostafa3000]

حضرتك حاول تشوف المسمار تاني زهر والا انتيمونيا
لأني اعتقد ان الزهر لا يصلح

[Sameh samy]

يا نهار ابيض يا جدعان دانا كدة لو جيت أ غير الفردة موش هاربط جامد دانا في النوبيرا كنت بقف فوق الصليبة

[mahmoudysf]

يا جماعة مفيش هندسيا حاجة اسمها مسمار الزهر عمر المسامير بصفة عامة ما اتصنعت من الزهر...انا عايز اسال صاحب الموضوع مين قالك المسمار زهر

[monamize4]

!!!!!!!!!!!

متابع

[Y a r i s]

يا جماعة مفيش هندسيا حاجة اسمها مسمار الزهر عمر المسامير بصفة عامة ما اتصنعت من الزهر...انا عايز اسال صاحب الموضوع مين قالك المسمار زهر

الموضوع مش موضوع زهر ولا ورد ... الموضوع دلوقتي مسمار مهم لعربية حديثة يتقطم ... يعني. حركة زي دي المفروض يطيرررر فيها رقااااب ... هيا حياة الناس لعبة . ده في امريكا علشان خاطر سوسته. بتاعت بانزين بتعلق. سحبو اسطووووول بحالوا من الاسواق .... في هوندا علشان شباك كهربا ما بيترفعش كويس لمو العربيات كلها من السوق فما بالك. بمسمااااار عجل ؟. ياترى. ايه تاني في العربية ممكن يتقطم !

[a7medalaa]

معرفش هو التويوتا الجديد كله كده ولا ايه !! لسة كنت راجع من الساحل في ميكروباص التويوتا الجديد فردة الكاوتش ريحت منه بعد الكيلو 21 السواق نزل يغيرها وهو بيحرق علي الصامولة المسمار اتكسر !! جيه يحرق علي المسمار اللي جنبه اتكسر هو كمان و الله العظيم مسمارين جنب بعض اتكسروا !!! و بقيت قاعد حاطط ايدي علي قلبي ماشيين علي 3 مسامير من 5 و الاتنين اللي اتكسروا جنب بعض يعني حتي مفيش توازن او توزيع للحمل الحمد لله ان ربنا سترها .. لازم حضرتك تروح التوكيل و تشوف حل الواحد ركب عربيات ياما و عمرنا ماشفنا مسمار عجل يتقطم !!