معدل إستهلاك البنزين

[Yones]

ازيكوا ياشباب .....حصل معايا حاجة غريبة شوية مش عارفلها تفسير.....انا معايا تويوتا ياريس 2006 مانيوال...كان مؤشر البنزين على شرطتين......دخلت محطة البنزين الموجودة فى تقاطع شارع ذاكر خسين مع شارع نجاتى سراج فى مدينة نصر....ولما كان عامل المحطة بيمون التانك لاحظت ان الشرط بتزيد لغايت الشرط الخامسة بعد كده قلت شرطة بعد شوية زادت تانى وكان المجموع كده 6 شرط فى الاخر.....بعد يومين لقيت شرطة قلت وبعدها بيوم تانى شرطة تانية قلت رغم ان مشوارى فى اليوم رايح جاى 20 كيلو والمحرك صوته ناعم وسحبه ماشاء الله حلو ومفيش دخان او ريحة بنزين من الشكمان يعنى الحرق جيد وكمان الزيت نضيف ومقاسه مظبوط....الموضوع جننى فعلا.......ناس زمايلى فى الشغل قالولى ان المحطة دى بتخلط مياه بالبنزين وحصلت معاهم ان عربياتهم اتبرجلت بعد مامونوا معا مرة....هل ده ممكن يكون السبب ؟؟.....علما بان الطريق زحمة جدا من بيتى للشغل وسواقتى مش سريعة قوى مش بزود عن 100 تقريبا كحد اقصى.......

[Yones]

ارجو الافادة يا جماعة الموضوع مهم جداااااا وقالقنى فعلا !!!!!

[Abu Alhaytham]

هو فعلا فيه بنزينات كتيير بتخلط المية مع البنزينات

بس لو انت بتمون 90 او 92 استنضف البنزينات وخليك في البنزينات الموثوق فيها المحترمة

لان دلوقتي مفيش ضمير للأسف

وبرده ممكن يكون مفيش حاجة بس خليك حريص وخد بالك من كل حاجة في العربية وربنا يباركلك فيها

[Yones]

هو فعلا فيه بنزينات كتيير بتخلط المية مع البنزينات

بس لو انت بتمون 90 او 92 استنضف البنزينات وخليك في البنزينات الموثوق فيها المحترمة

لان دلوقتي مفيش ضمير للأسف

وبرده ممكن يكون مفيش حاجة بس خليك حريص وخد بالك من كل حاجة في العربية وربنا يباركلك فيها

شكرا جدا لحضرتك....انا بمون بنزين 92 طبعا......90 للاسف اختفى من الوجود خالص بقاله كتير
بس هل وجود مياه فى البنزين ممكن مع حرارة التانك وطلمبة البنزين المياه تتبخر وتخلى العوامة معدلها ينقص ويظهر ده على المؤشر ولا ايه الحكاية من وجهة نظرك.....؟؟ انا عامة مش همون من المحطة دى تانى ابدااا

[ARKOON]

اسمها ايه المحطة ؟
كنت قريت زمان عن موضوع ان البنزين والماء كثافتهم مختلفه ومن غير الممكن انهم يختلطوا مش عارف بقى ايه النظام الايام دي : ) .
وفي سؤال تاني هوا ممكن تكون مشكلة عوامة ؟؟؟

[Yones]

اسمها ايه المحطة ؟
كنت قريت زمان عن موضوع ان البنزين والماء كثافتهم مختلفه ومن غير الممكن انهم يختلطوا مش عارف بقى ايه النظام الايام دي : ) .
وفي سؤال تاني هوا ممكن تكون مشكلة عوامة ؟؟؟

ممكن تكون بتهيس فعلا...بس محتاج انى اجرب امون من محطة تانية عشان اشوف الفرق واللى شككنى فى العوامة او المحطة ان فيه شرطة زادت بعد كده قلت بعد كده زادت....مش عارف ده تهييس ولا ايه.؟؟؟....المحطة مش متذكر اسمها ايه بالتحديد بس هيا فيها مطعم برجر كينج وموجودة فى تقاطع شارع ذاكر حسين مع شارع نجاتى سراج اللى ورا السراج سيتى مول فى مدينة نصر......
وفعلا فيه فرق كثافات....المية كثافتها فى درجة الحرارة الطبيعية 1000 كجم/ م3 والبنزين حوالى 880 كجم / م3 يعنى اقل من كثافة الميه.....هما ممكن يتحطوا على بعض بس مايمتزجوش طبعا.....زى لما بتحط زيت على مياه بيبقى موجود على الوش بس

[ARKOON]

باشا ماتقلقش الموضوع بسيط .
1- غير المحطة الى بتفول منها .
2- شيك على العوامة العربية قولت موديل 2006 يعني خدمت كتير :)
وان شاء الله محلوله .

[Yones]

باشا ماتقلقش الموضوع بسيط .
1- غير المحطة الى بتفول منها .
2- شيك على العوامة العربية قولت موديل 2006 يعني خدمت كتير :)
وان شاء الله محلوله .

شكرا لحضرتك جدا....انا فعلا حرمت امون من المحطة دى تانى.....تقريبا دى اول مرة اصلا امون منها....وان شاء الله تبقى اخر مرة
بالنسبة للموديل هيا والله ممشيتش كتير قوى لسه مكملة 70000 كيلو من كام يوم.....استخدامها مش عالى والله......اقدر اشيك على العوامة ازاى ؟؟

[ARKOON]

عند أي كهربائي كويس . هيفك الكنبة ويشوف العوامة ويشيك هوا بمعرفته :)
بس دا خليه شوية كدا يعني . جرب بعد فترة لما تمون من بنزينه تانية لو المشكلة لسه قائمة توديها لكهربائي .

[Yones]

عند أي كهربائي كويس . هيفك الكنبة ويشوف العوامة ويشيك هوا بمعرفته :)
بس دا خليه شوية كدا يعني . جرب بعد فترة لما تمون من بنزينه تانية لو المشكلة لسه قائمة توديها لكهربائي .

ربنا يخليك شكرا.....انا فعلا هستنى التفويلة الجاية ان شاء الله وربنا يكرم وميبقاش فيه مشكلة

[darkdefender]

عوامة
غير بوجيهات
نظف البوابات و حساس الهوا و فلتر الهوا
مون من بنزينة محترمة و حط منظف الرشاشات
ادعيلي بعد كدا

[Yones]

عوامة
غير بوجيهات
نظف البوابات و حساس الهوا و فلتر الهوا
مون من بنزينة محترمة و حط منظف الرشاشات
ادعيلي بعد كدا

هدعيلك من قبل مااعمل اى حاجة.....ربنا يكرمك يا باشا
بس بالنسبة لو البوجيهات فيها مشكلة كان هيبان فى شكل العادم ان الحريق غير تام والشكمان هيطلع سواد او عادم نئ فيه ريحة بنزين وده مش موجود......انا فعلا خايف انها تكون العوامة وساعتها الموضوع هيكلف كتير؟؟؟ وبالنسبة لتنظيف فلتر الهوا (مكانه معروف وواضح طبعا واكيد فكه وتركيبه سهل...بس الافى فين حساس الهوا بالظبط...على المانيفولد بعد الفلتر و لا قصدك حساس ال تى بى اس اللى على البوابة ؟؟؟
بالنسبة لمنظف الرشاشات توصى بنوع ايه واجيبه منين ....معلش بقى اسألتى كتير شوية بس انت كريم واحنا نستاهل

[darkdefender]

البوجيهات عموما بتتعب مع الوقت و فالاخر خااالص اما بنزين كتير ميتحرقش يتلعك دخان...
ممكن تطلهم تنظفهم بسبراي الكرابراتير..
طقم البوجهات الاصلي ب 75جم

حساس الماف موجود علي العلية الهوا علي طول نظفه بسبراي الكاربراتير ..

احسنهم الاس تي بي و الليكوي مولي..
هات الاس تب بي ال اسود في حدود 35-40 جم من اي بنزينة موبيل او توتال او اي بنزينة كبيرة..

البوبات عندك كهربا يعني لازم توصل كهربا الكوناكت و حد يدوس علي الدواسة عشان تفتح..

هتحس بتغير شااااسع

[darkdefender]

اه بتحط نص علبة علي فل تنك
بس اول مرة يفضل علبة كاملة علي فل تنك

موتور العربية الكمبيوتر نظاف جدا ... يعني صعب جدا تلاقيع بيطلع دخان لو ايه.... حساس الشكمان لو حس الفي وقود مش محروق علي طول عيقلل الوقود اللي داخل الموتور و يزود الهوا و لمبة الشيك تنور ....بس لو بتدور علي احسن معدل استهلاك مش لازم تستنة اما دا يحصل

[Yones]

اه بتحط نص علبة علي فل تنك
بس اول مرة يفضل علبة كاملة علي فل تنك

موتور العربية الكمبيوتر نظاف جدا ... يعني صعب جدا تلاقيع بيطلع دخان لو ايه.... حساس الشكمان لو حس الفي وقود مش محروق علي طول عيقلل الوقود اللي داخل الموتور و يزود الهوا و لمبة الشيك تنور ....بس لو بتدور علي احسن معدل استهلاك مش لازم تستنة اما دا يحصل

شكرا جدا لحضرتك على المعلومات الجميلة دى بجد......بس فعلا لمبة التشيك مش بتنور خالص غير فى بداية وضع الكونتاكت وبتختفى تماما بعدها....ان شاء الله هشترى المنظف ده وهنضف فلتر الهوا والحساسات وربنا يكرم ان شاء الله