..:: الفرق ف العفشة الخلفية لتويوتا كورولا 2014 المصرى والخليجى ::..

[abofandy]

فعلا الدنجل أو عمود الإلتواء مختلف في الإتنين تماما وواضح في الصورة المصري إن فيه بنط صاروخ لحام في الشاسيه حتى متدهنتش
لو زي مانا متخيل إن الدنجل في النسخة المصري زي بتاع النيسان يبقى أسوأ مش أفضل

الدنجل ثابت يا باشا مفيش فية اختلاف
بنط اللحام المعموله اكيد مش انا الى عاملاها ف عربيتى
البنط بتتحط ف الشاسية وفية بنط هتلاقيها ف مكان الاستبن ومتغطيه بالعازل او البتوماين
العفشة تورشيم بيم ف الاتنين ولكن اختلاف مكان السوسته والمساعد

[BlueBird]

راشش اية يا فندم حرام عليك
اتق الله
العربية عربيتى وموديل السنه يعنى اكيد مش هرشها ولا اضحك عليها فيها وخدتها مرشوشه
الكورولا كلها معزوله من الاسفل علشان العزل وكل الطبات مقفوله
وحضرتك تقدر تتاكد لو نزلت تحت اى كورولا جديدة وهتعرف ان كلام صح

اتمنى من حضرتك تحرى الدقة ف المعلومه لان الى اعرفه عن حضرتك ف مواضيعك بتتحرى الدقه فاتمنى ف الردود كمان يبقى فية دقة علشان الى بيشاهد الموضوع مش عارف حاجة واكيد حضرتك مش من ملاك العربية فبلاش تقول معلومه غير ماكدة لانها ممكن تخدع او تغير راى واحد وف الاخر يندم

تحياتى لحضرتك

يا عزيزي أنا 19 سنة في السيارات وبالتحديد في مجال تأجير السيارات وبتكلم وأنا واثق من كلامي وبكرر كلامي مستحيل سيارة تنزل الخليج بهذا الشكل والعزل فوق الطبة المطاط !! فقط بتحصل في محلات العناية بالسيارات وقيمة العزل 1000 ريال تقريبا .ومع ذلك بدخل منتداكم الجميل وبحاول أتعلم منكم ولكن انا بكلمك على حاجه انا بشوفها بعيني ودي صورة أنهارده وانا بجرب كورولا 2015 [IMG][/IMG]

[أحمد عبدالسلام]

يا عزيزي أنا 19 سنة في السيارات وبالتحديد في مجال تأجير السيارات وبتكلم وأنا واثق من كلامي وبكرر كلامي مستحيل سيارة تنزل الخليج بهذا الشكل والعزل فوق الطبة المطاط !! فقط بتحصل في محلات العناية بالسيارات وقيمة العزل 1000 ريال تقريبا .ومع ذلك بدخل منتداكم الجميل وبحاول أتعلم منكم ولكن انا بكلمك على حاجه انا بشوفها بعيني ودي صورة أنهارده وانا بجرب كورولا 2015 [img][/img]

ما شئ طبيعي ان العربية اللي توكيلها في الخليج بيستنتن ينزلها بكماليتها الاصلية و بينزلها باوبشنز فقيرة مينزلهاش بعزل سفلي،، اكيد ابوفندي مش هيكدب علينا و يكون راششها بنفسه و يقولنا العربية جاية كدة

[تويوتا افريقي]

لا الموظوع ده مفروغ منه المصري يكسب في الثبات لان روسيا واروبا ماشيين على نفس العفشه يعني الافظل عالميا هو المساعد منفصل عن الياي بس انا عايز حد يقولي العفشه الاماميه مختلفه ولا هي هي

[BlueBird]

ما شئ طبيعي ان العربية اللي توكيلها في الخليج بيستنتن ينزلها بكماليتها الاصلية و بينزلها باوبشنز فقيرة مينزلهاش بعزل سفلي،، اكيد ابوفندي مش هيكدب علينا و يكون راششها بنفسه و يقولنا العربية جاية كدة

يا أستاذ احمد عبد السلام أنا مستحيل اتهم احد بالكذب لان ابوفندي اخ محترم زي كل أعضاء المنتدى وأنا كلامي واضح وقلت مستحيل سيارة تنزل الخليج بالشكل ده يعني ممكن تنزل مكان تاني وبعدين لو فرضا هو اللي رش الحماية هل دا عيب والا غلط !?? معظم الناس اللي بعرفهم بيطلع السيارة من الوكالة على محلات الحماية على طول.

[أحمد عبدالسلام]

يا أستاذ احمد عبد السلام أنا مستحيل اتهم احد بالكذب لان ابوفندي اخ محترم زي كل أعضاء المنتدى وأنا كلامي واضح وقلت مستحيل سيارة تنزل الخليج بالشكل ده يعني ممكن تنزل مكان تاني وبعدين لو فرضا هو اللي رش الحماية هل دا عيب والا غلط !?? معظم الناس اللي بعرفهم بيطلع السيارة من الوكالة على محلات الحماية على طول.

تمام يبقي كدة احنا متفقين.

[abofandy]

يا عزيزي أنا 19 سنة في السيارات وبالتحديد في مجال تأجير السيارات وبتكلم وأنا واثق من كلامي وبكرر كلامي مستحيل سيارة تنزل الخليج بهذا الشكل والعزل فوق الطبة المطاط !! فقط بتحصل في محلات العناية بالسيارات وقيمة العزل 1000 ريال تقريبا .ومع ذلك بدخل منتداكم الجميل وبحاول أتعلم منكم ولكن انا بكلمك على حاجه انا بشوفها بعيني ودي صورة أنهارده وانا بجرب كورولا 2015 [img][/img]

هو انت لية مش عايز تفهمنى او مصمم انك مش قادر اوصلك المعلومه الصح
العربية الى فيها عزل من الاسفل ............ هى المصرى
العربية الى مفيش فيها عزل من الاسفل ......... هى الخليجى
كدة وصلت
المعلومه التانيه
العزل السفلى للمصرى دى نازل من تركيا كدة نازل من المصنع كدة زى ما نازل ف النسخة الامريكى و روسيا علشان العزل السفلى عندهم مهم ناهيك عن العزل ف الكابينه من الضوضاء ولكن علشان الثلوج والمياه وكدة فلازم يبقى فية عزل

فهمتنى ولا لا ؟

[swimmer25]

الدونجل واحد الفرق في توزيع مكان السوستة و المساعد و معروفة ان المساعد بيبقا خارج السوستة لبرة بيبقا اثبت من ان ااسوستة و جواها مساعدو لكن علي حساب النعومة و للتأكيد عد عدد لفات السوستة في النشختين هتلاقي الخليجي ستستة اطول و ده بيقلل الثبات و يزود الراحة في المطبات الصورة واضحة جدا و معبرة

الدنجل ثابت يا باشا مفيش فية اختلاف
بنط اللحام المعموله اكيد مش انا الى عاملاها ف عربيتى
البنط بتتحط ف الشاسية وفية بنط هتلاقيها ف مكان الاستبن ومتغطيه بالعازل او البتوماين
العفشة تورشيم بيم ف الاتنين ولكن اختلاف مكان السوسته والمساعد

1- الدنجل في الصورة الأولى فتحته للأسفل وفي الثانية فتحته للخلف وبالتالي مش زي بعض بالظبط ومحتاج شوية قراية عن أنهي فيهم يؤدي إلى ثبات أعلى
2- موضوع البنط أنا أقصد مكان صاروخ اللحام واضح في الصور في الدائرة الحمراء دي ودي حاجة سلبية للنسخة المصري إنها تنزل بالشكل ده
3- حد يعرف إيه هو التعديل بالظبط اللي بيحصل للعربية عشان الوكيل يعليها؟ ولا كله بيقول الوكيل عمل تعديل للتعلية وببلاش ومحدش سأل على التفاصيل؟

[أحمد عبدالسلام]

1- الدنجل في الصورة الأولى فتحته للأسفل وفي الثانية فتحته للخلف وبالتالي مش زي بعض بالظبط ومحتاج شوية قراية عن أنهي فيهم يؤدي إلى ثبات أعلى
2- موضوع البنط أنا أقصد مكان صاروخ اللحام واضح في الصور في الدائرة الحمراء دي ودي حاجة سلبية للنسخة المصري إنها تنزل بالشكل ده
3- حد يعرف إيه هو التعديل بالظبط اللي بيحصل للعربية عشان الوكيل يعليها؟ ولا كله بيقول الوكيل عمل تعديل للتعلية وببلاش ومحدش سأل على التفاصيل؟

1_ مش هتفرق في حاجة العدلة بتاعة الدونجل، وضع السوستة في النسخة المصري هي اللي حكمت علي عدلت الدونجل انها تبقي في اتجاه اخر مراعاة لاماكن تثبيت السوست،، و بعدين تويوتا مهياش بالغباء ده يعني عشان تخرج السوستة برة المساعد عشان تزود الثبات و تخلي الدونجل في عدلته ديه يجي يقلل الثبات يا فرحتي هيكون ولا كانهم عملوا حاجة ايه اللي فرق طب ما كانوا اسهلهم يخلوا النسخة المصرية زي النسخة الخليجي بافتراض ان الخليجي كان اثبت.

2 _ انا مش فاهم ايه العيب في كدة طالما ملهاش اثر سلبي علي هيكل السيارة و بعدين ده اسفل السيارة يعني محدش بيشوفوا اساسا.

3_ التعديل هو تغيير 4 مساعدين و 4 سوست وكوبلن مش فاكر القصير ولا الطويل و الادمنز هم اساسا اللي معرفني المعلومة ديه من زمان و الموديلات الجديدة بتنزل متعلية جاهز.

[1000 مبروك]

اللي باين في الصور إن العربيتين معزولين من تحت بس عزل الخليجي انضف من عزل المصري

[abofandy]

1_ مش هتفرق في حاجة العدلة بتاعة الدونجل، وضع السوستة في النسخة المصري هي اللي حكمت علي عدلت الدونجل انها تبقي في اتجاه اخر مراعاة لاماكن تثبيت السوست،، و بعدين تويوتا مهياش بالغباء ده يعني عشان تخرج السوستة برة المساعد عشان تزود الثبات و تخلي الدونجل في عدلته ديه يجي يقلل الثبات يا فرحتي هيكون ولا كانهم عملوا حاجة ايه اللي فرق طب ما كانوا اسهلهم يخلوا النسخة المصرية زي النسخة الخليجي بافتراض ان الخليجي كان اثبت.

2 _ انا مش فاهم ايه العيب في كدة طالما ملهاش اثر سلبي علي هيكل السيارة و بعدين ده اسفل السيارة يعني محدش بيشوفوا اساسا.

3_ التعديل هو تغيير 4 مساعدين و 4 سوست وكوبلن مش فاكر القصير ولا الطويل و الادمنز هم اساسا اللي معرفني المعلومة ديه من زمان و الموديلات الجديدة بتنزل متعلية جاهز.

الشكر ليك يااحمد عبد السلام ع الرد وفرت عليا كلام كتير
بس لو تسمحلى اضيف نقطة
وهى التعديل كان
4 مساعدين
4 سوست
وكوبلن شمال فقط
التكلفة 12.000 جنيه والتوكيل تكفل بالمبلغ بدون ما يكلف العميل جنيه واحد

[abofandy]

3- حد يعرف إيه هو التعديل بالظبط اللي بيحصل للعربية عشان الوكيل يعليها؟ ولا كله بيقول الوكيل عمل تعديل للتعلية وببلاش ومحدش سأل على التفاصيل؟

اكيد كلنا سالنا عن اية الى تم تعديلة بالضبط .. مش رايحين نعدل العربية وخلاص
وفرحنا وهيصنا ان العربية اتعدلت ودورنا العربية وجرينا وخلص الليلة ع كدة

العربية اتغير ليها القطع الى حضرتك قولت عليها
ولو حضرتك متابع معايا هتلاقينى نقلت للمنتدى التعديل من داخل الورشة
وعرفت حضرتك اية الى اتغير بالضبط ف العربية
وحتى جبت البارت نمبر بتاع المساعد وبلد الصنع كانت اسبانيا وكانت بنفس البارت نمبر بتاع النسخة المعدله من المصنع
ولو تابعت اكتر هتلاقينى قولت ان طول المساعد والسوسته بالارتفاع الجديد مش حاجة مخصصة لمصر لا اطلاقا دى كانت مجربه قبل كدة لان النسخة الى بتنزل ف روسيا بتنزل بالارتفاع 15 سم


ودى الموضوع بتاريخ التعديل الى انا عملت لعربيتى وحكيت فيها كل حاجة حصلت وبالصور
وقولت اية الى اتغير مش رحت عدلت وجيت فرحان وخلاص

http://www.nilemotors.net/Nile/426249-2014.html

[swimmer25]

1_ مش هتفرق في حاجة العدلة بتاعة الدونجل، وضع السوستة في النسخة المصري هي اللي حكمت علي عدلت الدونجل انها تبقي في اتجاه اخر مراعاة لاماكن تثبيت السوست،، و بعدين تويوتا مهياش بالغباء ده يعني عشان تخرج السوستة برة المساعد عشان تزود الثبات و تخلي الدونجل في عدلته ديه يجي يقلل الثبات يا فرحتي هيكون ولا كانهم عملوا حاجة ايه اللي فرق طب ما كانوا اسهلهم يخلوا النسخة المصرية زي النسخة الخليجي بافتراض ان الخليجي كان اثبت.

أنا مقلتش أنهي فيهم أثبت لأني معرفش أنا بس بحط إحتمالات
إحتمال كبير جدا إنها هتفرق عدلة الدنجل واللي يقولنا كدا مهندس ميكانيكا أو خبير سيارات أو يكون فيه بحث على النت
أما بالنسبة لإستشهادك إن تويوتا مش بالغباء إنها تحط السوستة منفصلة وتعمل حاجة جنبها تقلل الثبات..
مانا ممكن بردو أقولك العكس إنه ممكن يكون الدنجل ده أقل في الثبات بس نزلوه كدا عشان الإرتفاع يكون أكبر فبالتالي تويوتا عملت السوستة برا عشان تحاول توازن الثبات شوية

2 _ انا مش فاهم ايه العيب في كدة طالما ملهاش اثر سلبي علي هيكل السيارة و بعدين ده اسفل السيارة يعني محدش بيشوفوا اساسا.

طبعا فيه أثر سلبي وهو الصدأ...يا فندم المكان مش معزول بعد اللحام وبالتالي معنى كدا إن ده عيب تقفيل أكنك سمكرت جزء في السيارة ومدهنتوش

3_ التعديل هو تغيير 4 مساعدين و 4 سوست وكوبلن مش فاكر القصير ولا الطويل و الادمنز هم اساسا اللي معرفني المعلومة ديه من زمان و الموديلات الجديدة بتنزل متعلية جاهز.

دي معلومة مكنتش أعرفها

[swimmer25]

اكيد كلنا سالنا عن اية الى تم تعديلة بالضبط .. مش رايحين نعدل العربية وخلاص
وفرحنا وهيصنا ان العربية اتعدلت ودورنا العربية وجرينا وخلص الليلة ع كدة

العربية اتغير ليها القطع الى حضرتك قولت عليها
ولو حضرتك متابع معايا هتلاقينى نقلت للمنتدى التعديل من داخل الورشة
وعرفت حضرتك اية الى اتغير بالضبط ف العربية
وحتى جبت البارت نمبر بتاع المساعد وبلد الصنع كانت اسبانيا وكانت بنفس البارت نمبر بتاع النسخة المعدله من المصنع
ولو تابعت اكتر هتلاقينى قولت ان طول المساعد والسوسته بالارتفاع الجديد مش حاجة مخصصة لمصر لا اطلاقا دى كانت مجربه قبل كدة لان النسخة الى بتنزل ف روسيا بتنزل بالارتفاع 15 سم


ودى الموضوع بتاريخ التعديل الى انا عملت لعربيتى وحكيت فيها كل حاجة حصلت وبالصور
وقولت اية الى اتغير مش رحت عدلت وجيت فرحان وخلاص
http://www.nilemotors.net/nile/426249-2014.html

انا أسف على الهجوم في النقطة دي لأني كنت فاكر نفسي متابع القسم بس مخدتش بالي من موضوعك
سؤال صغير..إيه علاقة الكوبلن بالإرتفاع وإشمعنى الشمال بس؟

[MOTOR HEAD]

هى كل الكرولا المصرى فيها اللحام ده بردو و لا لأ

لو موجود ايه لزمته ؟