اجيب ال 2016 .....السعر وصل 200. ولا ابص للاوكتافيا

[dr_afify238]

ارجو المساعده لو سمحتم احبائنا
معايا كورولا 2012 كامله الهاي لاين
وهي جايبالي 165،000

عاوز اجيب الكورولا 2016
كلمت الوكيل قالي 200،000
كده كتير ....والفرق بين العربيتين يستاهل
ولا اعمل ايه....في ناس بتقولي هات اووكتافيا بقي طالما السعر بقي كده
وهل كده سعر بيع الكورولا حلو ولا استني شويه
شكرا للجميع

[AymanEF]

انتا عندك كورولا هتجيب كورولا تانى غير و شوف رينو فلونس ولا مازدا 3

[dr_afify238]

انتا عندك كورولا هتجيب كورولا تانى غير و شوف رينو فلونس ولا مازدا 3

انا بصراحه مفكرتش فيهم خالص....غير ان الناس بتخوفني منهم علشان سعر بيعهم بعد كده
انت قلبتلي دماغي
هبص عليهم

[unl0veable]

ربنا يوفقك للخيران شاء الله

[dr_afify238]

ساعدوني في الاختيار لاهل الخبره

[mazen56]

سعر البيع حلو وانا رأيي زي صاحبك خليك في الاوكتافيا احسن

[wael30003]

خليك فى الاوكتافيا

[M.Elwan]

اتفرج علي المازدا ٣ بس الهاي لاين واوكتافيا الفئة التانيه
وقارن بنفسك

[eng_amg]

بصراحة سعر التويوتا مبالغ فيه جداااااااااا وكمان تقفيل تركي. أمال لو ياباني كانت وصلت نصف مليون!!!!!!!
رأيي الأوكتافيا طبعا.. أداء أعلى بلا منازع ولا وجه شبه.. وشياكة وفخامة أعلى بكتير.

[Amr.Fathy]

نصيحة متفرطش فى العربية اللى معاك
الكورولا غالية
اوكتافيا فى مشاكل فى الموتور و مع الوكيل
مازدا 3 مش منتشرة

[ادهم محمد]

بصراحة العربيتين احلى من بعض وربنا يوفقك لما فية الخير

[TeMoON]

نصيحة من اخ ليك معلوماتة على ادة
الاوكتافيا مش حلوة وعربية فيها مشاكل كتير وانا مشترك فى جروب الاوكتافيا والتوكيل معاملتة زبالة مع مالكى العربية
الناس لما اشترت الاوكتافيا الجديدة اشترتها على حس الفانتازيا الى كانت شبة نادرة ومعدومة العيوب والجديدة فيها عيوب وكتير
سعر الاوكتافيا الجديدة انهاردة فى التوكيل تانى فئة فى حدود 240000 ودا عن لسان ناس فى جروب الاوكتافيا كانو فى التوكيل
سيبك من الى يقولك دى تركى ووحشة والكلام دا الشركات دى عندها جودة فى شغلها لا يمكن تتنازل عنها وبالذات فى تويوتا
الفلوانس الى احد الاعضاء نصحك بيها تركى وكانت فى 2014 فى عيب ظهر فى كذا عربية منها ان العربية بتسرب زيت وتم تغير الموتور بالكامل
بالنسبة للمازدا انا ملاحظ انها منتشرة فى الشارع وعربية يابانى بس يعيبها ان الموتور والفتيس تكنولوجيا قديمة بس نادرة الاعطال يعنى موتور 105 حصان مع فتيس 4 نقلات مع كمية كماليات لات نعد ولا تحصى مع راحة فى الركوبة
اعيب عليها انها مع غبور
نصيحة بدام انت راكب تويوتا وفاهم التويوتا خليك فى التويوتا واسال ملاكها عنها لو فيها مشاكل ولا لا وشوف انت وحدد لان انت الى هتركب العربية مش حد تانى ولاننا مش كل سنة بنغير عربية فا حدد متطلباتك وحدد احيتاجاتك وروح للى انت مرتاح لية بس بما انك راكب يابانى انت عارف يعنى اية عربية اعتمادية
ومبروك مقدما باذن الله على العربية الجديدة وربنا يكفيك شرها

[Cybercrash_m]

نصيحة من اخ ليك معلوماتة على ادة
الاوكتافيا مش حلوة وعربية فيها مشاكل كتير وانا مشترك فى جروب الاوكتافيا والتوكيل معاملتة زبالة مع مالكى العربية
الناس لما اشترت الاوكتافيا الجديدة اشترتها على حس الفانتازيا الى كانت شبة نادرة ومعدومة العيوب والجديدة فيها عيوب وكتير
سعر الاوكتافيا الجديدة انهاردة فى التوكيل تانى فئة فى حدود 240000 ودا عن لسان ناس فى جروب الاوكتافيا كانو فى التوكيل
سيبك من الى يقولك دى تركى ووحشة والكلام دا الشركات دى عندها جودة فى شغلها لا يمكن تتنازل عنها وبالذات فى تويوتا
الفلوانس الى احد الاعضاء نصحك بيها تركى وكانت فى 2014 فى عيب ظهر فى كذا عربية منها ان العربية بتسرب زيت وتم تغير الموتور بالكامل
بالنسبة للمازدا انا ملاحظ انها منتشرة فى الشارع وعربية يابانى بس يعيبها ان الموتور والفتيس تكنولوجيا قديمة بس نادرة الاعطال يعنى موتور 105 حصان مع فتيس 4 نقلات مع كمية كماليات لات نعد ولا تحصى مع راحة فى الركوبة
اعيب عليها انها مع غبور
نصيحة بدام انت راكب تويوتا وفاهم التويوتا خليك فى التويوتا واسال ملاكها عنها لو فيها مشاكل ولا لا وشوف انت وحدد لان انت الى هتركب العربية مش حد تانى ولاننا مش كل سنة بنغير عربية فا حدد متطلباتك وحدد احيتاجاتك وروح للى انت مرتاح لية بس بما انك راكب يابانى انت عارف يعنى اية عربية اعتمادية
ومبروك مقدما باذن الله على العربية الجديدة وربنا يكفيك شرها

بص انا عندي نفس الحيره... كنت ناوي عالاوكتافيا بس طبعا السعر جنان ٢٤٣٠٠ للفئه التانيه والكورولا كده سعرها كتير شويه بس هنعمل ايه .......
الفلوينس في ناس كتير رشحتهالي وهي فعلا سعرها حلو علي اوبشناتها بس انا خايف منها.. لو ممكن حد ينصحنا

[hilal]

اسمحولي أنا أختلف معكم
التويوتا قطعة من الذهب
سيادتك جربت بنفسك ، شوف كنت شاريها بكام ، وركبتها قد إيه ، وجابت لك سعر كام

ولو حبيت تبيع هتتخطف منك
أعطال مفيش
استهلاك بنزين لا يقارن بأي سيارة أخرى
نصيحة لا تغامر

[AHMEDJUDDY]

خليك فى التويوتا . الاوكتافيا الجديده بقت .... فستك .... بتتباع على حس الفانتازيا
بس أي كلام .. عاديه يعني و سعرها مغالي فيه اوى .. عامله زي القشقاي الجديده
مش موجوده في التوكيل خالص و مفيش حجز حتى .. والمعارض بتستهبل في الأسعار
... سمير ريان بقا بيبيعها الهاي لاين اللي سعرها الرسمي 235 الف وصلت 275 الف
عربيه 1200cc تتباع بالسعر ده !!!!!!