استشارة فى فتيس الياريس الأوتوماتيك

[محمد يوسف]

امبارح كنت راكب عربيتى وبنتى الصغيرة-4 سنبن- قاعدة مع مامتها جنبى..وأثناء ما أنا سايق على سرعة 40 كيلو تقريبا وبادوس فرامل عشان أخد ملف بنتى مدت ايدها فجأة حركت الفتيس على وضع المور (N)..العربية راحت واقفة فجأة ومبطله...ستر ربنا اللى ورايا خد باله و أنا دورت العربية ومشيت تانى بس المشكلة أنا خايف الفتيس (أتوماتيك) يكون اتكسر فيه حاجة

وبعدين أنا لاحظت ان العربية كان سحبها تقيل بعد الحكاية دى لمدة ساعتين تلاتة بس النهارده حاسس العربية ناعمة معايا قوى وخفيفة عن الأول

ياريت تدلونى ايه اللى حصل وازاى أحمى الفتيس بعد كده

[دموع الثلج]

بصراحه انا مش عارفه الحركه دى فى فتيس الياريس بتغظنى
خصوصا ان الفتيس بينقل من غير ما تحتاج تدوس دبرياج

بس اللى متاكده منه انه على المدى الطويل بيقصف عمر الفتيس الاتوماتيك

لكن فى حالتك دى معرفش الحقيقه خصوصا انك جبت المور وانت ماشى مش واقف

[drhaytham]

ولا يهمك مافيش حاجة بس ياريت بلاش البنت تقعد قدام للامان وربنا يخليها لك

[Sharky]

إن شاء الله مايكونش فيه حاجة
طالما العربية مشيت كويس متهيألى تبقى الحمد الله ماحصلش حاجة و ممكن يكون دا نفسيا لخوفك على الفتيس
المهم بعد كده ما تخليش بنتك تقعد قدام علشان لا قدر الله مايحصلش حاجة

[fahd_628]

حضرتك متأكد انك جبت N مش R ؟

اصل لو انت جبت ان و انت ماشى العربية عمرها ما حتبطل مش عارف بقى مع ال R اية النظام

بس متقلقش مافيش حاجة مادام كلة تمام و متحطش فى بالك

[محمد ابراهيم 1]

من d الى n مش خطر جامد بس بلاش
أثناء الرجوع للخلف من r الى d بدون فرامل وتوقف كامل خطر و بلاش منها
الخطوره الكبرى من d الى p أو الى r
حركه واحده من دول كفيله بتكسير الفتيس
عامة لا تقم بتحريك الفتيس أى حركه من الحركات N D R P إلا والسياره متوقفه تماما وقدمك على الفرامل
ممكن تحرك الفتيس تصاعديا أثناء حركة السياره فى الأوضاع 1 2 3 D
وممنوع تحريكه تنازليا

[دموع الثلج]

الخطوره الكبرى من d الى p أو الى r
حركه واحده من دول كفيله بتكسير الفتيس

يا استاذ محمد ماهو الطبيعى نحرك من الدى الى البى تقصد ايه بالخطوره


وعايزه اسالك سؤال

هل النقل فى الاتوماتيك بدون الضغط على الدبرياج فيه مشاكل احيانا بغير من المور الى الدى مثلا والعكس بدون مااضغط على دواسه الدبرياج ؟

[Sharky]

إزاى يا دموع الأتوماتيك فيه دبرياج ؟؟

[dr.ayman]

غريبه ان العربيه تبطل لما تيجى على n
انا معايا لانسر و طول ما انا ماشى بانقل من d لل n عادى مفيش اى مشكله
و انا اظن و الله اعلم ان الفتيس جه على r ,و العربيه مادام بطلت يبقى ماخدتش النقل الغلط دى و محصل حاجه يعنى
و موضوع السحب قل ده هتلاقيه نفسيا منك بس حصل خير

[دموع الثلج]

إزاى يا دموع الأتوماتيك فيه دبرياج ؟؟

انا هقولك انا فاهمه ازاى

بص فى الفتيس العادى فيه دواسه منفصله للدبرياج حلو كده دى بننقل الغيار من خلالها مفيش مشكله
فى الاتوماتيك بئه
عشان انقل غيار لازم ادوس فرامل عشان مفيش دواسه دبرياج تمام كده

انا فى دماغى ان مفيش دواسه دبرياج لكن دواسه الفرامل بتعمل كمان نفس وظيفه دواسه الدبرياج فى المانيوال

فانا بسميها دبرياج مش فرامل

فهمت حاجه :D:D:D:D

[Sharky]

ماشى يا دموع زى ما إنتى شايفة

[محمد يوسف]

ولا يهمك مافيش حاجة بس ياريت بلاش البنت تقعد قدام للامان وربنا يخليها لك

ويخلليك يا باشا

[محمد يوسف]

إن شاء الله مايكونش فيه حاجة
طالما العربية مشيت كويس متهيألى تبقى الحمد الله ماحصلش حاجة و ممكن يكون دا نفسيا لخوفك على الفتيس
المهم بعد كده ما تخليش بنتك تقعد قدام علشان لا قدر الله مايحصلش حاجة

فعلا عندك حق يا أحمد

[محمد يوسف]

حضرتك متأكد انك جبت N مش R ؟

اصل لو انت جبت ان و انت ماشى العربية عمرها ما حتبطل مش عارف بقى مع ال R اية النظام

بس متقلقش مافيش حاجة مادام كلة تمام و متحطش فى بالك

مش أنا اللى جبت..البنت هى اللى مدت ايدها وحركت الفتيس

بس أكيد كان على N

[محمد يوسف]

من d الى n مش خطر جامد بس بلاش
أثناء الرجوع للخلف من r الى d بدون فرامل وتوقف كامل خطر و بلاش منها
الخطوره الكبرى من d الى p أو الى r
حركه واحده من دول كفيله بتكسير الفتيس
عامة لا تقم بتحريك الفتيس أى حركه من الحركات N D R P إلا والسياره متوقفه تماما وقدمك على الفرامل
ممكن تحرك الفتيس تصاعديا أثناء حركة السياره فى الأوضاع 1 2 3 D
وممنوع تحريكه تنازليا

البنت اللى حركت مش أنا

طيب يا جماعة دلونى أمنع ده ازاى-غير منع البنت- هل أدوس زرار
shift look
بتاع فتيس الغرز يمنع تحريك الفتيس؟