معدل إستهلاك البنزين

[Yones]

انا فولت من محطة بنزين موبيل اللى فى الخليفة المأمون يوم الاحد اللى فات لغاية ما المسدس عمل تكة الراجل بتاع المحطة قالى اكمل ولاكفاية ( اعتقد بيبقى فيه لسه تانى) بس المؤشر كان على الشرطة التامنة (المؤشر كامل 8 شرط) اللى اسمع عنه ان الشرطة الاولى (7 لتر ) على مااظن .....والشرطة الاولى دى فضلت موجودة ومشيتنى 65 كيلو جوه البلد فى شوارع زحمة فى اتجاه الرجوع هل ده معدل كويس ؟ وهل الشرطة الاولى فى الحالة دى بتبقى 7 لتر فعلا لما البنزين بيملى التانك على الاخر لدرجة ان البنزين يطلع برة ولا كده هيا 5 لتر باعتبار ان لسه فيه شوية على كلام عامل المحطة ؟؟؟
معلش اسئلتى كتير شوية بس حابب استفسر

[darkdefender]

معلومة . مؤشر البنزين مش Linear بعني ان مش كل شرطة زي التانية يعني مش ان التنك 42 لتر تبقي 5.25 لتر..

الشرطات اولي بتبقي اقل و العربية بتنور اخر شرطة فيها حوالي 7-8 لتر...

الحل الوحيد انك تعرف استهلاكك انك تفول تاني و تخصم الفرق

[mzowail]

عندي ياريس 2008 اوتو بتعمل بردو نفس الموضوع. بس عادي مش ازمه اوي. انا كان عندي ميجان الموئشر بيطلع الربع بعد التفويله :)

[Yones]

شكرا ياشباب على الردود ...... بس برضه حابب اعرف هل ده استهلاك معقول بالنسبة لاول شرطة ولا ايه ؟؟؟

[darkdefender]

لازم اعرف انت استهلكت قد ايه بظبط عشان اقلك كويس ولا لاء

[Yones]

لازم اعرف انت استهلكت قد ايه بظبط عشان اقلك كويس ولا لاء

ما انا بقول لحضرتك الشرطة الأولى فضلت معايا من 0 كيلو متر لغايت 65 كيلو متر على عداد ال Trip واختفت عند 65 كيلو متر

[darkdefender]

حضرتك مش فهمني انا قصدي اول لاما مثلا الشرطة التانية تروح روح فول تاني و اعرف انت استهلكت كام بظبط...
سواقة داخل المدينة مختلفة تماااامااا مفيش مقياس ليها لان زحمة غير زحمة تفرق ,زحمة فالحر تفرق,زحمة بالتكيف فالحر تفرق اكتر..

معدل دا مش وحش بس هيوضح اكتر اما تفول تاني و تحسب بالظبط

[Yones]

حضرتك مش فهمني انا قصدي اول لاما مثلا الشرطة التانية تروح روح فول تاني و اعرف انت استهلكت كام بظبط...
سواقة داخل المدينة مختلفة تماااامااا مفيش مقياس ليها لان زحمة غير زحمة تفرق ,زحمة فالحر تفرق,زحمة بالتكيف فالحر تفرق اكتر..

معدل دا مش وحش بس هيوضح اكتر اما تفول تاني و تحسب بالظبط

أوكى انا فهمت قصدك...... عامة انا مش بشغل التكييف لان الجو اتحسن بس الشوارع بتبقى زحمة جدا

[Yones]

أنا فولت انهارده وقولت اشوف العربية هتاخد قد ايه بعد موضوع تعليق العوامة.....دخلت محطة بنزين موبيل وقولتله فول....خدت 23 لتر وكانت ماشية على ال Trip حوالى 223 كيلو متر من اخر تفويلة......معدل الاستهلاك كده عالى ؟؟؟ علما بان الطريق زحمة جدا يوميا والاستخدام بالكامل داخل المدينة

[darkdefender]

يعني 10.3 لتر لكل 100 كم
بالنسبة لجوة المدينة و اوتو مش وحش بس اليارس ممكن تعمل احسن مم كدا...
جربت منظف الرشاشات?

[Yones]

يعني 10.3 لتر لكل 100 كم
بالنسبة لجوة المدينة و اوتو مش وحش بس اليارس ممكن تعمل احسن مم كدا...
جربت منظف الرشاشات?

انا معايا مانيوال مش أوتو..... ولسه مجربتش منظف الرشاشات

[darkdefender]

يبقي عالي نسبيا بس جرب المنظف هيفرق جامد هتحسس بيه فساعتها صوت المتور هيختفي و العربية هتفوق جامد و الاستهلاك هيقل جامد...

سؤال تاني لزوجة الزيت المستخدمة اية؟

[Yones]

يبقي عالي نسبيا بس جرب المنظف هيفرق جامد هتحسس بيه فساعتها صوت المتور هيختفي و العربية هتفوق جامد و الاستهلاك هيقل جامد...

سؤال تاني لزوجة الزيت المستخدمة اية؟

هو الزيت لونه كويس ولزوجته معفولة..... اعتقد زيت معدنى موبيل 1 مش تخليقى

[darkdefender]

الزيت ليه دور كبير في استهلاك البنزين و اداء الموتور و لو هو فعلا معدني فاغالبا 20w-50 و دا بيزود الاستهلاك فاليارش مش اقل من 20% عن موبيل وان الاخضر ال 5w-30

[Yones]

الزيت ليه دور كبير في استهلاك البنزين و اداء الموتور و لو هو فعلا معدني فاغالبا 20w-50 و دا بيزود الاستهلاك فاليارش مش اقل من 20% عن موبيل وان الاخضر ال 5w-30

طيب يبقى كده اغير الزيت ولا استخدم المنظف وبالنسبة للزيت سعره قد ايه تقريبا ؟؟
معلش تعبتك معايا